تويوتا , 70 عاما من التقليد!

[tutankhamoun]

تويوتا الأولى عالميا في إنتاج السيارات

رغم تراجع مبيعات شركة تويوتا العملاقة لصناعة السيارات قليلا و إحلال المجموعة العالمية الأمريكية "جنرال موتورز " مكانها كأول أكبر منتج عالمي لسنة 2007 إلا أنها تفوقت عليها في الإنتاج العالمي من السيارات .
و أظهرت الاحصائيات الأخيرة لإنتاج الشركتين من السيارات أن تويوتا سجلت إنتاج و تصنيع أقل من 9.5 مليون سيارة خلال العام 2007 أي بزيادة قدرها 5.3 % عن العام الذي يسبقه
و يزيد إنتاج تويوتا بحدود 213 ألف سيارة عما أنتجته منافستها الأمريكية و الذي بلغ 9.284 مليون سيارة خلال العام المذكور وفقا لوكالة أسوشيتد برس الأمريكية .
و كانت تقارير صحفية نقلت في ديسمبر الماضي أن قطب صناعة السيارات الياباني يخطط لرفع إنتاجه العالمي بقرابه 10 ملايين سيارة العام المقبل ليتفوق بذلك على غريمه الأمريكي جنرال موتورز
و يعكس قرار رفع كمية الانتاج هو ازدهار مبيعات تويوتا في عدد من الأسواق الهامة في العالم مثل الصين و الشرق الأوسط بجانب الدول الأخرى التي يشهد اقتادها نموا مطردا
و أفادات شركات يابانية أخرى بزيادة إنتاجها العالمي مثل هوندا و سوزوكي و ميتسوبيشي
إلا أن مازدا هي الشركة اليابانية الوحيدة التي أنخفض انتاجها عالميا عام 2007
و على صعيد المبيعات و ليس الإنتاج تفوقت جنرال موتورز على تويوتا ب 3000 سيارة فقط لا غير ....
و بلغ إنتاج هوندا من السيارات 3.91 مليون سيارة بزيادة 7.7 % و بذلك يتواصل الزيادة في الإنتاج على المستوى العالمي للسنة رقم 11 على التوالي مما يعكس نجاح الشركة عالميا
و قفز إنتاج نيسان التي وقعت اتفاقية شراكة مع رينو الفرنسية بنسبة 6.2 % حيث بلغ إنتاجها 3.43 مليون سيارة و ذلك بسبب الزيادة في الطلب على السيارتين أنفنيتي جي 35 و جي 37
و بلغ إنتاج شركة ميتسوبيشي خلال العام المنصرم 1.41 مليون سيارة في حين تقلص إنتاج مازدا التي تمتلك فورد الأمريكية 33.4 % من أسهمها بنسبة 1.9 % ليقف إنتاجها عند 1.29 مليون سيارة فقط
-----------------------------------------------
من اﻵن فصاعد سأرد بالأرقام و الحقائق فقط على كل مدعي بأن السيارات اليابانية سيئة
و لن يكون هناك ردود عائمة مثل بعض الأشخاص ...... سيكون كل رد مني مدعم بحقائق و أرقام و مصادر معلومات بالإضافة لشهادة أصحاب السيارات اليابانية أنفسهم

[فادى]

"للعلم سيدي المغرب ليست كما تقول لا جغرافيا و لا سياسيا
شركه لاراكي تنتج منتج بتصنيع المحرك من انتاج شركه مغربيه
ووصلت فيه لاقصى درجات التكنولوجيا بعد استقدام و اتفاق بينها و بين مرسيدس و فيراري لاستقدام مهندسين يعملون لديها
و صدقني

منتج مصر اقل من جوده منتج المغرب 1000000000000 مره على الرغم من اني مصري تماما ولكن الحق يقال

و بالنسبه للهيبريد فهو موجود ايضا في اوروبا و اسيا و حتى فالشرق الاوسط
فهناك شركه ستبنى بين المملكه العربيه السعوديه و شركه لوتس لتصنيع سياره فخمه جدا و بالمحرك الهجيني لا البترولي
و هي تهم الشركات الاوروبيه كثيرا
اكثر مما تعتقد او تتخيل
و الدليل الانفاقات ببزخ لدى بي ام و فولكسفاجن و مرسيدس لتصنيعها و خرجت مرسيدس ب تقنيه ال بلوتك
في ال "

لا يا سيدى بلدك متقدمة جدا فى مجال الصناعات الثقيلة و تجميع السيارات و هى الأفضل فى المنطقة.
و المغرب كل انجازاتها فى هذا المجال هو تجميع بعض سيارات رينو, و هذا هو أشهر ما فعلته.
و معرفش حضرتك امتى ركبت عربية مغربى عشان تؤكد بكل ثقة انو المغربى أحسن من المصرى!!
لو حضرتك بتتكلم عن المحاولات العربية لتصنيع سيارة كاملة, فلا يمكننا أن نذكر سوى ثلاث محاولات أساسية, من ليبيا, و مصر و سوريا مؤخرا حيث انتجت سيارة 4*4 صغيرة بمحرك من رينو.
و الأكثر جدية كان فى المصر التى تصنع أجزاء كثيرة من السيارات مثل الشاسيهات, و المحركات و مختلف مكونات السيارة و تصل نسبة التصنيع المحلى الى 80% فى بعض سيارات النقل.
و لا تنسى أن لدينا مصنع للمحركات فى حلوان, يصنع محركات الديزل و كان فى السابق يصنع محرك ال1500 الخاص بالسيارة بولونيز و فيات 125.
ده غير صناعة الجرارات الزراعية المتقدمة جدا فى مصر.
مغرب ايه حضرتك اللى انت بتقوللى عليها؟؟!
أما لو عايز بقى نطلع من صناعة السيارات و نقارن بين العملاق الشرق أوسطى و المغرب فممكن بس مش عايزين نطول.
و يا ريت الاخوة الأعضاء بدل ما هما عمالين يقرو عن اليابان و الصناعة اليابانية يقرو شوية عن مصر بلدهم.

"و بالنسبه للديزل
اليابان لا تنتج محركات كثيره منه و لكنها محركات قويه جدا"

اليابان لا تصنع مضخات ديزل بل تستوردها من بوش الألمانية!! ما هو الجيد فى محركات الديزل اليابانية حضرتك؟؟!!
و على أى أساس تقيم المحركات؟؟

"و محرك نيسان الاسطوري اللي نصبه الاوربيين و الامريكان و حتي اهل بيت مرسيدس
Autobild

من افضل 10 محركات في العالم ل8 سنوات علي التوالي

بس يا استاذ فادي قبل ما تتكلم علي الشركات اليابانيه "

يا عم أسطورى ايه بس؟؟ بلاش الكلام الكبير ده الله يخليك, الناس بتخاف.:)
زمان كانو بيقولو انو محركات أودى هى أحسن محركات, و لكن محركات أودى تدهورت بشكل كبير حاليا, و لكن كله كلام "عايم" مفيش حاجة اسمها محرك أحسن و محرك وحش, كل محرك بحسب قوته و حجمه و كفاءته, و انخفاض استهلاك البنزين أو ارتفاعه ليس دلالة على كفاءه المحرك بالضروره, ان لم يكن دليلا على العكس. و المحركات كلها أساسها واحد كل اللى بيحصل لعب حول المحرك.

"و المحرك الجديد لسكاي لاين من انفنتي Vq38hr"
ما قولتلك بلاش الحروف الانجليزى الى بترصهملى كل مرة, يابنى كلو هبل فى هبل عشان الناس تشترى و خلاص, كلها اختراعات قديمة أو تطويرات طفيفة يتم اعادة صياغتها( كعادة اليابانيين فى اعادة صياغة التقنيات الأوروبية الفاشلة) , ثم يتم اختيار عدد من الحروف الأبجدية لتعبر عن هذه التقنية, و يتم كتابتها على مؤخرة السيارة! ده الموضوع.

أما بالنسبة لموضوع الهيبريد فهى مجرد دمج بين سيارة كهربائية و محرك احتراق داخلى عادى, و هى تقنية لم تثبت نجاحها كثيرا, و جاءت نتيجة لخضوع الشركات للهيئات التى تدعو الى خفض استهلاك الوقود و الحفاظ على البيئة, و تفتقد الى الانتشار, و تقريبا ليس هناك سوى سيارات معدودة من جنرال موتورز و تويوتا هى التى تعمل بتلك التقنية, و معظمها ليست للانتاج التجارى. و لا أعتقد أن مستقبل تلك التقنية جيد, بل أعتقد أنها سوف تختفى مثلها مثل مئات من التقنيات الفاشلة التى تظهر لفترة و تختفى و تعود الشركات الى الشكل الصحيح و الأساسى لصناعة السيارة, محرك الاحتراق الداخلى التقليدى الذى لن يموت أبدا.

[mohameduoser]

I am in Slovakia now working in a telecom project with orange and from people point
Of view cars are same (japans, Korean, European,) If they are in same category and with same option but you can’t compare Mercedes S with Skoda Octavia for example
What I mean is not all japans car is good or all bad it depend on the model and price
Also if you notice that all gulf area prefer japans cars beacise they provide them with a very good cars quality

[PRO-DRIVE]

اليابان لا تصنع مضخات ديزل بل تستوردها من بوش الألمانية!

طيب ما دام معلوماتك غزيره كدا مرسيدس و فولكس جرووب و جنرال موتورز كلها

بتاخد مضخات الديزل من مين :) و ارجو الاجابه و عدم التطنيش

زمان كانو بيقولو انو محركات أودى هى أحسن محركات, و لكن محركات أودى تدهورت بشكل كبير حاليا, و لكن كله كلام "عايم" مفيش حاجة

عشان متعرفش التقييم بيتعمل ازاي بيجيبوا كل المحركات و عليها نفس نوع الزيت و نفس نوع الوقود و يشغلوها متواصل علي اعلي دورات

اكثر محرك يصمد لاطول وقت فهو الافضل الكلام مش عايم انت اللي كلامك كله عايم

ما قولتلك بلاش الحروف الانجليزى الى بترصهملى كل مرة

اعملك ايه روح قول لنيسان متسميهوش كدا دي مشكلتك انت مش مشكله الناس اللي بتقرا

ثم يتم اختيار عدد من الحروف الأبجدية لتعبر عن هذه التقنية

يا عم الحروف الابجديه دي كلها معاني دي اختصارات لكلمه كبيره لكن اللي مبيفهمش بيقول عدس كله زي بعضه

هى تقنية لم تثبت نجاحها كثيرا

لو ربنا رزقك و رحت امريكا او اوربا او حتي دبي

حتشوف السيارات دي ماشيه بجانبك و استاذ حازم حزه ليه موضوع مثبت في تويوتا

لما جرب سياره تويوتا بريوس الهجينه و قعد معاها فتره كبيره :)

معظمها ليست للانتاج التجارى

يا عم انت بتجيب معلوماتك دي منين بس امووووت و اعرف

محرك الاحتراق الداخلى التقليدى الذى لن يموت أبدا

طيب بعد كدا بعد ما البترول يخلص ابقي شغله بمخلوط البيبسي مع السيفن اب هههههههههههههه

و راعي التركيز كويس ههههههههههههه

[iunknown]

من قراءاني السابقة للأستاذ فادي استطيع تلخيص ما يأتي
1- للأستاذ فادي اسلوب جيد في الكتابة وهو ما يدفعه للاستمرار
2- الاستاذ فادي اخذ على عاتقه مهمة توعية "العالم" بمدى غباء وسخف السيارات اليابانية
3- اعتمد الاستاذ فادي على سمعة البيجو 504 والفيات 131 في مصر "مصر فقط" -وهي سيارات من فترة السبعينات- للدلالة على قوة ومتانة السيارات الأوروبية
4- يعتمد الاستاذ فادي بشدة على آراء سائق التاكس والميكانيكية - مع فائق احترامي لهم-
5- يشكك الاستاذ فادي في قدرة السيارات اليابانية وقدرات تحملها لأنها تعيش عشر سنوات فقط
6- الاستاذ فادي معجب بشده بالسيارات الأمريكية
7- للاستاذ فادي حس وطني حقيقي ويجعله يتحيز للصناعة المصرية حتى لو كانت اقل جودة عن مثيلاتها.
8-الأستاذ فادي يشكك عامة في قدرات اليابات التكنولوجية
ما سبق كان استهلالا لابد منه قبل توضيح ما يأتي
1- حقا اختلاف الرأي لا يفسد للود قضية ولكن هناك قضايا يتعسر اختلاف الرأي فيها كعدد الالكترونات حول نواة ذرة الهيدروجين مثلا أو كون البنسلين هو نوع من الفطريات.
2- الارقام توضح بشده ان هناك الملايين من العملاء لتويوتا - والسيارات اليابانية بشكل عام- عملاء راضون جدا عن المنتج. وهذه الملايين لا يمكن ان تكون كلها مخطئة
3- السيارات التي دائما ما يستشهد بها الاستاذ فادي هي سيارات بائده كالديناصورات كانت اقوى الحيوانات على الأرض لا أحد ينكر ذلك ولكن انقرضت وحل محلها من هو اصلح للحياة واقدر على التكيف.
4- قدم الأخوة في المنتدي آراء خبراء محايدين في السيارات اليابانية ومعظمها ان لم يكن كلها في صالح هذه السيارات
5- حب الوطن غير كافي ابدا لتقدمه بل العمل المخلص الدؤوب في مناخ يشجع هذا العمل ويكافئ المتفوق ويحاسب المقصر/الفاسد

أرجو الا اكون أطلت كما اؤكد على ان الخلاف في الرأي لا يفسد للود قضية

[فادى]

"طيب ما دام معلوماتك غزيره كدا مرسيدس و فولكس جرووب و جنرال موتورز كلها

بتاخد مضخات الديزل من مين و ارجو الاجابه و عدم التطنيش"

بالنسبة لمرسيدس معرفش بالضبط, غالبا بوش.
بالنسبة لجنرال موتورز هى عندها شركة اسمها "دلفى", دى شركة أمريكية شهيرة جدا زى "بوش" و دى السبلاير الخاص بتاع كل سيارات جنرال موتورز, و بتصنع مضخات ديزل و أنظمة حقن حديثة.
عموما بوش و دلفى أشهر شركتين فى هذا المجال, هناك شركات أخرى صغيرة غير مشهورة.
فولكس معرفش. أنا بقول الى بعرفه حضرتك أما الى مليش علم بيه بقول معرفش أو مبقولش, و دول الى انا أعرفهم.

"

عشان متعرفش التقييم بيتعمل ازاي بيجيبوا كل المحركات و عليها نفس نوع الزيت و نفس نوع الوقود و يشغلوها متواصل علي اعلي دورات

اكثر محرك يصمد لاطول وقت فهو الافضل الكلام مش عايم انت اللي كلامك كله عايم "

مفيش حاجة اسمها كده؟!
عمر المحرك بيعتمد على عامل مهم جدا, هو قدرته علىالعمل بكفاءه و استخراج كامل عزمه على سرعات قليلة, عشان كده المحركات الكبيرة مثلا عمرها أطول من المحركات الصغيرة, و عشان كده و لأسباب أخرى عمر محرك الديزل أطول من محرك البنزين.


"
طيب بعد كدا بعد ما البترول يخلص ابقي شغله بمخلوط البيبسي مع السيفن اب هههههههههههههه

و راعي التركيز كويس ههههههههههههه"

بعد نهاية حقبة البترول لن يصبح هناك وجود لا للسيارات الهيبريد و لا غيرها, و المصير الذى ينتظر البشرية مؤلم للغاية فى نظرى!

[PRO-DRIVE]

بالنسبة لمرسيدس معرفش بالضبط, غالبا بوش.
بالنسبة لجنرال موتورز هى عندها شركة اسمها "دلفى", دى شركة أمريكية شهيرة جدا زى "بوش" و دى السبلاير الخاص بتاع كل سيارات جنرال موتورز, و بتصنع مضخات ديزل و أنظمة حقن حديثة.
عموما بوش و دلفى أشهر شركتين فى هذا المجال, هناك شركات أخرى صغيرة غير مشهورة.

اولا لمعلومات سعادتك بوش تقريبا بتصنع 30% من سيارات مرسيدس

و سيمنس بتصنع 40% من سيارات مرسيدس


طبعااااااااا نفس الحال علي فولكس جرووب كلها بس بنسب مختلفه :)


و طبعا بقيه الشركات الصغيره الغير مشهوره زي اللي فيات بتعتمد عليهم :) ها ها

عمر المحرك بيعتمد على عامل مهم جدا, هو قدرته علىالعمل بكفاءه و استخراج كامل عزمه على سرعات قليلة

نفسي اشوف سياره لفائقه الجوده فيات اكتر من 4 سلندر :)

بعد نهاية حقبة البترول لن يصبح هناك وجود لا للسيارات الهيبريد و لا غيرها, و المصير الذى ينتظر البشرية مؤلم للغاية فى نظرى!

طيب شخص مثلك مسلم بالفكره دي البشر مش عاوزين يسلموا بيها سيبهم بقي يضيعوا فلوسهو شويه :)

و في النهايه ربنا يديك طوله العمر و تركب سياره هايبرايد :)

[TAG_Turbo0]

أستاذ فادى
حضرتك معاك عربيه ايه؟

[Karim_Monir]

من قراءاني السابقة للأستاذ فادي استطيع تلخيص ما يأتي

2- الارقام توضح بشده ان هناك الملايين من العملاء لتويوتا - والسيارات اليابانية بشكل عام- عملاء راضون جدا عن المنتج. وهذه الملايين لا يمكن ان تكون كلها مخطئة
3- السيارات التي دائما ما يستشهد بها الاستاذ فادي هي سيارات بائده كالديناصورات كانت اقوى الحيوانات على الأرض لا أحد ينكر ذلك ولكن انقرضت وحل محلها من هو اصلح للحياة واقدر على التكيف.

5- حب الوطن غير كافي ابدا لتقدمه بل العمل المخلص الدؤوب في مناخ يشجع هذا العمل ويكافئ المتفوق ويحاسب المقصر/الفاسد

ياااااااه
قد ايه اوجزت وانجزت

[فادى]

" الارقام توضح بشده ان هناك الملايين من العملاء لتويوتا - والسيارات اليابانية بشكل عام- عملاء راضون جدا عن المنتج. وهذه الملايين لا يمكن ان تكون كلها مخطئة
3- السيارات التي دائما ما يستشهد بها الاستاذ فادي هي سيارات بائده كالديناصورات كانت اقوى الحيوانات على الأرض لا أحد ينكر ذلك ولكن انقرضت وحل محلها من هو اصلح للحياة واقدر على التكيف.
4- قدم الأخوة في المنتدي آراء خبراء محايدين في السيارات اليابانية ومعظمها ان لم يكن كلها في صالح هذه السيارات
5- حب الوطن غير كافي ابدا لتقدمه بل العمل المخلص الدؤوب في مناخ يشجع هذا العمل ويكافئ المتفوق ويحاسب المقصر/الفاسد

أرجو الا اكون أطلت كما اؤكد على ان الخلاف في الرأي لا يفسد للود قضية"

شكرا على المقدمة الجميلة و أسلوبك الراقى. أنا أحب النقاش الهادىء الخالى من العصبية و الذى للأسف أصبح عادة الزملاء منذ أن فتحت موضوع السيارات اليابانية.
سوف أوضح لك عدة نقاط:
أولا, السيارات التى أستشهد بها ما تزال حية, فى شكل الموديلات الأوروبية الحديثة, و مثلا ان سلسة محركات فيات مثلا من 131 الى البرافا/برافو متشابهة الى حد كبير و لم يطرأ عليها الا بعض التغييرات البسيطة, و الأمر ذاته يسرى على معظم الشركات.
و لكن يجب أن نذكر أن صناعة السيارات دائما ما تتجه الى الأسفل, بل ربما هى الصناعة الوحيدة التى تسير الى الخلف, و يتجلى هذا فى بعض النقاط :
- عندما بدأت الشركات باعتماد تجهيزات اضافية لراحة الركاب و تجهيزات تتعلق بالسلامة ( تكييف, مساعد المقود, الوسائد الهوائية,... الخ) ازداد وزن السيارة بشكل كبير, (عكس ما يتوقع الكثيرون السيارات الحديثة هى أثقل وزنا دائما من السيارات القديمة), و انعكس ذلك سلبيا على الأداء, و لكنه انعكس ايجابيا على الراحة( السيارات ثقيلة الوزن أكثر راحة على الطريق), و لكن الشركات خضعت الى ضغوط لتخفيف أوزان سياراتها لتقليل استهلاك الوقود, مما أدى بالشركات الى اعتماد تقنيات مضحكة مثل صنع جسم السيارة من البلاستيك المقوى الى غير ذلك من الكوارث التى نراها الأن.و رغم أن هذا يبقى مبررا فى سيارة رياضية مثلا حيث تعتبر خفة الوزن نقطة حرجة, الا انه غير مبرر فى سيارة سيدان أو سيارة دفع رباعى.
- اضطر الصانعون الى تخفيف سمك الصاج المستخدم فى صناعة جسم السيارة, و الى تخفيف الشاسيهات و غير ذلك, ما انعكس سلبا على صلابة السيارة و تماسكها على الطريق.

نأتى للنقطة الثانية, أراء الخبراء.
يجب أن نتذكر شيئا بسيطا, رأى الخبراء الحقيقى شىء, و رأيهم على الجرائد و مجلات السيارات شىء أخر, سوف أعيد تذكيركم بهذه النقطة, مجلات السيارات تعيش على مائدة صانعى السيارات, لذا فهى لا تستطيع أن تتبنى رأيا سلبيا معاديا لاحدى الشركات أو احدى السيارات, الا لو أرادت المجلة مثلا لفت نظر الشركة الفلانية الى عدم وجود اعلانات لها على صفحاتها!
و تحاول بعض المجلات الموازنة بين المصداقية و ضغوط الشركات, فنرى عبارات من عينة : "الثبات لا بأس به و لكن سوف تلاحظ بعض الانحناءات غير المستحبة فى المنحنيات".
و صدقنى أنا رأيت خبراء أيضا على الجانب الأخر يسخرون من السيارات اليابانية منهم مثلا مهندس سيارات ذو خبرة طويلة فى هذا المجال يعمل فى احدى توكيلات السيارات الأوروبية الشهيرة.
بالنسبة للتجارب, فيجب أن تعرف مثلا أن التجربة تختلف من شخص لأخر, يعنى أنا مثلا عندى شاهين 1600 و العربية عاملة فوق ال40 ألف و من غير أى مشكلة مع انى مش من الناس الى بيعتنوا بسياراتهم و دائما ما أتأخر عن مواعيد الصيانة الدورية , و مع واحد صاحبى شاهين معدية ال100 ألف و من غير مشاكل, و أعرف واحد تانى معاه شاهين و بتقف بيه فى اليوم مرتين! ليه؟ ديه بتختلف من شخص لشخص, و حسب الاستعمال و حسب الحظ! و فيه نقطة مهمة أخيرة, حسب نوعية قطع الغيار المتوفرة , يعنى أنا كان معايا 128 و أقدر أقولك حوالى 90% من أعطالها كانت من قطع غيار لسه مركبها (سير كاتينة, سير دينامو, ترموستات مروحة). بجد أنا مرة غيرت سير الدينامو 3 مرات ورا بعض فى شهر واحد لأنه كل مرة كان بيتقطع بعد أسبوع من التركيب و طبعا منقدرش نلوم ال128 كسيارة على عطل مثل هذا.
نيجى للنقطة الأخيرة, مصر.
أحب أقولك انو مصر عندها قاعدة قوية جدا فى الكثير من الصناعات, و لكن للأسف ينقصها الانتشار, و الانتشار سياسة أكثر منه جودة منتج, صناعة الحديد و الصلب عندنا متقدمة جدا بشهادة الروس, بالاضافة الى اننا نمتلك خبرة هائلة فى مجال البترول و الحفر, و شركات البترول المصرية تنتشر بشكل كبير فى الوطن العربى بل و خارج الوطن العربى أيضا, اضافة الى صناعة السيارات التى وصلت الى مستوى لا بأس به أبدا فى مصر, ينقصها فقط الرغبة فى صناعة سيارة مصرية(ماركة مصرية بمعنى أصح) و ايجاد أسواق مناسبة لتصريف تلك السيارة. و لا تنسى الصناعات الحربية أيضا المتقدمة فى مصر الى حد ما.

[PRO-DRIVE]

, (عكس ما يتوقع الكثيرون السيارات الحديثة هى أثقل وزنا دائما من السيارات القديمة),

زمان كانوا بيصنعوا السيارات من الصلب و الحديد ووووووووووو

دلوقتي بقت السياره من الالمنيوم و بعض اجزاء الجسم من الكاربون فايبر

اللي اخف بكتير من الحديد

علي العموم مثال حي من فيات فيات بونتو 93 كان وزنها 1040.1 kg


لكن في 1999 1020.1 kg

20 كيلو فرق في الوزن في اقل من 6 سنوات :)


تخيل لو جبنا سياره اقدم كان حصل ايه :)

http://www.conceptcarz.com/vehicle/z1527/Fiat_Punto.aspx

http://www.conceptcarz.com/vehicle/z1528/Fiat_Punto.aspx

الى غير ذلك من الكوارث التى نراها الأن.

الكوارث دي تحمي حياتك و حياه الملايين افضل من الحديد :)

اضطر الصانعون الى تخفيف سمك الصاج المستخدم فى صناعة جسم السيارة, و الى تخفيف الشاسيهات و غير ذلك, ما انعكس سلبا على صلابة السيارة و تماسكها على الطريق.

علي العموم سيارات بورش GT1 و GT2 و GT3 المجهزه للحلبات وزنها

اخف من 600 كيلو :)

مش عاوز ابالغ لو قلت اني لو شديت حيلي شويه اقدر ارفعها عن الارض

و لا تنسي انها سياره سباق و مخصصه للحلبات

الثبات و التماسك علي الطريق شيئ و الوزن و سمك الجسم شيئ اخر

لذا فهى لا تستطيع أن تتبنى رأيا سلبيا معاديا لاحدى الشركات أو احدى السيارات, الا لو أرادت المجلة مثلا لفت نظر الشركة الفلانية الى عدم وجود اعلانات لها على صفحاتها!

طيب كل برامج و مجلات السيارات اللي بنستشهد بيها

معظم البرنامج بيكون مقارنه بين سيارتين خاسر و فائز

طبعا حيكسبوا اللي دفع اكتر :)



بس ياريت حضرتك تقولنا نجيب اراء محايده منين ؟؟؟

"الثبات لا بأس به و لكن سوف تلاحظ بعض الانحناءات غير المستحبة فى المنحنيات".

والله جريده الاهرام دي بوظت دماغ الشعب خالص

منهم لله

صدقنى أنا رأيت خبراء أيضا على الجانب الأخر يسخرون من السيارات اليابانية منهم مثلا مهندس سيارات ذو خبرة طويلة فى هذا المجال يعمل فى احدى توكيلات السيارات الأوروبية الشهيرة.

تصدق لو قلتلك اغلب محبين الالماني بيعتبروا اي سياره اخري مجرد وسيله مواصلات :)

حتي انا كنت منهم :)

بالنسبة للتجارب, فيجب أن تعرف مثلا أن التجربة تختلف من شخص لأخر, يعنى أنا مثلا عندى شاهين 1600 و العربية عاملة فوق ال40 ألف و من غير أى مشكلة مع انى مش من الناس الى بيعتنوا بسياراتهم و دائما ما أتأخر عن مواعيد الصيانة الدورية , و مع واحد صاحبى شاهين معدية ال100 ألف و من غير مشاكل, و أعرف واحد تانى معاه شاهين و بتقف بيه فى اليوم مرتين! ليه؟ ديه بتختلف من شخص لشخص

استاذ متيما قالك سياره اخوه اللي اخدها عن والده ماشيه مليون و 800 الف

لو حضرتك تشرفنا في المقابله و تشوفها بنفسك :)


و صناعه يابانيه متنساش
:)

[فادى]

"زمان كانوا بيصنعوا السيارات من الصلب و الحديد ووووووووووو

دلوقتي بقت السياره من الالمنيوم و بعض اجزاء الجسم من الكاربون فايبر

اللي اخف بكتير من الحديد

علي العموم مثال حي من فيات فيات بونتو 93 كان وزنها 1040.1 kg


لكن في 1999 1020.1 kg

20 كيلو فرق في الوزن في اقل من 6 سنوات


تخيل لو جبنا سياره اقدم كان حصل ايه "

مستر برو, العربيات وزنها زاد مش خف.
انت بتتكلم على البونتو, طب كويس عارف ايه العربية الى قبل البونتو, التيبو, و قبلهم الريتمو, و قبلهم ال128
عارف ال128(1100) وزنها كام؟ 805 كغ بالتمام و الكمال!! يعنى أخف من البونتو ب 215 كغ.
طب الفئة الى أكبر شوية, ال131(1.3 لتر) وزنها حوالى 950 كغ, تعالى بقى نشوف النهاردة الستيلو 2005 وزنها كام؟
الستيلو(1.2 لتر) وزنها 1090 كغ! مع ان المحرك أصغر. و طبعا ممكن تتابع التسلسل الأتى 131- ريجاتا- تمبرا- برافا/برافو- ستيلو هتلاقى الوزن بيزيد كل مرة أو ثابت.
ممكن من نفس الموقع تتأكد من المعلومات ديه.
و على فكره لازم تعرف حاجة عنى, أنا لما بقول معلومة ببقى متأكد منها و الا مبقولهاش, ممكن مكونش فاكر المصدر بس ببقى متأكد من المعلومة. و لو انت مش واثق فى كلامى ده موضوع تانى.

"نفسي اشوف سياره لفائقه الجوده فيات اكتر من 4 سلندر "

موجود حضرتك و فيه 5 سلندر, عموما فيات شركة متخصصة فى صناعة السيارات الصغيرة و المتوسطة و الاقتصادية, و هى ناجحة تماما فى هذا المجال, أما فى الفئة الأكبر فتجد الألفاروميو (السيدان الرياضية) و اللانسيا, و عندك المازيراتى (الفئة الرياضية الفاخرة) ثم تصعد الى الفيرارى (الفئة السوبر رياضية) و على فكرة كل سيارات ألفاروميو و لانسيا هى سيارات فيات, تماما مثل أودى و فولكس مثلا, و قطع الغيار واحدة, يعنى مثلا انزل هات سير كاتينة لعربية تمبرا أو شاهين الجديدة(محرك التمبرا) هتلاقى السير مكتوب عليه (فيات, ألفاروميو, لانسيا).

[PRO-DRIVE]

طب الفئة الى أكبر شوية, ال131(1.3 لتر) وزنها حوالى 950 كغ, تعالى بقى نشوف النهاردة الستيلو 2005 وزنها كام؟
الستيلو(1.2 لتر) وزنها 1090 كغ! مع ان المحرك أصغر. و طبعا ممكن تتابع التسلسل الأتى 131- ريجاتا- تمبرا- برافا/برافو- ستيلو هتلاقى الوزن بيزيد كل مرة أو ثابت.

مشكلتك بتقارن مش علي نفس قاعده العجلات ( الشاسي )


جيب عربيتين علي نفس قاعده العجلات موديل قديم و جديد و شوف الوزن حيبقي كام :)

موجود حضرتك و فيه 5 سلندر, عموما فيات شركة متخصصة فى صناعة السيارات الصغيرة و المتوسطة و الاقتصادية,

يا سلام 1 سلندر هو اللي خلا محركات فيات بجد متحمله و قويه

شركات العالم كله ملهاش دعوه بمحركات ال5 سلندر

جنرال موتورز بتعض اصابعها ندم انها نزلت هامر اتش3 ب5 سلندر

و كل المحللين الامريكان اعتبروها افشل سياره امريكيه


طيب دلوقتي انت كنت بتقعد تقول ان اليابانيين محركاتهم مش معمره عشان حجمها صغير
و بتعمل دورات اقل وووووووووووووووووووووووو

كل الكلام دا ايه اللي يفرق فيه عن فيات دلوقتي

فيات 128 4 سلندر عايشه لحد انهرده

تجارب ناس معاها تويوتات و عايشين برضه

المكروباصات عاملين كيلو مترات اعلي و برضه 4 سلندر و لسه عايشين


ايه اللي يميز فيات دلوقتي من حيث عدد السلندرات فقط ؟؟؟؟

يعنى مثلا انزل هات سير كاتينة لعربية تمبرا أو شاهين الجديدة(محرك التمبرا) هتلاقى السير مكتوب عليه (فيات, ألفاروميو, لانسيا).

طيب سؤال سريع

مين اللي اشتري مين

فيات اللي اشترتهم ولا هما اللي اشتروها ؟؟؟

دا سؤال مع اني عارف اجابته :)

كحال كل العلامات الفخمه (مايباخ رولز رويس اودي بنتلي لنكولن ميركوري كاديلاك )

كل دي سيارات غاليه في الاخر عندها تقنيه بس مبتبعش كتير

تيجي الشركات تشتريهم عشان تستفيد بتكنولوجيتهم :)


فيات اللي بتستفيد بيهم مش هما اللي بيستفيدوا بيها

[فادى]

"طيب دلوقتي انت كنت بتقعد تقول ان اليابانيين محركاتهم مش معمره عشان حجمها صغير
و بتعمل دورات اقل وووووووووووووووووووووووو

كل الكلام دا ايه اللي يفرق فيه عن فيات دلوقتي "

يفرق انو لو عندنا محرك فيات 1600 سى سى و محرك بنفس السعة لسيارة يابانية هنلاقى انو محرك الفيات بيستخرج عزمه عند دورات أقل, و نقطة العزم الأقصى مثلا عند 3000 مثلا, بينما سوف نجد السيارة اليابانية تستخرج عزمها عند ال4400 لفة مثلا. ده الطابع الغالب و لكن ممكن تلاقى بعض الاستثناءات.

"طيب سؤال سريع

مين اللي اشتري مين

فيات اللي اشترتهم ولا هما اللي اشتروها ؟؟؟

دا سؤال مع اني عارف اجابته

كحال كل العلامات الفخمه (مايباخ رولز رويس اودي بنتلي لنكولن ميركوري كاديلاك )

كل دي سيارات غاليه في الاخر عندها تقنيه بس مبتبعش كتير

تيجي الشركات تشتريهم عشان تستفيد بتكنولوجيتهم


فيات اللي بتستفيد بيهم مش هما اللي بيستفيدوا بيها"

لا الحالة هنا مختلفة تماما.
فيات هى التى أعادت احياء طرازات لانسيا و ألفاروميو الى الوجود, فبعد أن عانت تلك الشركات من خسائر متوالية و ركود غير عادى, و أدى ذلك الى انتاجهم سيارات دون المستوى, بدأت فيات -و هذا يحسب لها- مسيرة اعادة احياء هذه الماركات, فصممت لألفاروميو 156 ثم 166 التى أعادتها مرة أخرى الى المنافسة, و حاولت مع لانسيا و مازالت تحاول, و لكن لانسيا مازالت ترفض القيام, كما حاولت مع مازيراتى و أعطت ادارتها لفيرارى التى نجحت فى اعادة احيائها مرة أخرى, هذه الشركات (باستثناء فيرارى) هى التى أخذت من تكنولوجيا فيات و ليس العكس, و يتجلى هذا فى سيارات من نوعية (ألفاروميو 155- ثم 156), لانسيا ديدرا و دلتا و غير ذلك. و يقول الكثيرون أن هذه الشركات الخاسرة هى احدى أهم أسباب أزمة فيات المالية التى ما لبثت و انتهت منذ عامين فقط.
تماما مثل "مينى" التى أخذت من بى ام و ليس العكس.

[iunknown]

الاستاذ فادي؛
شكرا لردك واتمني انت ترد على هذه النقاط
- اذا كان رأي الخبراء على الجرائد والمجلات -في ظنك- هو رأي متحيز أو بمعني اخر (مدفوعة الثمن) فهل تعني ان ذمم جميع خبراء السيارات في العالم فاسده واذا كان هذا صحيحا فرأي من سنعتمد. وأين سنعرف آراؤهم الحقيقة - على القهوة- ام في اجتماعات سرية كخلايا الاربعينبات والخمسينيات
- تقول ان صناعة السيارات تتجه الى الخلف. ما دليلك على هذا؟ هل السرعات التي تصلها السيارات اليوم تقارن بما كانت تفعله من 20 أو 30 سنة. هل سيارات الماضي مريحة بقدر سيارات اليوم. والأهم هل مستويات الأمان في سيارات الماضي يقارن بما تراه اليوم؟
- لا يمكن الاعتماد اطلاقا على التجارب الشخصية في تقييم للسيارات والحكم على شركة ميزانيتها تفوق ميزانيات عده دول مجتمعة.
ما تقوله عن الشاهين من حيث انها صامده معك رغم اهمالك لها - كما تقول- وتعطلها يوميا مع زميل آخر لك هو نقطة ضدها وليس لصالحها -inconsistency-
وجود سيارة كالشاهين أصلا في هذه الايام -مع احترامي لها ولجميع مالكيها- هو كمحاوله الحفاظ على حيوان الباندا من الانقراض. هي سيارة لم تعد الشركة الام تنتجها فلا أظن انه يمكن اتخاذها كمقياس للمقارنة بين السيارات من الممكن ان تستخد البونتو على سبيل المثال


ما تقوله عن الصناعة المصرية لا يسمن ولا يغني من جوع طالما انه لا يصب في الناتج القومي ويؤثر على اقتصاد البلد. لو كانت لدينا صناعة قوية حقا ما كان جل اقتصادنا يعتمد على السياحة وقناة السويس. صدقني لست انهزاميا ولست من هواة جلد الذات ولكنه أمر واقع. الصناعات الثقيلة قد تكون موجودة ولكن هل تؤثر حقا في اقتصادنا؟ ما قيمتها في اجمالي الناتج القومي؟

الأرقام دائما وأبدا اصدق من اي رأي وأبلغ من أي تعليق