كل ما تريد معرقته عن الفتيس mmt -- متجدد

[feras_elngar]

السلام عليكم ورحمة الله وبركاته

ببساطة تابع الموضوع ده وهتعرف كل حاجة عن الفتيس MMT بالتفصيل
واللى نزل فى الكورولا 2008 - 2009

والموضوع هيبقى متجدد
وعندنا مفاجاة لمالكى الكورولا 2008-2009 فى نهاية الموضوع

الباب مفتوح للنقاش العلمى طبعا


نبتدى باسم الله

MMT هى اختصار لاسم Multi-mode transmission
وده الاسم اللى بيتكتب فى كتالوجات البيع للمستهلكين

انما الاسم الحقيقى للفتيس هو .....

C50A

وزى ما انتوا عارفين انه هوه فتيس مانيوال بس تم استبدال دواسة الدبرياج وعصاية الفتيس بمواتير للقيام بمهمة السائق

ومن اول نظرة على اسم الفتيس هتعرف انه مبنى على الفتيس المانوال العادى واللى نزل فى الكورولا 2008-2009 بس المانيوال واسم الفتيس ده

C50

دى صورة مقطع فى الفتيس ده



ودى صورة للجسم الخارجى للـــ C50



ولما تيجى تقارن نسب التخفيض للاثنين هتلاقى انهم واحد





ودى مكونات للـــ C50A بالصور




مكونات نظام MMT

1- جسم الفتيس نفسه C50A transmission





2- كنترول الفتيس MMT ECU
وده مكانه جمب فلتر التكييف وده كنترول كامل مختلف عن كنترول السيارة الرئيسى





3- مجموعة الدبرياج والتى تتميز بديسك LCC : Load Controlled Clutch cover




4- Clutch actuator
وده المسئول عن انه يدوس دبرياج
وعليه سينسور بيقيس المشوار بتاع الدراع "دوسة الدبرياج"
CLUTCH STROKE SENSOR



ودى صورة ليه من موقع Alibaba الجماعة الصينيين لحقوا ينسخوه



5- shift & select actuator
وده المسئول عن تغيير النقلة وده قطعة واحدة بس فيها موتورين
وعليه سنسورين واحد Shift والثانى Select



6- neutral start switch
وده بيدى اشارة للكنترول ان الفتيس فى الوضع Neutral
"او ان الفتيس ممور بالبلدى"



7- TRANSMISSION REVOLUTION SENSOR
وده لقياس سرعة عمود الداخل للفتيس Transmission input shaft

8- عصاية الفتيس وطبعا فيها سولونويد يمنع حركة العصاية وانت موش دايس فرامل



وبكده نكون انتهينا من الجزء الاول اللى شمل الاجزاء الرئيسية للفتيس
مستنيين مشاركاتكم وارائكم

يتبع باذن الله

[behman]

استاااااااااااااااااااذ

[ibn_seena]

تسلم يا ريس. والموضوع مدعوم بالصور
حاجه ولا اروع

[midnightman_74]

shift lock release button

ممكن تدوس علية بأيدك؟؟

[feras_elngar]

shift lock release button

ممكن تدوس علية بأيدك؟؟

اعتقد محتاج مفك اوحاجة رفيعة

[محمد محمد]

موضوع جميل يافراس.

[S O P H O S]

ما شاء الله الموضوع يفضل مفتوح
لانه هيكون مفيد بشكل كبير
تحياتي ليك ..

[Motaz.Habib]

معلش ممكن تشرحنا طريقة السواقة مقارنة بالوتوماتيك
يعنى فية بردة d و r وكدة ولا هو حاجة تانية

[ashrafE51]

كلام جديد ومفيد جزاك الله كل خير ،،، حضرتك قلت في اول الموضوع انه هناك " وعندنا مفاجاة لمالكى الكورولا 2008-2009 فى نهاية الموضوع " ماهي المفاجاة ...
والمشكلة في الفتيس ذي ما انا باسمع ان جميع مكونات الفتيس في منها لا يستحمل حركة الطريق بمصر من كثرة الوقوف وبيبوظ خالص ..

[dr.hazem]

ما شاء الله موضوع متميز وجميل

انا مهتم جدا بالموضوع لان الفتيس في الشيري زيه بالتمام في المبدا

عندنا اسمه AMT
automated manual transmission
ده في الشيري

تحياتي

[MEDO84EG]

بجد فوق الممتاز ما شاء الله و العربيه دي مع ناس كتير بس علشان موضوع الفتيس محدش جايله نفس يتكلم عنها يا ريت يبقي الموضوع ده عن الكورولا 2008-2009 ال mmt

[Veroman]

طبعا الموضوع دة لازم يبقى مفتوح على طوووووووووووووووول عشان هوا اساسا فتيس غريب و عايز طريقة سواقة معينة بس مشكلتة فى الاداء لما بيقل تدريجيا لاكن لو روحت التوكيل و ظبتوة يرجع احسن من الاول و نرجع لنفس النقطة انة الاداء بيقل تدريجيا بس انا بحس لما بيقل ادائة بيستحمل بردو البهدلة .. بس كان نفسى ان الاداء بتاعة دة يفضل زى ماهوا

[feras_elngar]

كلام جديد ومفيد جزاك الله كل خير ،،، حضرتك قلت في اول الموضوع انه هناك " وعندنا مفاجاة لمالكى الكورولا 2008-2009 فى نهاية الموضوع " ماهي المفاجاة ...
والمشكلة في الفتيس ذي ما انا باسمع ان جميع مكونات الفتيس في منها لا يستحمل حركة الطريق بمصر من كثرة الوقوف وبيبوظ خالص ..

المفاجاة هى كتاب الصيانة الخاص بالكورولا الجنوب افريقى - وممكن يشمل كتير من صيانات اليابانى- بس انا قولت اعمل كده عشان الفائدة تعم باذن الله

[MEDO84EG]

عاوزين بجد افضل طريقه للاستخدام و الصيانه بالنسبه للفتيس
و سؤال كمان .. ايه الفرق بين الادفانسيد موديل 2008 و بين الادفانسيد 2009
و لكم الشكر

[mohie777]

مشكور يا اباشا