حصريا تغطية وصول الكورولا 2013 بالصور [كماليات - اسعار - فئات]

[midnightman_74]

العربية دة بالامكانيات دة خرجت من منافسة السوق من زمان والدليل علي كدة قارن بين انتشار شكل 2007 مثلا والشكل الجديد هتلاقي الشكل القديم منتشر جدا وماسك سعر عن الجديد ودة اللي بحكي فيه انها خرجت من المنافسة لارتفاع السعر بما لا يتناسب مع امكانياتها اللي كان لازم تتطور , ياراجل دة الاوربي زي الرينو بدء يطور نفسة جدا من حيث الشكل والاعتمادية وكمان السعر , زي ما شوفنا النهاردة اللوجان والفلوانس بدأت تنافس بقوة بأسعار معقولة لجذب مزيد القوي الشرائية هي معادلة اللي يقدر يحققها يمسك السوق , اللي قلب السوق كدة الكوري لانة وفر سيارة مش هقول طبعا زي الكورلا في الاعتمادية لكن اقترب كثيرا منها وبأمكانيات عالية جدا وكمان سعر معقول وهي دة المعادلة الصعبة اللي لازم تويوتا وميتسوبيشي تتبعة لتعود الي السوق مرة اخري , من الاخر العربية دة بالامكانيات دة سعرها مش مفروض يزيد عن 125 الف لاول فئة والهاي لاين 140 الف وابقي كدة مكارمها كمان

نيجى بقى لانتشار ٢٠٠٧ إللى بتتكلم علية
انتشار ٢٠٠٧ وأنها ماسكة سعر دة لسبب واحد هو فشل الشكل الجديد من اول ٢٠٠٨ ال م م ت وموضوع الجنوب أفريقى ومش يابانى والفتيس وسؤ معالجة التوكيل للمشكلة

واللى فاكر كويس أن الشكل بتاع ٢٠٠٧ اول لما نزل مكانش مرغوب فية والناس قالت علية عربية منفوخة وبتوعم على الطريق وبتقلب فى المفات وده كان تقريبا ٢٠٠٢
والكلام دة لما حصل الناس راحت الموديل القديم تقريبا ١٩٩٦ إللى بيسموة الكورولا الملكة إللى فضلت ماسكة سعر لوقت طويل

وهى على فكرة مسالة وقت لحد لما الناس تثق أن الشكل الموجود مفيش فية مشاكل هتلاقى الانتشار رجع تانى للكورولا وهى عملية وقت والأيام إللى هتثبت الكلام دة

يا راجل دة البيكانتو ب ٨٥ وبدأت تنتشر زى الرز

نيجى بقى لموضوع ال م م ت مع أنى مكنتش عايز أكلم فية عشان مخشش فى مهاترات ما لهاش لازمة

أنا معايا ال م م ت ٢٠٠٩ هاى لاين إلى فيها كل الأوبشنز إللى الناس بتتخانق عليها

16 صباب – 5 سرعات mmt– جنوط 16 – مرايات كهرباء بلون السيارة – فوج لايت – تكييف اوتوماتيك تاتش – باور – راديو cd 6 اسطوانات - 6 سماعات abs –ebd –bas – - ٧ ايرباج – مفتاح مشفر – سنتر لوك – زجاج كهرباء - مقابض الابواب بلون السيارة- التحكم الكاسيت من عجلة القيادة – مثبت سرعة – حساس مطر – مفتاح ذكى – زينون – رشاشات فوانيس -مراية تعتيم أوتوماتيك

العربية عاملة ٢٤ ألف كيلو
عملت صيانة فى ال ٥ آلاف وتكلفت تقريبا ٤٨٠ بتغير الزيت والفلتر
عملت صيانة ال ١٥ ألف وتكلفت تقريبا ٣٧٠ من غير الزيت والفلتر
يعنى تقريبا كلة ١١٠٠ فى ٢٤ ألف كيلو

الفتيس الحمد لله بتعامل معاة كويس وفهمتة وأتمنى يفضل من غير مشاكل
التوكيل كلمنى مرتين عشان اركب القطع الجديدة بس رفضت لان العربية ماشية من غير مشاكل الحمد لله

ويا جماعة تويوتا عملت الفتيس دة عشان حاجة واحدة بس وهية استهلاك اقتصادى للبنزين
أتحدى أي عربية ١٦٠٠ تكون بتستهلك بنزين زى ال م م ت
العربية بتعمل جوة البلد حوالى ٢٥٠ كيلو الى ٢٧٠ فى الصفيحة بالتكييف
بتعمل فى السفر مع مثبت السرعة حوالى ٣٠٠ كيلو إلى ٣٢٠ فى الصفيحة بالتكييف

فى ناس فى المنتدى بتكلم على استهلاك الصنى والانسر ١٨٠ و٢٠٠ فى الصفيحة وناس تانية بتشتكى من استهلاك البيكانتو!!

[احمد فهمى]

مع السلامه كرولا العربيه دى مش هتتباع دى تكنولوجيا وكماليات التسعينات حتى الطبلوه طيب كتنو حطو عدادات الجنوب افريقى حتى لكن مفيش فايده انا قريب ليا معاه كرولا ٢٠١٠ جنوب افريقى فتيس اوتوماتيك عادى فيها ٥ اير باج وسمارت كى وزينون اصلى ومثبت سرعه وعداد ديجتال بكمبيوتر وكانت بتتباع عادى زيرو فى مصر ب١٥٥ مش فاهم الناس بتتقدم والا بتتخلف بالشكل ده مع السلامه كرولا الشكل ده اتحكم عليه بالاعدام

[midnightman_74]

مع السلامه كرولا العربيه دى مش هتتباع دى تكنولوجيا وكماليات التسعينات حتى الطبلوه طيب كتنو حطو عدادات الجنوب افريقى حتى لكن مفيش فايده انا قريب ليا معاه كرولا ٢٠١٠ جنوب افريقى فتيس اوتوماتيك عادى فيها ٥ اير باج وسمارت كى وزينون اصلى ومثبت سرعه وعداد ديجتال بكمبيوتر وكانت بتتباع عادى زيرو فى مصر ب١٥٥ مش فاهم الناس بتتقدم والا بتتخلف بالشكل ده مع السلامه كرولا الشكل ده اتحكم عليه بالاعدام

طب حضرتك لية متكلمتش مع قريبك قبل مايشترى العربية واقنعتة بالكلام دة وأنها عربية واخدة إعدام

[seso100100]

عربية مملة جدا فى سواقتها فقيرة فى امكانيتها بالنسبة لسعرها و التابلوه عادى جدا نفس تابلوه 2008 و اقل لأن التكييف بكر و الهاى لاين تنقص امكانيات كتيرة تخيل مفهاش مثبت سرعة و حساسات خلفية و بلوتوث و لا برنامج توازن الكترونى و لا زينون و كمبيوتر السيارة فقير
الفانتازيا اول فئة احسن بكتير و كمان الفلونس ب 150 الف هاى لاين بكماليات ممتازة
احترس من فضلك التويوتا ترجع الى الخلف

[ahmadm]

السلام عليكم انا حابب اكتب نبذة عن مواصفات الفلوانس الفئة اللى ب 142 الف جنية

المرايات :
ضم
كهرباء
تسخين
اشارات

سينسور مطر
سنسور ضوء

بلوتوث
ملتى فنكشن
مثبت سرعة
محدد سرعة
كاست سي دى

تكييف ديجيتال
دوال زون
تكييف خلفى

زجاج كهربا يعمل بضغطة واحدة للنزول او الطلوع فى الامام و الخلف
وحدات رفع

فرامل abs ebd bas

درج التالبوة يعمل كثلاجة مع عمل التكيف لمرور هواء التكييف البارد بة

يوجد ستائر جانبية خلفية تدخل فى الباب (مطبوخة)
يوجد ستارة خلفية كبيرة مطبوخة فى جسم السيارة

مفتاح تشغيل السيارة رينو كارد شديد الشياكة الذى لن تخرجة من جيبك تقربيا سواء فى الدخول او تدوير السيارة

زرار ستارت و ستوب انجين لتدوير السيارة اللى كتير بننزل و نسيب العربية دايرة عشان يتكون ملهاش صوت خالص

عجلة قيادة مكسوة بالجلد تيليسكوبية تتحرك فى 4 اتجاهات و يزيد ثقلها كلما زادت السرعة لزيادة التحكم

السيارة فى الملفات حدث ولا حرج

حجم الشنطة 530 لتر الشنطة اللى اكبر منها هية شنطة الاوكتافيا 560 لتر والكنبة بتتفتح تلت و تلتين

3 مخدع خلفى

مسند فى المنتصف

مسند راس السائق و الراكب الامامى متحرك للأمام بحيث يملا الفراغ خلف الفقرات العنقية (لازم تشوفو عشان تعرف شكلة ازاى

كرسي السائق بة يد جانبية ترفع جزء داخلى فى كرسي السائق لتدعييم الفقرات القطنية عند القيادة لمسافات طويلة

اختراع لطيف عند توصيل تليفونك بالبلو توث و حد يطلبك يرد عليك بلوتوث السيارة و يقولك ان اللى انتة طلبة حاليا بيسوق ويحولك علية :) اكنة سكرتيرة :)

فوجات امامى و خلفى

جنوط 16

4 سمعات

وحاجات تانية انا مش فاكرها

تحياتى

[mfrateb]

السلام عليكم ورحمة الله وبركاته



في البداية انا بعتذر عن التاخر في عمل تقرير عن الكورولا ال 2013

ولاني شخصيا كنت عارف ان فيه ناس كتير مستنية نزولها املا ان ينزل فيها كماليات او اوبشنز زيادة عن ال 2012

لكن ظروف الشغل للاسف ماسمحلتيش بعمل التقرير مع نزول العربية

طبعا اليومين دول عشان العيد فضغط الشغل خفيف فقدرت اني اتوجه الى تويوتا البرجسي في شارع مراد لمشاهده الكورولا ال 2013

للاسف على غير المتوقع والصدمة الكبرى انها تنزل نفس ال 2012 بدون اي زيادة !!! وكل الكلام اللى اتقال على انها هتنزل بلون جديد او زيادة بعض الكماليات طلع كله اشاعات

حتى لما سالته على البرشور لقيته مطلعلي برشور مكتوب عليه 2011 !! ؟ قلتله ده 2011

قالي انا لسه ماوصلنيش البرشورات الجديدة لكن مافيش اي اختلاف لا في السعر ولا في الكماليات والالوان

عموما حبيت اعملكم تقرير مبسط عنها ويمكن التقرير مختصر نوعا ما لانها معروفة من 2012 ومافيش فيها اي جديد



-----...-----...----...-----...----

الفئات والاسعار :






الفئة الاولى : سعرها 155 الاف جنيه

(اتوماتيك - سي دي - مرايات كهرباء للسائق والراكب الامامي - زجاج كهرباء - سنتر لوك - ريموت كنترول - طارة ملتي فنكشن مزودة بالتحكم بالصوت - 4 اجزاء جلد في عجلة القيادة - مفتاح مشفر مانع للسرقة - شماسة امامية - 2 وسائد هوائية للسائق والراكب الامامي - eps - abs - ebd )


الفئة الثانية : سعرها 168 الاف جنيه (highline)

تزيد عن الفئة الاولى (انوار شبورة - اسبويلر - فتحة سقف - جنط 16 - cd changer مع نظام صوتي 6 سماعات - امكانية طي الكراسي الخلفية - ضبط راس كرسي السائق )

المفروض ان فيه فئة مابين الاولى والهاين لاين سعرها لكن لسه مش متوفرة للموديل 2013

الصراحة كماليات لا ترتقي للمستوى ابدا !! خصوصا مع الكماليات والاوبشنز اللى شايفنها في العربيات الكوري سواء النترا او سيراتو او حتى الريو وال rb

هسبكم مع بعض الصور -- اكتفيت بتصوير العربية من الداخل نظرا لان شكلها الخارجي معروف ومافيش فيه اي اختلاف او تجديد

الصور :






تقييم السيارة :

طبعا لان العربية نازلة من 2012 ومافيش اختلاف مابينها ومابين النسخة الجديدة ال 2013 فانا هترك التقييم لملاك العربية

لكن انا انطباعي الشخصي

العربية من الخارج شكلها جميل بالاخص الفئة الهاي لاين بالجنط والاسبويلر تحس ان شكلها فخم وبيعطي ايحاء بالوقار

من الداخل القعدة فيها مريحة وضعية العدادات ولونها مناسب ومريح للعين كمان شكل العدادات جميل

لكن طبعا الشكل الداخلي العام للتبلوه مع التكييف البكر !!! لا تعليق

بمنتهى الامانة العربية من الداخل مش بتديلك احساس انك راكب عربية 2013 !!!

الخامات المستخدمة معقولة لكن المفروض تكون احسن من كدة

يعيبها - من وجهة نظري - ارتفاع السعر مقابل كماليات ضعيفة وشكل داخلي متواضع

تابلوه الكورولا و الفلوينس حاجة مخزية للشركتين الصراحة

[midnightman_74]

السلام عليكم انا حابب اكتب نبذة عن مواصفات الفلوانس الفئة اللى ب 142 الف جنية

فوجات امامى و خلفى


تحياتى

]ياريت صور عشان مش فاهم أية فوجات خلفى

[A.Adel]

]ياريت صور عشان مش فاهم أية فوجات خلفى

هو اللي في الكصدام من تحت ده

[A.Adel]

تابلوه الكورولا و الفلوينس حاجة مخزية للشركتين الصراحة

دي صورتين لتابلوه ال fluence ,مظنش إنه مخزي خالص !!!

[omaroof]

كلامك مضبوط فى الاوبشنز اللى ذكرتها بس كون انها توصل 170 الف ده كتير غيران الشكل ماتغيرش والتابلوه مش زى ما اخدتنا الكورولا ولا يقارن بالموديلات القديمه وبعدين عيب اوى عربيه بالسعر ده الاقى زراير التكييف لسه بكر
ولو التقييم شخصى انا مش عايز ولا فتحة السقف ولا الجنوط ولا السبويلر وبالتالى هشترى الكاتيجورى اللى فى حدود 155 تقريبا (مش عارف بالضبط كام) ولو قارناه بباقى اسعار السيارات فى نفس الكاتيجورى وبنفس الاماكانيات هنلاقيه كتير
انا ركبت الكورولا من 98 (عيون لغاية 2006 )ومن 2006 الى 2011 كان موديل السنه وبالامانه لا تعليق على هذه السياره مفيهاش غلطه الا موضوع الوزن الخفيف ولكن عشان الواحد نفسه يفضل راكب الكورولا يبقى لازم العربيه تواكب السوق فى التصميم والامكانيات والاوبشنز وخاصة الاسعار لان خصومها فعلا ابتدو يتفوقوا عليها للاسف ،يعنى مين باع اكتر من 2002 الى 2007 كورولا ولا النترا ومين باع اكتر من 2008 الى 2012 كورولا ولا النترا
واخيرا الكورولا دى قيمه ميعرفهاش الا اللى ركبها

كورولا 98 نزلت ولم تثبت نجاح فى الخليج مع كثرتها كانت معظم محركاتها بها مشاكل
حضرتك اقدر اقلك تيوتا باعات اكثر لانها رقم واحد فى المبيعات حول العالم
فى الخليج محدش بيشترى لا النتر ولا سيراتو
تخيل ممكن الف طول النهار وماشوفش غير عربيه سيراتو او النترا
فى فرق بين العربيات وبعض وكل عربيه لها وعليها
لكن الكورولا بصراحه عربيه العمر اعتمادية عاليه - اعطال قليله - قطع غيار معمرة باسعار جيده

+١١١١١١١١١١١١١١١

يا جماعة المسافة بين المدن فى السعودية من ٤٠٠ إلى ٦٠٠ كيلو زى الدمام والرياض وجدة
فى عربيات فى السعودية بتعمل كل يوم ١٠٠٠ كيلو بدون مبالغة يعنى بيتغير زيت كل أسبوع
وكل إلى فى السعودية ماسك فى التويوتا عشان مصروفها قليل
لية بقة الجدل والكلام الكتير عن الابشنز الفظيعة القاتلة إللى فى العربيات التانية

اعتقد مافيش كلام بعد كده يتقال!!!!!!!!!!!!!!!!!!!!!1

[ahmedsadek82]

معنى القياده و الاداء و الامان حاجه تانيه خالص غير اللي تويوتا بتقدمه . احنا سنه 2013 ! لازم نعرف نقيم الاداء مع السعر مش اسامي و كلام عام و خلاص , احنا بنتكلم كلام علمي مش بنحب و نكره و تعصب و خلاص دي في الاول و في الاخر عربيه

[Mohyeldin1974]

[QUOTE=omaroof;3874603393]كورولا 98 نزلت ولم تثبت نجاح فى الخليج مع كثرتها كانت معظم محركاتها بها مشاكل
حضرتك اقدر اقلك تيوتا باعات اكثر لانها رقم واحد فى المبيعات حول العالم
فى الخليج محدش بيشترى لا النتر ولا سيراتو
تخيل ممكن الف طول النهار وماشوفش غير عربيه سيراتو او النترا
فى فرق بين العربيات وبعض وكل عربيه لها وعليها
لكن الكورولا بصراحه عربيه العمر اعتمادية عاليه - اعطال قليله - قطع غيار معمرة باسعار جيده

انا بتكلم على مبيعات مصر وصدقنى اللى الواحد بيقوله ده من العشم عشان نفسى مغيرش بس المغيرات كبيره والابشنز قدام الواحد كترت عن زمان

[S O P H O S]

برضوا ارجع واقول ان تويوتا بتخاطب متستهلك معين
وهي الي بيدور علي اسم شركة تويوتا بما يحمل من قوة واعتمادية وانتشار ممتاز في مقابل نقص الكمليات
الغير ضرورية علشان اكون دقيق
العربية سعرها عالي فعلا بس يا جماعة شوفوا السوق عامل ازاي وعربيات تانية بكام
العملية نسبة وتناسب مش تويوتا فقط ..

[nour66666]

بصراحه التويوتا الكرولا فيها مميزات تتفوق فيها وبجداره
1- قوة التكييف ونعومة صوت المروحه يعنى يعتبر اجمل تكيف موجود ولايمكن مقارنته بتكييف الفانتازيا مثلا واللى صوت المروحه فيها اعلى وبالرغم من وجود فتحات تكييف خلفيه الا ان الكرولا تكسب
2- نعومة الموتور وقوة سحبه بالنسبه لحجم السياره ووزنها وكمان مكوناته معمره بدرجه عاليه , وكمان هو الافضل فى توفير استهلاك البنزين , ولايحتاج لبنزين 95
3- نعومة العفشه بالمقارنه بالسيارات الكورى او حتى الفانتازيا (بتدب فى مطبات المحروسه).
4- صالون مريح فى السفر الطويل وكرسى السائق تحسه ساند كل جسمك..( يعنى لو مسافر مشوار طويل وفيه شوية مطبات زى طريق مصر اسكندريه الزراعى حتكون الكرولا اريح مثلا من الفانتازيا ).
5- قلة اعطال السياره بشكل عام.
6- توكيل افضل حالا من غيره.
7- توفر قطع الغيار داخل وخارج التوكيل وباسعار معقوله نوعا ما.

اما بقى العيوب فزى كتير من الزملاء المشاركين ماقالوا:

1- ينقصها كتير من الكماليات زى الزينون وسنسور البارك ووحدات الرفع وفتح الشنطه من الريموت والبلوتوث..ووجود مدخل للفلاشه مع السى دى ومثبت السرعه واشارات فى المرايات.... وبالذات انها وصلت لسعر مش قليل 168000 جنيه.
2- ضعف الاكصدامات وتثبيتها بطريقه غبيه جدا جدا..( الاكصدامات ورق ورق).
3- ضعف الصاج الخارجى للسياره بصفه عامه.
4- دهان السياره تحس انه ليس بالجوده المطلوبه.....وده بيبان بعد مرور سنه او اتنين من استخدام السياره بتحس انها كانت بتتضرب فى الخلاط وشكلها بيتبهدل بسرعه.
5-الشكل الخارجى وعدم وجود سوك فى الصاج بيخلى العربيه مش جميله بالقدر اللى يساوى ثمنها وقيمتها ويخلى اى عربيه جنبها فى الشارع اجمل منها حتى لوكانت صينى.

وعشان العيوب دى ومع السعر اللى وصل لرقم مش قليل ,,, انا متردد بينها وبين الفانتزيا ...واللى بالرغم برضه من كونها صلبه زى الزلطه (الكلام على الفانتازيا) وثباتها الهايل وفخامة وشياكة العربيه من برا ومن جوه وتمتعها بكتير من الكماليات الا ان بها عيوب برضه مش قليله وهى :

1- ضعف التكييف بالمقارنه باليابانى والكورى.
2- خشونة المحرك والعفشه.
3- سحب ضعيف على السرعات المنخفضه وداخل المدن .
4-ارتفاع سعر قطع الغيار وسمعة الوكيل اللى مش كويسه خالص.
5- مشاكل الفتيس بعد من 60 الف كم الى 100 الف كم .
6- السياره تحتاج اللى صيانات اكتر بالمقارنه بالكرولا.

ولكل للى ذكرته سابقا ... انا محتار جدا بين الاتنين ..... وخايف لو شتريت واحده من الاتنين ارجع اندم انى ماشتريتش السياره التانيه

رجاء من الاخوه الافاضل مساعدتى فى الاخيارالصائب وشكرا لكم

[S O P H O S]

يا باشا انت قيمت العربيتين نختار احنا ازاي
عموما الاثنين حلوين واي واحدة فيهم فيها حاجات مش فالتانية
انا عموما بحس ان الكورولا تنفع لمصر اكتر
مع ان التانية حلوة بردوا ..