تويوتا , 70 عاما من التقليد!

[فادى]

"ماشيي هاعديها بس علشان حضرتك رديت على جزء واهملت جزء
موضووع الـ 75% بتاع امريكا. مصادرك لو سمحت


ممكن بقة اتكلم معاك عن انواع برامج الكومبيوتر.
المخازن و الحسابات العامة ده النوع الغالب في مصر وده اللي خلاني سيبت البرمجة لكن عندك مثلا

1- Compression and Encryption

الموضوع ده علشا ن تعرف اهميته بنك سوسيتيه جنرال سة متقلب منه 3.7 بليون يورو
نصحك بلبحث عن MD5 & RSA128

2- Neural Networks
ودي هتلاقي تحتها مليون تطبيق زي التعرف على الصوت والصورة والبصمات .....الخ

3-Games & Graphics
لن تتصورالملايين التي تنفق سنويا على هذا النوع من البرامج ويمنك مشاهدة اي لعبة لتري كم هي محاكية للواقع

4- Integration

والمقصود هنا ربط الكومبيوتر بكل اجة وي حاجة يمكن من اهمهم التليفون.
تخيل لو مركز خدمة العماء لما حضرك كمه يقدر يعرف من رقم تلفونك انت اتكلمت قبل كدة علشان ايه ومشاكلك السابقة كانت ايه

حاليا ده مطبق بشكل واسع في شركات المحمول والبنوك

القائمة أطول بكثير من اني اتكلم عنها هنا انا ب حبيت اقول لك ن الموضع اكبر بكتير من برامج المخازن والحسابات"

يا سيدى انا عارف و احنا عندنا فى الشركة برامج معقدة جدا لمعالجة عملية الحفر و انا مقصدتش انى استهتر بمجال البرمجة مش عارف ليه حضرتك خدتها بالشكل ده أنا قصدت أوضح مفهوم براءة الاختراع القانونى.

"موضووع الـ 75% بتاع امريكا. مصادرك لو سمحت "

أنا قريت الرقم ده من فترة فى مجلة لكن مش فاكر بالضبط فين, هحاول أدورلك على مصادر لكن تأكد انى لما بقول معلومة ببقى متأكد منها تماما ممكن أكون مش فاكر المصدر لكن ببقى متأكد منها حضرتك مش واثق فيا فده موضوع تانى.

[PRO-DRIVE]

يا جماعه انتوا خرجتوا عن الموضوع

دلوقتي حاليا نيسان قربت تقفل باب الحجز علي Gt-r في امريكا

جالها طلبات اكتر من قدرتها الانتاجيه قالت الباقي بعدين

ليه كل دووووول مع ان الامريكان ممكن يشتروا بورش 911 ارخص

و ممكن يشتروا بسعرها عربيتين كورفيت

و يشتروا بسعرها كاديلاك Xlr-v و يشتروا مليون عربيه امريكيه او اوروبيه


ليه بقي جم عند دي و اشتروها


ولا هما عاوزين يضيعوا فلوسهم في عربيه عديمه الجوده؟؟

[فادى]

"يا جماعه انتوا خرجتوا عن الموضوع

دلوقتي حاليا نيسان قربت تقفل باب الحجز علي Gt-r في امريكا

جالها طلبات اكتر من قدرتها الانتاجيه قالت الباقي بعدين

ليه كل دووووول مع ان الامريكان ممكن يشتروا بورش 911 ارخص

و ممكن يشتروا بسعرها عربيتين كورفيت

و يشتروا بسعرها كاديلاك Xlr-v و يشتروا مليون عربيه امريكيه او اوروبيه


ليه بقي جم عند دي و اشتروها


ولا هما عاوزين يضيعوا فلوسهم في عربيه عديمه الجوده؟؟"

:) ايه الحلاوة دى رجعنا تانى للداتسون ما علينا.
سعر النيسان جى تى أر المتوقع 70 ألف دولار.
البورش 911 كاريرا أرخص موديل فيها 100,000 دولار.
الفيرارى بقى الى بتلهث خلف النيسان سعرها عارف كام؟؟!
أرخص عربية فيرارى بقولك أرخص عربية فيرارى (اف 430) هتكلفك 173 ألف دولار بالتمام و الكمال يعنى أكتر من ضعف تمن النيسان الصاروخ الأرض جوى التى لم يأتى العالم يمثلها من قبل.
أما عربيات فيرارى الأخرى فبلاش نتكلم عن أسعارها لأن كلها معدية ال230 ألف.

http://autos.yahoo.com/newcars/comparison/results.html;_ylt=Ap33Jgp_QjrfrYUL7nbd19odc78F;_ylv=3?pagetitle=overview&search_type=all&make=ferrari&model=5265%3Aferrari_599gtbfiorano_2007&trim=21520&carid0=20437&carid1=21549&carid2=21520

[PRO-DRIVE]

البورش 911 كاريرا أرخص موديل فيها 100,000 دولار

بما انك اتطورت و بدأت تدخل المواقع بتاعت الاسعار احنا هنا مش بنتكلم علي 911
كاريرا

احنا بنتكلم علي 911 تربو ها

الفيرارى بقى الى بتلهث خلف النيسان سعرها عارف كام؟؟

محدش جاب سيره فيراري يا عم فادي خالص




روح شوف 911 تربو بكام

و روح شوف اكس ال ار كاديلاك بكام

و روح شوف كورفيت بكام

و روح شوف كورفت C6zo6 بكام

و روح شوف كورفت Zr1 بكام


كل دول عربيات ارخص منها و بتجيب نفس ادائها و محركاتها معمره و كلهم سيارات امريكيه 100%

" معادا بورش " بتستخدم محركات كثيره الاختراب مع شاحن تربو الاختراع الفاشل

[فادى]

"بما انك اتطورت و بدأت تدخل المواقع بتاعت الاسعار احنا هنا مش بنتكلم علي 911
كاريرا

احنا بنتكلم علي 911 تربو ها "

يا راجل يا طيب!!
البورش 911 أرخص حاجة فيها الكاريرا!
ال911 تربو سعرها 139 ألف دولار.
و المفاجأة الكبرى بورش بوكستر(سيارة بورش الرياضية من المستوى الابتدائى) سعرها 82,903 دولار!! يعنى أغلى من النيسان (السوبر رياضية على افتراض) ب11 ألف كاملين سعر عربية تويوتا كورولا فول أوبشن!!
المفاجأه الأكبر, شفروليه كورفيت(السحلفاة التى تلهث وراء الأرنب-أسف- نيسان جى تى ار) ال زد 1 سعرها 85 ألف دولار!! أغلى من النيسان ب15 ألف دولار يعنى سعر عربية كورولا فول أوبشن و شوية فكة!

http://autos.yahoo.com/newcars/comparison/results.html;_ylt=AhWWnIX4uARSnwIFFc.SG2Adc78F;_ylv=3?pagetitle=overview&carid0=20241&carid1=22290&carid2=20412&compare=Compare+cars

[Chicco]

المفاجأة الكبرى بورش بوكستر(سيارة بورش الرياضية من المستوى الابتدائى) سعرها 82,903 دولار!! يعنى أغلى من النيسان (السوبر رياضية على افتراض) ب11 ألف كاملين سعر عربية تويوتا كورولا فول أوبشن!!

فادي باشا كويس جدا إن حضرتك ابتديت تراجع مواقع النت قبل ما تضيف معلومات من غير مصدر ....بس للأسف حضرتك برضه غلطان
بص يا سيدي سعر العربية في الموقع ده (Yahoo autos ) هو
ال-MSRP = Manufacturer Suggested Retail Price
يعني سعر العربية المقترح من الصانع .......السعر اللي حضرتك استعملته هو
Total Cost to own
و ده حسبة ل تكلفة إمتلاك العربية بعد ٥ سنين من الاستخدام بمعدل ١٥ ألف ميل في السنة و ده بيذكروه لأن فيه عربيات ممكن تشتريها رخيص بس تكلفك جامد بعد كده..... يعني في الجدول اللي حضرتك عملته سعر ال-Boxster S ٥٥ و نص انما حتكلفك حوالي ٨٣ ألف في ٥ سنين
بالمناسبة سعر ال-Boxster يبتدي من ٤٥ ألف !!
و بالمناسبة برضه سعر الكورولا جميع الكماليات ٢٤ و نص..... جرب الرابط ده و إختار الكماليات اللي إنت عايزها:

http://autos.yahoo.com/make/2001index.htm?id=2007490320&garage=-ADMIN,%20FE-M,%20-LSEAT,%20-PT,%20CK,%20AW,%20AB,%20SR,%20VS,%20H1,%20XT7,%20FP5,%20AT1,%20CF3,%20CL7,%20CM4,%20CX2,%20LA1,%20MG1,%20PC5,%20PV4,%20PV5,%20QS1,%20RS1,%20SA1,%20TW5&page=options

[mtema99]

فادي
انا كان نفسي مضطرش اقول كده لحد
بس مضطر اقولها
رجاء
إذا اردت ان تتكلم في مجال ما فيجب عليك ان تكون موثوق و بمعلومات موثقه
و للاسف انت اصبحت غير موثوق جدا
ولا اعلم من اين لك بهذه المعلومات الغريبه سيدي
و الاغرب اننا كلما اعطينا لك رابط لموقع او ملف يدل على عكس ما تقتنع به ترفضه
و اخشى انك تسير بمبدا خالف تعرف

[tutankhamoun]

و اخشى انك تسير بمبدا خالف تعرف

هو بالفعل يسير وفقا لهذا المبدأ

[فادى]

"فادي باشا كويس جدا إن حضرتك ابتديت تراجع مواقع النت قبل ما تضيف معلومات من غير مصدر ....بس للأسف حضرتك برضه غلطان
بص يا سيدي سعر العربية في الموقع ده (Yahoo autos ) هو
ال-MSRP = Manufacturer Suggested Retail Price
يعني سعر العربية المقترح من الصانع .......السعر اللي حضرتك استعملته هو
Total Cost to own
و ده حسبة ل تكلفة إمتلاك العربية بعد ٥ سنين من الاستخدام بمعدل ١٥ ألف ميل في السنة و ده بيذكروه لأن فيه عربيات ممكن تشتريها رخيص بس تكلفك جامد بعد كده..... يعني في الجدول اللي حضرتك عملته سعر ال-Boxster S ٥٥ و نص انما حتكلفك حوالي ٨٣ ألف في ٥ سنين
بالمناسبة سعر ال-Boxster يبتدي من ٤٥ ألف !!
و بالمناسبة برضه سعر الكورولا جميع الكماليات ٢٤ و نص..... جرب الرابط ده و إختار الكماليات اللي إنت عايزها:"

لا أعرف ما هذا الكلام الغريب, Total Cost To own تعنى التكلفة الكلية لشراء السيارة, و لا أعتقد أنها التكلفة بعد 5 سنوات أو 10 سنوات من أين لك بهذا الكلام الغريب!!أعتقد انها تعنى التكلفة بعد الضرائب و الجمارك و نسبة التاجر الى أخره.
تحتها فيه الMarket Price أى سعر السوق, أعتقد دى واضحة.
و أما السعر المقترح من الصانع فهو سعر مضاف اليه الجمارك و الضرائب و مكسب التاجر, يعنى مش هو السعر النهائى.
بلاش يا عم, طب هناخد على كلامك برضو هنلاقى البورش 911 تربو سعرها 122,900$ يعنى ضعف النيسان تقريبا, و هنلاقى الكورفيت 71 ألف دولار يعنى أغلى برضو من النيسان.
و بلاش نفتح فى موضوع نيسان لأنى عندى كلام كتير أقوله فيها, و كفاية نقول ان شركة نيسان (العملاقة) كانت لوقت قريب بتعتمد على أستون مارتن و كانت شركة تجميع لسيارات أستون مارتن, و لما تركتها أستون مارتن وقعت فى دوامات الفشل الى أن جاءت رينو و انتشلتها(اتلم المتعوس على خايب الرجا).

[mtema99]

هي مش رينو ديه من الشركات الاوروبيه اللي انت بتمجدها باين ولا هترجع تقول كلام مختلف

[فادى]

"هي مش رينو ديه من الشركات الاوروبيه اللي انت بتمجدها باين ولا هترجع تقول كلام مختلف"

لا يا سيدى أنا مش بمجد الأوروبى و لا حاجة عموما أنا بحب ثلاثة سيارات فى الأوروبى فقط مرسيدس و بيجو و فيات بفروعها.و مش كل الأوروبى فى سلة واحدة حضرتك!

"فادي
انا كان نفسي مضطرش اقول كده لحد
بس مضطر اقولها
رجاء
إذا اردت ان تتكلم في مجال ما فيجب عليك ان تكون موثوق و بمعلومات موثقه
و للاسف انت اصبحت غير موثوق جدا
ولا اعلم من اين لك بهذه المعلومات الغريبه سيدي
و الاغرب اننا كلما اعطينا لك رابط لموقع او ملف يدل على عكس ما تقتنع به ترفضه
و اخشى انك تسير بمبدا خالف تعرف"

المعلومات الى كتبتها فى المقالة كلها موثقة, و لم أرى ردا عليها الى الأن, كل الردود التى رأيتها من عينة "احنا ولاد النهاردة", "التقليد مش عيب", "تويوتا بتبيع كتير و القاشية معدن", "معايا عربية تويوتا عاملة مليون كيلو و مش بتبوظ!!!!" , " الناس الى راكبة تويوتا مبسوطة و مزاجهم عالى" الى أخره.

[mtema99]

لقد ارسلت لك انا و زملائي فالمنتدى الكثير من الوابط التي ترفضها ولا اعلم سبب واحد
و على العموم لك حر فيما يريد
ولكن سيدي هناك فرق بين القلب و ما يريد و بين المنطق و الحياديه للعقل

[PRO-DRIVE]

يا عم فادي كلام استاذ شيكو صح توتال كوست تو اون بعد 5 سنين من امتلاك العربيه

انت بتشوف اغلي رقم و تخطه و خلاص استني بقي لما الجي تي ار تنزل و حنحطلك اغلي رقم برضه

بالمناسبه اول عربيه من شيفورليه كانت مقتبسه من مين ؟؟

اول عربيه من ساب و من فولفو كانت مقتبسه من مين ؟؟

طيب اول عربيه لفيات كانت علي قاعده عجلات شركه ايه :) ؟

يا عم فادي والله انا كفيل اجيبلك كل الشركات اللي بدأت و الناس تتمناهم كانت بدايتها علي قواعد عربيات تانيه


ثقافتك وصلت لبجاناني زوندا ؟؟؟ لو تعرف دي من اثبث السيارات علي الارض في العالم

و من اسرعها كمان


بتستخدم محركات من مرسيدس هل كدا هي شركه فاشله ؟؟؟

شيفورليه بتستخدم محركات دايو و تقول عليها شيفورليه

صح ولا انا غلطان ؟؟؟

[فادى]

"يا عم فادي كلام استاذ شيكو صح توتال كوست تو اون بعد 5 سنين من امتلاك العربيه

انت بتشوف اغلي رقم و تخطه و خلاص استني بقي لما الجي تي ار تنزل و حنحطلك اغلي رقم برضه

بالمناسبه اول عربيه من شيفورليه كانت مقتبسه من مين ؟؟

اول عربيه من ساب و من فولفو كانت مقتبسه من مين ؟؟

طيب اول عربيه لفيات كانت علي قاعده عجلات شركه ايه ؟

يا عم فادي والله انا كفيل اجيبلك كل الشركات اللي بدأت و الناس تتمناهم كانت بدايتها علي قواعد عربيات تانيه


ثقافتك وصلت لبجاناني زوندا ؟؟؟ لو تعرف دي من اثبث السيارات علي الارض في العالم

و من اسرعها كمان


بتستخدم محركات من مرسيدس هل كدا هي شركه فاشله ؟؟؟

شيفورليه بتستخدم محركات دايو و تقول عليها شيفورليه

صح ولا انا غلطان ؟؟؟"

أنا مشفتش أغلى رقم و حطيته أنا حطيت الرقم ده على أساس انو بيقولك التكلفة الكلية, و ده أقرب تعبير لسعر المبيع, لأنى لاقيت أرقام كتيرة و مش عارف أنهى فيهم السعر:) ما علينا حتى لو خدت أقل رقم هتلاقيه أعلى من النيسان.
لا يا عزيزى فيات مخدتش شاسيه أى عربية فيات اتأسست سنة 1899 و أنتجت أولى سيارتها فى العام نفسه و كان اسمها فيات 4 اتش بى, و مكنتش واخدة أى حاجة من أى حد و مكانش فيه حد أساسا تاخد منه حاجة فى الوقت ده!
شفروليه مينفعش نتكلم عليها بشكل مستقل لأنها جنرال موتورز, و بالنسبة لجنرال موتورز فهى شركة مخدتش حاجة من حد برضو!
و موضوع الدايو انو جنرال موتورز بعدما اشترت دايو, رأت أنه من الأفضل وضع علامة شفروليه على سيارات دايو لأن الناس تثق فى اسم شفروليه و لا تثق فى اسم دايو, و جنرال موتورز تفعل الشىء نفسه مع أوبل و مع سوزوكى (معظم سيارات أوبل و سوزوكى تسوق داخل الولايات المتحدة تحت اسم شفروليه), و عندك مثلا سيارة اسمها شفروليه الدبابة النص النقل, هى أصلا سيارة تنتجها شركة ايسوزو اليابانية و تسوق تحت اسم شفروليه, أى أن شركة جنرال موتورز تستغل اسم شفروليه للترويج لمنتجات الشركات الأخرى التى لا تتمتع باسم عريق.
و جنرال موتورز هى شركة أسستها بويك(احدى أهم شركات جنرال موتورز الأن) و التى تأسست بدورها عام 1903 و لم تعتمد على أى شركة أخرى. و شفروليه تأسست بعد ذلك.

[PRO-DRIVE]

جنرال موتورز اساسا معتمده علي كل الناس

طيب تفسر بأيه مشروع ساب 9-2 ؟؟؟