كل ما تريد معرقته عن الفتيس mmt -- متجدد

[maaadaaa]

الله ينور يا هندسة -- منتظرين المفاجأة اللي وعدتنا بيها

[feras_elngar]

ج4

السلام عليكم

اولا كل عام وانتم بخير بمناسبة عيد الاضحى

تانى حاجه هنتكلم عنها بالتفصيل هى موتور تحريك الدبرياج

Clutch actuator

وده موقعه على الفتيس وموقع السنسور الخاص بيه
واللى بيحس بمشوار الدراع Pull rod اللى بيحرك مجموعة الدبرياج Clutch set



ودى صورته فى الحقيقة للتذكرة



نيجى لمكونات الجزء ده



وهوه بيتكون من موتور بيحرك العمود Worm shaft اللى متعشق مع العجلة المسننة Worm wheel عشان الحركة تتحول من حركة دائرية من الموتور الى حركة خطية على عمود الشد Pull rod

انا كنت بستغرب لقوة الجزء ده عشان يقدر يدوس دبرياج بواسطة موتور صغير قد ده

بس اتضح زى ما فى الصورة انهم حاطين سوسته عفيه اللى هى Assist Spring

واللى هتشد مع الموتور فى حالة انك عايز تعمل Clutch release او بمعنى انك تدوس دبرياج


والسوستة دى محطوطة عشان تعادل الشد الكبير اللى مطلوب عشان تفصل الدبرياج بالتغلب على سوستة الديسك

Clutch cover diaphragm spring = سوستة الديسك

كما هو موضح بالصور دى






اذا الجهد المبذول من الموتور المفروض يبقى قليل جدا

اثناء Clutch release
Assist spring هتزق مع الموتور
وهيتغلبو على سوستة الديسك

اثناء Clutch engage
سوستة الديسك هتبقى بتتحرك مع الموتور و الاثنين هيكبسوا السوستة الـــ Assist spring عشان تبقى تساعد فى عملية الفصل القادمة

[gdwl]

لاحظ ان
Clutch Engage = انك ترفع رجلك من على الدبرياج = توصل المكنة بصندوق التروس والعجل

Clutch Release = انك تدوس دبرياج = انك فاصل المكنة عن صندوق التروس والعجل

[/gdwl]

طيب ....
الكنترول بتاع الفتيس بيراقب دائما الامبير المسحوب من الموتور بتاع الــ Actuator
الامبير لو زاد عن القيم العادية معناها انك محمل على الموتور بزيادة

هل ده ممكن يحصل
ايوه وده سببه هو تآكل الاسطوانة التدريجى مع الاستخدام
"جزء من مجموعة الدبرياج"


[gdwl]


-ده راى الشخصى-
شكل سوستة الديسك بيتغير عن الوضع الطبيعى
وبتحتاج لمشوار اكبر من الموتور عشان يفصل الدبرياج
وده هيخل بالتوازن اللى اتكلمنا عنه من شوية
اللى بين سوستة الديسك و سوستة Assist spring


واحتمال ان لما المشوار بيزيد بيبدأ الموتور يخش فى مرحلة انه بيشد السوستيتين مع بعض
بدل ما كانت الــ Assist spring بتساعد معاه ... هيبدا يشدها لما مشواره يطول


[/gdwl]

طب لما الكنترول هيلاقى الامبير بدا يعلى مع تاكل طقم الدبرياج هيعمل ايه عشان يحمى الموتور ؟؟؟


هيعمل تعديل فى طقم الدبرياج عشان يرجع الوضع لقديمه ؟؟؟؟
ازاى ده اللى هنعرفه فى المشاركة القادمة لما نشوف طقم الدبرياج بالتفصيل

تبقى اخر معلومة ان الــ Actuator ده اتغير مع القطع اللى اتغيرت لكل السيارات بس ايه المشكلة اللى كانت فيه
الحقيقة معرفش

وهذا الجزء ليس له اى اعمال صيانة
لو باظ تغيره كله مرة واحدة وما تفكهوش "كلام المصنع"

اللى ممكن يتغير فيه فقط هو الحساس Clutch stroke sensor


....................................*

اتمنى ان كل واحد يدخل الموضوع ويمتلك الفتيس ده يقولنا الاعطال اللى حصلت معاه عشان نقدر نحللها مع بعض
اصل انا عربيتى عمرها ما نزلت N- error
كل اللى كان بيحصل فيها انها كانت بترزع مع الغيارات

يتبع باذن الله

[exact]

موضوع مذهل... فكرة موتور الدبرياج دي جت في دماغي بنفس الشكل ده بالظبط

[feras_elngar]

mmt

قبل ما نتكلم على طقم الدبرياج
لازم اى حد هيكمل معانا يتفرج على الفيديو الممتاز ده
رفعته مخصوص بيشرح مكونات الدبرياج


[youtube]http://www.youtube.com/watch?v=oHSvwM3jjjQ[/youtube]




ولازم نتفق على المسميات دى

Clutch = الدبرياج
Clutch Disk = الاسطوانة
clutch pressure plate = الديسك
Clutch cover diaphragm spring = سوستة الديسك
fly wheel = الحدافة = ترس الفولام
Release bearing = Throw-out bearing = بلية الدبرياج

Release clutch = انك تدوس دبرياج = فصل المحرك عن الجيربوكس
Engage clutch = انك ترفع رجلك من على الدبرياج = توصيل المحرك بالجيربوكس


يتبع ...

[feras_elngar]

mmt

السلام عليكم

النهاردة هنتكلم عن مجموعة الدبرياج

واللى بتسميها تويوتا

Adjustable clutch


واللى بيتميز بوجود LCC

Load controlled clutch cover


زى ما تفقنا ان لحماية موتور الكلتش اللى اتكلمنا عنه المشاركة اللى فاتت

الكنترول بيراقب الامبير اللى بيسحبه الموتور

والامبير بيزيد مع تآكل الاسطوانة

ولذلك تم وضع ميكانزم ميكانيكى لتعديل مجموعة الدبرياج لتلافى التغير فى ابعاد القطع مع تاكل الاسطوانة

الجزء اللى بيتآكل من الاسطوانة هو الجزء الملون بالاحمر

حيث تم فصل الديسك Pressure plate الى جزئين

جزء علوى "الجزء الملون بالازرق الفاتح" وده متصل بسوستة الديسك ....... و جزء سفلى "الجزء الملون بالازرق الغامق" وده هو الديسك نفسه او Pressure plate

الجزءين العلوى والسفلى مربوطين مع بعض بواسطة الميكانيزم

وعن طريق الميكانزم ده تقدر تزود من ارتفاع الــ pressure plate عشان تعوض التآكل اللى فى الاسطوانة

بحيث ان الميكانزم بيسبب ان الجزء العلوى يتحرك على الـــ Adjust wedge فيزيد ارتفاع الديسك

اول ما الكنترول يحس بزيادة فى الامبير بيقوم عامل Release او انه يدوس دبرياج بس موش زى العادى لا

بيعمل Release بدرجة كبيرة اكبر من العادى عشان يخللى الميكانزم يشتغل لانه زى ما انتوا شايفين انه عبارة عن زى جريدة مسننة طول ما انت بنتقل غيارات بتتحرك فى حدود ان التروس ما تفوكش من بعضها

انما لما يحب الكنترول يعدل ارتفاع الديسك بيشد جامد ويخرج السنون من بعضها وتقوم مرحلة سنه واحدة كل مرة يحصل فيها تعديل

الصورة اللى جاية بتوريك الوضع قبل دوسة الدبرياج وبعدها بحيث تنفصل سنون الــ pinion عن الــ Upper rack

وبعدين السوسة السفلية تزق الــ upper rack عشان يعشق فى سنة مختلفة

وبعدين يقوم الكنترول يعمل Engage للدبرياج

والتيجة هى حركة الجزء العلوى من الديسك الى اليسار ويتزحلق لفوق بسبب الـ Adjust wedge بحيث ان الارتفاع الكلى يزيد

طبعا الميكانزم ده هيشتغل مرات متعددة ولكنه محدود بعدد السنون ... وبعدها تبدا المشاكل

الحركة اللى بيعملها الفتيس دى لتعديل الدبرياج بيعملها بس بعد ما يحس بارتفاع الامبير وينفذها لما توقف العربية وتطفى الموتور او تدخل فى اللى بتسميها تويوتا
Parking control mode

والــ Modes دى هى اللى هنناقشها بعد كده

طبعا الميكانزم ده يمثل اعتراف من تويوتا ان الديسك بيتآكل بسرعة وان لازم مجموعة الدبرياج تفضل زى ما هى والا الموتور اللى بيحرك الدبرياج موش هيعرف يشتغل

والمجموعة دى اتغيرت لكل الناس مع القطع الجديدة

يتبع باذن الله

[midnightman_74]

السؤال دلوقتلى هل الفنيين إللى فى التوكيل فأهمين الفتيس وأزاى يصلحوة ؟؟

[wwaeel]

السلام عليكم

اولا كل عام وانتم بخير بمناسبة عيد الاضحى

تانى حاجه هنتكلم عنها بالتفصيل هى موتور تحريك الدبرياج

clutch actuator

وده موقعه على الفتيس وموقع السنسور الخاص بيه
واللى بيحس بمشوار الدراع pull rod اللى بيحرك مجموعة الدبرياج clutch set



ودى صورته فى الحقيقة للتذكرة



نيجى لمكونات الجزء ده



وهوه بيتكون من موتور بيحرك العمود worm shaft اللى متعشق مع العجلة المسننة worm wheel عشان الحركة تتحول من حركة دائرية من الموتور الى حركة خطية على عمود الشد pull rod

انا كنت بستغرب لقوة الجزء ده عشان يقدر يدوس دبرياج بواسطة موتور صغير قد ده

بس اتضح زى ما فى الصورة انهم حاطين سوسته عفيه اللى هى assist spring

واللى هتشد مع الموتور فى حالة انك عايز تعمل clutch release او بمعنى انك تدوس دبرياج


والسوستة دى محطوطة عشان تعادل الشد الكبير اللى مطلوب عشان تفصل الدبرياج بالتغلب على سوستة الديسك

clutch cover diaphragm spring = سوستة الديسك

كما هو موضح بالصور دى






اذا الجهد المبذول من الموتور المفروض يبقى قليل جدا

اثناء clutch release
assist spring هتزق مع الموتور
وهيتغلبو على سوستة الديسك

اثناء clutch engage
سوستة الديسك هتبقى بتتحرك مع الموتور و الاثنين هيكبسوا السوستة الـــ assist spring عشان تبقى تساعد فى عملية الفصل القادمة

[gdwl]

لاحظ ان
clutch engage = انك ترفع رجلك من على الدبرياج = توصل المكنة بصندوق التروس والعجل

clutch release = انك تدوس دبرياج = انك فاصل المكنة عن صندوق التروس والعجل

[/gdwl]

طيب ....
الكنترول بتاع الفتيس بيراقب دائما الامبير المسحوب من الموتور بتاع الــ actuator
الامبير لو زاد عن القيم العادية معناها انك محمل على الموتور بزيادة

هل ده ممكن يحصل
ايوه وده سببه هو تآكل الاسطوانة التدريجى مع الاستخدام
"جزء من مجموعة الدبرياج"


[gdwl]


-ده راى الشخصى-
شكل سوستة الديسك بيتغير عن الوضع الطبيعى
وبتحتاج لمشوار اكبر من الموتور عشان يفصل الدبرياج
وده هيخل بالتوازن اللى اتكلمنا عنه من شوية
اللى بين سوستة الديسك و سوستة assist spring


واحتمال ان لما المشوار بيزيد بيبدأ الموتور يخش فى مرحلة انه بيشد السوستيتين مع بعض
بدل ما كانت الــ assist spring بتساعد معاه ... هيبدا يشدها لما مشواره يطول


[/gdwl]

طب لما الكنترول هيلاقى الامبير بدا يعلى مع تاكل طقم الدبرياج هيعمل ايه عشان يحمى الموتور ؟؟؟
:u_thin1[1]:

هيعمل تعديل فى طقم الدبرياج عشان يرجع الوضع لقديمه ؟؟؟؟
ازاى ده اللى هنعرفه فى المشاركة القادمة لما نشوف طقم الدبرياج بالتفصيل

تبقى اخر معلومة ان الــ actuator ده اتغير مع القطع اللى اتغيرت لكل السيارات بس ايه المشكلة اللى كانت فيه
الحقيقة معرفش

وهذا الجزء ليس له اى اعمال صيانة
لو باظ تغيره كله مرة واحدة وما تفكهوش "كلام المصنع"

اللى ممكن يتغير فيه فقط هو الحساس clutch stroke sensor


....................................*

اتمنى ان كل واحد يدخل الموضوع ويمتلك الفتيس ده يقولنا الاعطال اللى حصلت معاه عشان نقدر نحللها مع بعض
اصل انا عربيتى عمرها ما نزلت n- error
كل اللى كان بيحصل فيها انها كانت بترزع مع الغيارات

يتبع باذن الله

هما غيرو الاكتويتور بماتوره مع القطع لانهم قالو انهم جابو ماتور اقوي بيتحمل اكتر من الاولاني لان الاول كان بيبوظ من الزحمه وانا غيرته في العربيه عندي مرتين

[feras_elngar]

هما غيرو الاكتويتور بماتوره مع القطع لانهم قالو انهم جابو ماتور اقوي بيتحمل اكتر من الاولاني لان الاول كان بيبوظ من الزحمه وانا غيرته في العربيه عندي مرتين

اشكرك على المشاركة دى ... نفسى كل ملاك الــ mmt يحكولنا تجاربهم

بس ارجوك ماتعملش اقتباس لبوست كبير بالشكل ده

[Mohyeldin1974]

والله رسالة دكتوراه يا بشمهندس
عمدى سؤالين ملهومش علاقه بالموضوع بما انه موضوع خاص بطريقة عمل هذا النوع من الجير بوكس
1- ماشاء الله انا شايف من خلال المنتدى ناس متخصصه ومطلعه وفاهمه وانا ابصم بالعشره ان المتخصصين فى مصر برقبة الموجودين بالخارج طيب ليه لحد دلوقتى مش عارفين نعمل موتور ولا حتى مشروع عربيه
2- هل نفس الجير بوكس هينزل فى 2013 ولا خلاص كولو اتوماتيك قديم عشان يريحو دماغهم
واسف على الاطاله

[feras_elngar]

والله رسالة دكتوراه يا بشمهندس
عمدى سؤالين ملهومش علاقه بالموضوع بما انه موضوع خاص بطريقة عمل هذا النوع من الجير بوكس
1- ماشاء الله انا شايف من خلال المنتدى ناس متخصصه ومطلعه وفاهمه وانا ابصم بالعشره ان المتخصصين فى مصر برقبة الموجودين بالخارج طيب ليه لحد دلوقتى مش عارفين نعمل موتور ولا حتى مشروع عربيه
2- هل نفس الجير بوكس هينزل فى 2013 ولا خلاص كولو اتوماتيك قديم عشان يريحو دماغهم
واسف على الاطاله

من ناحية السوال الاول ... احنا كمصريين اخرنا بنحاول نفهم ليه الخواجه صمم دى كده او كده .... مش تشاؤم بس حقيقى احنا متاخرين "تكنولوجيا" 50 سنة عن اى دولة فى اوروبا موش فىى مجال السيارات بس .... انا شغال فى محطة كهرباء انتاج امريكى ولو امريكا منعت عننا قطع الغيار دى كلها 5 سنين وتلاقى مصر مطفية النور
موش عايزين نكابر ونقعد نقول مصر ام الدنيا والكلام الكبير ده ... الدول العربية خارج حسابات العالم

اما السوال الثانى : الفتيس ده نزل 2008 و 2009 فقط وبعد كده كله فتيس اوتوماتيك عادى بمحول عزم هيدروليكى

تحياتى

[feras_elngar]

السؤال دلوقتلى هل الفنيين إللى فى التوكيل فأهمين الفتيس وأزاى يصلحوة ؟؟

كل صيانات التوكيل شيل وركب جديد
هوه فيه شوية شغل فنى فى الصيانات المتعلقة بالكنترول
وكلها بتتعمل بجهاز كشف الاعطال ودى غالبا هيعملها المهندسين

[Mohyeldin1974]

من ناحية السوال الاول ... احنا كمصريين اخرنا بنحاول نفهم ليه الخواجه صمم دى كده او كده .... مش تشاؤم بس حقيقى احنا متاخرين "تكنولوجيا" 50 سنة عن اى دولة فى اوروبا موش فىى مجال السيارات بس .... انا شغال فى محطة كهرباء انتاج امريكى ولو امريكا منعت عننا قطع الغيار دى كلها 5 سنين وتلاقى مصر مطفية النور
موش عايزين نكابر ونقعد نقول مصر ام الدنيا والكلام الكبير ده ... الدول العربية خارج حسابات العالم

اما السوال الثانى : الفتيس ده نزل 2008 و 2009 فقط وبعد كده كله فتيس اوتوماتيك عادى بمحول عزم هيدروليكى

تحياتى

تحياتى لرد حضرتك ومش عايز اخرجك عن الموضوع
بس فى السريع كده بأكد لحضرتك اننا كأفراد (بتكلم على المتعلميين او الحرفيين اللى بيشتغلو بضمير) اننا برقبة الافراد فى الخارج ، واكيد لا يخفى على حضرتك ان مش مطلوب من حد بره يفكر يعنى عامة الشعب يمشى زى مابيقولو بس ومش مطلوب حد يبفتى ودى ميزه لان المبدعين بينقوهم ويلمعوهم بدرى بدرى وهما دول اللى بيحطو السياسات والاختراعات والباقى ينفذ بس بدون تفكير...الموضوع شرحه يطول ومصر ام الدنيا بردو

[ehaballam]

موضوع جميل بس أنا ليَّ سؤال .... أنا اشتريت العربية دي مستعملة بس الزرار بتاع ال es مش بيعمل أي تغير ..... ولا بيشتغل ..... ممكن النصيحة ؟؟

[feras_elngar]

موضوع جميل بس أنا ليَّ سؤال .... أنا اشتريت العربية دي مستعملة بس الزرار بتاع ال es مش بيعمل أي تغير ..... ولا بيشتغل ..... ممكن النصيحة ؟؟

للتاكد من عمله
انقل العربية على وضع E بعدين دوس على الزرار مرة واحدة
وهتلاقى فى العدادات لمبة هتنور Es بدل E

جرب وقولنا

[feras_elngar]

mmt

عشان فى ناس معانا موش مالكين للكورولا MMT هنبص سريعا على الفتيس

الفتيس له الاوضاع التالية

N :

وده اللى الفتيس بيكون ممور فيه ... وممكن تزق العربية لو عطلت وتحركها

R :

وده وضع الرجوع للخلف او المارشيدير

E :

وده وضع القيادة الاوتوماتيكية يعنى الكنترول هيقوم بكل حاجة

كل ما عليك انك تدوس بنزين فقط

وممكن اثناء الوضع ده تغير غيار لاعلى او لاسفل بستخدام الــ Paddles الموجوده خلف الدركسيون

Es :

وده للقيادة الرياضية الاوتوماتيكية يعنى بياخر النقلة ويخللى الــ Rpm يعلى عشان تطلع عزم الموتور مع زيادة الاستهلاك فى البنزين

وده بتختاره بانك تختار الاول E وبعدين تدوس على زرار Es المجاور للفتيس مرة واحدة و تقدر تخرج من العمل بالنظام ده بالضغط عليه مره اخرى

M :

وده وضع قيادة مانيوال يعنى انت اللى هتحدد معاد النقلة

يعنى لو دوست بنزين جامد وانت على الاول الفتيس موش هيرضى ينقل حتى مع ارتفاع الـ Rpm

انت اللى هتنقل بس من غير ما تدوس على دبرياج

كل ماعليك انك تحرك العصاية ناحية + لزيادة النقلة وتحرك العصاية ناحية – للنزول بالنقلة
او باستخدام Paddles الموجوده خلف الدريكسيون

والعصاية بترجع بعد الشيفت للمنتصف بين + و –

مع العلم بانك لما تدوس فرامل الفتيس بينزل لوحده بالنقلات الى الاول

يتبع