تويوتا , 70 عاما من التقليد!

[iunknown]

طيب حيث ان الموضوع وصل لكدة انا هاحط الكتاب ده هنا .
انا كنت ناوي افتح له موضوع لوحده علشان فيه احصائيات في منتهى الغرابة ما كنتش احلم بيها -انا من عشاق الأرقام-.
أولا شوف اليابان ترتيبها فين.
ثانيا شوف اليابان مساحتها كام وعندها موارد ايه.
ثالثا شوف تكاليف العيشة هناك عامله ازاي.

الكتاب اسمه Pocket World in Figurs صادر عن الايكونوميست طبعة 2007
ياريت بلاش نظرية المؤامرة وان اللي كاتبين الكتاب مرتشين

4 لينكات ماحدش ليه عذر
الكتاب حوالي 1.1 ميجا

http://depositfiles.com/files/3003548

http://rapidshare.com/files/82395571/Pocket_World_in_Figures.pdf

http://w13.easy-share.com/14426951.html

http://www.filefactory.com/file/cca906/

[tutankhamoun]

أشعر و كأنني أتحاور مع إنسان نقوله ده ثور يقول أحلبوه
نرجع نقول بس ده مش بقرة ........ ده ثور و مازال الرد واحد
يجب أن نخرج لبن من هذا الثور

يا أستاذ فادي
اليابان أغلى عمالة في العالم أجمع
الحياة في اليابان و الأيدي العاملة في اليابان أغلى من أمريكا و أوروبا يا أستاذ فادي
نحلفلك على أيه علشان تصدق

بس تصدق إني حاسس أنك مش عايز تصدق أو تسمع
أنت فيه صدى في دماغك بيردد نفسه و لا تصدق غيره

------------------------------
نرجع لموضوع المشغلات الموسيقية
الهدف منها غير هام يعني هي منتج ترفيهي
و لكن هل يمنع هذا أنها صناعة معقدة ؟؟؟؟
بالطبع المشغلات الموسيقية صناعة معقدة نظرا لدقة الالات و دقة المكونات التي يتم صناعتها لعمل جهاز لتشغيل الموسيقى
أنت فاكرني بهاجم مصر أو روسيا ؟؟؟
بالطبع لا ........ مصر دي بلدي حبيبتي اللي نفسي تتطور و تصبح دولة متقدمة و منتجة للتكنولوجيا
بس في حاجة حضرتك مش واخد بالك منها
إن ميزانية اليابان للبحث العلمي تمثل ميزانية دولة مصر كاملة لمدة ثلاثة سنوات
يعني اللي اليابان بتصرفه علشان تتطور سنويا هو مثل ما مصر تصرفه إجماليا في ثلاث سنوات
و بعدين برضه حضرتك تجاهلت معظم الرد و رديت على جزء بسيط كالعادة
قلنا إن اليابان بصنع من الإبرة للصاروخ
رحت أنت قايل إن مصر اللي بصنع من الإبرة للصاروخ
يا راجل ده حتى الإبر بتاعة الخياطة و بتاعة الماكينات الخاصة بالخياطة يتم إستيرادها من اليابان و الصين
------------------
يا أستاذ فادي أنت بتقول إن اليابان متخلفة علميا لأنها تصنع مشغلات موسيقى ؟؟؟؟
طيب تقول أيه على مصر اللي ما بصتنع أي حاجة ؟؟؟؟
لما الدولة الوحيدة في العالم اللي بتصنع كل حاجة ...بتقول عليها متخلفة علميا
يبقى تقول أيه على مصر و على الدول العربية ؟؟؟؟؟؟؟
------------------
معلومة تانية
اليابان تصنع الآتي
حفارات بترول - معدات ثقيلة --- الالات مصانع -- اليكترونيات -- ماكينات خياطة -- حاسبلات آلية -- سيارات -- قطارات -- أسرع قطارات العالم -- اطارات سيارات -- أحذية -- ملابس -- معدات الغوص -- تليفونات محمولة -- تليفونات و سنترلات عادية -- سفن عملاقة ( لا يتم صناعتها في مصر ) -- و حتى لو تمت تركيبها في مصر يتم التركيب بدون صناعة المحرك محليا -- حافلات سياحية -- معدات نووية -- بناء مفاعلات نووية -- شاشات بلازما و ال سي دي -- ساعات رقمية و تماثلية -- ابر خياطة -- الأبر الخاصة بماكينات الخياطة -- بطاريات -- أبنية مقاومة للزلازل - مشغلات موسيقية -- اليابان المورد رقم واحد للمكونات الإلكترونية حول العالم -- أجهزة لاسلكية -- ............... الخ و القائمة تطول
----------------------------------------------
نيجي بقى لسيارتك حبيبتك اللي محدش بيشتريها الا اللي مضطر يعني واحد فلوسه على أده ( و ده مش عيب إن الواحد يكون فلوسه على أده )
الفيصل في عوامل الجودة هنا هو المستهلك
فنجد أن المستهلك لفظ السيارة الروسية الصنع و المسماه لادا
لماذا ؟؟؟ هل هو عداء مع الروس ؟؟؟ أم لأن السيارة سيئة ؟؟
الإجابة ستكون
أن السيارة سيئة جدا من كل ناحية
موتور ضعيف ..... و مستخدم خامات سيئة جدا في صناعته
موتور صوته عالي جدا ...... موتور مستهلك للوقود بطريقة فظيعة
نيجي بقى لبقية مكونات السيارة
سيارة غير مريحة --- قيادتها تحتاج إلى رجل يكون مواظب الذهاب للجيم علشان تكون عضلاته جامدة علشان يقدر يتحكم فيها
دريكسيون زبالة يحدف يمين و شمال على سرعات قليلة
و تبقى ليلتك سودة لو فكرت تعدي 100 ..... !!!!
كارونة سيئة جدا
و طبعا الشركة فاشلة مش في مصر بس و لكن في السوق الروسي و سوق دول أوروبا الشرقية
------------ نيجي بقى للسيارات الياباني إللي مش عاجبه حضرتك ( و أنا قلت قبل كدا دي حريتك الشخصية أنها تعجبك أو لاءة ) و لكن ما تفتريش عليهم بغير الحق
لو التويوتا دي فعلا عربية زبالة مكنتش بقيت السيارة الأولى عالميا في المبيعات سنة 2006 و السيارة رقم 2 في المبيعات بعد مجموعة جنرال موتورز سنة 2007 و لعى فكرة جاء تفوق جنرال موتورز ب 3000 سيارة فقط لا غير .
-------------------
و طبعا حضرتك ستتجاهل كل الكلام ده و ترد عليا رد عائم لا معنى له و تقولى مصر رقم واحد تكنولوجيا و اليابان أخر دولة في العالم و ناقص تقولي موزمبيق بصنع أحسن من اليابان .
بس عادي أنا أتعودت على ردودك و كلامك
براحتك خالص ياباشا ...... تقول مصر تقول الهند إن شاء الله حتى زامبيا ..... مفيش أي مشكلة
و أنا عارف إن كل الكلام ده و كأني بخبط دماغي في الحيطة
بس برضه عادي أهو الواحد يتسلى شوية و يتدرب على المعلومات الصناعية و الجغرافية
و يجب أن تشكرني مع أخيك و أخي برو درايف على هذا الصبر الطويل في الردود على مداخلاتك .
و السلام ختام يا أستاذ فادي

[tutankhamoun]

نسيت حاجة
هل حب العمل عيب ؟؟؟؟؟
طيب ياريت الناس في مصر تشتغل زي الحمير
مكنش ده بقى حالنا
و الناس اللي بتشتغل كالحمير نجحت و فلحت و أصبحت متقدمة مثل اليابان و الصين و كوريا شمالها و جنوبها و أندونيسيا و الهند و ماليزيا ..........
و الحمير مخلوقات خلقها الله للعمل الشاق و يجب أن نتخذها مثال لنا عندما يكون الموضوع متعلق بالعمل

[tutankhamoun]

الولايات المتحدة و وروسيا و فرنسا هم رواد التكنولوجيا !!!!
يا أخي حرام عليك
روسيا من رواد التكنولوجيا ؟؟؟؟؟؟؟؟؟؟؟؟؟؟؟؟؟؟
أضحكتني يا أستاذ فادي و الله العظيم أنا فعلا فطسان من الضحك و مش قادر ..... أنا على الأرض من كتر الضحك
روسيا من رواد التكنولوجيا ؟؟؟؟؟؟؟؟؟؟؟؟؟؟؟؟؟؟؟؟
روسيا من رواد التكنولوجيا ؟؟؟؟؟؟؟؟؟؟؟؟؟؟؟؟؟؟؟؟
و فين ألمانيا و بريطانيا و أيطاليا ....
فين اليابان ...
فين فنلندا .....
فين كوريا الجنوبية و الشمالية .....
الموضوع مش موضوع جيش بس يا أستاذ فادي
طيب مصر عندها جيش قوي جدا
و لكن هل نحن منتجين أصلا للتكنولوجيا ؟؟؟ بالطبع لا
هل الصين دولة منتجة للتكنولوجيا ؟؟؟؟
نعم و لكن بدرجة أقل من اليابان بكثير
بس الحوار معاك جميل ........
روسيا رائدة تكنولوجيا ....... هاههههههههههههههههههههههه

[PRO-DRIVE]

مش عارف ليه يا استاذ فادي حاسس انك شيوعي ههههههههههه

[CosmicOne]

بجد استاذ فادى لذيذ و كوميدى جدا
انا حاسس انى بقراء رواية مضحكة

اصلوا كمان مسمعش ان فية عربيات و موبيلات و أجزاء كمبيوتر و اجهزة الكترونية اخرى بتصنع فى اليابان و لليابان فقط و حتى ممنوع تصديرها لأمريكا نفسها.

[PRO-DRIVE]

بجد استاذ فادى لذيذ و كوميدى جدا
انا حاسس انى بقراء رواية مضحكة

اصلوا كمان مسمعش ان فية عربيات و موبيلات و أجزاء كمبيوتر و اجهزة الكترونية اخرى بتصنع فى اليابان و لليابان فقط و حتى ممنوع تصديرها لأمريكا نفسها.

اليابانيين عندهم عاده سخييييفه

بيحبوا يحتفظوا بالعربيات الممتازه لنفسهم

[أبو عبدالله]

اليابانيين عندهم عاده سخييييفه

بيحبوا يحتفظوا بالعربيات الممتازه لنفسهم

فعلا والله عندك حق

انا من كام يوم شوفت واحد منطقة حره بورسعيد تخيل راكب ايه

راكب الكورولا الفيلدر بتاعت اليابان ووقفته وسألته هو جايبها منين قالي انا شغال في دبي وجبتها معايا ومعدلها الدركسيون شمال بدل يمين

بص والله يا احمد العربيه تحفه بجد انا اصلا مكنتش واخد بالي الا ان العربيه شكلها مميز وغريب شويه عن اللي هنا شوف كده وكان لونها ابيض كانت تحفه بجد

انا ساعتها كنت هتنقط قولت ياعني مش عارفين تبقى زي اللي عندنا كده

شوف اللي عندنا زي المنظر ده كده

[CosmicOne]

اليابانيين عندهم عاده سخييييفه

بيحبوا يحتفظوا بالعربيات الممتازه لنفسهم

فى اى حاجا تكنولوجيا بصراحة

[Chicco]

ياااه الدواير المفرغة تاني أنا بصراحة بقالي مدة مش عايز اشارك بس كل شوية تيجي مشاركة تدفعني دفعا للكتابة :)

اليابانيين بيعملوا كالحمير مقابل اجورز زهيده

المصطلح الصحيح هو Workaholic يعني مدمنين شغل و اليابانيين اللي حضرتك نازل تريقة عليهم شعب يعلي من قيمة العمل يا رب نبقى نصهم ولا حتى ربعهم
و الله يا فادي شفتها بعيني سنة ٢٠٠١ الناس طالعة مظاهرة اعتراضا على زيادة يوم اجازة في السنة
كله كوم و حكاية الاجور الزهيدة ديه كوم يا راااجل حرام عليك يا رب يوعدني بمرتب ياباني :D

اليابانيين عندهم عاده سخييييفه
بيحبوا يحتفظوا بالعربيات الممتازه لنفسهم

ركبت عربية في اليابان برضه ٢٠٠١ اسمها Toyota Celstor على ما أتذكر مشفتهاش في أي حتة في العالم و كانت أول مرة أشوف فيها Navigator راكب في تابلوه العربية و ساعتها حتى كان فيه إختيار لغات و شغلوه إنجليزي عشان خاطري و العبد لله مبهور في الكنبة الورانية

[mtema99]

chicco
الtoyota celsior هي هي lexus ls بس بتاعت اليابان قبل ما يبدوا يبيعوا اسم lexus فاليابان

[فادى]

"نيجي بقى لسيارتك حبيبتك اللي محدش بيشتريها الا اللي مضطر يعني واحد فلوسه على أده ( و ده مش عيب إن الواحد يكون فلوسه على أده ) "

كالعادة سيل من الردود الغاضبة التى تدافع عن الشعب اليابانى الشقيق!
حضرتك أنا وقت ما اتشريت الشاهين كان سعرها 68 ألف بالتمام و الكمال, و سعر الفيرنا على ما أذكر كان 62 ألف تقريبا و اللانوس كانت 56 ألف و كل دول فيهم امكانيات أكتر من الشاهين و مع كده الناس بتسيبهم و تروح تشترى الشاهين, مش بس كده, موديل ال1400 سعره كان 58 ألف و 59 ألف الميتاليك, يعنى قريب جدا من سعر الفيرنا و أغلى من اللانوس, ملحوظة أخيرة ال1400 فيها كاسيت بس!! و الناس بتشتريها و تستغنى عن التكييف و الباور عشان اسم الشاهين فقط!
و أتذكر أن المسئول عن توكيل فيات الجديد فى مصر قد أدلى بتصريح للأهرام للسيارات قال فيه بالحرف الواحد ان سيارات فيات مازالت تتمتع بسمعة جيدة فى مصر بفضل الشاهين و أنه سوف يستغل هذه السمعة لترويج موديلات فيات الجديدة.

"نرجع لموضوع المشغلات الموسيقية
الهدف منها غير هام يعني هي منتج ترفيهي
و لكن هل يمنع هذا أنها صناعة معقدة ؟؟؟؟
بالطبع المشغلات الموسيقية صناعة معقدة نظرا لدقة الالات و دقة المكونات التي يتم صناعتها لعمل جهاز لتشغيل الموسيقى
أنت فاكرني بهاجم مصر أو روسيا ؟؟؟
بالطبع لا ........ مصر دي بلدي حبيبتي اللي نفسي تتطور و تصبح دولة متقدمة و منتجة للتكنولوجيا
بس في حاجة حضرتك مش واخد بالك منها
إن ميزانية اليابان للبحث العلمي تمثل ميزانية دولة مصر كاملة لمدة ثلاثة سنوات
يعني اللي اليابان بتصرفه علشان تتطور سنويا هو مثل ما مصر تصرفه إجماليا في ثلاث سنوات
و بعدين برضه حضرتك تجاهلت معظم الرد و رديت على جزء بسيط كالعادة
قلنا إن اليابان بصنع من الإبرة للصاروخ
رحت أنت قايل إن مصر اللي بصنع من الإبرة للصاروخ
يا راجل ده حتى الإبر بتاعة الخياطة و بتاعة الماكينات الخاصة بالخياطة يتم إستيرادها من اليابان و الصين "

أنا دللت لحضرتك قبل كده بالأرقام و الدلائل على تخلف اليابان السياسى و التقنى.
بحسب معلوماتى المتواضعة فان 75% من الاختراعات تخرج من الولايات المتحدة و تتقاسم بقية الدول النسبة الباقية, و لكن كثير من هذه الاختراعات تذهب الى دول أخرى لصناعتها, و تلك الدول هى التى تفضلها الولايات المتحدة عن غيرها مثل اليابان, اسرائيل, كوريا الجنوبية و غيرهم.

بالنسبة للسيارة اللادا فلازم حضرتك تقارنها فى فئتها, اللادا هى سيارة اقتصادية صنعت لتكون سيارة رخيصة و قادرة على تلبية حاجات محدودى الدخل و تمكينهم من امتلاك سيارة متينة و قوية و لا تحتوى على الكثير من الترفيه, هى صنعت للشعب الروسى محدود الدخل و للجيش الروسى و طبعا حضرتك عارف انو سيارات الجيش لا يهم فيها عوامل الراحة و لا الرفاهية. لذا عندما تتحدث عن اللادا لازم تقارنها على أساس فئتها و سعرها, و لكن هذا لا يمنع مثلا وجود سيارات رائعة من لادا مثل نيفا ال4*4 ذات القدرات الجيدة على الطرق غير المعبدة. بالاضافة الى سيارات لادا الجديدة و لاسيما ال2110 التى تتمتع بأداء لا بأس به أبدا.

"الولايات المتحدة و وروسيا و فرنسا هم رواد التكنولوجيا !!!!"

حضرتك كنت بتحارب لوقت قريب جدا بطائرات روسية الصنع, و صناعة الحديد و الصلب دخلت مصر بفضل الروس, و بفضلهم أصبحت مصر أكبر مصنع للصلب فى الشرق الأوسط, المقاومة فى فلسطين و العراق كلها شغالة بأسلحة روسى, الاتحاد الأوروبى و أمريكا خايفين من ايران المسلحة , عارف ايران بتاخد أسلحتها منين؟ و عارف من يقوم ببناء محطاتهم النووية و يزودهم بالتكنولوجيا النوويةو روسيا برضه. كون انها لا تصنع الألكترونيات الاستهلاكية (التى يأخذها الكثيرون دليلا على التقدم) ليس معناه أنهم لا يصنعون الالكترونيات , و فى مجال عملى, نستورد كثير من المعدات الاكترونية الدقيقة من الروس, و معظمها لا نجدها الا لدى الأمريكيين.
كون ان امريكا بتحاول تقويضهم اقتصاديا و كون ان سياستهم الاشتراكية أدت باقتصادهم الى الفشل, لا يعنى أن نبخس حقهم أبدا, بل ان العديد من الخبراء يتوقعون أن تتعملق دول شرق اوروبا , بعد التحرر من الشيوعية, و تسيطر على جزء كبير من اقتصاد العالم, لأنها دول تمتلك تكنولوجيا هائلة و عمالة مدربة و لا ينقصها سوى التخطيط الصحيح و الاستثمارات, و لكن مازالت بقايا السياسات الاشتراكية توقف نمو الاقتصاد لدى هذه الدول, تماما مثلما يحدث عندنا, و هو ما تحاول الحكومة الحالية فعله و أعتقد انها نجحت فيه الى حد كبير, و لهذا أعلن الدكتور أحمد نظيف أن مصر سوف تصبح دولة متقدمة بحلول عام 2020, هذا الكلام ليس للاستهلاك المحلى و لا وعود حكومية من اياها, بل هى توقعات بناها على معطيات تقول بأن مصر تمتلك الخبرة و التكنولوجيا و العمالة المدربة, و لا ينقصها سوى تحرير الاقتصاد و الانطلاق, و هو ما فعلته حكومته, و لا يبقى لنا الا ان ننتظر.

"طيب مصر عندها جيش قوي جدا "

لا تنسى أن الدول توجه معظم التكنولوجيا التى تمتلكها الى الصناعات الحربية ثم تبدأ تلك التكنولوجيا بالتدريج التحول الى المجالات المدنية , لذا فان الصناعات الحربية هى المؤشر الحقيقى لتقدم دولة ما و امتلاكها لسبل التكنولوجيا.

[iunknown]

حضرتك أنا وقت ما اتشريت الشاهين كان سعرها 68 ألف بالتمام و الكمال, و سعر الفيرنا على ما أذكر كان 62 ألف تقريبا و اللانوس كانت 56 ألف و كل دول فيهم امكانيات أكتر من الشاهين و مع كده الناس بتسيبهم و تروح تشترى الشاهين, مش بس كده, موديل ال1400 سعره كان 58 ألف و 59 ألف الميتاليك, يعنى قريب جدا من سعر الفيرنا و أغلى من اللانوس, ملحوظة أخيرة ال1400 فيها كاسيت بس!! و الناس بتشتريها و تستغنى عن التكييف و الباور عشان اسم الشاهين فقط!

1- أعتقد انه اللي حضرتك عملته مش سبب أو مقياس يخلي الشاهين افضل من السيارات اللي حضرتك ذكرتها.
2- شراء سيارات كالشاهين أو اللادا نظرا لسعرها لا يعيب فيهما فهي سيارات "اقتصادية" كما تقول

و أتذكر أن المسئول عن توكيل فيات الجديد فى مصر قد أدلى بتصريح للأهرام للسيارات قال فيه بالحرف الواحد ان سيارات فيات مازالت تتمتع بسمعة جيدة فى مصر بفضل الشاهين و أنه سوف يستغل هذه السمعة لترويج موديلات فيات الجديدة.

أعتقد أنه كلام جرائدللاستهلاك المحلي فالمصنع الذي ينتج الشاهين ليس هو نفس المصنع الذي ينتج البونتو مثلا ولست اظن انني سوف اشتري البونتو مثلا استنادا على سمعة الشاهين

أنا دللت لحضرتك قبل كده بالأرقام و الدلائل على تخلف اليابان السياسى و التقنى.
بحسب معلوماتى المتواضعة فان 75% من الاختراعات تخرج من الولايات المتحدة و تتقاسم بقية الدول النسبة الباقية, و لكن كثير من هذه الاختراعات تذهب الى دول أخرى لصناعتها, و تلك الدول هى التى تفضلها الولايات المتحدة عن غيرها مثل اليابان, اسرائيل, كوريا الجنوبية و غيرهم.

ارجو ذكر الارقام ومصادرها حيث ان الارقام الي لدي تقول

No. of patents granted to residents
1 Japan 110,053
2 United States 86,551
3 Taiwan 26,964
4 South Korea 24,984
5 Germany 19,593
6 Russia 14,454
7 France 10,737
8 China 5,913

المصدر: الايكونوميست ( مجلة أمريكية )

حضرتك كنت بتحارب لوقت قريب جدا بطائرات روسية الصنع, و صناعة الحديد و الصلب دخلت مصر بفضل الروس, و بفضلهم أصبحت مصر أكبر مصنع للصلب فى الشرق الأوسط, المقاومة فى فلسطين و العراق كلها شغالة بأسلحة روسى, الاتحاد الأوروبى و أمريكا خايفين من ايران المسلحة , عارف ايران بتاخد أسلحتها منين؟ و عارف من يقوم ببناء محطاتهم النووية و يزودهم بالتكنولوجيا النوويةو روسيا برضه. كون انها لا تصنع الألكترونيات الاستهلاكية (التى يأخذها الكثيرون دليلا على التقدم) ليس معناه أنهم لا يصنعون الالكترونيات , و فى مجال عملى, نستورد كثير من المعدات الاكترونية الدقيقة من الروس, و معظمها لا نجدها الا لدى الأمريكيين.
كون ان امريكا بتحاول تقويضهم اقتصاديا و كون ان سياستهم الاشتراكية أدت باقتصادهم الى الفشل, لا يعنى أن نبخس حقهم أبدا, بل ان العديد من الخبراء يتوقعون أن تتعملق دول شرق اوروبا , بعد التحرر من الشيوعية, و تسيطر على جزء كبير من اقتصاد العالم, لأنها دول تمتلك تكنولوجيا هائلة و عمالة مدربة و لا ينقصها سوى التخطيط الصحيح و الاستثمارات, و لكن مازالت بقايا السياسات الاشتراكية توقف نمو الاقتصاد لدى هذه الدول, تماما مثلما يحدث عندنا, و هو ما تحاول الحكومة الحالية فعله و أعتقد انها نجحت فيه الى حد كبير, و لهذا أعلن الدكتور أحمد نظيف أن مصر سوف تصبح دولة متقدمة بحلول عام 2020, هذا الكلام ليس للاستهلاك المحلى و لا وعود حكومية من اياها, بل هى توقعات بناها على معطيات تقول بأن مصر تمتلك الخبرة و التكنولوجيا و العمالة المدربة, و لا ينقصها سوى تحرير الاقتصاد و الانطلاق, و هو ما فعلته حكومته, و لا يبقى لنا الا ان ننتظر.

"كنت" هو فعل ماضي . على فكرة ماحدش بيقول ان روسيا دوله متخلفة زي مصر لأ روسيا عندها تكنولوجيا خاصة بها و طورها الروس ولكن ذلك لا يعني اطلاقا انهم اصحاب تكنولوجيا أفضل من اليابانيين
ووعود الدكتور نظيف اتمنى ان تكون حقيقية واتمنى ان أكون متفائلا مثلك

"طيب مصر عندها جيش قوي جدا "

لا تنسى أن الدول توجه معظم التكنولوجيا التى تمتلكها الى الصناعات الحربية ثم تبدأ تلك التكنولوجيا بالتدريج التحول الى المجالات المدنية , لذا فان الصناعات الحربية هى المؤشر الحقيقى لتقدم دولة ما و امتلاكها لسبل التكنولوجيا.

عندها جيش قوي يعوض نقصه التكنولوجي بالتدريب الجاد حيث ان "العرق في التدريب يوفر الدم في المعركة"
هل تعتقد ان لدينا صناعات حربية يمكن ان تشير الى امتلاكنا تقدم من نوع ما؟
اتمني ذلك واعلم انه "ليس كل ما يتمناه المرء يدركه"

[Ahmed Hassan]

No. of patents granted to residents
1 Japan 110,053
2 United States 86,551
3 Taiwan 26,964
4 South Korea 24,984
5 Germany 19,593
6 Russia 14,454
7 France 10,737
8 China 5,913


المصدر: الايكونوميست ( مجلة أمريكية )

اقولك انا الرد اللي هيتكنب مقدما:

"ايكونوميست دي مجل امريكيه امبرياليه منبعجه تحاول اضافه انجازات كاذبه للدوله اليابانيه الهامشيه المتخلفه التي ليست سوى امتداد اقتصادي خلقه الامريكان لانعاش السوق الامريكي و محاربه الاحتكار"

اآه نسيت و كمان "همه بيقبضوا من اليابانيين فيظبطوهم علشان اليابانببن بيعملوا اعلانات في المجله دي" :]

[tutankhamoun]

اقولك انا الرد اللي هيتكنب مقدما:

"ايكونوميست دي مجل امريكيه امبرياليه منبعجه تحاول اضافه انجازات كاذبه للدوله اليابانيه الهامشيه المتخلفه التي ليست سوى امتداد اقتصادي خلقه الامريكان لانعاش السوق الامريكي و محاربه الاحتكار"

اآه نسيت و كمان "همه بيقبضوا من اليابانيين فيظبطوهم علشان اليابانببن بيعملوا اعلانات في المجله دي" :]

:D :D :D :D :D :D :D :D :D :D :D :D :D :D
:p :p :p :p :p :p :p :p :p :p :p :p