حصريا تغطية وصول الكورولا 2013 بالصور [كماليات - اسعار - فئات]

[moha4tec]

تقرير جميل و تسلم الايادى
انا ركبت الكورولا مانيوال 2011 .و معايا سيراتو 2010 هاى لاين
الكورولا انعم فى العفشه و كراسيها مريحه عن السيراتو بصراحه .
و الكورولا المانيوال بتجرى كويس و على rpm قليل بتوفر بنزين معقول .
بس يعيبها خامات التابلوه هى و السيراتو .و لكن تابلوه السيراتو اشيك .و لكن سعر الكورولا غالى جدا جدا مش عارف ليه .
بس بصراحه مريحه جدا عن السيراتو ناشفه اوى اوى

[Y a r i s]

حضرتك هو ده تابلوة الفيرنا

[Mohyeldin1974]

هو لسه فى الكرورلا بينزل فرش وتابلوه بيج مطعم بابانوس؟
لانى لاحظت كل الموديلات الجديده رمادى بس او اسود

[Y a r i s]

اعتقد الابنوس. بينزل في xli ال ١٨٠٠ سي سي

[ahmedsadek82]

اعتقد الابنوس. بينزل في xli ال ١٨٠٠ سي سي

يا ريس عايز اوضح لحضرتك حاجة بسيطة بس ان تكنولوجيا السيارات او صناعة السيارات عموما هي المانيا و بعد كده بييجي الاخوة في قارة اسيا بيحاولوا يقلدوا التكنولوجيا بسعر منافس لتباع لمن لا يستطيع اقتناء السيارات المتخمه بالتكنولوجيا الالمانية , و ده مش من اختراعي دي حقيقة علمية , اما كون العربية سوقها في مصر في المستعمل حلو ولا وحش فده ملوش علاقة غير بالدماغ بتاعة المستهلك و ظروف السوق يعني مثلا مفيش سبب علمي يخلي المرسيدس في المستعمل احسن من البيمر , بالنسبة للكامري الهاي لاين اللي حورتها فوق , انا بركبها في السعودية بقالي 3 سنين تقفيلها وحش جدا و شكل الصالون رخيص قوي على الحقيقة و على فكرة هي مش سيارة فخمة او تهدف لمنافسة الكبار , هي حاجة فوق الكرولا بتبدأ من 80الف ريال , الفخامة عند تويوتا في لكزس فقط و سعرها عالي جدا طبعا. اما بخصوص موضوع التويوتا 2013 , فسعرها مبالغ فيه جدا بالنسبة للتكنولوجيا القديمة بتاعتها خاصة ان الدنيا دلوقتي اتغيرت عن من 4-5 سنين لما الشكل ده نزل ,,,اوكتافيا سيارة راقية جدا و مطلوبة و قطع غيارها حلوة. او نيسان كاشكاي الجديدة , حاجة كده تحسسك انك دافع فلوس. ارجو ان محدش يزعل مني لأن هدفي اوضح معلومة و اوجه نصيحة و مستعد لأي نقاش هندسي بناء للأفادة الجماعية

[Y a r i s]

انا معاك ان صالون الكامري فقير اذا قارناه بالالماني او بالامريكي ... بس اذا قارناه بقوة التحمل فهتلاقي الياباني بيتفوق عن الامريكي والالماني وبدليل بما انك في السعودية هتلاقي عبداللطيف جميل مكتسح الجميح في المبيعات هتلاقي عربيات. الكامري في التكاسي. بتتحمل اكتر من الكابريس والكلام ده وعملية .... وهتلاقي ثقافة المستهلك السعودي حتى في شراء وبيع السيارات المستعمله. يشتري الياباني في المرتبة الاولي في المرتبة التانية الامريكي. وبعدين الكوري وفي المرتبه الاخيرة الالماني برغم فخامتها الانها لمن تعطل بتترمي في الزبالة الي بيسموها تشاليح هناك .... وتحياتي ومستني رد حضرتك يا غالي .

[M.FOUAD]

تقرير جميل و تسلم الايادى
انا ركبت الكورولا مانيوال 2011 .و معايا سيراتو 2010 هاى لاين
الكورولا انعم فى العفشه و كراسيها مريحه عن السيراتو بصراحه .
و الكورولا المانيوال بتجرى كويس و على rpm قليل بتوفر بنزين معقول .
بس يعيبها خامات التابلوه هى و السيراتو .و لكن تابلوه السيراتو اشيك .و لكن سعر الكورولا غالى جدا جدا مش عارف ليه .
بس بصراحه مريحه جدا عن السيراتو ناشفه اوى اوى

استفسار برة الموضوع
انت متاكد ان الكرولا كانت موديل 2011 يعني الفوانيس و الاكصدامات الجديدة
اصل انا بحب اركب مانيوال علطول و عايز اجيب موديل اجدد و مفيش خالص 2011 او 2012 مانيوال كلة اوتو
فية 2010 بس قليلة اوي في مصر نازلة 6 سرعات مانيوال

[Elkordy2000]

بدون تحيز بصراحة العربية امكانياتها متوضعة جدا جدا واقل من متواضعة كمان , يعني اية اركب عربية وادفع فيها 155 الف ومفيهاش اي اوبشن خالص , العربية دة بشكلها دة اخر انتاجها كان لازم يقف عند سنة 2000 وشكرا , الناس دة بتستهبل , شوية اوبشن مش هتكلف الشركة اي حاجة علي الاطلاق مع ديزاين ثورى زي الكوري والاوربي , ويبقي كدة العربية تمام , بصراحة العربية دة خرجت من سوق المنافسة الفعلية من 2007 ,شوف الموديلات القديمة منتشرة ازاي وسعر اعادة البيع بتاعها كام في السما طبعا لكن تعالي شوف الموديلات الحديثة مش منتشرة لأرتفاع سعرها الجنوني وفقر الامكانيات , هي فعلا ادمغة أو امزجة الشعب المصري لها طابع خاص , والزملاء اللي بيقولوا اعادة البيع فوق الممتاز , طب ما الكوري فوق الممتاز ولكن مليان اوبشن , وبعدين انا شاري عربية علشان استمتع بيها وبالاوبشن اللي فيها ولا هتاجر فيها , انا بال 155 الف دول ازود الفين كمان واجيب اوكتافيا واخد شوالين اوبشن وثبات وجودة واعتمادية بردة واعادة بيع جيد , او اجيب فلوانس ب 150 الف وبردة اوبشن عالي جدا واعتمادية هايلة , بصراحة انا شايف ان العربية دة خرجت من المنافسة الفعلية زيها زي اللانسر , ياريت كلامي مايزعلش ملاكها لان دة وجهت نظري تحتمل الصواب وتحتمل الخطأ

[Y a r i s]

يعني ايه العربية مفهاش اوبشن .... هو احنا بنتكلم عن عربية تويوتا ولا بنتكلم عن عربية كبدة
هاتلي اوبشن واحد. نازل في الاوكتافيا ومش موجود في الكورولا.





@@@@@@@@@@@@@
ههههههههههههه
وتحياتي

[Mohyeldin1974]

يا جماعه الاختلاف اكيد مش على جودة الكورولا ابدا واللى يقول غير كده يبقى غلطان
عشان بس نوحد المفاهيم ونقرب من بعض الاختلاف هنا على الاسعار مقارنة بمثيلاتها والاوبشنز اللى هاخدها بالسعر العالى ده
فأنا شايف ان الكورولا دلوقتى بتبيع بالسعر ده اسم بس مش اوبشنز ولكن محدش يقرب من جودة المنتج

[Y a r i s]

معليش يا جماعة هو يعني ايه اوبشن!!!!

١- قزاز كهربا
٢- سنتر لوك
٣- باور
٤- فتحت سقف
٥- فرامل Abs
٦- فوانيس شبورة
٧- ايرباج
٨- اريل في قزاز العربية
٩- منفاخ في كرسي السواق
١٠- فتح تنك العربية والشنطة من الداخل
١١- مفتاح ريموووووت كنترول وجهاز انذار
١٢- كنسول في منتصف السيارة
١٣- لمبة لقراءة
١٤- درج قفذاااات
١٥- امكانيت طي الكراسي الخلفية واماكن للتخزين
١٦- بور استيرنج وتكيف وكاسيت Cd
١٧- جنوط اسبووور
١٨- زرار فتح توماتيكي توماتيكي لشباك السواق

@@@@@@@@@@@@@@@@@@@@@@@@@@@

ياترى في اوبشن تاني موجود في الاوكتافيا وانا مش عارف !!!!

[Mohyeldin1974]

كلامك مضبوط فى الاوبشنز اللى ذكرتها بس كون انها توصل 170 الف ده كتير غيران الشكل ماتغيرش والتابلوه مش زى ما اخدتنا الكورولا ولا يقارن بالموديلات القديمه وبعدين عيب اوى عربيه بالسعر ده الاقى زراير التكييف لسه بكر
ولو التقييم شخصى انا مش عايز ولا فتحة السقف ولا الجنوط ولا السبويلر وبالتالى هشترى الكاتيجورى اللى فى حدود 155 تقريبا (مش عارف بالضبط كام) ولو قارناه بباقى اسعار السيارات فى نفس الكاتيجورى وبنفس الاماكانيات هنلاقيه كتير
انا ركبت الكورولا من 98 (عيون لغاية 2006 )ومن 2006 الى 2011 كان موديل السنه وبالامانه لا تعليق على هذه السياره مفيهاش غلطه الا موضوع الوزن الخفيف ولكن عشان الواحد نفسه يفضل راكب الكورولا يبقى لازم العربيه تواكب السوق فى التصميم والامكانيات والاوبشنز وخاصة الاسعار لان خصومها فعلا ابتدو يتفوقوا عليها للاسف ،يعنى مين باع اكتر من 2002 الى 2007 كورولا ولا النترا ومين باع اكتر من 2008 الى 2012 كورولا ولا النترا
واخيرا الكورولا دى قيمه ميعرفهاش الا اللى ركبها

[Y a r i s]

معاك حق يافندم بس تقدر تقلي ... الاوكتافيا عاملة كام النهردة بالذات بتاعت الوكيل. قارن لي وكيل بوكيل لان الخليجي معروفة بتيجي اوبشن عالي وموصفات خاصة قلي بقه ياسيد الناس الاوكتافيا بكام زيروا والكورلا بكام زيروا .... وايه الزيادة الي هنا عن هنا .... بس تعاله بعد فترة بيع دي وبيع دي وهتكتشف انك مرميتش فلوسك في الارض في عربية كورولا بسم الله مشاء الله وتحياتي

[M.FOUAD]

كلامك مضبوط فى الاوبشنز اللى ذكرتها بس كون انها توصل 170 الف ده كتير غيران الشكل ماتغيرش والتابلوه مش زى ما اخدتنا الكورولا ولا يقارن بالموديلات القديمه وبعدين عيب اوى عربيه بالسعر ده الاقى زراير التكييف لسه بكر
ولو التقييم شخصى انا مش عايز ولا فتحة السقف ولا الجنوط ولا السبويلر وبالتالى هشترى الكاتيجورى اللى فى حدود 155 تقريبا (مش عارف بالضبط كام) ولو قارناه بباقى اسعار السيارات فى نفس الكاتيجورى وبنفس الاماكانيات هنلاقيه كتير
انا ركبت الكورولا من 98 (عيون لغاية 2006 )ومن 2006 الى 2011 كان موديل السنه وبالامانه لا تعليق على هذه السياره مفيهاش غلطه الا موضوع الوزن الخفيف ولكن عشان الواحد نفسه يفضل راكب الكورولا يبقى لازم العربيه تواكب السوق فى التصميم والامكانيات والاوبشنز وخاصة الاسعار لان خصومها فعلا ابتدو يتفوقوا عليها للاسف ،يعنى مين باع اكتر من 2002 الى 2007 كورولا ولا النترا ومين باع اكتر من 2008 الى 2012 كورولا ولا النترا
واخيرا الكورولا دى قيمه ميعرفهاش الا اللى ركبها

التكييف التاتش كان بينزل في الجنوب افريقي الهاي لاين و العربية دية كانت بتنزل بكل الاوبشنز اللي انت عايزاها بصمة و كراسي كهرباء و كل الكمالييات
بس التوكيل بيريح دماغة من المشاكل فرجع للياباني على كمالييتها الاقل عشان محدش يطلع عيوب و العربية تبيع اكثر
عارف انت نظام شوف الناس عايزة اية و اعملة احنا كمصريين لو توكتوك محطوط علية علامة تويوتا و ياباني هيبيع و هتلاقي الناس بتجري علية مهما كان سعرة و مش في مصر بس اما لو طلع اشاعة تقفيل تايواني مثلا ولا حد هيسال فية بالضبط زي العربيات الخليجي

[Ahmod]

بشكركم جميعا على الردود والتفاعل واسمحولي اعلق على بعض النقاط

بس قبلها فيه نقطة لازم كلنا نبقا متفقين عليها

احنا مش مختلفين على سعر العربية وماحدش بيقول انها غالية لان معلش !!

لما تبقى الالنترا (الكوري) ب 158 الاف جنيه وال rb (الكوري برضوا) توصل ل 125 الاف

محدش يزعل او يقول ليه الكورولا (التويوتا الياباني) ب 168 الاف !!!

الموضوع وبما فيه انا كواحد راكب تويوتا وعارف يعني ايه اعتمادية وجودة وانعدام اعطال

متاكد تماما ان الكورولا تستاهل تمنها

بس في نفس الوقت لازم نواكب التطور اللى موجود حاليا في اغلب الماركات !!!

يعني انا ماينفعش ادفع في الكورولا 168 الاف جنيه وماخدش حتى ربع الكماليات والاوبشنز اللى موجودة في عربية مثلا زي الالنترا !! ؟؟

ماينفعش اركب الكورولا ماحسش اني راكب عربية 2013 نهائيا !! ولما انزل منها واركب السيراتو اتوهم من كتر الجمال والاناقة بتاعة التبلوه !! ؟

الاعتراض على ان تويوتا لازم تطور نفسها وتهتم شوية بالاوبشنز والكماليات والشكل الداخلي للعربية حتى ولو ده هيجي على حساب ان العربية تغلى شوية معلش بس الواحد يبقى واخد كل حاجة من العربية

بصراحه متستاهلش حتى اللى فوق ال١٠٠ عربيه فقيره جداً هى فين الكماليات دى الاسترا اول فئه ب١٥٥ وفيها كماليات اضعاف اعلى فئه فى تيوتا عدا فتحة السقف انا مش فاهم الناس دى بتهزر وايه الخامات التعبانه دى الكلام ده بجد تقليل من عقلية المصريين واستهتار من التجار

زي ماقلت لحضرتك بالظبط الفكرة مش في السعر لان العربيات كلها اسعارها في السما

الفكرة كلها انت هتدفع ايه ؟؟ وهتاخد في المقابل ايه ؟

تويوتا دايما مش بتهتم بالرفاهية الداخلية والمنظر الجمالي للصالون والتابلوه سيبك ان دي كرولا
الكامري منظرها من جوه تحس انها فيرنا متظبطة
ومن المفترض انها في فئة المرسيدس العيون او البي ام الفئة الخامسة

فيرنا !!!؟؟ ماينفعش يا باشا تحط الكامري والفيرنا في جملة واحدة !! انت بتتكلم في ايه ؟ مش للدرجة

الياباني طول عمره بيهتم بالاعتمادية و توفير البنزين

بس ده بيبقى على حساب الشكل والأوبشانز
كل واحد يشوف اللي يريحه

وهو انا مش من حقي كواحد هيدفع مبلغ محترم اني اخد الاتنين ؟؟

ليه ماينفعش تنزل الكورولا زي ماكانت بتنزل الجنوب افريقي ؟؟ مليانة اوبشنز وكماليات ؟؟

على فكرة فيه دراسة اتعملت حديثا - وللاسف ماعنديش مصدر ليها حاليا -بس هي بتأكد ان اكتر من 80% من اللى بيشترو عربيات حول العالم بيشتروها عشان الشكل والاوبشنز

تقرير جميل و تسلم الايادى
انا ركبت الكورولا مانيوال 2011 .و معايا سيراتو 2010 هاى لاين
الكورولا انعم فى العفشه و كراسيها مريحه عن السيراتو بصراحه .
و الكورولا المانيوال بتجرى كويس و على rpm قليل بتوفر بنزين معقول .
بس يعيبها خامات التابلوه هى و السيراتو .و لكن تابلوه السيراتو اشيك .و لكن سعر الكورولا غالى جدا جدا مش عارف ليه .
بس بصراحه مريحه جدا عن السيراتو ناشفه اوى اوى

ربنا يخليك يا باشا وبصراحة السيراتو اكتر عربية في الفئة دي عاجبني جدا شكلها الداخلي واناقة التبلوه ووضعية العدادات ونورها بصراحة روعة مافيش كلام