كل ما تريد معرقته عن الفتيس mmt -- متجدد

[feras_elngar]

ج2

السلام عليكم

استكمالا لمنظومة MMT ممكن نضيف القطع الباقية دى

حساس الرجوع للخلف Back-up light switch

وده اللى بيدى اشارة لكنترول الفتيس ان النقلة الحالية هى Reverse او مارشيدير والسويتش ده اللى بيتحكم فى اضاءة الرجوع للخلف





دراعين النقل - و + اللى هما ورا الدريكسيون Shift paddle switches

ودول لتغير النقلة فى القياده على وضع المانيوال M وايضا "مصنع السيارة" بيقول انهم طبيعى استخدامهم مع القيادة الاوتو على وضع E وذلك لتسقيط غيار او العكس




اشارة Stop light switch وهى اللى بتدى للكنترول اشارة بانك دايس على الفرامل



Starter relay وده ريلاى لازم يلقط عشان تعرف تشغل المحرك

وده بيمنع السيارة من العمل "متخليش الموتور يدور" الا اذا اتحقق شرطين وهما :
- الفتيس يكون ممور او فى وضع N Neutral
- انك تكون دايس فرامل

يتبع ........

[MEDO84EG]

بجد هايل و الله و انا متابع جدا جدا
في خلال شهر باذن الله هيكون معايا ام ام تي موديل 2008 ادفانسيد
فعاوزك تساعدني بعد اذنك بكل ما تستطيع
و جزاك الله خيرا

[MohammedAladel]

موضوع مفيد وأتمنى مناقشة عيب الفتيس

[feras_elngar]

بجد هايل و الله و انا متابع جدا جدا
في خلال شهر باذن الله هيكون معايا ام ام تي موديل 2008 ادفانسيد
فعاوزك تساعدني بعد اذنك بكل ما تستطيع
و جزاك الله خيرا

اشكرك على اطرائك
بس لازم تلاحظ ان مشاكل الفتيس مازالت قائمة

كل اللى انا بعمله انى بقرأ كتاب الصيانة معاكوا بصوت عالى
صحيح قدام هنعرف كل الصيانات اللى بيعملها التوكيل بالضبط
ونحاول نعرف الاسباب المحتملة للاعطال طبعا بمشاركاتكم معايا
وربنا يسهل وفى يوم من الايام نقدر نحل مشكلة الفتيس نهائيا

تحياتى

[midnightman_74]

اشكرك على اطرائك
بس لازم تلاحظ ان مشاكل الفتيس مازالت قائمة

كل اللى انا بعمله انى بقرأ كتاب الصيانة معاكوا بصوت عالى
صحيح قدام هنعرف كل الصيانات اللى بيعملها التوكيل بالضبط
ونحاول نعرف الاسباب المحتملة للاعطال طبعا بمشاركاتكم معايا
وربنا يسهل وفى يوم من الايام نقدر نحل مشكلة الفتيس نهائيا

تحياتى

زيت الفتيس بيتغير كل كام كيلو؟؟

[Motaz.Habib]

معلش ممكن تشرحنا طريقة السواقة مقارنة بالوتوماتيك
يعنى فية بردة d و r وكدة ولا هو حاجة تانية

؟؟؟؟؟؟؟؟؟؟؟؟؟؟؟؟

[feras_elngar]

زيت الفتيس بيتغير كل كام كيلو؟؟

60000 كم او 48 شهر
من جدول صيانات الكورولا المصدرة الى اوروبا
اعتقد نفس الارقام عندنا

[feras_elngar]

؟؟؟؟؟؟؟؟؟؟؟؟؟؟؟؟

انتظر كام يوم بس وبعد ما نخلص كل قطع الفتيس
هبقى اقول كل حاجة عن السواقة بالفتيس
كل ما تبقى فاهم مكوناته كل ما تقدر تستخدمه بشكل افضل

[feras_elngar]

shift & Select

دلوقتى هنتكلم عن اول جزء بالتفصيل وهو

Shift & select actuator

ده زى ما قلنا انه بيقوم بعمل عصاية الفتيس المانيوال
وهو فيه موتورين ..... ليه ؟ عشان هو بيعمل زيك لما بتنقل فى الفتيس المانيوال ده



عشان تدى العربية الاول بتعمل الاول select وتشد العصاية نحيتك وبعدين تزقها لقدام ناحية الاول وده الـــ Shift

مرة تانية مكان الــ Actuator ده فى الصورة



ودى توضيح له منفصل عن الفتيس




و دى صورة حقيقة للمجموعة



طريقة العمل :

مطلوب ان المجموعة X تتحرك داخل المجموعة Y بمقدار معين ..... Select



وبعدين تلف يمين وشمال عشان تنقل

الصورة اللى تحت دى للمجموعة Y وانت باصصلها فى اتجاه السهم A من الصورة اللى فوقها



اولا Select

عمود الموتور بيحرك عمود المجموعة X عن طريق ترس
عشان تتحرك للداخل والخارج ... حركة خطية فى اتجاهات الاسهم الحمراء



ثانيا Shift

الموتور بيدور المجموعة X عن طريق مجموعة تروس عشان تلف يمين وشمال وتعمل Shift للنقلة المطلوبة



لاحظ ان المجموعة X اثناء حركتها وفى وضعيات معينة هتلقط الحساسات
Back-up light switch
Neutral Start switch

....مسميات X , Y للتوضيح فقط....

معلومة اخيرة وهى ان المجموعة دى لو عطلت وحبيت تغيرها لازم تتاكد ان الفتيس على وضع N

وده ممكن تعمله يدويا بانك تفتح الطبة دى



وتتاكد انها فى وضع neutral
لاحظ ان الــ Slot ده اللى ظهر فى الصورة دى




الخبر الوحش ان المجموعة دى ملهاش اى صيانة
يعنى لو حصلها حاجة تروح الوكيل وتطلبها كاملة برقم واحد

الحاجة الوحيدة اللى ممكن تتصين فيها هى الحساسات
الى بتحس بمشوار المجموعة X وزاوية دورانها





الخبر الكويس ان المجموعة دى محصلش فيها مشاكل تقريبا




يتبع باذن المولى ...

[MEDO84EG]

بجد يا بشمهندس فراس انت ميه ميه
انا ان شاء الله لما تيجي العربيه اخدها و اجيبهالك و تظبطني عليها

[mario_9111]

مفيش اى اخبار عن الناس الى رفعت قضايا - الموضوع هايل يا باش مهندس - شكرا على مجهودك

[MohammedAladel]

طيب طريقة الاستخدام ونظام الكمبيوتر فى القيادة ؟؟؟

وعن مشاكل الفتيس ؟؟

[feras_elngar]

طيب طريقة الاستخدام ونظام الكمبيوتر فى القيادة ؟؟؟

وعن مشاكل الفتيس ؟؟

جاى قدام ان شاء الله

[Mohamed Emam]

الله ينور ياباشا استمر من فضلك :)

[MEDO84EG]

بجد كلنا متابعين باهتمام شديد جدا موت