تويوتا , 70 عاما من التقليد!

[Karim_Monir]

اخي العزيز
يعني تفتكر ان الاخ في عالم موازي لعالمنا وفي ثغره في النت عندهم خليته يسجل في منتدانا وان هناك اليابان مثلا في مستوى الهند
تويتا هناك هي تاتا
ممكن برضه تصدق محدش فكر فيها!!!!!!!!!
على فكره متهيالي القصة كانت بتاعة سالم و سلمى للكاتب د/احمد خالد توفيق
ممكن يكون الفكرة برضه كتبها د نبيل فاروق عادي توارد افكااااااااار

بس مته

هيا فعلا سالم وسالم في اسطورة ارض اخرى
ها ها ها
هو فعلا ده التفسير المنطقي الوحيد المقبول
وعشان انا من كوكب الارض هنا
بطلت اكتب في الموضوع ده
حتى لو قال الشاهين احسن من الكامري
ها ها ها ها

[فادى]

"ستاذ فادى

الدفع الخلفى ليس احسن انظمة الجر و الثبات
Awd الدفع الرباعى المستمر مثل الى فى السوبارو و البورش و الميتسوبيشى الأيفو افضل لكنو اتقل فى الوزن شوية.

ايضا الدفع الأمامى كافى جدأً جداً للثبات و احسن فى التسارع لجميع السيارات ماعدا السيارات الثقيلة جداً مثل البى ام دبليو و المرسيدس و السيارات الى قوة محركها اكثر من 250 حصان."

تعمدت تجاهل الدفع الرباعىة المستمر لأنه نظام حديث نسبيا هذا من جهة, و من جهة أخرى لأنه يفتقد للشعبية اللازمة. و عموما الدفع الرباعى المستمر أكثر ثباتا قليلا من الدفع الخلفى الا أن عيوبه و منها ثقل الوزن و استهلاك الوقود و تعقيده (مما يتسبب فى زيادة الأعطال) يجعله يفقد شعبيته يوما وراء الأخر, ناهيك عن أن الفارق فى الثبات بينه و بين الدفع الخلفى يكاد يكون منعدما اذا صممت سيارة الدفع الخلفى بطريقة رياضية.
و لا يعرف أصل هذا النظام بشكل دقيق, ابعض يقول أنه نظام انجليزى فى أوائل القرن الماضى و هناك من يقول أنه أمريكى الأصل, و لكن أول سيارة معروفة تسير بهذا النظام هى أودى كواترو (تعنى أربع بالايطالية) 1981.
الدفع الأمامى يعانى من مشكلتين أساسيتين :
- توزيع الوزن, حيث يتركز الوزن فى سيارات الدفع الامامى فى المقدمة, و هو شىء ليس فى صالح الثبات أبدا.
- الانزلاق الأمامى الجانبى (الأنديرستيرنج), و هى مشكلة مزمنة فى الدفع الامامى, و حلها السحرى هو جهاز الحفاظ على الثبات الذى يقوم بتهدئة سرعة العجلات الدافعة فى حالة تعرضها للانزلاق, مما يعيد اليها ثباتها.
فى حالة تم اعتماد نظام مثل هذا, تكون قد حللت معظم مشاكل الدفع الأمامى مع الثبات, و لو أنها طريقة ملتوية لحل المشكلة.
و فى السيارات الصغيرة حيث المحركات الضعيفة و المحاور المتقاربة لا بأس أبدا من اعتماد الدفع الامامى, أما فى السيارات الكبيرة, فان اعتماد مثل هذا النظام هو نوع من التهريج!

[فادى]

"عشان لما جنرال موتورزاشترت 20% من سوبارو كانت عاوزة تستفيد من تكنولوجيتها"

دى نكتة لطيفة.
المحرك المنبطح المستخدم فى سيارات سوبارو و بورش هو ليس تقنية حديثة و لا تقنية تنفرد بها سوبارو, المفاجأة أن المحركات المنبطحة هى نوع من المحركات الذى تم ابتكاره فى عام 1896 بواسطة كارل بنز, ثم تم تعميم استخدامه فى الدراجات النارية, الى أن استخدمته فولكس فاجن فى سيارتها الغنية عن التعريف بيتلز.
مفاجأة أخرى سيئة لك يا برو أن جنرال موتورز سبق و أن استخدمت مثل هذا المحرك فى سيارتها شفروليه كورفير 1960.
و تعتبر الحسنة الوحيدة لهذا النوع من المحركات هو توازنها الأفضل من توازن المحركات التقليدية.
و يعتبر المحرك الدوار (فنيكل) احدى أبناء المحرك المنبطح.

فيات هى التى اشترت حصتها من جنرال موتورز للخروج من عباءتها تماما.

[فادى]

"طبعا سوبارو رفضت تشارك جنرال موتورز في تكنولوجيتها اللي جنرال كانت عاوزة تستفيد منها باي طريقة
فما كانت من جنرال الا ان باعت نصيبها لتيوتا"

أى كلام فاضى و خلاص, سوبارو تمنعت عن جنرال موتورز , و جنرال موتورز لم تصبر عليها و قالتلها أنتى طالق و طبعا جات تويوتا الحبيب القديم و خدتها. ايه رأيكو فى الفيلم العربى ده.

[Ahmed Hassan]

محدش قال ان المحرك المنبطح اختراع سوبارو او بورش... اللي اتقال ان هما بس اللي بيطوروه... و بعدين مين قال ان المحرك الـ Rotary او الـ Wankel من مشتقات المحرك البوكسر؟؟؟ اذا كان مفيش علاقه بينهم اصلا في طريقه العمل!!

[PRO-DRIVE]

"طبعا سوبارو رفضت تشارك جنرال موتورز في تكنولوجيتها اللي جنرال كانت عاوزة تستفيد منها باي طريقة
فما كانت من جنرال الا ان باعت نصيبها لتيوتا"

أى كلام فاضى و خلاص, سوبارو تمنعت عن جنرال موتورز , و جنرال موتورز لم تصبر عليها و قالتلها أنتى طالق و طبعا جات تويوتا الحبيب القديم و خدتها. ايه رأيكو فى الفيلم العربى ده.

دا يسمي عدم القدره علي الرد

:)

[فادى]

"دا يسمي عدم القدره علي الرد "

رد ايه يابنى؟! هو فيات تسيب جنرال موتورز يبقى عشان جنرال موتورز ملقتش حاجة تستفيد بيها من فيات, أما تويوتا تشترى حصة سوبارو من جنرال موتورز, يبقى عشان سوبارو خافت تاخد التكنولوجيا العظيمة بتاعتها؟! معلش يعنى ايه هى التكنولوجيا الى مفيش زيها الى موجودة فى سوبارو؟!! لا الدفع الرباعى و لا المحرك المنبطح الى كان موجود فى البيتلز تكنولوجيا تستحق كل هذا اللغط.
منتهى التحيز و التطرف للسيارات اليابانية و أقوال بلا دليل و بلا أى أساس علمى.
احدى الظرفاء قال أن محركات سوبارو هى الأكثر قوة بين كل المحركات؟!! منين الكلام ده و ما الأساس العلمى الذى استند عليه؟! منتهى التحيز و التعصب.

[mtema99]

من الاخر تاني مره

يا استاذ فادي

لو كلامك ان جنرال موتورز و فيات احسن من تويوتا لك هذا
و لكن لا تعممها كي لا تسمع كلام كتير يبوخ

ثانيا
لو على التقليد من وجهه نظرك كده يبقى من حق مرسيدس انها ترفع قضايا على كل شركات السيارات
و احفاد اوتو يرفعوا قضايا لان جدهم هو الوحيد اللي المفروض يصنع المحرك
و شرحه لفنكل
و يبقى من حق الفراعنه انهم يرفعوا قضايا على كل تجار الدهب
و الهكسوس على كل دوله تستخدم الحديد فالاسلحه
و احفاد نوبل على كل دول العالم لاستخدامهم البارود
و و و

يا سيدي ارجوك

رجاء لله وحده يجب ان يكون عندك القابليه للمناقشه و المشاركه و خصوصا انك انت الذي بدأت الموضوع

لو على كلامك
يبقى اللي يصنع التليفونات شركه واحده بس
و العجل شركه واحده بس
و الادويه و المعدات الحربيه و المدنيه و الانشاءات فالعالم كله يبقى المصريين ليهم حق فيها
:)

[vet mitcho]

wrx sti specification

احدى الظرفاء قال أن محركات سوبارو هى الأكثر قوة بين كل المحركات؟!! منين الكلام ده و ما الأساس العلمى الذى استند عليه؟! منتهى التحيز و التعصب.

اظن ان الظريف اللي قلت كده
بس انا قلت 4 سلندرات لا تنسي
عموما ده الرد بالارقام
يا رب يا استاذ فادي ترد بالارقام مش باللي اجوزت و اللي اطلقت

[vet mitcho]

^^^^^^^^
عل فكرة لو حبيت اقارن كمان السوبارو باي عربية اخري سواء بقى اربعة سلندر او 12 او العفريت الازرق حتي بس هقيس بحاجه اسمها كفاءة الموتور
عارف يعني ايه
يعني من الاخر كل 1 لتر بيدي كام هورس باور هتلاقي السوبارو wrx sti واخدة ترتيب تفتكر كام؟؟؟
بص عشان ماطولش عليك الموديل wrx sti واخد كفاءة موتور 140,4 ((الستوك تخيل))
فادي باشا رد بالارقاااااااااام لو سمحت

[فادى]

"يعني من الاخر كل 1 لتر بيدي كام هورس باور هتلاقي السوبارو wrx sti واخدة ترتيب تفتكر كام؟؟؟
بص عشان ماطولش عليك الموديل wrx sti واخد كفاءة موتور 140,4 ((الستوك تخيل))"

مش ده مقياس كفاءة الموتور يا صديقى.
كفاءة أى ألة تقاس بمعادلة بسيطة جدا : الطاقة التى أخرجتها مقسمومة على الطاقة التى استخدمتها فى المقابل. و فى المحرك هناك قيمة اسمها الضغط المتوسط و هى قيمة تستخدم للمقارنة بين المحركات , و مقياس اللتر/حصان ليس له علاقة بالكفاءة على الاطلاق. أرجوك لازم تدرس قبل ما تتكلم أى كلام.

[vet mitcho]

اه ياباشا نسيت ان حضرتك ذو علم قدير في علم الميكانيكا

انت بتكلم عن كفاءة الاحتراق الداخلي في المحرك EFFICIENCY OF INTERNAL COMBUSTION ENGINES

انا بقى بتكلم عن ال engine efficiency (كفاءة المحرك )
وعلي فكرة انا مش مألفها من دماغي يا باشا انا جايبها من مواقع كتير بتستخدمها في المقارنة
بالمناسبة فين الارقام اللي حضرتك جبتهالي انا كنت مستني تجيبلي عربية 4 سلندر اقوي او اسرع من الامبريزا wrx sti
وحضرتك برضه للمرة الالف ترد بدروس اجتماعية بدلا منها
يالا شد حيلك انا مستني تسقيييييييفه يا جماعة شجعوا فادي خليه يدور

[فادى]

"اه ياباشا نسيت ان حضرتك ذو علم قدير في علم الميكانيكا

انت بتكلم عن كفاءة الاحتراق الداخلي في المحرك EFFICIENCY OF INTERNAL COMBUSTION ENGINES

انا بقى بتكلم عن ال engine efficiency (كفاءة المحرك )
وعلي فكرة انا مش مألفها من دماغي يا باشا انا جايبها من مواقع كتير بتستخدمها في المقارنة
بالمناسبة فين الارقام اللي حضرتك جبتهالي انا كنت مستني تجيبلي عربية 4 سلندر اقوي او اسرع من الامبريزا wrx sti
وحضرتك برضه للمرة الالف ترد بدروس اجتماعية بدلا منها
يالا شد حيلك انا مستني تسقيييييييفه يا جماعة شجعوا فادي خليه يدور"

الامبريزا الى حضرتك جايبها مزودة بترب و قوتها عادية جدا.
و أنا مش هجيبلك و لا هدور لأن كلامك أنا أسف بجد مش علمى و لا ينم عن أى معرفة بعلم المحركات, اتكلم كلام علمى عشان متضحكش الناس عليك. بالله عليك قولى الفرق بين و engine efficiency و EFFICIENCY OF INTERNAL COMBUSTION
ENGINES :)
روح ادرس شوية يا حبيبى و بعد كده اتكلم.


"يالا شد حيلك انا مستني تسقيييييييفه يا جماعة شجعوا فادي خليه يدور""
الأسلوب ده يفتقد للاحترام.

[Megane]

الأخ موسو, ميجان, و الأخ انيفيروس.
لا أعرف لماذا كل هذا الحنق و الغضب؟!
الأخ برو رغم ردوده المستفزة لكنه محترم فى ردوده, الأخ توت رغم أن له ديباجة دائما ما يبدأ بها ردوده "كلامك عائم , كلامك بدون دليل", لكن ردوده محترمه الى حد ما, الأستاذ محمد متيما أراه متعصبا جدا للسيارات اليابانية و لكنه يعبر عن رأيه بمنتهى الأدب و الاحترام, أما أنتم فلا أعرف ما كل هذا الغضب و الحنق على ماذا؟! هدو اعصابكو :)

معنا كلامك دة إن ألاخ موسو و أنا و الأخ أنتيفيرس غير محترمين فى ردودنا .
دة إن دل على شىء لا يدل إلا على إنك إنسان لا تستطيع التميز بين الإنسان المحترم فى ردودة و غيرة.
لأن على ما أظن محدش فينا شتمك أو وجهلك أى إساءة دائما كل كلامنا موجة للسيارات المعفنة إللى إنت بتتكلم عليها و شكرا لإحترامك لزميلك فى المنتدى.

[Megane]

من المضحك الحديث عن ثبات سيارة عائلية متوسطة دفع أمامى بمحرك 1600 سى سى و فوق ال100 حصان الا فى حالة السيارات المصممة لتكون سيارة رياضية. نقطة و انتهى.

"ممكن تقولى الشاهين مصممة لــ إية (هى مش عربية عائلية و لا إية) ولا فى الكتالوج بتعها مكتوب ممنوع ركوب الحوامل و الأطفال دى مصممة للاعبى كمال الأجسام فقط "

مصممة لتكون سيارة اقتصادية و متينة و قوية ذات أداء جيد فى فئتها و تستطيع توفير الحد الأدنى من الراحة و الأمان لسيارة فى سعرها بدون التضحية بعامل الأداء.

نداء إلى أعضاء المنتدى جميعا و خاصة العضو pro_drive و العضو Mtemo و العضو Vetmitcho و العضو Ahmed Hassan و العضو Tutankhamoun - إللى أستاذ فادى دائما يتجاهل بعض ردودة مثل رد رقم 210 - أرجوا منكم جميعا قفل المناقشة مع هذا الشخص مع إحترامى الشديد لردودكم القيمة إللى دائما لا تجد عند (فادى) غير الردود العائمة و التحيز الشديد لصناعة الروسية بدليل السيارة الادا و النيفا و الإيطالية بدليل 128 و الشاهين حيث أنة من الواضح إنة لن يقطنع و سيظل يرد عليكم حتى يملىء سيرفر نايل موترز بأفكار ليس لها أساس من الصحة.
و دة لأنى عندى إحساس إنة متصلت علينا علشان يخلص على أعضاء المنتدى بالسكتة القلبية أو بالشلل الدماغى إللى ممكن يصيب أى يشخص يقرأ كلامة .
و شكرا جزيلا لحسن تعاونكم