تويوتا , 70 عاما من التقليد!

[mino]

فيه جزيرة صغيرة اسمها ميكرونيزيا

هذة الجزيرة تقع فى مكان ما فى المحيط الهادى

لكن الغريب انها دولة وعضو فى الأمم المتحدة

المهم ان هذة الدولة تنتهج سياسه غريبة جدا

فكلما جرى تصويت فى الأمم المتحدة تجد النتائج كالآتى:

موافقة جميع الأعضاء وامتناع انجلترا ورفض امريكا واسرائيل وميكرونيزيا

او مثلا

موافقه جميع الأعضاء ورفض باكستان وايران وميكرونيزيا

او

رفض جميع الأعضاء ما عدا كوريا الشمالية وايران وميكرونيزيا

ورغم ان كل المواقف التى توافق عليها تلك الدولة او ترفضها لاتخصها من قريب او من بعيد إلا انها وجدت طريقة لكى تجعل اسمها يذكر فى كل حدث هام فى العالم

وكانت هذة هى الطريقة التى عرف بها واحد مصرى بسيط زى حالاتى ومثلى كثير فى انحاء العالم ان فيه دولة اسمها ميكرونيزيا وبالتالى ارى انها نجحت فى فيما تصبو اليه

ايه رأيكم؟ :) :) :) :)

:) :) :) :) انت مشكلة مع احترامي الكامل لك
انت الوحيد اللي بتخليني اضحك في هذا المنتدي

[tutankhamoun]

:D اليابان كوخة و محدش يشتري منتجاتها :D
الأستاذ فادي كتر ألف خيره بيفتح عنينا على حقائق محدش عارفها في العالم كله
ألف شكر يا أستاذ فادي
و لسه رسالة الشكر اللي جاري بعتها لحضرتك علشان عربيته التويوتا كورولا المعفنة الزبالة اللي عاملة385 ألف كيلو متر فقط لا غير و مغيرش فيها حاجة خالص غير الزيت و المية
و بيقولك ألف شكر يا أستاذ فادي علشان هو من ساعة من سمع إن حضرتك بدأت حملتك المظفرة على تويوتا الغشاشين اللي عربيتهم مالية العالم و ضحكوا على الناس كلها علشان يشتروا عربياتهم .
و بيقولك
يقعدلك في عافيتك و صحتك و يبارك فيك

و مــــــــــــــــــــــــــــــــدددددددددد
حـــــــــــــــــــــــــي
على رأي أخونا حسام حسن ( مقولته )
:D :D :D :D :D
;) ;) ;) ;) ;) ;) ;) ;)
:p :p :p :p :p :p

[فادى]

"فيه جزيرة صغيرة اسمها ميكرونيزيا

هذة الجزيرة تقع فى مكان ما فى المحيط الهادى

لكن الغريب انها دولة وعضو فى الأمم المتحدة

المهم ان هذة الدولة تنتهج سياسه غريبة جدا

فكلما جرى تصويت فى الأمم المتحدة تجد النتائج كالآتى:

موافقة جميع الأعضاء وامتناع انجلترا ورفض امريكا واسرائيل وميكرونيزيا

او مثلا

موافقه جميع الأعضاء ورفض باكستان وايران وميكرونيزيا

او

رفض جميع الأعضاء ما عدا كوريا الشمالية وايران وميكرونيزيا

ورغم ان كل المواقف التى توافق عليها تلك الدولة او ترفضها لاتخصها من قريب او من بعيد إلا انها وجدت طريقة لكى تجعل اسمها يذكر فى كل حدث هام فى العالم

وكانت هذة هى الطريقة التى عرف بها واحد مصرى بسيط زى حالاتى ومثلى كثير فى انحاء العالم ان فيه دولة اسمها ميكرونيزيا وبالتالى ارى انها نجحت فى فيما تصبو الي"

لا يا سيدى انا مش ميكرونيزيا و مش عاوز شهرة و لا نيلة و لا باخد فلوس على الى انا بكتبه و مش مستفيد حاجة. أنا واحد بحب أكتب رأيى و بستمتع بالكتابة لا أكثر و لا أقل و لو حضرتك كنت تعرفنى كويس كنت هتعرف انو ده رأيى فى اليابانى من زمان و كنت بسخر من أى واحد صاحبى بيجيب عربية يابانى أو كورى يعنى ده مش كلام أنا مخترعو عشان الشهرة و لا الظهور.

[vet mitcho]

انا رأيي بدل ما نعد نتتقد لشركة شهد لها منافسوها
نحاول نتعلم ...
حتي لو قلدنا و عرفنا نقلد زي ما الشركات الكورية بتعمل مع اليابانية مش عيب نتعلم من اللي احسن مننا
العيب ان احنا نقعد نتفرج عليهم ونقول لا دي تويوتا كانت بتقلد

حتى لو افترضنا صحة كل ما تفترض في مقالتك اخي العزيز فادي ممكن اعرف فين المشكلة
مش عارف ايه اللي مضايقك بجد

الفراعنة مهد الحضارة ومهندسي العصور احفادهم دلوقتي مبيعرفوش يعملو طريق ممهد
حتي في الكورة يا باشا شوف انجلترا اللي عملت الكورة شوف ترتيبها

تويوتا السنة دي اكبر منتج سيارات في العالم بالارقام سواء شئنا او ابينا
وصدقني مش عيب اللي هما عملوه
العيب اللي احنا بنعمله
بالتوفيق

[PRO-DRIVE]

سيدى انا مش ميكرونيزيا و مش عاوز شهرة و لا نيلة و لا باخد فلوس على الى انا بكتبه و مش مستفيد حاجة. أنا واحد بحب أكتب رأيى و بستمتع بالكتابة لا أكثر و لا أقل و لو حضرتك كنت تعرفنى كويس كنت هتعرف انو ده رأيى فى اليابانى من زمان و كنت بسخر من أى واحد صاحبى بيجيب عربية يابانى أو كورى يعنى ده مش كلام أنا مخترعو عشان الشهرة و لا الظهور.

طيب ايه هي افضل و اقوي و اغلي سياره بعلامه فيات ؟؟

برضه مردتش عليا قبل كدا ايه الافضل من بيجو بينتج ؟؟


طييب هل تعرف واحد اشتري كورولا و قال عليها وحشه ؟؟ وليه

او حد اشتري نيسان و قال عليها عديمه الجوده ؟

او حد اشتري داتسون و ندم علي فعلته ؟؟

[فادى]

"انا رأيي بدل ما نعد نتتقد لشركة شهد لها منافسوها
نحاول نتعلم ...
حتي لو قلدنا و عرفنا نقلد زي ما الشركات الكورية بتعمل مع اليابانية مش عيب نتعلم من اللي احسن مننا
العيب ان احنا نقعد نتفرج عليهم ونقول لا دي تويوتا كانت بتقلد

حتى لو افترضنا صحة كل ما تفترض في مقالتك اخي العزيز فادي ممكن اعرف فين المشكلة
مش عارف ايه اللي مضايقك بجد"

لا يا سيدى احنا أكبر من كده و الثقافة الانهزامية دى هى الى موديانا فى داهية.
احنا نقدر نعمل أحسن من كده و من غير تقليد بس الموضوع مش حماس و قدرة هندسية الموضوع فيه سياسة و فيه اعتبارات اقتصادية و سياسية أكبر مما تتخيل. ليه؟
لأنك لما تصنع سيارة ممكن بعديها تصنع سيارة حربية و بعد كده ممكن تعمل دبابة! صدقنى لو على القدرة الفنية احنا عندنا بلا مبالغة خبراء فى تصميم و تصنيع السيارات أفضل من الموجودين حتى فى مرسيدس, و لكن! باختصار كده فيه سلع الدول الغربية بتمنع دول معينة من صناعتها! مش بطريقة مباشرة انما بطرق غير مباشرة عن طريق المنافسة و احدى أهم هذه الأساليب السلع الأسيوية الرخيصة ذات الأعداد الكبيرة.

"تويوتا السنة دي اكبر منتج سيارات في العالم بالارقام سواء شئنا او ابينا"

ده لا يدل على شىء, و لو أخذنا حجم المبيعات على انها مقياس, لكانت هيونداى و فيات و فولكس أفضل من مرسيدس و بى ام و جاجوار. و متنساش انو السبب الأساسى فى ده هو وجودها فى السوق الأمريكية الضخمة, و عدم وجود أى منافس أوروبى لها فى فئتها, و لا يوجد فى الولايات المتحدة أى شركات أوروبية سوى مرسيدس و بى أم فى و بورش و فيرارى و مازيراتى و فولكس, و كلها تباع بأسعار غير منطقية نتيجة للجمارك المفروضة عليها باستثناء فولكس طبعا, بالاضافة الى فولفو و ساب و هما شركتين تابعان لشركات أمريكية فورد و جنرال موتورز على ما أذكر.

[PRO-DRIVE]

صدقني كم كنت انت تتمني ان السيارات الاوروبيه كفيات تتسوق في امريكا

او زيستافا او لادا


و حاليا نفسي اشوفهم بيتسوقوا و اشوف جاذبيتهم


الا انت معرفتش فيات 500 خدت جايزه ايه في اوروبا :)

[معتز]

سيدى يا من تنتقد تويوتا

زمااااان ... اخنرع واحد و شركته حاجة اسمها العجله...Wheel ...كل شركات السيارات بتسخدم الاختراع دة ..........شركات خذت الفكرة وطورتها جيل ورا جيل........بس عمرهم ما اعادوا اختراع العجلة... بل طوروها ......الشكل هو هو بس الجودة والقيمة اختلفت.........تويوتا وغيرها عبر العالم بدأو بتطوير الموجود...وكذلك شركات الصناعة فى العالم............واعتقد ان الاهم من الاختراع هو تطوير الاختراع...........
.الليزر ........الكمبيوتر.......مفهوم الجودة الشامله....كل هذة الاشياء بدأت فى مكان فى العالم وتم تطويرها فى جهات اخرى حول العالم لرفاهية العالم كله........سيدى يا من تكرة تويوتا لهذا الحد.........لو مقالتك نقدية عادلة وحيادية لما تهكم عليها الكثيرون هنا.......ولكن رائحة التشفى والكراهية لمنتجات تويوتا فاحت بشكل يثير العجب وكأن بينك وبين تويوتا شئ شخصى لا نفهمة.......ارجو ان تراجع تقييمك وتحليلاتك واسلوب عرضك للمقال، وان تعيد التفكير فى طريقة تعبيرك ونقدك حتى لو كان ضد تويوتا اليابانية،................ ولك احترامى

[محمد ابراهيم 1]

بس تويوتا لم تتخطى جنرال موتورز الا فى مبيعات الربع الاول من العام لكن فى اجمالى مبيعات العام فجنرال موتورز هى الاعلى فى المبيعات لكن انا اعتقد ان تخطى تويوتا لجنرال موتورز هى مسأله وقت ليس أكثر

[Karim_Monir]

كان حظك اني النهاردة داي اووف ومسكت مقاللك اللي نصه مليء بمغالطات
وبعد ما قعدت كتبت كل حاجة وقمت اصلي العشاء ابني الصغير طفى الكمبيوتر
وحظك انه البي سي العادي مش الاب توب اللي انا ظابطة يعمل هايبرنيت
رجعت قلت سبحان الله ربنا مش رايدلي ارد عليك وازود الموضوع
بس احب اعرفك حاجة
يوم ما جيت اشتري عربيتي الكرولا الحالية وكانت عربيتي اللي قبلها ماكملتش 10 شهور معايا
ولما بعتها ماحبتش حد ياخدها من برة لانها والحمد لله تكاد تكون منعدمة الاعطال واديتها لاعز اصدقائي
كنت بقارن بين 8 سيارات
واحدة امريكية ذات تصنيع اروبي و3 اروبيات تماما
و4 اسيويات وماكنش فيهم الكرولا نهائي
وقت ماجيت اشتري واخد قرار دخلت حسبتي الكرولا
ازاحت ال 8 التانيين من قدامها مع انهم كلهم كانوا 1600 وهيا الوحيدة 1300
وكانت مفاجأة من العيار التقيل لكل اصحابي وزمايلي في المنتدي
اما عن الاسباب للاسف ابني ضيعها بطفية الكمبيوتر ومش هارجع الم كل ده تاني
---------
زمان كان جدي بيحكي لي حكاية
كان فيه حطاب بيكسر في الخشب في الجبل وجه واحد قعد جنبه يقولوة شد حيلك
يلا كسر يلا اربط يلا احزم
نزل الحطاب اخر اليوم يبيع الخشب في السوق وجابلوة دينارين
اللي كان بيشجعه طالبه بنص اجرته عشان شجعه -الحطاب رفض -احتكموا للقاضي
المشجع قعد يقول ويعيد انه كان كل مالحطاب يتعب يشجعة ومايخليهوش ينام وكلام كتير
والحطاب ما دفاعش عن نفسه خالص وساب القاضي الفطن يحكم بنفسه
عارف القاضي حكم بايه
مسك الدينارين ورماهم قدامة على الطاولة الخشبية وقال للحطاب انت خد الدينارين جزاءا لعملك
وقال للمشجع انت تاخد صوت الدينارين جزاءا لتشجيعك

وكل لبيب بالاشارة يفهم

[hazem_khidr]

اولا اشكرك يا فادي علي اهتمامك و مواضيعك.
مش معني كده ان كلامك كله صح لكن في جزئيه صح.
من 15 سنه كنت زيك مش بطيق الياباني و كنت بقول عليه (ان عربياتهم شكلها يسوي 100 جنيه و هما بيبعوها ب 3 قروش لكن هيا فعلا ما تساويش غير ال 3 قروش دول)
دي كانت فكرتي لكن مع مرور لوقت و اللي شفته من تجارب ليها مع قرايبي و اصدقائي و سفري الخليج بدات اقتنع انها عربيات كويسه و هما مصممين العربيات لتتناسب مع اسلوب حياتنا.
و عندهم ذكاء انهم يقدموا عربيه شكلها معقول بتكنولوجيا مش جديده اوي لكن قليله الاعطال و يعتمد عليها.
لكن انا لحد انهارده لما يجيلي فرصه اركب اوربي محترم مش حتردد.

[CryptonX]

اولا اشكرك يا فادي علي اهتمامك و مواضيعك.
مش معني كده ان كلامك كله صح لكن في جزئيه صح.
من 15 سنه كنت زيك مش بطيق الياباني و كنت بقول عليه (ان عربياتهم شكلها يسوي 100 جنيه و هما بيبعوها ب 3 قروش لكن هيا فعلا ما تساويش غير ال 3 قروش دول)
دي كانت فكرتي لكن مع مرور لوقت و اللي شفته من تجارب ليها مع قرايبي و اصدقائي و سفري الخليج بدات اقتنع انها عربيات كويسه و هما مصممين العربيات لتتناسب مع اسلوب حياتنا.
و عندهم ذكاء انهم يقدموا عربيه شكلها معقول بتكنولوجيا مش جديده اوي لكن قليله الاعطال و يعتمد عليها.
لكن انا لحد انهارده لما يجيلي فرصه اركب اوربي محترم مش حتردد.

مصممين العربيات لتتناسب مع اسلوب حياتنا. >> مية مية !

و يا برو ! ابعد عن فيات ! احسن اخرشملك الداتسن بتاعتك دي ! :D

[PRO-DRIVE]

و يا برو ! ابعد عن فيات ! احسن اخرشملك الداتسن بتاعتك دي ! :d

والله انا حطيت صوره لتقليد فيات و محدش رد و السكوت علامه الرضا
نقرا الفاتحه بقي ههههههههه

مفيش مشكله

خرشمها براحتك بس انا معنديش داتسون ولا عمري شخصيا ولا ابويا امتلكنا عربيه من نيسان

لكن كنت اتمني اننا نجيب داتسون بدل الامريكيه الحقيره شيفورليه كابرس او فورد كراون فيكتوريا :)

[فادى]

"والله انا حطيت صوره لتقليد فيات و محدش رد و السكوت علامه الرضا
نقرا الفاتحه بقي ههههههههه

مفيش مشكله

خرشمها براحتك بس انا معنديش داتسون ولا عمري شخصيا ولا ابويا امتلكنا عربيه من نيسان

لكن كنت اتمني اننا نجيب داتسون بدل الامريكيه الحقيره شيفورليه كابرس او فورد كراون فيكتوريا "

هو فين التقليد ده حضرتك؟؟
العربية دى اسمها فيات توبولينو و انتجت سنة 1948.
و حجمها صغير جدا و دى حضرتك هى نفسها الفيات 500. و العربية الكرايسلر انتجت سنة 1934 و حجمها و شكلها مختلف تماما دى فئة و دى فئة. بص على بقية السيارة و تعرف انو مفيش أى تشابه سوى فى شكل الفوانيس الدائرية لأن كل العربيات فى الوقت ده كانت فوانيسها دائرية!

http://en.wikipedia.org/wiki/Chrysler_Airflow

ده لينك العربية الكرايسلر اير فلو و تحت هتلاقى صورة التويوتا ايه ايه و تحتها الجملة :"Toyota AA, 1936. Influenced by the Chrysler Airflow"
و مفيش أى ذكر للفيات توبولينو.
و على فكرة فيات هى الى اخترعت الفوانيس الخلفية المرتفعة فى سيارات الهاتشباك(فيات بونتو) فأخذت بقية الشركات تحاكى هذا التصميم بشكل أو بأخر. نذكر منها هيونداى اتوس, فورد فوكاس, على سبيل المثال لا الحصر.
و زى ما قال أستاذ كريبتون, ملكش دعوة بفيات:) لنخرشملك الداتسون و لا السوبارو بتاعتك أى كانت!

[فادى]

"اولا اشكرك يا فادي علي اهتمامك و مواضيعك.
مش معني كده ان كلامك كله صح لكن في جزئيه صح.
من 15 سنه كنت زيك مش بطيق الياباني و كنت بقول عليه (ان عربياتهم شكلها يسوي 100 جنيه و هما بيبعوها ب 3 قروش لكن هيا فعلا ما تساويش غير ال 3 قروش دول)
دي كانت فكرتي لكن مع مرور لوقت و اللي شفته من تجارب ليها مع قرايبي و اصدقائي و سفري الخليج بدات اقتنع انها عربيات كويسه و هما مصممين العربيات لتتناسب مع اسلوب حياتنا.
و عندهم ذكاء انهم يقدموا عربيه شكلها معقول بتكنولوجيا مش جديده اوي لكن قليله الاعطال و يعتمد عليها.
لكن انا لحد انهارده لما يجيلي فرصه اركب اوربي محترم مش حتردد."

كلامك صحيح يا أستاذ حازم اليابانيين فعلا ماهرون جدا فى "تغليف" سيارتهم بغلاف براق جدا, و جعلها تبدو أكثر تقدما و تطورا مما هى عليه فعلا. و معظمها فعلا مزودة بتكنولوجيا أقل مما هى موجودة فى السيارات الأوروبية. كما أن وجودهم فى السوق الأمريكية و الأجواء الأمريكية التى تتشابه قليلا مع أجوائنا من حيث الحرارة جعلهم يهتمون بأجهزة التبريد الموجودة فى السيارة.
أما موضوع الاعتمادية فهو يعنى أنا مش بحب أتكلم فيه أوى لأنه ملوش مقياس, اذا اخذنا مثلا فترة الصيانة الدورية كمقياس للاعتمادية هتجد انو مفيش عربيات ممكن تتميز فى الموضوع ده غير مرسيدس و بى ام الى بيتعملها صيانة كل 25 ألف كيلو!