إعـــــــلان

Collapse

.

,
See more
See less

الى المتسائلين عن الكورولا الافريقى الاحباب اليكم فصل الخطاب

Collapse
X
 
  • Filter
  • الوقت
  • Show
Clear All
new posts

  • الى المتسائلين عن الكورولا الافريقى الاحباب اليكم فصل الخطاب

    بعد هدوء العواصف التىصاحبت ظهور الكورولا الجنوب افريقى وبعد ان قطعت معى 2000 كلم بمختلف انماط القيادة والظروف والاماكن والسرعات والمناورات اليكم الخلاصة
    الشكل الخارجى:اذواق
    الداخلية:
    جودة الخامات:8/10
    التقفيل:9
    التابلوة والعدادات والاضاءة الداخلية:10 ماعدا مكان الساعة فى اقصى اليسار لايراها الا السائق وبصعوبة
    راحة الركوب امامى وخلفى :9
    النظام السمعى:8
    سهولة التناول:9
    العزل:9
    صوت الموتور والسيارة واقفة:10-لايمكن تاكيد مااذا كانت السيارة شغالة ام لاا
    فخامة الدركسيون وعصا الفتيس:10(عارف ان كله مستنى حتة الفتيس ديه وعشان كده حاتكلم عنها فى الاخر ---عشان تقروا الموضوع
    الاتساع:9
    النعومة:10
    التكييف:9
    الاداء:
    قوة الموتور:10
    هدوء الموتور:10
    استهلاك الوقود على القياة الاقتصادية 10E
    التسارع:على7E
    على 9ES
    على المانيوال:10
    الثبات:9
    المناورات:9
    سهولة القيادة :10
    متعة القيادة:8
    مجال الرؤية الامامى:10
    الخلفى:7
    الفرامل:9
    ABS:10
    BAS:9
    BAD:لا استطيع الحكم عليه ربما لان عمله لايحس ويدخل ضمنا فى مجموعة الكبح
    ارتفاع الجسم والمطبات :9
    في حاجات باقية ماتنفعش فيها الدرجات وتحتاج الى بعض التفصيل فياريت ماتكونوش مليتوا واسمحولى اكمل الموضوع
    السيارة زى الكتالوج ماقال وزى ماشفناها فى الواقع زادت طولا وعرضا ولكن قاعدة العجلات لم تتغير(260سم) الاطارات ميشلان المانى بقياس 205 45 16
    اى ان عرض الاطارات اصبح 16 بوصة وهذا يعزز الثبات ويعطى للسائق ثقة ومن الخارج مظهر فخم ورياضى(وبالذات لو بجنوط)
    الاضاءةو الامامية معقولة جدا(لم اجرب الزينون)ويمكن التحكم فى ارتفاع وانخفاض مستوى النور على الطريق بزر صغير امام السائق على اليسار
    مفاتيح التحكم فى النظام الصوتى والتكييف موضوعة بشكل عملى ومريح
    العدادات كبيرة وواضحة وعداد السرعة حتى 260 كلم وفي شاشتيين صغيرتين اسفل العدادين(السرعة ولفات المحرك) يمكن من خلالهما معرفة الوقت--درجة الحرارة الخارجية--معدل استهلاك البنزين(وعلى فكرة مافيش فرق بين بنزين 90 و92)-متوسط السرعة التى تسير بها --الوقود المتبقى--المسافة الممكن قطعها بهذه الكمية حسابا على متوسط السعة ونمط القيادة
    السيارة مبنية على فتيس مانيوال وليس اوتوماتيك كما يظن البعض (جينا للمهم) وهو من اختراع شركت تويوتا واعتمدته فى سيارتها اوريس (وهى النسخة الاوروبية من الكورولا)منذ عام 2003 وظهرت به مشكلة سماها الاوربيون N problemوهى انتقال عصا الفتيس من وضع E الى وضع مانيوال تلقائيا وخاصة عند صعود المرتفعات وهنا ملاحظتان
    1:تعمدت الشركة ذلك حتى تحمى الموتور من الجهد الزائد لان المعروف ان المانيوال اشد عزما عن غيره---والدليل ان تويوتا لم تغير هذا النظام حتى الان وان اصوات الشاكين بدات تخفت وبعضهم بدا يشكر هذا النظام وبدليل عدم تاثر المبيعات فى اوروبا بل زادت
    2:هذه الشكوى غير موجودة فى مصر
    وقد اسمت تويوتا نظام النقل هذاMM-T MULTI-MODE MANEUAL TRANSMISSION
    اى نظام نقل متعدد الاتماط وهى ااربعة انماط
    الاول:نمط القيادة الاقتصادية ECONOMIC DRIVE ويعبر عنها بالحرف E
    الثانى:القيادة الرياضية EASY SPORT ويعبر عنها ب ES
    الثالث:المانييوال:Mعن طريق تحريك عصا الفتيس حركة خفيفة الى الامام لزيادة النقلة والعكس( مثل طرازات مرسيدس وبى ام الرياضية)
    الرابع:المانيوال عن طريق تحريك شفتات فى الدركسيون اليمنى لزىادة النقلة والعكس(مثل سياراتFORMULA ONE)
    ,السيارة عندما تبدا الحركة على Eفانها تتصرف بدلا منك لتقليل الاستهلاك عن طريق تقليل العزم وتسريع الانتقال حتى انك تفاجا بانك على السعة الخامسة ولم تتعد السرعة 70 او 80 كلم وهنا موضع اللبس الذى حدث فعند تهدئة السرعة عند المطبات ثم الضغط على بدال البنزين للتسارع فان السيارة لاتستجيب بشكل مرضى ويحدث مانسميه العربية بتخسع او تنتع اوتفقد القدرة على التجاوب وهذا يضايق معظم السائقين وللخروج من هذه الحالة فالامر يحتاج الى بعض الصبر والمهارة والتعود وذلك برفع القدم مباشرة فى اخر المطب وليس الضغط ثم فى خلال ثانية الى اثنتين يعاد الضغط مرة اخرى وكانك تسوس(تسايس)سيارة مانيوال ويتكرر ذلك على فترات قصيرة عندما تحس ان السيارة تنقل بنفسها وهى فعلا كذلك لانها تنقل عن طريق حساس وكلتش الكترونى مبرمج على هذه الطريقة فلا داعى لمعاندة هذا السوفت وير (لان دماغه ناشفة جدا) وهذا النمط مبرمج للقيادة داخل المدن والاماكن المزدحمة لانك لاتحتاج اثناء ذلك الى تسارع اوقوة
    اما اذاكنت تقود فى طريق مفتوح ولا يهمك رادار ولا قانون جديد فيمكنك بضغطة زر امام عصا الفتيس ESان تنطلق بقوة وسرعة ولكن على حساب صوت الموتور الذى يزيد وعلى حساب استهلاك الوقود
    اما اذا اردت الشد والانطلاق واختراق الريح فبغمزة بسيطة تنقل عصا الفتيس ناحيتك والسيارة منطلقة ويمكنك بعدها التحكم بالنقلات اما من خلال عصا الفتيس او الشفتات
    الخلاصة
    مميزات السيارة:الهدوء--النعومة--استهلاك وقود مثالى--الثبات-راحة ركوب التويوتا المعهودة التحم الفائق بالسيارة
    عيوب السيارة:ارتفاع صوت السيارة عند القيدة الرياضية--رداءة المواد البلاستيكية فى الجزء السفلى الداخلى --التكييف ليس على المستوى المتوقع من تويوتا 8 على 10 من قوة تكييف الموديل السابق--جودة ونقاء صوت الراديو معقولة وليست ممتازة--عدم وجود فتحات تكييف للركاب بالخلف--المرآة كهربية ولكنها لاتنطوى--الزجاج غير عازل للحرارة--
    واخيرا ان كنت اجدت فمن الله وان قصرت فجل من لايسهو وفى انتظار ارائكم واسئلتكم لكم خالص تحياتى


    9)
    [COLOR=Green][SIZE=5]د/اسماعيل النجار[/SIZE][/COLOR]
    [URL="http://www.nilemotors.com/Nile/showthread.php?t=16709"]
    [/URL]

  • #2
    رااااااائع ....:)

    إن شاء الله سيارتنا القادمة
    [CENTER][SIZE=3]رأيي صواب يحتمل الخطأ ,ورأي غيري خطأ يحتمل الصواب[I]. [/I][/SIZE][SIZE=1]الإمام الشافعى[/SIZE][/CENTER]

    Comment


    • #3
      تقييم رائع فعلا....شكرا ليك

      Comment


      • #4
        شكرا جزيلا علي المعلومات القيمه بس عايز استفسر عن فائده الشفت السالب الموجود في الدركسيون وعصا الفتيس اذا مثلا لو كنت علي الرابع وضغط فرامل فجاه لوجود مطب امامك فستجد السرعه تهبط اوتوماتيكيا بدون الحاجه الي الشفت السالب

        Comment


        • #5
          أنت فين يا دكتورنا الفاضل من زمان مستنيين التقييم ده .....جزاك الله خيرا يا باشا على التقييم الشامل
          اللي بعيبه بس على التوكيل إنه ما فهمش الناس الموضوع ده من الأول و بيبيع العربية على انها أوتوماتيك ....و على حد علمي ما كانش فيه اختبار قياده قبل الشراء ......النتيجة إن الناس بقيت معتبرة إن الكورولا نازلة بعيب في الفتيس و بتتكلم على إنه عيب تصنيع
          أسمحلي اقتبس الجزء الخاص بالفتيس تاني

          السيارة مبنية على فتيس مانيوال وليس اوتوماتيك كما يظن البعض (جينا للمهم) وهو من اختراع شركت تويوتا واعتمدته فى سيارتها اوريس (وهى النسخة الاوروبية من الكورولا)منذ عام 2003 وظهرت به مشكلة سماها الاوربيون N problemوهى انتقال عصا الفتيس من وضع E الى وضع مانيوال تلقائيا وخاصة عند صعود المرتفعات وهنا ملاحظتان
          1:تعمدت الشركة ذلك حتى تحمى الموتور من الجهد الزائد لان المعروف ان المانيوال اشد عزما عن غيره---والدليل ان تويوتا لم تغير هذا النظام حتى الان وان اصوات الشاكين بدات تخفت وبعضهم بدا يشكر هذا النظام وبدليل عدم تاثر المبيعات فى اوروبا بل زادت
          2:هذه الشكوى غير موجودة فى مصر
          وقد اسمت تويوتا نظام النقل هذاMM-T MULTI-MODE MANEUAL TRANSMISSION
          اى نظام نقل متعدد الاتماط وهى ااربعة انماط
          الاول:نمط القيادة الاقتصادية ECONOMIC DRIVE ويعبر عنها بالحرف E
          الثانى:القيادة الرياضية EASY SPORT ويعبر عنها ب ES
          الثالث:المانييوال:Mعن طريق تحريك عصا الفتيس حركة خفيفة الى الامام لزيادة النقلة والعكس( مثل طرازات مرسيدس وبى ام الرياضية)
          الرابع:المانيوال عن طريق تحريك شفتات فى الدركسيون اليمنى لزىادة النقلة والعكس(مثل سياراتFORMULA ONE)
          ,السيارة عندما تبدا الحركة على Eفانها تتصرف بدلا منك لتقليل الاستهلاك عن طريق تقليل العزم وتسريع الانتقال حتى انك تفاجا بانك على السعة الخامسة ولم تتعد السرعة 70 او 80 كلم وهنا موضع اللبس الذى حدث فعند تهدئة السرعة عند المطبات ثم الضغط على بدال البنزين للتسارع فان السيارة لاتستجيب بشكل مرضى ويحدث مانسميه العربية بتخسع او تنتع اوتفقد القدرة على التجاوب وهذا يضايق معظم السائقين وللخروج من هذه الحالة فالامر يحتاج الى بعض الصبر والمهارة والتعود وذلك برفع القدم مباشرة فى اخر المطب وليس الضغط ثم فى خلال ثانية الى اثنتين يعاد الضغط مرة اخرى وكانك تسوس(تسايس)سيارة مانيوال ويتكرر ذلك على فترات قصيرة عندما تحس ان السيارة تنقل بنفسها وهى فعلا كذلك لانها تنقل عن طريق حساس وكلتش الكترونى مبرمج على هذه الطريقة فلا داعى لمعاندة هذا السوفت وير (لان دماغه ناشفة جدا) وهذا النمط مبرمج للقيادة داخل المدن والاماكن المزدحمة لانك لاتحتاج اثناء ذلك الى تسارع اوقوة
          اما اذاكنت تقود فى طريق مفتوح ولا يهمك رادار ولا قانون جديد فيمكنك بضغطة زر امام عصا الفتيس ESان تنطلق بقوة وسرعة ولكن على حساب صوت الموتور الذى يزيد وعلى حساب استهلاك الوقود
          اما اذا اردت الشد والانطلاق واختراق الريح فبغمزة بسيطة تنقل عصا الفتيس ناحيتك والسيارة منطلقة ويمكنك بعدها التحكم بالنقلات اما من خلال عصا الفتيس او الشفتات
          [CENTER] [/CENTER]

          Comment


          • #6
            الكلام ده بيؤكد اللي انا لسه كاتبه في موضوع الفتيس على الرابط ده

            Thanks
            Ahmed Hassan
            [I][SIZE=3][SIZE=2]When all you have is a hammer, everything looks like a nail

            [/SIZE][/SIZE][/I][CENTER][SIGPIC][/SIGPIC][/CENTER]

            Comment


            • #7
              المشاركة الأصلية كتبت بواسطة Chicco مشاهدة المشاركة
              أنت فين يا دكتورنا الفاضل من زمان مستنيين التقييم ده .....جزاك الله خيرا يا باشا على التقييم الشامل
              اللي بعيبه بس على التوكيل إنه ما فهمش الناس الموضوع ده من الأول و بيبيع العربية على انها أوتوماتيك ....و على حد علمي ما كانش فيه اختبار قياده قبل الشراء ......النتيجة إن الناس بقيت معتبرة إن الكورولا نازلة بعيب في الفتيس و بتتكلم على إنه عيب تصنيع
              انا معاك في الحته دي فعلا
              بس مش عارف ليه بحس ان احنا بنستعجل على الحكم على الأشياء
              يعني المفروض ان الواحد يحكم عقله الأول في اساسيات معروفه الأول وبعدين يتحقق من المشكلة وبعدين لما يتضح له الأمر يحكم ولكن ان لم يتضح لا يتكلم عنه
              يعني اكتر الناس اللي اتكلمت اتكلمت على كلام ناس
              واحنا غالبا لما نبقى مش راضيين عن شئ بنهول عليه قوي وده سمه في مصر عموما
              يعني انا حسيت ان في ناس مصدقت تمسك على تويوتا مشكلة وهولت الأمر
              انا كنت واثق انه في شئ غلط مش تحييز والله
              ولكن لأن الفتيس متجرب بره قبل ما يجيلنا هنا وهما مش هبل يعني للدرجه انهم يخسروا اسم كورولا كده بسهولة في السوق المصري خصوصا ان توكيل تويوتا من التوكيلات اللي سياسته دائما ناجحه في السوق المصري او يعتبر عنده ذكاء شويه في التعامل مع السوق المصري


              وشكرا لصاحب الموضوع على التقييم الجميل ده
              وربنا يعطيك خيرها ويكفي عنك شرها ان شاء الله
              [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
              [COLOR="Olive"]قال رسول الله صلى الله عليه وسلم :[/COLOR]
              [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

              Comment


              • #8
                كنت فين من زمان ياراجل
                احب اشكرك على التقييم المفيد جدا دا
                واظاهر ان الناس مش عارفين يستعملو الفتبس دا فعلى طول قالو عيب تقفيل والى اثبتلهم دا كمان ان هيا جنوب افريقى
                لكن الموضوع طلع هايف والفتيس جامد والعربية اجمد
                [CENTER][SIZE="4"][B][CENTER][SIGPIC][/SIGPIC][/CENTER]
                My lil Baby xD [/B][/SIZE][/CENTER]

                Comment


                • #9
                  جزاك الله كل خير

                  فى واحد قالى إنها مفيهاش عيوب ولا حاجه
                  بس إحنا إللى مبنعرفش نستخدم الحاجة
                  [CENTER][SIZE=6][COLOR=seagreen]يارب ما لي غيرك ــــ [/COLOR][/SIZE][SIZE=6][COLOR=seagreen]أبات وأصبح فى خيرك[/COLOR][/SIZE][/CENTER]
                  [CENTER][SIZE=6][COLOR=seagreen]لا تنسيني ذكرك ــــ [/COLOR][/SIZE][SIZE=6][COLOR=seagreen]ولا تحوجني لغيرك[/COLOR][/SIZE][/CENTER]

                  Comment


                  • #10
                    يعنى الناس بيقكروا فى كل انماط السوقه

                    بجد ناس دى خلاص وصلت القمه فى الميكانيكا والباقى بتلعب فى الرفاهيه بتاعت العربيه
                    [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                    Comment


                    • #11
                      شكرا يا دكتور على التقييم
                      وواضح الحيادية في الشرح والوصف
                      خاصة انك بتمتلكها من فترة وسوقتها في مختلف الانماط
                      وكمان انا عارف انك مقيم في طنطا وظروف القيادة اكيد طرقات اصعب
                      شكرا للتقيم
                      ومستني لفتي اوعى تنسى

                      جروب ورشة نايل موتورز علي الفيس بوك


                      صفحة ورشة نايل موتورز على الفيس بوك

                      Comment


                      • #12
                        المشاركة الأصلية كتبت بواسطة karim_monir مشاهدة المشاركة
                        شكرا يا دكتور على التقييم
                        وواضح الحيادية في الشرح والوصف
                        خاصة انك بتمتلكها من فترة وسوقتها في مختلف الانماط
                        وكمان انا عارف انك مقيم في طنطا وظروف القيادة اكيد طرقات اصعب
                        شكرا للتقيم
                        ومستني لفتي اوعى تنسى
                        --------------------------------------------------------------
                        لا شكر على واجب يابو كنزى
                        ومتشكر على اعجابك بالتقييم
                        وبعدين ايه تستنى لفتك دا انا الفها فى ورق سيلوفان وفيونكة ستان وابتعها لغاية عندك ومعاها الواد عمر ابنى يسليك ويناكفك فى تشغيل الاسطوانات الهايفة بتاع الجماعة التافهين بتوع العنب والحمار والحاجات الجامدة!!!!! دى ههههههههه
                        [COLOR=Green][SIZE=5]د/اسماعيل النجار[/SIZE][/COLOR]
                        [URL="http://www.nilemotors.com/Nile/showthread.php?t=16709"]
                        [/URL]

                        Comment


                        • #13
                          معلش ياجماعة فى شوية حاجات نسيت اتكلم عنها اسمحولى اقولها
                          (1)لايوجد زنان تحذير عند زيادة السرعة مثل الموديل السابق -ميزة-
                          (2)زنان الحزام مزعج ويعمل عند الوصول لسرعة 20 كلم/ساعة
                          (3 )الشنطة واسعة-470 لتر-وللمقارتة شنطة اللانسر الجديدة 380 لتر وتشطيب الشنطة فخم جدا وبها حلقات معدنية فى اكثر من مكان للتثبيت ومكانين يمين وشمال ببابين لشنطة الاسعافات والطفاية او ما شابه
                          (4)الدركسيون يمكن يحريكه لضبطة الى اعلى واسفل وبالعمق (تليسكوبيا) وبه ازراز تحكم بالرايو والسى دى ومغطى بجلد طبيعى فاخر ذو ملمس رائع شان عصا الفتيس
                          (5)السيارة مصفحة اسفل الموتور --بعكس الخليجى -- والموتور مغطى بالكامل شان السيارات الفارهة ولاترى سلكا ولا خرطوما
                          (6)الذين يعيبون على المقدمة ويقولون انها شديدة الانحدار(مدلدلة)اليهم الاتى نقلا من موقع اوروبى محايد وموثوق به يقول الموقع
                          حصلت سيارة تويوتا الجديدة(سوف ينزل نفس الشكل فى اوروبا ونفس مواصفاتنا فى الخليج كموديل 2009) فى تقييم euro cap على 5 نجوم فى اختبارات التصادم المامية والجانبية كما حصلت على 4 نجوم من اصل 4 فى اختبارات سلامة المشاة بفضل تصميم المقدمة وغطاء المحرك(الكبوت) وصناعتة من نوع من المعدن يشبه اللدائن يمتص الصدمة الناتجة عن ارتطام راس المصدوم به وميكانيزم ذلك ان المقدمة حين صدم احد المشاة فانها تلقفه الى اعلى الكبوت ذو المواصفات المذكوة مما يقلل من اثر الصدمة وقد تاكدت من ذلك بنفسى حيث ارسلت احد الاشخاص وهو محترف قيادة لغسل السيارة فصدم شابا عبر امامه فجاة فاتى به لافحصه طبيا ومن شدة الصدمة وبشهادة الشهود تعجبت كيف انه مازال على قيد الحياة بل وبلا اى اصابة وتاكدنا من ذتك بعد عمل الاشعة المقطعية للراس وهذا يبين حصولها على 4 نجوم فى حين حصلت سكودا اوكتافيا على نجمة واحدة (مع تقديرى الكبير للاوكتافيا)
                          (7)اما الذين يعيبون على شكل الفوانيس الخلفية وان بروزها عن اجناب السيارة يشوة منظرها فقد ابتكرت تويوتا هذه الطريقة التصميمية لامان السياة وبالتالى ركابها فهذا البروز من شانه ان يجعل السيارة مرئية اثناء الانعطاف يمينا اويسارا للسيرات القريبة جدا منها(وهى ماتسمى المنطقة الميتة) وقدجربت فائدة ذلك بنفسى
                          (8)يوجد حساس بكرسى الراكب الامامى يوقف فتح الايرباج فى حال خلوه من الركاب
                          (اماكن التخزين كثيرة بالمقصورة وبكل باب مكان لوضع زجاجة مياة سعتها لتر (من اصل 15 مكان)
                          وان شاء الله حين اتذكر شيئا سواء كان ميزة اوعيب ساذكره بسياجماعة ياريت تتفاعلو مع الموضوع والتعليقات سلبا او ايجابا وبالاسئلة حتى يتكامل الموضوع ويفيدنا جميعا وخاصة ونحن نتكلم عن اكثر السيارات مبيعا فى العالم واشكركم جميعا








                          0











                          0







                          0


















                          0

                          [COLOR=Green][SIZE=5]د/اسماعيل النجار[/SIZE][/COLOR]
                          [URL="http://www.nilemotors.com/Nile/showthread.php?t=16709"]
                          [/URL]

                          Comment


                          • #14
                            تقييم جميل و شامل
                            أهنيك عليه

                            و لكن حضرتك وضحت فكرة عمل الفتيس و لماذا تحدث التقصيرة اللي يتضايق الناس و حركة الــN دي ........

                            و تبرير التهمة لا ينفيها

                            ده مش عيب صناعة في العربية أي نعم
                            هي معمولة كده علشان تحافظ على الموتور و توفر في الاستهلاك

                            طب و أنا فين من ده كله ؟؟؟ أنا السواق

                            انا الزبون اللي دافع المطلوب منى اتمرن على التصميم اللي بيحمي الموتور ؟!!!!!!

                            أعذرني

                            ده عذر أقبح من ذنب لليابانيين ...... و قد خدعونا هذه المرة و خاصة .......

                            ان السيارة تسوق على أنها أوتوماتيكية (و تخاطب بهذه الجملة راغبي القيادة الناعمة السلسة)... و دلوقتي نعرف أصلها مانيوال أساسا و الكلتش دماغه ناشفه فبلاش نعند معااااه دا أنا اللي شاريه

                            النقطة التانية ان الوكيل اللئيم لم يوفر تجربة قيادة (لسيارة جديدة على السوق) و حتى لم يعرضها للفرجه ...للفرجة بس قبل الحجز و التسليم طب ليه ؟؟؟

                            و الحجة ايه أصل الطلب كتير و مفيش عربيات للعرض !!!!!!!!

                            أقول ايه بس ؟؟؟ دا لما بروتون قالت كده الناس هنا قالو و عادو عليها و ازاي بروتون بحالها تتأخر في (طلبيات)

                            فما بالك في ت و ي و ت ا تويوتا اللي خلاص أهي أكبر الصانعين في العالم



                            انا متحامل على السيارة و على الشركة و على التوكيل جدا جدا جدا


                            بس ده طبعا مالوش أي علاقة بحضرتك و لا بتقريرك الوافي الكافي و ربنا يباركلك في العربية مادام حضرتك تمتلك الكفاءة للتأقلم معها تبقى بدون عيوب فعلا

                            الف مبروك مرة تانية



                            بالراحة عليا يا شهبور
                            [CENTER][COLOR=black][FONT=Trebuchet MS][SIZE=4][B] ([/B][/SIZE][/FONT][URL="http://www.nilemotors.net/Nile/#docu"][FONT=Trebuchet MS][SIZE=4][B]الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل[COLOR=black])[/COLOR] [/B][/SIZE][/FONT][/URL][/COLOR][/CENTER]

                            Comment


                            • #15
                              المشاركة الأصلية كتبت بواسطة Ahmed Samy مشاهدة المشاركة
                              ...

                              و لكن حضرتك وضحت فكرة عمل الفتيس و لماذا تحدث التقصيرة اللي يتضايق الناس و حركة الــN دي ........

                              و تبرير التهمة لا ينفيها

                              ده مش عيب صناعة في العربية أي نعم
                              هي معمولة كده علشان تحافظ على الموتور و توفر في الاستهلاك

                              ........
                              اسمحلي أرد يا باشا لغاية الأخ الفاضل أبو عبد الله ما يرد عليك يا دكترة ....
                              أنا متفق معاك في التحامل على التوكيل ...لكن إيه ذنب الشركة ....الفتيس MMT ده موجود للي عايز و الأتوماتيك موجود و المانوال موجود .....التوكيل بيستهبل و بيبيع ده على إنه أوتوماتيك و زاي ما انا قلت في المشاركة السابقة و أتأكدت من مشاركتك إن ما كانش فيه إختبار سواقة....
                              [CENTER] [/CENTER]

                              Comment

                              Working...
                              X