لمن يمتلك سوبارو,,

[Mustafa_Farouk]

الي راكبه مكتوب عليها Max 30w
افهم ايه بقه :d

Dear Mosso,

El Impreza ely ma3ak di 2008 ??

eih nezamha ??ashtreha wla ashtery El Astra ??

[Mosso]

لا والله يا اخ مصطفى انا جايب اخر 2007,
انما لو عن رأيي الشخصي ال 2008 افضلها عن الاسترا
انما عشان تتأكد روح اعملها test drive بنفسك عشان تجربها و تشوف هتقنعك ولا لأ
و كان في واحد معانا هنا اسمه Migo123 كان عملها test drive شوف هو ممكن يفيدك
بس الاسترا سمعت من ناس كتير ان الموتور بتاعها مش مناسبها
و شكل ال2008 يعجبني اكتر من الاسترا بالرغم من ان شكل ال2007 بافضله عن ال 2008

[Mustafa_Farouk]

Dear Mousso
el 3arabia 3amla ma3ak eih ?? kont rakeb 2ablaha eih ??

shokran gedan

[Mosso]

العربيه سوبارو :D انا بعشق
انا معايا KIA RIO5 model 2006 الشكل الجديد بصراحه هي عربيه ممتازه و موتورها ممتاز و قبليها LANOS I بس السوبارو هيمنه تانيه
نظام تعليق و ثبات و نعومه و عفشه متميزه عن السيارات في نفس الفئه
مع العلم اني بركب لانسر و كرولا كتير جدا
و العربيه هتقدر تحس بثباتها من خلال تجربتها بنفسك لان في عربيات كتير بيتقال عليها ثابته بس مبتبقاش زي المتوقع
بس هي تقيله شويه
يعني لو عايز تشد بيها او كده هي تقيله حبتين بس لما بتفتح في السرعه بتفتح عادي جدا بس براحتها
الكلام ده عن الاوتوماتيك
اكيد المانيوال هيكون تجميعه احسن
و لو هتتكلم على الشكل الجديد فهي صالونها اوسع و موتورها اقوى
و الاوتوماتيك فيها steptronic و تكنولوجيا عاليه جدا هتحسها من الصالون بتاعها
حاول تشوفها و ربنا يوفقمك
و لو هتقارنها بعربيه تانيه اسأل حد راكبها برده عشان يفيدك عنها

[Mustafa_Farouk]

Dear Mousso,

thank u sooo much.

i'm still compare between Astra & Impreza

if u know anything about astra, please tell me.

[Mosso]

بصراحه مقدرش افيدك فيها عشان مظلمهاش ا اظلمك
حاو تشوف اقسم بتاع أول فيه هناك ناس كتير معاهم اكيد هيفيدوك
و ادرس الاتنين كويس و متاخدش غير الي تقنعك انت و سيبك من كلام الناس
و ربنا يوفقك ان شاء الله

[Mosso]

بصراحه مقدرش افيدك فيها عشان مظلمهاش او اظلمك
حاول تشوف القسم بتاع أوبل فيه هناك ناس كتير معاهم اكيد هيفيدوك
و ادرس الاتنين كويس و متاخدش غير الي تقنعك انت و سيبك من كلام الناس
و ربنا يوفقك ان شاء الله

[Mustafa_Farouk]

impreza 08 have more options or same options of Astra full options with less price but some of my friends recomend Astra & i want options but i never ride Japanse car before& i afried from this step, for that i chosse Subaru because i feel it's like Germany

[Mustafa_Farouk]

to compare it with Astra

[Mosso]

بص يا مصطفى باشا,
انت كده هتدخل في دوامة طويييييييييييييييييييله جدا بقالها مثلا حوالي اكتر من اسبوع على المنتدي الياباني العام
و هي هل السيارات اليابانيه سيئه ام لا؟؟!!!!
و انا نفسي اعرف هو ازاي حد ممكن يقول على السيارات اليابانيه سيئه او اقل كفاءه من الاوروبي
هو بصراحه معروف ان الالماني جودته عاليه جدا و سمعته معروفه بس برضه بصراحه رايي الشخصي محدش عنده القدره انو يقلل من الياباني او سمعته
و كمان بالنسبه لموضوع انك تسمع كلام الناس انا عن تجارب شخصيه كتيره بقولك مش هيفيدك
انت سيبك من كل ده,
انت خد بعضك و اتكل على الله و روح التوكيل ده و التوكيل ده,
و شوف العربيتين و عاينهم و اقعد فيهم و قارنهم بدماغك مع سعر كل واحده فيهم ( دي الخطوه الاولى)
( الخطوه التانيه ) اسأل ملاك العربيه دي و ملاك العربيه دي
اعرف مميزات كل واحده و عيوب كل واحده بعد الاستخدام
( الخطوه التالته ) انك تشوف خدمة ما بعد البيع لكل عربيه <عشان متوجعش دماغك برضه لو حصل حاجه (لا قدّر الله)>
بس اهم حاجه انك تقتنع,,,
و على فكره صحابك الي بيقولولك استرا اكيد عشان هما ميعرفوش السوبارو
و خصوصا ان مفيش ناس كتير يعرفوها
و لو جبتها انا متأكد انهم هينبهروا بيها
اهم حاجه انت اقتنع لأن انت مش هتغير عربيه كل شهر
و ربنا معاك

[Mustafa_Farouk]

Thank you So much Mousso

[milo]

boso heya el 2008 sama3atha helwa we sotha helw bas ana rakebt gm we bazouka wel sot maloush hal

[Ahmad Allawy]

شوف يا باشا..
الكلام علي العربياتا لياباني.. محدش يقدر يقول عربيات مش كويسة.. وخاصة السوبارو اللي انا عن نفسي شايفها اعلي من التويوتا و الميتسوبيشي..
كفاية انها نفس الشاسيه و العفشة بتاعت العربية الدبليو ار اكس.. اللي هي بتاعت الراليات..
المهم.. اكيد الالماني حاجة تانية.. ممكن ميكونش في فرق ف الكفاءة. بس الالماني معمر اكتر..
المهم انا عن نفسي بارشح الاسترا. الاوتوماتيك بتاعها رهيب تكنولوجي جديدة مفيهاش اي مشكلة من مشاكل الاوتوماتك القديم.. يعني بامر الله الفتيس الاوتوماتيك بتاعها مش بيجراله حاجة.. انسي نقطة انه يبوظ وكده..وغير كده في حاجة جديدة في العربية دي ان الشاسيه بتاعها اجزاء
يعني واحد مهندس ف التوكيل معرفة حكالي عن استرا حادثة غيرت جزء من الشاسيه.. بس بيتفك ويتركب بمسامير عادي جدا.. ولا قطع ولا لحام ولا الكلام ده كله. يعني العربية اتكلفت 40 الف تصليح في شاسيه و رفرفين و كبوت و صدر و اكصدام وفوانيس و سربنتينات ردياتير وتكييف.
بس رجعت زيرو.. ولا في شاسية معووج ولا اي حاجة..
وفوق كل ده توكيلات اوبل كويسة و قطع غيارها ممكن انك تلاقيها برة بسهولة اكيد اسهل من السوبارو..
استخير وتوكل علي الله...وشوف ربنا هيييسر لك ايه..

[wnozahi]

أنا راكب أمبريزا 2008 و والدى معاه الأسترا "ستاشين" , من وجهة نظري بعد ما ركبت العربيتيين ممكن استعرض المقارنه بينهم :

الصالون: أمبريزا أوسع و أشيك
نعومة : أمبريزا أنعم
قوة موتور و تجميع : الأسترا تجميع هايل "أيزي ترونك دا أختراع"
قوة عفشة : استرا أقوي مع العلم بأن الأمبريزا عفشتها قوية
أتزان: أمبريزا أستابيليتي هيلة علي السرعات و الملفات وأحسن بكتير من الأسترا
أوبشنز: لو حتقارن بنفس الفلوس فا الأمبرزا أكتر في الأوبشنز
السترىو بتاع الأمبريزا احسن " بس السماعات ضعيفة MP3,i pod auxl

[Mosso]

يا جماعة عايز اعرف حاجه,
ضغط العجل اعمله في الصيف كام؟؟؟
مع العلم اني بسافر كتير و طريقي يوميا المحور يعني معظمها طرق سريعه و الحراره فيها عاليه
انا العربيه موديل 2007 يعني الجنط الـ15 الاصلي بتاعها