Tweet
السلام عليكم انا معايا كورولا 2005 1300 اتوماتيك فعايز اعرف احطلها زيت موتور ايه و زيت فتيس ايه ولو زيوت شل احط نوع ايه بالظبط
-
-
دايما مرجعك الأساسي والوحيد هو كتالوج عربيتك
على حسب معلوماتي.. كتالوجات تويوتا مواصفاتها واحدة لمواتيرها عموما.. وفي الشرق الأوسط عادة مواصفات زيوت الموتور المطلوبة عند تويوتا في آخر 20 سنة هي كالتالي:
مستوى الأداء
مطابق لمستوى API SL ومعتمد من هيئة ILSAC (مستوى GF-3 على الأقل)
اللزوجات المسموح بيها:
20W-50
15W-40
10W-30
5W-30
والأفضل هو استخدام زيوت خفيفة (5W-30) لو حابب توفر في استهلاك البنزين وتاخد اداء أحسن من الموتور.
للأسف الزيوت اللي ينطبق عليها مواصفات دي مش كتير في مصر .. إنما الميزة اللي بقت موجود من فترة بسيطة إن موبل1 نزلت زيت مطابق 100%.. وهو الوحيد في مصر (حتى الآن) المتوفر بسهولة في محطات البنزين في كل مكان في مصر.
زيت موبل1 x1 بلزوجة 5W-30
Mobil 1™ x1 5W-30
للأسف .. لا شل ولا كاسترول عندهم زيوت بنفس المواصفات دي...
أيوه عندهم زيت 5W-30... بس مش مناسب 100% لإنه مطابق لمواصفات أداء وجودة مختلفة.
فيه زيوت تانية في السوق مناسبة بردو وتنفع بدون شك.. بس يمكن ما تكونش متاحة بسهولة ليك أو مش دايما موجودة لإنها مستوردة..
ونصيحتي ليك.. دايما لما تحط زيت في الموتور اثبت على نوع واحد وما تغيروش.. بشرط واحد.. إنه يكون مطابق لطلبات الكتالوج أو أحسن منه
على فكرة... التغيير المستمر مفيهوش ميزة.. وبالعكس.. ده ممكن يأثر على اداء الزيت الجديد..
عموما .. الزيوت التانية اللي أعرفها وتنفع معاك هي كالتالي:
زيت مانول إنرجي فورمولا بلزوجة 5W-30
زيت آمسويل OE بلزوجة 5W-30
Amsoil OE 5W-30 Synthetic Motor Oil
زيت آمسويل XL بلزوجة 5W-30
Amsoil XL 5W-30 Synthetic Motor Oil
زيت آمسويل سجنتشر بلزوجة 5W-30
Amsoil Signature Series 5W-30 Synthetic Motor Oil
زيت ليكوي مولي سبيشال تك AA بلزوجة 5W-30
LIQUI MOLY SPECIAL TEC AA 5W-30
ياريت بردو تقولنا على أسلوب استخدامك للعربية.. لإن أسلوب الاستخدام ممكن يأثر على اختياراتنا من ناحية اللزوجة.
أسلوب الاستخدام مقصود بيه كيفية التحميل على الموتور في أغلب أوقات السواقة...
يعني مثلا..
هل بتحب تقرص على الموتور كتير؟؟؟
هل بيتحمل العربية بأوزان زايدة كتير؟؟؟
بتروح بتسوق على طرق جبلية كتير (زي جبال البحر الأحمر وسيناء)؟؟
العربية بتشتغل تاكسي في أوبر أو كريم مثلا؟؟؟
كل الحاجات دي تخلينا ممكن نفكر في زيادة اللزوجة عن الـ5W-30
منتظر رد حضرتك.
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC] -
انا شاكر جدا لاجابة حضرتك وبالنسبة لاسلوب استخدامى انا مبقرصش على العربية و مبحملش اوزان زائدة واغلب سواقتى على طرق عادية والعربية مش شغاله تاكسى انا كنت باصص لزيوت شل عشان توكيلها فى بنها فهبقى ضامنها لكن موبيل بخاف عشان المضروب كتير واستاذنك فى سؤال كمان بالنسبة لزيت الفتيس تنصح بايه حضرتكComment
-
المشاركة الأصلية كتبت بواسطة mesho413 مشاهدة المشاركة
بالنسبة لموبل..
ما تشتريش من محلات بيع الزيوت .. اشتري الزيت من محطة البنزين نفسها.. ويفضل تكون محطة سمعتها كويسة..
محطات موبل في كل حتة وأعتقد عليها رقابة كويسة.
أيوه افتكرت...
فيه زيت ممكن ينفع معاك بردو ومناسب جدا للعربية... اسمه بترومين سوبر سنثتك A-1
أنا شخصيا باستخدمه في السعودية... وأعتقد موجود في محطات بترومين في مصر
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
طيب انا ملاحظ ان كل الزيوت دى مخلقة مش معدنية فهل اما احول نوع الزيت لازم اعمل فلاش ولا اضيف علطول وبردو زيت الفتيس ممكن تفيدنى فيهComment
-
المشاركة الأصلية كتبت بواسطة mesho413 مشاهدة المشاركة
حضرتك هتضيف الزيت مباشرة بدون مشاكل إن شاء الله...
الحالة الوحيدة اللي بنحتاج نستخدم فيها فلش هي إن الموتور يكون فيه من جوه ترسبات طينية (Sludge) .. ودي عادة بتيجي نتيجة استخدام زيوت معدنية منخفضة الجودة وتركها في الموتور بدون تغيير لمدد طويلة (فوق الـ20 ألف كيلومتر)..
تقدر ترجع للموضوع ده لو حابب تعرف أكتر..
زيت الشنبر... زيت الفلش... بلاش أرجوك -
بالنسبة لزيت الفتيس...
على حسب معلوماتي.. سيارات تويوتا بتستخدم زيت للفتيس الأوتوماتيك اسمه ATF Type T-IV (أحيانا بيسموه T-4)
دي العبوة اليابانية:
دي العبوة الأوروبية:
دي العبوة الأمريكية
الزيت موجود في السوق بسهولة على حسب معلوماتي... سواء في التوكيل أو في محلات قطع الغيار..
ادخل هنا لو عايز معلومات أكتر..
زيت فتيس تويوتا إيكو
السوق بردو فيه حاجات متوافقة.. وزيت تويوتا T-IV ده هو أصلا من إنتاج شركة آيسن اليابانية (أكبر مصنع للفتيس في العالم وإحدى شركات مجموعة تويوتا).. وآيسن بتنزله تحت مسمى JWS 3309 وأحيانا تحت مسمى T-IV
المهم إن أي زيت مكتوب عليه JWS 3309 أو تويوتا T-IV يمشي معاك
الصفحة دي فيها معلومات عن كل زيوت الفتيس الأوتوماتك بتاعت تويوتا : What ATF to use for Toyota?
ممكن بردو تبص على الزيت ده:
Multivehicle JWS 3309
واسأل بردو عند موزعين زيوت آيسن.. أعتقد بقوا موجودين بسهولة أكتر
السوق بردو فيه زيوت universal.. يعني تشتغل على أكتر من مواصفة زيت...
بس أنا لا أنصح بيها إلا إذا ما لقيتش الزيوت الأصلية أو المكافئة ليها... لإن الزيوت اليونيفرسال دي لا يمكن تكون متوافقة مع الفتيس 100%.. أكيد فيه نسبة اختلاف ولو بسيطة...
آيسن نفسها عندها زيوت يونيفرسال.. وآمسويل.. وفالفولين... وماركات تانية كتير...
المهم إنك تتأكد إن الزيت مكتوب عليه JWS 3309 أو تويوتا T-IV
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
طيب بعد اذن حضرتك الزيت ده متوافق 100% ولا لازيت شل HELIX ULTRA SN 5W-30 واللينك بتاعو اهوhttps://www.shell.eg/ar_eg/motorists...-sn-5w-30.htmlComment
-
بصراحة أول مرة آخد بالي إن شل عندها زيت مطابق لمواصفات ILSAC... ويبدو إن الزيت نازل قريب لإني متابع شل على موقعها في مصر من فترة وما كانش عندهم حاجة مناسبة للعربيات اليابانية والكورية..المشاركة الأصلية كتبت بواسطة mesho413 مشاهدة المشاركة
الزيت مناسب جدا وأحسن كمان من زيت موبل1.. لإن زيت شل ده مطابق لمواصفة acea a5.. ودي مواصفة أوروبية معناها إن الزيت موفر في استهلاك الوقود وكمان عمره طويل في الموتور.
أنصحك بيه بدون شك.
بس الأهم إنك لما تشتري الزيت تتأكد إن مواصفة ILSAC مكتوبة من ضمن المواصفات على ظهر العلبة زي ماهي مكتوبة في الموقع.[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
المشاركة الأصلية كتبت بواسطة mesho413 مشاهدة المشاركةالمشاركة الأصلية كتبت بواسطة borio1704 مشاهدة المشاركة
خد بالك إن الصفحة اللي حضرتك دخلت عليها صفحة معربة من موقع شل العالمي.. وهما عارضين فيها كل أناوع الزيوت اللس شل بتنتجها حول العالم..
مع إن المفروض إنهم يجيبوا أنواع الزيوت المتاحة في مصر بس...
ادخل على نفس الصفحة بالانجليزي هتلاقي إن شل ألترا موجودة في مصر تحت 4 أنواع بس... مفيش فيهم النوع اللي حضرتك ذكرته..
في الحالة دي مفيش قدامك إلا زيت موبل1 زي ما نصحت حضرتك قبل كده... شل معندهاش اللي يناسبك.
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
طيب فى ناس نصحتنى اعلى اللزوجة بتاعت الزيت فا ايه الزيوت اللى متوافقهComment
-
المشاركة الأصلية كتبت بواسطة mesho413 مشاهدة المشاركة
ليه نصحوك بكده؟؟؟
أكيد علشان العربية ماشية مسافات طويلة...
أكيد اللي قال الكلام ده قاللك إن الموتور خلوصاته وسعت وما ينفعش نستخدم زيت خفيف..
الكلام ده مالوش أي أساس من الصحة... نهائي...
موضوع استخدام لزوجات تقيلة لما العربية تقدم ده عبارة عن أسطورة وحكاية مفهومة بشكل خاطئ تماما...
أصل الحدوتة دي من حوالي 45 سنة.. لما آمسويل نزلت أول زيت تخليقي في العالم...
الزيوت التخليقية كانت معروفة إنها بتنظف الموتور من الرواسب وبتدوبها.. ولما الزيت بيتحط في موتور قديم فالموتور بيبدأ يسرب زيت من الجوانات لإن الرواسب اللي كانت عليها من الزيوت المعدنية دابت والجوانات دي قدمت ونشفت وشققت.. وسمحت للزيت يخرج من الشقوق دي..
فطلعت من ساعتها حكاية إن الزيوت التخليقية ما تنفعش للمواتير القديمة... علشان هتسرب زيت..
في مصر الناس فهمتها إن المواتير القديمة ما ينفعش معاها زيوت خفيفة.. لإن الزيوت التخليقية أغلبها خفيفة..
في أمريكا وأوروبا.. عندهم زيوت تخليقية للعربيات اللي ماشية مسافات طويلة .. مهمتها إنها ترطب الجوانات والأويلسيلات بتاعت الموتور علشان ما تسربش زيت..
وعموما.. الزيوت التخليقية في مصر مفيهاش موضوع التسريب ده لإنها أساسا زيوت معدنية معدلة.. وده موضوع كبير تاني مش عايز أشغل دماغك بيه..
بالنسبالنا في مصر.. بافتراض حصل تسريب عند حضرتك... فكل اللي حضرتك هتعمله هو تغيير أويلسيل الكرنك (أمامي وخلفي) وجوان كارتيرة التاكيهات
لو حضرتك عايز تستخدم زيوت بلزوجات تانية.. فأنا شرحت لحضرتك إن أسباب الكلام ده تعتمد على أسلوب استخدامك للعربية أو المتاح من الزيوت قدامك..
تقدر ترجع للمواضيع دي لو عايز تفاصيل أكتر..
أسطورة الـ100 ألف كيلومتر... هل لها أصل؟؟؟
إزاي تختار لزوجة زيت الموتور المناسبة لعربيتك؟؟؟
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
معلش انا تاعب حضرتك معايا طيب 5_30 هتنفع لو هقرص على العربية ولا هحتاج ازود اللزوجةComment
-
المشاركة الأصلية كتبت بواسطة mesho413 مشاهدة المشاركة
تنفع بس بشرط إنها تكون مرات قليلة... مش أسلوب سوافة
يعني مثلا لو سواقتك هادية وحبيت تعدي من واحد ماشي قدامك وبعد كده رجعت هادي تاني...
أو كنت طالع من شارع جانبي وحبيت تجري شوية علشان تبقى بنفس سرعة العربيات في الشارع..
الحالات دي ما نقدرش نعتبرها قرص يستدعي زيادة اللزوجة.. لإنها بتحصل مرات قليلة خلال مدة سواقة العربية..
بس الأول إيه مفهوم القرص عند حضرتك؟؟
...[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
Comment