الياريس والجيتا على طريق اكتوبر ! !

[Ahmod]

اه يا فندم سليم
بس لازم نعترف بحاجه و انتا سايق الجيتا مثلا و جايب 170 بيتكون حاسس بامان و مش مشدود
زى البيشد معاك
كمان اليثبت ان سواق الجيتا غاشيم ان العربيه دى لازم تسيسها مش تكبسلها على الفاضى و تنقل عند 5200 تقريبا بعد كده حرق على الفاضى و هو كان بيكبس كبسه يبانى المانى مبيتكبسلوش غير فى ال بى ام بس و كمان المواتير العليا
نقط قوه الجيتا كانت فى الملفات بجد رهيبه و مبتعومش مهما كان الملف وحش لاكن كان فيه ملفات بتهدى برضو لاكن كا تسارع لا فوق الميه و لا تحت الميه لاكن هتفرق فى الملفات و الغرز المقفوله و لو لاقدر الله طلعلنا مطب من تحت الارض سعتها هتقول الجيتا اقفى هتقف لاكن البيشد معيا هيسمعنى احلى بودعك
ياما فرنا و ياريس و نوبيرا علمو عليا لاكن كنت بتعلم اسايس العربيه و اتعلمت اخيط بيها ناس كتير
لاكن بارضو تسارعها تعبان
اصلن العدل بيتاع العربيه دى عمرو مكان 1600 العقيم ده دى اجيها ماتور 2000 ال بتنزل فيه الخليج و سعتها شكرا

طبعا فرق الثبات ماقدرش اتكلم فيه بس والله الواحد مش لدرجة انه بيبقى قاعد مشدود انا لو مشدود هدوس فرامل هقلق نفسي ليه

جبت 180 على الصحراوي قبل كدة وحتى الكلام ده ايام الطاسات والكاوتش ال 185 والحمد لله ماكنتش حاسس اني ماشي بسرعة الا من العداد ولا احساس بالخوف او اي حاجة

وطبعا ده عشان الطريق متسفلت كويس وانت ماشي في طريق مستقيم فحاسس انك مسيطر على العربية لكن طبعا احساس وهمي ولو طلعلك حاجة قدامك فجاءة هتطير مع الرياح

والجيتا طبعا لو كان جيه ملف كان هيزعلني في كتير اوي واسال مجرب

مرة كنت بجري مع فانتزيا ومزعله تسارع زعلة وحشة وفجاءة ملف من اللى قلبك يحبهم هووووب انا فرامل ولقيت قطر معدي من جمبي ماشاء الله

هههههههههههه والله بردو فى عامل كبير على السواقه نفسها ..
مش كل الى يدخل غرزه مميته يبقى سواق ..
مش يمكن كان فى حل اسهل من الغرزه و اسرع ؟
مثلا دخله يمين (متأمنه كويس) تعفيه من الغرزه و اسرع منها
حاجات كتير غير سحب العربيه
انا مثلا طلعت بالفيكترا من دودج رام :)
معنى كده ان سحب الفيكترا احسن ؟؟
انا فقط استغليت حجم العربيه الى هو مش صغير لكن اصغر من عربيته بكتير ..
ما تجرب تدى الجيتا بتاعك تفويله 95 كده مع منظف دوره بنزين ..
صيانتك بتعملها فى ميعادها ..ما جايز عربيتك سحبها اقل من الطبيعى ؟

الله يمسيها بالخير بقا و يبارك لصحبها فيها بعتها من 4 شهور كده لدائقه ماليه
اها انا عارف ان الشد مش تسارع بس بس سعات الطريق بيفتح و بيكون العامل الاول هو التسارع
و الله انا زعلت ناس كتير بيها غرز و كنت سعات و انا رايح الجامعه اعدى على وطنيه اديها شويه 95 بس كان بيزعلنى بكتير هههههههههههههه فى جيبى
كان تسارعها ممتاز و متفتحه كويس والله عملت بيها 140 الف كيلو بصراحه مزعلتنيش ولا مره
اما الفكترا دى فا هيا حكايه بصراحه تسارعها بيكيفنى جدااااااااااااااااااااااااااااااا ربنا يباركلك فيها بصراحه ليها مشاكل تشل لاكن كا رافهيه و تسارع مشاء الله بفكر فيها بشده

جبت المفيد وده اللى انا بتكلم فيه لما الطريق بيفتح

[Ahmod]

معلش ياجماعة الجيتا بطة بلدى والفانتازيا بطة بلدى ودة عن تجربة للعربيتين , ولا فوق ال100 ولا بعد ال100 , واختها بالظبط ال316 بى ام دبليو بس هية اسرع منهم شوية , الجولف بردة بطيئة جدا

ومحدش يقول حاجة غير كدة لان الناس كلها عارفة اداء الالمانى ذات المحركات ال1600 سى سى بطيئة قد اية الموضوع مش محتاج

المسألة مسألة فكر يا سامح

احنا عندنا في الفكر المصري اي عربية الماني لازم تحت ال 100 بطيئة وفوق ال 100 وحش كاسر وبتعدي اي عربية من غير ماحتى يكون الواحد عارف وزن العربية ولا الماتور ولا اي حاجة طالما الماني يبقى بعد ال 100 هتنفخك

كذلك اي عربية ماتورها تحت ال 1600 سواء 1300 , 1500 لازم تبقى بطة بلدي مش مهم بقى وزنها مناسب لحجم ماتورها ولا لاء

واي عربية كبيرة زي الكارينز على سبيل المثال وماتورها 1600 تبقى بطة بلدي مع اني شفت تسارع الكارينز وجميل جدا ماشاء الله

دي ثقافة شعب يا سامح وحجات عندنا احنا المصريين مصدقينها وبتتنقل بدون وعي للاسف

من وجهه نظرى و عن تجربه 2 اوكتافيا a5 مصير واحده منهم كان السور الفاصل بين الطريق ..و فانتازيا ..
الكبس بغباء مش بيخلى العربيه تجرى ..هتطلع صوت ع الفاضى
العربيه بعد 5 ار بى ام ..صوت و تلحين و مفيش سحب
ده بالنسبه للغيار 1 2 3
من اول الغيار الرابع اكبس لحد 6 ار بى ام
كده العربيه بتجرى حلو جدا جدا جدا و عمرك ما هتحس انها مخنوقه او بطه او عكاشه قصدى فرخه

ماهو يا باشا لو تلاحظ في الموضوع هتلاقي اني طالع منه مرتين الاولى حرقين مع بعض بداية من سرعة 110 والتانية طالع منه فرق تسارع قول من 130-160

وفي الاتنين هو هيكون ماشي مش اقل من الرابع فما فوق يعني برضوا زي ماحضرتك قولت بعد الرابع اكبس ومش محتاجة فن

المسألة هي قدرات عربية وقوة ماتور على وزن العربية طبعا فيه عوامل تانية اكيد مؤثرة زي الفتيس والالات الجر ومعدل الفقد في الطاقة اللى بيطلعها الماتور وغيرها

[yoko]

أحمد نفسي في مره تقع معايا كده صدفة

[Ahmod]

أحمد نفسي في مره تقع معايا كده صدفة

طب ليه كدة يابوحميد ده احنا حبايب

عموما استنى عليا اركبلها بس ال Intake system اللى قلتلك عليه واكلمك نطلع مع بعض يا ملعم ولو ان النتيجة محسومة طبعا رحم الله امرئ عرف قدر نفسه

لكن هشوف هسد معاك لحد سرعة كام ده المطلوب مش اكتر

[yoko]

طب ليه كدة يابوحميد ده احنا حبايب

عموما استنى عليا اركبلها بس ال Intake system اللى قلتلك عليه واكلمك نطلع مع بعض يا ملعم ولو ان النتيجة محسومة طبعا رحم الله امرئ عرف قدر نفسه

لكن هشوف هسد معاك لحد سرعة كام ده المطلوب مش اكتر

ماشي بس أنا العربيه مش لسه ستوك
فيها cold air intake
وfull exhaust system 2.5" down pipe - S pipe and decat

[KHALED AYMAN]

المسألة مسألة فكر يا سامح

احنا عندنا في الفكر المصري اي عربية الماني لازم تحت ال 100 بطيئة وفوق ال 100 وحش كاسر وبتعدي اي عربية من غير ماحتى يكون الواحد عارف وزن العربية ولا الماتور ولا اي حاجة طالما الماني يبقى بعد ال 100 هتنفخك

كذلك اي عربية ماتورها تحت ال 1600 سواء 1300 , 1500 لازم تبقى بطة بلدي مش مهم بقى وزنها مناسب لحجم ماتورها ولا لاء

واي عربية كبيرة زي الكارينز على سبيل المثال وماتورها 1600 تبقى بطة بلدي مع اني شفت تسارع الكارينز وجميل جدا ماشاء الله

دي ثقافة شعب يا سامح وحجات عندنا احنا المصريين مصدقينها وبتتنقل بدون وعي للاسف



ماهو يا باشا لو تلاحظ في الموضوع هتلاقي اني طالع منه مرتين الاولى حرقين مع بعض بداية من سرعة 110 والتانية طالع منه فرق تسارع قول من 130-160

وفي الاتنين هو هيكون ماشي مش اقل من الرابع فما فوق يعني برضوا زي ماحضرتك قولت بعد الرابع اكبس ومش محتاجة فن

المسألة هي قدرات عربية وقوة ماتور على وزن العربية طبعا فيه عوامل تانية اكيد مؤثرة زي الفتيس والالات الجر ومعدل الفقد في الطاقة اللى بيطلعها الماتور وغيرها

انا قولت يكبس لحد 6 ار بى ام
العربيه بتجيب لحد 6200
من 6 لحد 6200 مش وقت قليل لان حركه الار بى ام بطيئه
هتكون انت طلعت منه ..
انا بتكلم عموما ..انا شديت مع ياريس بس بالفيكترا ..وصراحه معرفش كانت كام سى سى بس زعلته جامد اوى يعنى و صراحه ده العادى من الفيكترا
بس انا لو ركبت الفانتازيا (اصلها بتاع الحاج) هبقى اسخن اى ياريس كده و اجرب :)
و عموما انا مش من النوع الى ازعل عشان يابانى طلعت من المانى ..رغم انى عاشق لكل ما هو المانى ..مش فى العربيات بس ..
و مش لازم العربيه تدى الواحد كل حاجه ..خصوصا ان العربيات ال 1600 الى هنا مش اخر قدرات الشركه المنتجه يعنى ..
انا يكفينى ثبات و متعه و فخامه و جوده و عمر افتراضى و امان ..والسحب لما الياريس تعلم عليا مش مشكله بقى ههههههه
تعرف لو عداد الياريس فى مكانه الطبيعى (ادام الى سايق يعنى) كان زمان معانا واحده من زمان

[minicooper20]

ما شاء الله ربنا يعوض عليك بحاجه احسن منها ان شاء الله
لو لقيت نفسك اوى فى الفيكترا تعالى خد لفه و خلاص ههههههههه

الله يخليك يا خالد بيه و ربنا يكرم والدنيا تمشى باذن الله لا انا هاجى عندكو اخد
لفه و اتغدى و اروح بس

[minicooper20]

طبعا فرق الثبات ماقدرش اتكلم فيه بس والله الواحد مش لدرجة انه بيبقى قاعد مشدود انا لو مشدود هدوس فرامل هقلق نفسي ليه

جبت 180 على الصحراوي قبل كدة وحتى الكلام ده ايام الطاسات والكاوتش ال 185 :o_stupid[1]: والحمد لله ماكنتش حاسس اني ماشي بسرعة الا من العداد ولا احساس بالخوف او اي حاجة

وطبعا ده عشان الطريق متسفلت كويس وانت ماشي في طريق مستقيم فحاسس انك مسيطر على العربية لكن طبعا احساس وهمي ولو طلعلك حاجة قدامك فجاءة هتطير مع الرياح

والجيتا طبعا لو كان جيه ملف كان هيزعلني في كتير اوي واسال مجرب

مرة كنت بجري مع فانتزيا ومزعله تسارع زعلة وحشة وفجاءة ملف من اللى قلبك يحبهم هووووب انا فرامل ولقيت قطر معدي من جمبي ماشاء الله





جبت المفيد وده اللى انا بتكلم فيه لما الطريق بيفتح

انا كنت بخش اشد علشان اثبت لانفسى انى كا ثبات و هاندلانج افضل
مليون فيرنا علمو عليا بسكلواحد كان لازم يحصلو حاجه
انا مار لبست واحد بفرنا مطب كان هيتقلب انا وقفت و هو سافر
و ماره بالبى ام لبس فرنا برضو بس ده كان منفسن
انا بكلمك على شعور الامان فى العربيهوفرامل العربيه مش بكلكم على عربيتك يا كبير فاهم قصدى

[KHALED AYMAN]

هتحاسب نقدي ولا بفيزا ؟؟ هههههههههه

[Mzeid]

هتحاسب نقدي ولا بفيزا ؟؟ هههههههههه

بفيزا يا خالد :) ازيك عامل ايه ؟

السلام عليكم يا شباب

أنا كان عندي وجهة نظر بالنسبة لتسارع الالماني بعد ال 100 زي ما بيتقال

هي العربيات الى حد ما تقيلة
و اللي بيحس انها بد ال 100 بتكون افضل اعتقد بسبب قوة الرفع اللي بتتعرض لها العربية من اسفل فالوزن النسبي للعربية بيقل و تحس انها اخف و بقت بنجري احس

[Formulator]

السلام عليكم يا شباب
أنا كان عندي وجهة نظر بالنسبة لتسارع الالماني بعد ال 100 زي ما بيتقال
هي العربيات الى حد ما تقيلة
و اللي بيحس انها بد ال 100 بتكون افضل اعتقد بسبب قوة الرفع اللي بتتعرض لها العربية من اسفل فالوزن النسبي للعربية بيقل و تحس انها اخف و بقت بنجري احس

أزيك يا Mzeid باشا,
أنا ليا وجهة نظر مختلفة بعد اذنك..

أعتقد العكس هو اللى بيحصل (Technically)..؟؟!!!
يعنى:
العربية بتوطى مع السرعة, عشان الـDownforce اللى بيعملها الهواء على جسم العربية..

+ الـLips الكساحات اللى بتلاقيها تحت الأكصدام فـ الجيتا والأوكتافيا مثلا, وتصميم الأكصدام نفسه من تحت.. (عالى من المنتصف, و واطى من الطرفين)..؟؟!!!
ده بيغير فـ مسارات الهواء Underbody, وبيعمل block لمروره فـ مناطق معينة.. عشان مايعملش Fluctuations تهز جسم العربية.. أو ترفعها.
بالعكس: التصميم ده بيعمل Vacuum تحت جسم العربية (خلخلة هوا) عشان زيادة الثبات..؟؟!!!

اللى انت قصدك عليه (تحسن السحب فوق الـ100-120)..
بيبقى نتيجة ان تأثير ثقل وزن العربية بيقل, كل ما السرعة تزيد.. يعنى وزن العربية مابيبقاش عائق أو حمل على الموتور (زى الطلعة من الأول), ودى قاعدة ثابتة..

عامل الوزن بيتلاشى تأثيره على السحب فـ السرعات العالية..!!
احنا كل ده لسه ماتكلمناش ان العربية فيها Cam-Profile change أو VVT بيشتغل فوق (بعد ما منحنى العزم بينزل, والـHorsepower بتبدأ تركب الـpeak)..

والله أعلم,

[Eng.Geo]

أزيك يا Mzeid باشا,
أنا ليا وجهة نظر مختلفة بعد اذنك..

أعتقد العكس هو اللى بيحصل (Technically)..؟؟!!!
يعنى:
العربية بتوطى مع السرعة, عشان الـDownforce اللى بيعملها الهواء على جسم العربية..

+ الـLips الكساحات اللى بتلاقيها تحت الأكصدام فـ الجيتا والأوكتافيا مثلا, وتصميم الأكصدام نفسه من تحت.. (عالى من المنتصف, و واطى من الطرفين)..؟؟!!!
ده بيغير فـ مسارات الهواء Underbody, وبيعمل block لمروره فـ مناطق معينة.. عشان مايعملش Fluctuations تهز جسم العربية.. أو ترفعها.
بالعكس: التصميم ده بيعمل Vacuum تحت جسم العربية (خلخلة هوا) عشان زيادة الثبات..؟؟!!!

اللى انت قصدك عليه (تحسن السحب فوق الـ100-120)..
بيبقى نتيجة ان تأثير ثقل وزن العربية بيقل, كل ما السرعة تزيد.. يعنى وزن العربية مابيبقاش عائق أو حمل على الموتور (زى الطلعة من الأول), ودى قاعدة ثابتة..

عامل الوزن بيتلاشى تأثيره على السحب فـ السرعات العالية..!!
احنا كل ده لسه ماتكلمناش ان العربية فيها Cam-Profile change أو VVT بيشتغل فوق (بعد ما منحنى العزم بينزل, والـHorsepower بتبدأ تركب الـpeak)..

والله أعلم,

+1
just aerodynamics + suspensions
وهو ده اللي يفرق عربية عن عربية في ثباتها

علي السرعات الكبيرة العربية بتوطي وتبعد الهوا من انه ينزل تحت العربية .... يعني ضغط قليل تحت بالنسبة للضغط فوق العربية ... العربية مضغوطة لتحت يعني ( لازقة في الأرض ) ... فتحس بالثبات
انما لو عربية الهوا تحتها سرعته كبيرة فهيشيل العربية ويحسسك بعدم الثبات
غير طبعا رسة العربية من قدام ومن ورا ... قدام زي راس السهم عشان تخترق الهوا بأقل مقاومة
ومن ورا لازم يكون في حاجة تنزلها تحت عشان ماتطيرش ... زي رسمة الشنطة نفسها أو السبويلر

[minicooper20]

هتحاسب نقدي ولا بفيزا ؟؟ هههههههههه

لا هعمل قرض وادفع نقدى

[ahmad333]

طب هات الياريس وتعال شد معايا على جوز حمام من عند فرحات وانا عربيتى 1500 سى سى

[Eng.Geo]

طب هات الياريس وتعال شد معايا على جوز حمام من عند فرحات وانا عربيتى 1500 سى سى

توين كام ;)
ده موتور عربيتي
110 حصان
الموتور ده أعرف انك مسقطه قريب
موتور بشع ... حافظ عليه
ونصيحة .... خط فلتر سبور نضيف ;)