الياريس والجيتا على طريق اكتوبر ! !

[Ahmod]

السلام عليكم ورحمة الله وبركاته

كنت في طريقي للجامعة وللي عارف طريق اكتوبر

فيه ملف بعد دخلة ميدان جهينة وانت في اتجاهك لاكتوبر

بعد الملف ده الطريق بيفتح فتحة حلوة

فانا ماشي في الملف ده في امان الله على سرعة 110 تقريبا

واذا بجيتا بيضا جاي من ورا ويلطش غرزة من قدامي ويعدي مابين ترلتين مش عارف المساحة عدت عربيته ازاي

العربية معدية مابين الترلتين بالمقاس

طبعا المنظر ده سخني رحت دايس وراه

بعدها الطريق قفل شوية ودي حاجة سمحتلي اني ابقى في ضهرة مباشرة

اول مالملف ماخلص والطريق فتح رحت واخد اليمين ومسقط تالت وحارق

كنت ماشي على 110 تقريبا

قعدت اطلع منه سنة سنة لحد ماوصلت سرعتي ل 140 كنت طلعت منه بالكامل وبدات افرق

كملت حرق على التالت فضلت حارق عليه لحد 150 ورحت مدي الرابع وطاير سعتها كنت فارق عنه بتاع تلت عربيات

هديت عشان الطريق قفل قدامي شوية ونزلت لسرعة 120 راح هو جاي من ورا مجمع خد الشمال وطالع بغرزة موت (غرزة موت بمعنى الكلمة)

رحت حادف شمال وراه ومسقط تالت تاني والمرة دي فضلت حارق عليه لحد 160 وعمال اقرب منه بفرق مش كبير اوي

بعد ال 160 اديت الرابع وهنا وصلت ل 170 وكلاسات كلاسات وتقليب نور راح هو حادف شمال وموسعلي الطريق وطلعت منه على 170 اعتقد هو سرعته كانت مابين 150-160 لاني طالع بفرق سرعة مش كبير

بعدها هديت عشان المطب (المفروض على اليمين كانت داخلة الجهاز) بس لحسن الحظ طلع معايا في الجامعة وكمل علطول

استنيته عند المطب

نزل من على المطب وراح دايس لدرجة صوت ماتوره كان هيخرملي ودني وانا بصراحة ماحبتش ادوس مش خوف لا سمح الله بس اللى خلاني اطلع منه فوق ال 120 واسيبه يعدي واجيبه

اكيد من الصفر هبهدله

ماحبتش اجرب بصراحة وقلت كفايا حرق كدة لاني مش بحب احرق على العربية كتير + اني طلعت من كذا جيتا قبل كدة تحت ال 100 فمكنتش محتاج اجرب تاني لان النتيجة محسومة

سبته عدى وكمل جري مع نفسه لحد مادخلنا الجامعة

------------

حبيت انقلكم التجربة مش عشان حاجة بس عشان سببين

الاول ان فيه ناس كتير مطلعين اشاعة ان الجيتا والفانتازيا وبعض العربيات الالماني فوق ال 100 كلام تاني وبتجمع بسرعة وبتبقى طيارة وكلام كتير كتير بنسمعه ! وللاسف كل ده طلع كلام ليس له اي دليل من الصحة ! الجيتا عربية تقيلة وماتور ال 1600 قليل عليها

والسبب التاني الناس اللى بتقلل في قوة وتجميع الياريس عشان ماتورها 1300 خاصا الاوتوماتيك

احب اقول ان الياريس ال 1300 عشان خفة وزنها تعادل معظم العربيات ال 1600 في التسارع ويمكن تكون افضل من بعضهم

طبعا الموضوع لا يعنى ان الياريس كعربية افضل من الجيتا ابدا

عشان محدش يدخل يقول اني بقارن

انا مش بقارن بين عربيتين المقارنة مابينهم محسومة اساسا

مجرد تجربة وحبيت انقلها ليكم

[ashouhdy]

الجيتا كانت بتتنطط قدامى على محور التعمير فى اسكندرية و عربية بطة اوى فى الجرى و متسخنش سويق المفروض

[Land_Cruiser]

هى المقارنه بين العربيتين محسومه طبعا للجيتا زى ما حضرتك قلت من ناحيه و المقارنه بين اللى كانوا سايقين العربيتين محسومه برضه و هو ده اللى فرق فى الاخر و نصيحه بلاش شد و جرى بالطريقه دى لانه خطر جداً و مالوش فايده و الطرق ما يعلم بيها الا ربنا و المفاجآت كتيره من بلاعات و حفر و ناس ماشيه عكس الاتجاه و حاجات تانيه كتير و ربنا يسترها علينا جميعا .

[S O P H O S]

Ahmod بقولك ايه دلوقتي انا معايا كورولا2004 والجنط الي فيها بتاعها الاساسي الي هو 14 والكوتش برضه المقاس الصغير الي بتنزل بيه والثبات بعد ال 110 مقلق بصراحة خصوصا اني ببقي لوحدي والوزن خفيف تفتكر لو غير الكاوتش فقط لمقاس اعرض الثبات يتحسن ولا لازم اغير الكاوتش والجنوط معا كمان رايك ايه بما انك غيرت الجنوط وايه الفرق فالثبات بين الاثنين علما اني شايف ان العربية خفيفة الي حد ما لعلوها
ومعلش علي سؤالي الي مش فمكانه ..
.. مودتي ..

[Ahmod]

الجيتا كانت بتتنطط قدامى على محور التعمير فى اسكندرية و عربية بطة اوى فى الجرى و متسخنش سويق المفروض

بص كثبات بصراحة بعد الكام غرزة اللى الواد لطشهم العربية ثابتها عشرة على عشرة

كسحب انا كنت عارف انها من 0-100 بطيئة لكن كتييير اوي اسمع انها فوق ال 100 حاجة تانية ! ومكنتش بصدق بصراحة لانه كان كلام ناس اغلبها مش معاها العربية وبتتكلم بمنطق ان الالماني بطي في الطلعة وده عادي وبعد ال 100 بيجمع !

لكن اللى شفته النهارده مافيش تجميع بعد ال 100 ولا حتى بعد ال 150 ! !

هى المقارنه بين العربيتين محسومه طبعا للجيتا زى ما حضرتك قلت من ناحيه و المقارنه بين اللى كانوا سايقين العربيتين محسومه برضه و هو ده اللى فرق فى الاخر و نصيحه بلاش شد و جرى بالطريقه دى لانه خطر جداً و مالوش فايده و الطرق ما يعلم بيها الا ربنا و المفاجآت كتيره من بلاعات و حفر و ناس ماشيه عكس الاتجاه و حاجات تانيه كتير و ربنا يسترها علينا جميعا .

طبعا الجيتا كعربية ماينفعش تتقارن بالياريس كعربية

لكن كسحب برضوا مافيش مقارنة والياريس تكسب سواء فوق ال 100 و تحت ال 100

Ahmod بقولك ايه دلوقتي انا معايا كورولا2004 والجنط الي فيها بتاعها الاساسي الي هو 14 والكوتش برضه المقاس الصغير الي بتنزل بيه والثبات بعد ال 110 مقلق بصراحة خصوصا اني ببقي لوحدي والوزن خفيف تفتكر لو غير الكاوتش فقط لمقاس اعرض الثبات يتحسن ولا لازم اغير الكاوتش والجنوط معا كمان رايك ايه بما انك غيرت الجنوط وايه الفرق فالثبات بين الاثنين علما اني شايف ان العربية خفيفة الي حد ما لعلوها
ومعلش علي سؤالي الي مش فمكانه ..
.. مودتي ..

يا باشا ولا يهمك تسأل في اي وقت والموضوع موضوعك

شوف انا كان مقاس الكاوتش عندي 185/60/15 وكنت برضوا بقلق فوق ال 100 والعربية بتلعب وبتعرض مني وكتير اوي عامت مني وربك اللى كان بيسترها

بعد كدة جنطت ركبت مقاس 195/50/16 يعني زودت العرض حجات بسيطة وكبرت حجم الجنط

وبصراحة فرقت معايا في حبة حلوية يعني احساس ال 130 دلوقتي زي احساس ال 100 قبل ماجنطت لدرجة اني النهارده كنت ماشي على 110 وقمت بالغلط مسقط تاني فاكر اني ماشي 80

والحمد لله اني لحقت نفسي في سعتها ورحت جايب التالت والا كان زماني طيرت وش السلندر

بالنسبة لسؤالك طالما انت كدة كدة هتعرض وهتغير الكاوتش يبقى غير الكاوتش وكبر حجم الجنط نمرة بالمرة

يعني انت المقاس عندك 14 حط 15 ولو ان الكورلا تشيل 16 كمان مرتاح وممكن 17 بس بلاش عشان البلالين والعفشة ماتنشفش

العرض هو الاهم طبعا لان انت لما بتعرض مساحة الكاوتش الدركسيون بيتقل في ايدك وده بيديلك تحكم اكتر واحساس احسن بالثبات والهاندلنج

لكن انا انصحك انك طالما كدة كدة هتغير الكاوتش يبقى عرض وزود حجم الجنط حطلها جنط 16 وهتدعيلي

وطالما هتجيب مقاس مناسب مع مقاس الكاوتش الاصلي عندك يبقى مش هيحصل عندك اي اختلاف في اي حاجة ان شاء الله

وطبعا سواء الياريس او الكرولا ارتفاعها عن الارض هو اللى عامل مشاكل لكن الجنط هيفرق معاك في حبة حلوين + انك طبعا لو هبطت العربية وغيرت السوست هتلاقي كلام تاني خااااااااالص ! !

[S O P H O S]

شكرا علي ردك Ahmod ربنا يستر طريقك
مع اني حاسس ان 16 كتير حبتين وممكن لا يتناسب مع العفشة مش متأكد اوي بصراحة والحد بيتمني انها تبقي علي 130 او 140 ثايتة مش اكتر من كده لاني لما بتعدي حاجة اكبر مني واسرع مني من جمبي بلاقي العربية اتزقت شوية بدون مقدمات ولا حتي الدركسيون بيتحرك بس بتتزق حبه من ضغط الهواء وهي خفيفة
مودتي

[Veroman]

احمد انا عايز اشوف صور لعربيتك كلها و عايز اعرف عملت الاستيكر دة عملتة فين و بيتكلف كام

[Ahmod]

شكرا علي ردك Ahmod ربنا يستر طريقك
مع اني حاسس ان 16 كتير حبتين وممكن لا يتناسب مع العفشة مش متأكد اوي بصراحة والحد بيتمني انها تبقي علي 130 او 140 ثايتة مش اكتر من كده لاني لما بتعدي حاجة اكبر مني واسرع مني من جمبي بلاقي العربية اتزقت شوية بدون مقدمات ولا حتي الدركسيون بيتحرك بس بتتزق حبه من ضغط الهواء وهي خفيفة
مودتي

العفو يا باشا على ايه

وال 16 لا كبير ولا حاجة اعتقد شاسيه الياريس والكرولا قريبين جدا من بعض حتى تحس ان شكلهم قريب من بعض

وانا مش حاسس بمشاكل في العفشة والحمد لله

عموما ان شاء الله الجنط هيظبط الكلام معاك انت مقاس الكاوتش الاصلي عندك كام ؟ ؟

احمد انا عايز اشوف صور لعربيتك كلها و عايز اعرف عملت الاستيكر دة عملتة فين و بيتكلف كام

اتفضل يا باشا ده موضوع فيه صور العربية بالكامل يارب تعجبك

http://www.nilemotors.net/Nile/259627-stripes.html

شوف الموضوع كله مش مكلف لكن الاستيكر اللى على البابين ده كان اكتر حاجة مكلفة لانه معمول عمولة

يعني انا شفت الاستيكر على عربية في النت واديت الراجل صورة العربية وقلتله عايز الاستيكر ده فعمله مخصوص على مقاس العربية عندي باللون اللى انا طالبه

فكلفني 250 جنيه

هو ممكن يكون الراجل ده غالي شوية بس بيطلع الشغل نضيف عشان كدة بتعامل معاه

عملته عند محل في شارع المطبعة (شارع يربط فيصل والهرم) اسمه اوسكار هتلاقيه جمب ادريان يكاد يكون على بداية ناصية شارع الهرم

[Veroman]

الصور جامدة جدا جدا ربنا يباركلك فيها

[osama.m]

الجيتا معروفة انها مش جراية اوي بس الياريس ما شاء الله عليها تحفة من غير كلام كفاية انها تويوتا
بس انت قلت حاجة و انا مش موافقك عليها .. الفانتازيا بجد ماتحاولش تجري معاها عشان غبية بمعنى الكلمة

[Ahmod]

الصور جامدة جدا جدا ربنا يباركلك فيها

ربنا يخليك من ذوقك والله

الجيتا معروفة انها مش جراية اوي بس الياريس ما شاء الله عليها تحفة من غير كلام كفاية انها تويوتا
بس انت قلت حاجة و انا مش موافقك عليها .. الفانتازيا بجد ماتحاولش تجري معاها عشان غبية بمعنى الكلمة

الفانتازيا جريت معاها قبل كدة كان زميلي وكنا طالعين مخصوص عشان نشد

في الطلعة بس كنت فارق عنه بتاع تلت عربيات

ولحد 140 في ضهري لحد ماجيه ملف طبعا اكلني فيه اكلة وحشة اوي

انا اضطريت ادوس فرامل واهدي عشان الملف وهو الكلام ده مابيكلش معاه وواخد الملف طاير من جمبي

بس متاكد ان لو الطريق مستقيم مكنش هيطلع ابدا

على فكرة في السحب تكاد تكون زي الجيتا برضوا تجميعها ضعيف ! !

انا مجربتش اشد معاها فوق ال 100 قبل كدة بس تحت ال 100 بطييييييييخة ! ! واعتقد فوق ال 100 هتبقى زي الجيتا والله اعلم

[Eng.Geo]

هو الفيديو ده انت اللي حاطه ؟
The Best acceleration for toyota Yaris 1.3 L 0-100 - YouTube

[Ahmod]

هو الفيديو ده انت اللي حاطه ؟
The Best acceleration for toyota Yaris 1.3 L 0-100 - YouTube

اه يا باشا ده انا اللى حاطه

وده موضوعه

http://www.nilemotors.net/Nile/253049-0-100-12-a.html

وعلى فكرة الفيديو ده صورته وانا عامل بالزيت نحو 10 الاف كيلو

دلوقتي بعد ماغيرت الزيت وفلتر الزيت ونضفت فلتر الهوا حسيت العربية فايقة عن الاول وبقيت بجمع من 0-100 في حدود ال 11 ثانية وقريب هنزل فيديو تاني
ومتوقع بعد ماركبلها فلتر الهوا الاسبور تكسر ال 11 ثانية ان شاء الله

هي مشكلتها في الطلعة من الثبات عشان اتوماتيك لو تلاحظ في الفيديو هتلاقي التسارع من 0-40 خد وقت شوية بعد كدة التسارع بيبقى كويس

[Eng.Geo]

اه يا باشا ده انا اللى حاطه

وده موضوعه

http://www.nilemotors.net/nile/253049-0-100-12-a.html

وعلى فكرة الفيديو ده صورته وانا عامل بالزيت نحو 10 الاف كيلو

دلوقتي بعد ماغيرت الزيت وفلتر الزيت ونضفت فلتر الهوا حسيت العربية فايقة عن الاول وبقيت بجمع من 0-100 في حدود ال 11 ثانية وقريب هنزل فيديو تاني :b4_388:
ومتوقع بعد ماركبلها فلتر الهوا الاسبور تكسر ال 11 ثانية ان شاء الله

هي مشكلتها في الطلعة من الثبات عشان اتوماتيك لو تلاحظ في الفيديو هتلاقي التسارع من 0-40 خد وقت شوية بعد كدة التسارع بيبقى كويس

هو تسارع مش وحش
بس مش ده اللي متخيله الحقيقة
والجير ريشيو عندك تخليك تجيب 160 عالتالت !
دانا معرفتش أعمل كدة في الأوبترا الا بعد مدة طويلة والموتور كان خلاص ... بيتلكك يجري
انا دلوقتي النوبيرا أخر التالت 140 وبتفصل
من 0 ل 100 في أقل من 10 ثواني
انا 1500 مش 1600
بس الموتور بتاعي أقوي من ال1600 ... بيخرج 110 حصان
انا جربت مع ياريس قبل كدة وطلعت منه بسهولة علي كل الغيارات !
بس مش عارف ليه حاسس من كلامك عن العربية بتاعتك ان في حاجة مختلفة

[Ahmod]

هو تسارع مش وحش
بس مش ده اللي متخيله الحقيقة
والجير ريشيو عندك تخليك تجيب 160 عالتالت !
دانا معرفتش أعمل كدة في الأوبترا الا بعد مدة طويلة والموتور كان خلاص ... بيتلكك يجري
انا دلوقتي النوبيرا أخر التالت 140 وبتفصل
من 0 ل 100 في أقل من 10 ثواني
انا 1500 مش 1600
بس الموتور بتاعي أقوي من ال1600 ... بيخرج 110 حصان
انا جربت مع ياريس قبل كدة وطلعت منه بسهولة علي كل الغيارات !
بس مش عارف ليه حاسس من كلامك عن العربية بتاعتك ان في حاجة مختلفة

بص يا باشا هو الفيديو ده فيه كام مشكلة

اول حاجة الطلعة من الثبات تعتبر بطيئة نوعا ما وده بحكم ان العربية اتوماتيك ودي حاجة غالبا مش بتبقى موجودة اثناء مابتيجي تشد مع اي حد على الطريق لان غالبا الشد بيبقى بعد مطب (الشد من الثبات مختلف تماما من الشد من سرعة 5 كم واكيد انت فاهم الكلام ده)

انا ممكن اعالج الموضوع ده عن طريق اني اعلي الRPM والعربية على ال N واديها D وال RPM على 3500 وهتلاقي كلام تاني في التسارع وممكن تكسر ال 10 ثواني كمان بس مش عايز اعمل كدة عشان بيأثر بالسلب على الفتيس

تاني حاجة ان انا غلطت ونقلت على الغيار التاني من الفتيس اسرع من العربية وكانت العربية لسه على الغيار الاول (لاحظ الصوت في الفيديو عند الثانية 6 ده صوت النقلة اللى انا نقلتها ودي اتنقلت بدري ) غلطة زي دي انت متحسش بيها لكنها بتقلل التسارع حوالي ثانية

يعني لو صورت نفس الفيديو تاني بنفس حالة العربية وقتها ونفس كل حاجة مع ضبطت نقلة الفتيس مع نقلة العربية هتلاقي الفيديو قل ثانية في التسارع ( الفكرة في النقلة من الفتيس اثناء نقلة العربية انك بتلغي ال Delay اللى بيحصل في كومبيوتر العربية اثناء مابتيجي تنقل من نقلة للتانية)

ممكن اصورلك فيديو بدون الحركة دي وفيديو تاني بالحركة دي هتلاقي الفرق مش اقل من ثانيتين ونص في التسارع بين االاتنين وانا عن نفسي جربتها شخصيا وكان الفرق 3 ثواني !

تالت حاجة العربية وقتها وبما يرضى الله كانت عاملة بالزيت مسافة كبيرة واعتقد كنت متجاوز ال 10 الاف كيلو ودلوقتي الوضع اختلف شوية بعد ماغيرت الزيت والفلاتر ودور في مواضيعي هتتاكد من قصة الزيت

بالنسبة للغيار التالت بجيب عليه 160 بدون مادخل في الريد زون ومعنديش مشكلة اني اصورلك فيديو وانا مقفل 160 على الغيار التالت والعربية لسه مدخلتش في الريد زون

عموما ان شاء الله قريب هنزل فيديو تسارع تاني ومتاكد انها هتبقى في حدود ال 11 ثانية ان ماكنتش اقل

اما النوبيرا فانا ماجرتش معاها قبل كدة بس معنديش مانع اننا ننزل نجرب مع بعض في اي وقت

وماتنساش انت مانويل عشان كدة تكسب من الثبات ل 100 بحكم ال Traction وانك بتبدأ من RPM عالي وقت مابتسيب رجلك من الدبرياج

اما لو شدينا من بعد مطب الامور هتختلف تماما

الياريس خاصا الاوتوماتيك عايزة اللى يفهمها عشان يعرف يجري بيها غير كدة بتحسها عربية اي كلام في الجري

انا عايز اقولك جريت مع ياريس قبل كدة وطلعت منها بمنتهى السهولة على كبري اكتوبر