حصريا تغطية وصول الكورولا 2013 بالصور [كماليات - اسعار - فئات]

[Ahmod]

السلام عليكم ورحمة الله وبركاته



في البداية انا بعتذر عن التاخر في عمل تقرير عن الكورولا ال 2013

ولاني شخصيا كنت عارف ان فيه ناس كتير مستنية نزولها املا ان ينزل فيها كماليات او اوبشنز زيادة عن ال 2012

لكن ظروف الشغل للاسف ماسمحلتيش بعمل التقرير مع نزول العربية

طبعا اليومين دول عشان العيد فضغط الشغل خفيف فقدرت اني اتوجه الى تويوتا البرجسي في شارع مراد لمشاهده الكورولا ال 2013

للاسف على غير المتوقع والصدمة الكبرى انها تنزل نفس ال 2012 بدون اي زيادة !!! وكل الكلام اللى اتقال على انها هتنزل بلون جديد او زيادة بعض الكماليات طلع كله اشاعات

حتى لما سالته على البرشور لقيته مطلعلي برشور مكتوب عليه 2011 !! ؟ قلتله ده 2011

قالي انا لسه ماوصلنيش البرشورات الجديدة لكن مافيش اي اختلاف لا في السعر ولا في الكماليات والالوان

عموما حبيت اعملكم تقرير مبسط عنها ويمكن التقرير مختصر نوعا ما لانها معروفة من 2012 ومافيش فيها اي جديد



-----...-----...----...-----...----

الفئات والاسعار :






الفئة الاولى : سعرها 155 الاف جنيه

(اتوماتيك - سي دي - مرايات كهرباء للسائق والراكب الامامي - زجاج كهرباء - سنتر لوك - ريموت كنترول - طارة ملتي فنكشن مزودة بالتحكم بالصوت - 4 اجزاء جلد في عجلة القيادة - مفتاح مشفر مانع للسرقة - شماسة امامية - 2 وسائد هوائية للسائق والراكب الامامي - EPS - ABS - EBD )


الفئة الثانية : سعرها 168 الاف جنيه (HighLine)

تزيد عن الفئة الاولى (انوار شبورة - اسبويلر - فتحة سقف - جنط 16 - CD Changer مع نظام صوتي 6 سماعات - امكانية طي الكراسي الخلفية - ضبط راس كرسي السائق )

المفروض ان فيه فئة مابين الاولى والهاين لاين سعرها لكن لسه مش متوفرة للموديل 2013

الصراحة كماليات لا ترتقي للمستوى ابدا !! خصوصا مع الكماليات والاوبشنز اللى شايفنها في العربيات الكوري سواء النترا او سيراتو او حتى الريو وال RB

هسبكم مع بعض الصور -- اكتفيت بتصوير العربية من الداخل نظرا لان شكلها الخارجي معروف ومافيش فيه اي اختلاف او تجديد

الصور :






تقييم السيارة :

طبعا لان العربية نازلة من 2012 ومافيش اختلاف مابينها ومابين النسخة الجديدة ال 2013 فانا هترك التقييم لملاك العربية

لكن انا انطباعي الشخصي

العربية من الخارج شكلها جميل بالاخص الفئة الهاي لاين بالجنط والاسبويلر تحس ان شكلها فخم وبيعطي ايحاء بالوقار

من الداخل القعدة فيها مريحة وضعية العدادات ولونها مناسب ومريح للعين كمان شكل العدادات جميل

لكن طبعا الشكل الداخلي العام للتبلوه مع التكييف البكر !!! لا تعليق

بمنتهى الامانة العربية من الداخل مش بتديلك احساس انك راكب عربية 2013 !!!

الخامات المستخدمة معقولة لكن المفروض تكون احسن من كدة

يعيبها - من وجهة نظري - ارتفاع السعر مقابل كماليات ضعيفة وشكل داخلي متواضع

[akmm]

صح ......

[MohammedAladel]

شكرا

وفعلا سعرها مبالغ فيه كان مفروض على الأقل يعيدوا نظر فى الفتيس الإم إم تى ويعدلوه وينزلوه تانى لأنه أفضل من الأوتو العادى القديم

ومع ذلك سعرها زاد مقابل لا شئ

كان فيه عضو عامل موضوع هنا عن إنها هتنزل لون أحمر أو نبيتى مش فاكر بالظبط بس أنا شفت الكورولا الشكل الجديد باللون النبيتى

[ahmed_h_g]

شكرا" عالتقرير الجامد
برضه هتفضل حلوه فى نظرى :)

[omaroof]

هى 2013 جنوب افريقى برضه؟؟؟؟؟؟؟؟؟؟؟
العربيه فى المجمل ممتازه لكن سعرها غالى جدا
فى الخليج رقم 2 سعرها يعادل 100 الف جنيه و رقم 1 سعرها 110 جنيه

[Ahmod]

صح ......

+1

شكرا

وفعلا سعرها مبالغ فيه كان مفروض على الأقل يعيدوا نظر فى الفتيس الإم إم تى ويعدلوه وينزلوه تانى لأنه أفضل من الأوتو العادى القديم

ومع ذلك سعرها زاد مقابل لا شئ

كان فيه عضو عامل موضوع هنا عن إنها هتنزل لون أحمر أو نبيتى مش فاكر بالظبط بس أنا شفت الكورولا الشكل الجديد باللون النبيتى

هو مافيش اي معلومات عن نزول اي الوان جديدة للكورولا

والفكرة مش فكرة سعرها غالي لان الاسعار كلها طالعة السماء

بس الموضوع كله في ال Cost benefit ratio !! يعني انت هتدفع كام وهتاخد ايه في المقابل ؟؟

وبصراحة امكانيات ضعيفة جدا على سعر 170 الاف !!

شكرا" عالتقرير الجامد
برضه هتفضل حلوه فى نظرى :)

ربنا يخليك

وهي حلوة في نظرنا كلنا والله والعربية ليها برضوا وزنها وقيمتها ومميزات عن اي عربية تانية

بس لازم تويوتا كانت تشوف المنافسين بيعملو ايه وتهتم شوية بالشكل الداخلي والكماليات

هى 2013 جنوب افريقى برضه؟؟؟؟؟؟؟؟؟؟؟
العربيه فى المجمل ممتازه لكن سعرها غالى جدا
فى الخليج رقم 2 سعرها يعادل 100 الف جنيه و رقم 1 سعرها 110 جنيه

لا دي ياباني

على حسب كلام المعرض ان الجنوب افريقي اتوقف انتاجها حاليا

واللى موجود كله دلوقتي ياباني سواء وكيل او خليجي

[omar-saad]

الكورولا كان اخرها 2007

[S O P H O S]

تسـلـم ايـدك يا دكتور

انا كنت منتظر منك التقرير الجميل ده

وهيكون مفيد للناس الي منتظرة 2013 وتغيرتها

تحياتي ...

[احمد فهمى]

بصراحه متستاهلش حتى اللى فوق ال١٠٠ عربيه فقيره جداً هى فين الكماليات دى الاسترا اول فئه ب١٥٥ وفيها كماليات اضعاف اعلى فئه فى تيوتا عدا فتحة السقف انا مش فاهم الناس دى بتهزر وايه الخامات التعبانه دى الكلام ده بجد تقليل من عقلية المصريين واستهتار من التجار

[midnightman_74]

بصراحه متستاهلش حتى اللى فوق ال١٠٠ عربيه فقيره جداً هى فين الكماليات دى الاسترا اول فئه ب١٥٥ وفيها كماليات اضعاف اعلى فئه فى تيوتا عدا فتحة السقف انا مش فاهم الناس دى بتهزر وايه الخامات التعبانه دى الكلام ده بجد تقليل من عقلية المصريين واستهتار من التجار

بالراحة بس شوية
فى حاجة اسمها ال running cost أو مصاريف التشغيل

شوف الكورولا الزيرو فى خلال ٨ سنين هتصرف عليها كام وبعدين هتبيعها بكام
و شوف الاسترا الزيرو فى خلال ٨ سنين هتصرف عليها كام وبعدين هتبيعها بكام

فى موضوع لسة بيكلم عن كومبورسور التكييف ال بم ٩ آلاف جنية والعربية موديل ٢٠٠٨ يعنى بعد ٤ سنين !!!

http://www.nilemotors.net/Nile/314256-316-2008-14000-a.html

[Y a r i s]

. بارك الله فيك يا ميد نايت اوجزت فانجزت
وجبت المفيد. فعلاً عربيات الالماني بنت لزيييييييييينة. ومعقدة في تصليحاتها .... وتكلفت تصليحها عالية جداً ده اذا حد فهم فيها اساساً .... ثم يا احمد باشا. هو اي الفقر الي موجود في الاوبشن بتاع التويوتا في فرق ياباشا بين الخامات. وبين الاوبشن .... ولو مثلاً انتا معاك ١٥٥ الف هتجيب عربية بعد فترة تيجي تبيعها تتباع معاك هوى بسعر ناقص حبه .... ولا اشتري عربية. اوقف ادلل عليها. وانزل سوق الجمعة اقول اقرب اقرب اقرب ياجدع ايوه الاوووووبل. اوبل للبيع ياشباب ... قرب قرب على الالماني

بخلاف عربية تويوتا بسم الله مشاء الله تعالة بس اتمشى بيها يوم الجمعة جمب السوق هتبص تلاقي ناس بتجري عليك للبيع يابشمهندس للبيع يابيه وانتا اساساً رايح تزور واحد صحبك ومش رايح السوق ....

وبعدين ياباشا ده انتا كنت من اصحاب تويوتا. وكنت حتى. معتقها ومش راضي تبيعها غير بسعر غالي رغم انها موديل قديم .... وتحياتي ليك ياباشا وانا برايي تويوتا اكثر تحمل واصالة من الالماني

[omaroof]

الاستاذ اللى بيقول ماتستاهيلش اكتر من 100 الف
سؤال حضرتك عارف اللاكسنت الار بى بكام ؟؟؟؟؟؟؟؟؟؟؟؟؟
حضرتك عارف النسر بومه بكام ؟؟؟؟؟؟؟؟؟؟؟؟؟
اركب كورولا يبانى وانت تعرف ليه الكورولا تستاهل
وماتقارنهاش بالفورد ولا الالمانى لكل نوع مميزاته وعيوبه

[Mohyeldin1974]

مع انى من عشاق الكورولا واعتبرها دائما الاختيار الاضمن بس الله حرام الاسعار دى فى الموديلات دى
موديلات 2006 و7 كانت اكثر اعتماديه واقل سعرا ممكن يفرق فقط موضوع الثبات افضل فى الموديلادت الحديثه دى

[AbO MosTaFa]

تويوتا دايما مش بتهتم بالرفاهية الداخلية والمنظر الجمالي للصالون والتابلوه سيبك ان دي كرولا
الكامري منظرها من جوه تحس انها فيرنا متظبطة
ومن المفترض انها في فئة المرسيدس العيون او البي ام الفئة الخامسة

[A.Adel]

الياباني طول عمره بيهتم بالاعتمادية و توفير البنزين

بس ده بيبقى على حساب الشكل والأوبشانز
كل واحد يشوف اللي يريحه