حصريا تغطية وصول الكورولا 2013 بالصور [كماليات - اسعار - فئات]

[S O P H O S]

والله يا باشا انا معاك ان السعر
عالي بس عالي مقارنة بأيه يعني اسعار العربيات فمصر بصفة عامة ذبح للعملاء والمشتري فرأي
الياباني في ميزة ان الاقرب للاوروبي فالاعتمادية مع سهولة صيانة واسعار اقل فقطع غيار
لا اقصد انها رخصية بس اقل نسبيا فبردوا هيفضل الخيار الوسط ودايما الوسطية افضل فكل شئ
وملاحظة اخيرة اللون الاحمر للادراة فقط
تحياتي ..

[MohammedAladel]

احنا متفقين ان الكوري مش هيخش فالمقارنة حتي لو فيه كلميات كتيرة
زي ما انا موافق ان الاوروبي متوفق علي الياباني
بس الياباني ركوبة وهدف لناس معينة بأختلاف الاوروبي
عربية زي السوبارو امبريزا عربية ممتازة فالصناعة اليابانية وشوف فمصر وضعها ايه !!
فحين السيفيك سعرها اعلي فئة وصل لكام والكورولا الي وقفة فالمنتصف بكمليات قليلة علي عربية ممتازة مع سعر غير واقعي
يبقي فالاخر تشعر انها سياسة سوق سيئة جدا مش عربيات ولكن توكيلات بتجيب كل ما غريب باسعار اغرب
والشعب المصري بيشتري احيانا سمعة وعلامات فقط وفي بيشتري بلاستك وفانوس شكله حلو
وفي بقي الخيار الوسط زي الياباني كده بتاخد كل شئ وتقفد الكمليات والتصميم
والي عاوز يركب عربية بالمعني الدقيق يبقي الاوروبي ويدفع ثمن ذلك من صيانات فالتوكيل وقطع غيار
علشان ميخسرش العربية وسط الناس الفتاين فالصيانة
مجرد راي ..

على أساس إن صيانات اليابانى والكورى رخيصة فى التوكيل ..... الكل متساوى فى النقطة دى ... بس أنا مقتنع بإن لو ميكانيكى فاهم وعنده حب استطلاع وبيطور من نفسه هيعرف يتعامل مع أى عربية

يعنى أنا مستهلك عادى معنديش أى خبرة سابقة مع عربية غير العربية اللى عندى دلوقتى ... أنا حتى ا تعلمت عليها السواقة .... أنا ولله الحمد ممكن أعمل حاجات كتيرة فى العربية بنفسى ...

يعنى أقل شئ الصيانات الدورية أقدر أعملها بنفسى من تغيير زيت وفلاتر ودا اللى أغلب العربيات بتحتاجه .... بل أنا بعمل حاجات أصعب من كدا ... ولو معايا عدة فك وتركيب كاملة هعمل فيها شغل أعلى بكتير ودا هيحصل قريب بإذن الله ... قبل ما أشترى العربية سمعت كلام كتير عن إنها معقدة ومش عارف إيه طلع كلام فاضى .... كلام تجار وميكانيكيين مش فاهمة حاجة

فما بالك لو الميكانيكى اللى هو أصلا شغلته .... وحب يطور من نفسه

[MohammedAladel]

وبعدين كفاية من تويوتا إنها نزلت الكورولا بفتيس mmt ولكتر الشكاوى منه رجعو الفتيس ال 4 غيار !!

دا معناه إيه غير أنهم بيستهتروا بالمستهلك المصرى ؟؟ يعنى من باب أولى إنه يصلح الفتيس دا أو يعيد تصميمه لأنه هو أحدث من ال 4 غيار

برغم إن سعرها وقتها كان 145 ألف بامكانيات وأوبشن عالى كفاية ال 9 إيرباج اللى كانت بتنزل بيهم الجنوب الأفريقى اللى الناس بتقول عليها وحشة برضه برغم إنها من وجهة نظرى الأفضل على الأطلاق كتكنولوجيا وعوامل أمان وأوبشن وسعر
أما دلوقتى قللوا من كل الكلام دا وزودوا السعر عشان الفتيس الأوتو القديم اللى مبيعطلش ....

[S O P H O S]

يا محمد باشا مفيش قاعدة عامة ابدا
يعني مش كل العربيات صعبة ولا كلها سهلة
وانا قولت مسألة نسبية قطع الغيار ليس الا
وتويوتا اكيد عندها سلبيات زي اي شركة اخري ولو تويوتا عملت ال mmt طب اوروبا لما علمت dsg
كان فتيس ايه خارق مثلا ما جه فمصر الحبيبة والي اتحرق منه والي باظ والي كل شوية فالتوكيل
والي ماشي معاه كويس -- واسمها المانيا مش شركة فاليابان كده المقارنة بتبان وبيظهر ان زي ما ده عمل مشكلة التاني نفس الوضع
ولا انا كلامي غلط فرايك .. ؟

[MohammedAladel]

يا محمد باشا مفيش قاعدة عامة ابدا
يعني مش كل العربيات صعبة ولا كلها سهلة
وانا قولت مسألة نسبية قطع الغيار ليس الا
وتويوتا اكيد عندها سلبيات زي اي شركة اخري ولو تويوتا عملت ال mmt طب اوروبا لما علمت dsg
كان فتيس ايه خارق مثلا ما جه فمصر الحبيبة والي اتحرق منه والي باظ والي كل شوية فالتوكيل
والي ماشي معاه كويس -- واسمها المانيا مش شركة فاليابان كده المقارنة بتبان وبيظهر ان زي ما ده عمل مشكلة التاني نفس الوضع
ولا انا كلامي غلط فرايك .. ؟

أنا متفق معاك فى إن أى تكنولوجيا جديدة وارد يكون فيها أعطال ... بس اللى مش طبيعى إنى أرجع لتكنولوجيا قديمة لمجرد فيه عطل

أنا عايزك تشوف عربيات فيات وفتيساتها و مواتيرها وأسعارها هتلاقيها حاجة ممتازة جدا

[MohammedAladel]

بالظبط كده .. سياسه تسويق سيئه وانا متفق معاك فى كده

واغلب الناس بيبصوا للعربيه على انها شكل وجنط وجرى وميعرفوش ان اخر حاجه بتفكر فيها الشركات الكورى دى هى الأمان والثبات ,, بينتجوا عربيات وررررق والعربيه تحس انها مكياج بس

وفى الأول وفى الأخر اليابانى يتناسب مع بعض الناس فى ركوبه والألمانى يتناسب مع ناس تانيه .. بس مع سعر اليابانى ده يبقى تقريبا خارج المنافسه

اليابانى يتفق مع بعض الناس ...... الألمانى والأوروبى بشكل عام يتناسب مع الجميع لأنهم مبدعين فى المجال دا.... بس الفكرة فى إن الناس مش عايزة تغير فكرة إن السوق المصرى اللى بيحكمه تجار السيارات وميكانيكين نص لبة

[S O P H O S]

أنا متفق معاك فى إن أى تكنولوجيا جديدة وارد يكون فيها أعطال ... بس اللى مش طبيعى إنى أرجع لتكنولوجيا قديمة لمجرد فيه عطل

أنا عايزك تشوف عربيات فيات وفتيساتها و مواتيرها وأسعارها هتلاقيها حاجة ممتازة جدا

وانا موافق ان فيات منزلة ال لينيا 2013 عربية جميلة جدا بس فين التوكيل !!
وانا مازلت راي ان مفيش عربية سيئة لكن كل عربية علي بتتقاس علي تلبية احتياج صاحبها منها
لكن مش السوق الي هيعمل سمعة للياباني وهو ضعيف
محدش هيقدر لاني الي هيبني علي شئ غلط لازم فيوم ويقع مش هيستمر

[MohammedAladel]

وانا موافق ان فيات منزلة ال لينيا 2013 عربية جميلة جدا بس فين التوكيل !!
وانا مازلت راي ان مفيش عربية سيئة لكن كل عربية علي بتتقاس علي تلبية احتياج صاحبها منها
لكن مش السوق الي هيعمل سمعة للياباني وهو ضعيف
محدش هيقدر لاني الي هيبني علي شئ غلط لازم فيوم ويقع مش هيستمر

أنا مقلتش تويوتا عربيات سيئة ,,,, لكنها عربيات متواضعة فى كل حاجة ماعدا السعر .... عارف آه إن الإلنترا بقت بكذا وبرضه خسارة فيها ....

بالرغم من إن ميجان عربية ممتازة ... وتوكيل محترم ... أسعار قطع غيار رخيصة برا التوكيل ومتوفرة ... طلع عليها كلام أغلبه خاطئ ...

ياباشا أنا مش مقتنع أبدا بإنى أشترى كورولا بالسعر دا عشان أعادة بيعها والكلام الفاضى دا ... لأنه مبنى على أسس خاطئة

ولو على الأعتمادية..... العربيات الأوروبية إعتمادية وأستمرارية أعلى من اليابانى والكورى ... بس الفكرة كلها

وأنا شايف حتى السوق حاليا مش فى صالح التويوتا تماما ... المعايير بدأت تتغير .... سعرها أصبح غير تنافسى ...... الشكل الجديد ما أخدش وضعه بسبب الفتيس ال mmt .... ما طلعش عليه السمعة الطيبة اللى طلعت على الشكل القديم اللى الناس بتقول عليها عربية مش هتكرر ...... بالرغم إن من وجهة نظرى شكلها مش ولا بد .... لما المانيوال منها ال 1300 تبقى معروضة ب 97 ألف ... دا معناه إيه ؟؟
يعنى حتى السمعة دى بتطلع على عربية معينة وموديل معين وملهاش دعوى بالتوكيل

ما أنا برضه مشفتش حد ى المنتدى شكر فى غبور وأديك شايف سوق الهيونداى

ولا حتى منصور شيفورليه .... شوف الشغل اللى عاملاه شيفورليه الدبابة ...
تيجى تتكلم مع واحد فكيك يقولك أحسن موديل نزل من الدبابة 2005 ... بعد كدا مفيش دبابة ... أما التربو دى بعبع ..

ودى توكيلات سمعتها مش كما يجب
تيجى للانسر مثلا ...... أيام ما نزلت شارك ... الناس بقت تقول دى عربية مش حلوة ... دى بومة أفضل منها بكتير ... وانتشرت الفكرة ... برغم إنها خاطئة .... وأكبر دليل إن بومة لسة بتنزل
حتى لو كان أوماترا سمعته مش حلوة كخدمة عملاء ..... زى ما حضرتك قلت العربية ممتازة ..... وبعدين بيقولوا إن الخدمة ا تحسنت كتير دلوقتى

ووأسعاره الد ورية مش هتختلف كتير عن مثيله من التوكيلات كصيانات دورية لحد ما العربية تطلع من الضمان ...... بعدها المستهلك بيبعد عن التوكيل ... إن مكنش بيبعد قبل ما يخلص ضمانه كمان

[S O P H O S]

يا باشا ماشي انا موافق ان الفيات جميلة ولو علي الياباني عندك السوبارو
عربية تحفه فالياباني ومظلومة فمصر بردوا علشان السوق الغريب ده
لكن التويوتا عربية جميلة كعربية سعرها انا معاك انه عالي لكن عربية بتستحمل ظروف مصر والخليج واي مكان
وده دليل علي جودة العربية انا معاك ان السعر عالي وكمليات قليلة لكن جودة واعتمادية عالية
ده مش مجرد كلام ده حقيقي وده ميزة الياباني الي موجودة فالاوروبي طبعا
اليابان عملت عربيات ناجحة بردوا بعض النظر عن السعر المازدا والسيفيك والكورولا والسوبارو
دي بس الي فمصر عارف مشكلتنا اننا التوكيل حابسنا فكام موديل لكل ماركة
يعني تويوتا مبتعملش غير الكورولا والياريس ده معقول الهوندا مبتعملش غير السيفيك والسيتي !!
وغيرهم اكيد لا
فهي سياسة توكيلات وسوق بيجري ورا الكلام واللعب بالاسعار ده حقيقة
لكن صدقني لو امتلكت عربية ياباني زي الميجان هتشوف ان ليها مميزات بردوا
زي ما انا ركبت الميجان كتير وحبيت العربية دي وركبت ياباني وعرفت ان دي عربية تستحق الاحترام
ودي عربية تستحق الاحترام علي كمية الابداع الي فيها
اعتقد انك معايا ان الياباني هيفضل هو مع الاوروبي علي نفس الخط مع الاعتراف بتوفق الاوروبي طبعا
لكن الياباني مش هينزل للصناعات الثلاثة اخري
اليابان لو كمليات فقيرة فبتدي وسائل امان معقولة من زمن وبدءات تتحسن عن الاول كمان
عكس غيرهم مش بيهتم بوسادة واحدة حتي للسائق مقابل المكسب المادي والتصميم ..

[sonaeg]

جزاك الله كل خير عالتقرير,,,,سيارة جميلة جدا في نظري ماشاء الله,,,,

[lamborghini911]

اسمحولى اقول وجهة نظرى مع احترامى لحضراتكم

انا شايف ان اغلبكم هايتفق معايا ان سعر الكورولا مبالغ فيه جدا جدا جدا على امكانيات العربيه .. وشايف ان كل اللى عملتو شركة تويوتا انها رفعت سعر العربيه وقللت الفئات بتاعتها الى 3 فئات بس .. وازاى انا ادفع مبلغ زى ده فى عربيه يابااانى مفيهاش اوبشن وبنفس شكلها ومواصفاتها من 2008

وشايف بردو ان مايتفعش نقارن عربيه زى دى بأى عربيه أوروبى زى الاوكتافيا مثلا ومحدش يقنعنى ان الكورولا اكتر اعتماديه من الاوكتافيا .. الاوكتافيا انتا بتدفع فيها 175 الف فى أول فئه وبتاخد أساسيات مش موجوده اصلا كأوبشن فى العربيات دى .. وكلامى للأستاذ اللى بيسأل عن أوبشن الأوكتافيا .. حضرتك انا هاقولك أساسيات الأوكتافيا فى أول فئه بس :-
1.زجاج كهربا فيه ضغطه أوتوماتيك وسنتر وباور وفتيس ستيترونيك
2.فرامل abs . Ebd , asr
3.ايرباجات للسواق والركب الأمامى
4.فوجات امامى وخلفى
5.ريموت كنترول فيه زرار بيفتح الشنطه
6.كاسيت cd .auxوراديو مع 4 سماعات كبار و 4 تويترات
7.مرايات طى كهربا وظبط كهربا ومراية الصالون تعتيم
8.مثيت سرعه
9.طاره مالتى فانكشن
10.كمبيوتر اعطال فى ال dash board وبيظبط كل حاجه فى العربيه
11.بلوتوث مع وجود مايك مخفى عشان تتكلم وانتا سايق
12.تكييف تااتش امامى وخلفى .. مع وجود ستائر هوائيه .. يعنى ممكن السائق يشغل تكيف بارد والراكب الأمامى يشغل تكييف ساخن
13.تلاجه فى التابلوه
14.زرار بيقيس ضغط الكاوتش .. وحاجات تانيه انا مش فاكرها

وبتفرق عن الهاى لاين فى الجنط والسبسور بارك وفتحة السقف .. هاتلى بقى حاجه موجوده فى الهاى لاين بتاعة الكورولا ومش موجوده فى البيز لاين فى الأوكتافيا .. ده غير انك بتركب عربيه اكتر ثبات وتحمل وارتياحيه وصلابه ونعومه فى المشى وكل المميزات اللى موجوده فى العربيات اليابانى

والأستاذ اللى بيتكلم عن التكييف بتاع الاوكتافيا ده .. حضرتك لو ركبت العربيه هاتحكم عليها .. مفيش صوت عالى فى التكييف ولا حاجه ولو ركبت العربيتين هاتعرف ان تكييف الفانتازيا احسن بكتير أوى .. وصوته مش بيعلى غير لما تكون معلى المروحه على 7 درجات ومحدش بيعمل كده .. انا عن نفسى باكون مشغله على 4 فى عز الحر وبكون متلج

العربيات الأوروبى معروفه طبعا فى أعادة البيع ان تمنها بينزل وده علشان ملهاش سوق فى بلدك بس فى مقابل كده انتا بتركب عربيه ممكن تبهدل فيها 10 سنين وهتستحمل اكتر من اليابانى .. وهاتلى أوكتافيا 2009 وكورولا 2009 ماشين 100,000 كيلو وقارنهم ببعض هتلاقى ان فى فرق كبير جدا فى التحمل والأعتماديه لصالح الألمانى ..

وعيب الأوروبى انك مينفعش تلعب فى الميكانيا بتاعتو بره التوكيل وكلنا عارفين يعنى ايه توكيل والفلوس اللى بياخدها التوكيل

خلاصة كلامى ان دى عربيه ليها اللى يركبها ودى عربيه ليها اللى يركبها .. انتا لو راجل بتسافر كتير مش ممكن تدفع 170 ألف جنيه فى عربيه فقيره فى حيث انك ممكن تدفه نفس المبلغ تقريبا فى عربيه تستحملك اكتر وبتكنولوجى عاليه دى غير انهاااا ألماااانى .. وانا مش بعيب فى الكورولا بس لو كان تمنها اقل ب 30 ألف مثلا كانت هتبقى مناسبه جدا جدا

الكورولا المفروض تقارن بالانسر او المازدا او العربيات دى .. لكن بالسعر ده العربيه طلعت من فئه لفئه تانيه مينفعش تقارن بيها ومش هتعمل مبيعات زى من 2006 ل 2010

اوجزت وانجزت
الله ينور يابو درش

[el yabany]

شكرااا

[haithammatter]

السلام عليكم ورحمه الله وبركاته

استفسار بسيط بعد اذنكم

الكورولا ال2013 الفتيس بتاعها mmt ولا لأ ؟؟ وعايز اعرف اخبار الفتيس بتاعها ايه لو مش mmt عشان انا كان معايا فورد فوكاس 2012 واتعذبت من الفتيس ده ,,, وشكرا ...