لمن يمتلك سوبارو,,

[Ahmed Hassan]

عايز اسأل سؤال,
هو ان شاء الله اركب مقاس الكاوتش كام؟
الكاتاوج بيقول : 205/50/16
بس انا حاسس انها هتكون رفيعه قوي و مش عارف هتستحمل مطبات مصر ولا لا

و ناس قالولي خليها 205-55-16 عشان موضوع السمك ده
فمش عارف اركب زي الي في الكاتالوج ولا اركب ال 55 عشان الجنط ميتخبطش؟؟؟
و هل هيكون فيه تاثير على قراءة العداد؟؟

حسب عرض الجنط اللي هتجيبه يا مصطفى... لو عرض الجنط 6.5 بوصه تركب 16/ 205/50 (في الحاله دي البروفايل معقول مش قليل)

لو عرض الجنط 7 يكون أحسن و ممكن تركب 205/50/16 (في الحاله دي البروفايل بتاع الكاوتش هيزيد و يحمي الجنط أكتر)


في الحالتين هيكو فيه فرق بسيط في قرايه العداد.
في الحاله الأولى العربيه هتوطى حوالي 1.8 مم
في الحاله التانيه العربيه هتعلى عن الأرض حوالي 3.2 مم

[Mosso]

استاذ احمد انا انهاده نزلت الحرفيين و دماغي الشمس كلتها طول اليوم و لفيتها كلها على الجنوط,
ملقتش غير واحد بس o.z بس شكله مش حلو و تحس انه قديم قوي( الـet بتاعه كان 40)
ده الوحيد الي 5\100 الباقي كله ميركبش عندي
و كل مسأل واحد على جولف او اوكنافيا يوريني بتوعم الاصليين الي عليهم علامة فولكس اقوللو لا انا عايز سبور يقوللي لا مفيش
المهم نزلت عند واحد اسمه بركات في مصطفى النحاس و شفت عنده لقيت hrs كويسين و شكلهم معقول جدا
و للاسف المومو مفيش منه 5\100 خالص!!!!
فانا بفكر بكره ان شاء الله اتوكل على الله و اجيب واحد hrs بس الet بتاعه 40 برضه
المهم ان اكبر et شفته في كل الماركات كان 45 على مومو و كان 17
و لما بصيت في الكاتالوج بتاع مومو الي في ارابكوم لقيت الـet الي يركب عى الامبريزا من 35-40

[Ahmed Hassan]

انا أرقام الـ ET اللي جبتهالك دي من منتديات سوبارو. أنا مركب جنط 17 و الـ ET بتاعه مش فاكر 45 او 48

لو عندك استعداد تركب جنط الـ ET بتاعه مش صح يبقى اشتري واحد من بتوع الجولف و مش مشكله العلامه اللي في النص. الطبه دي بتتشال و تركب مكانها اللي انت عايزه. و على فكره الجنوط دي بتكون BBS يعني محترمه جدا.. و فيه منهم كذا شكل... بس الشكل ده أكتر واحد ينفع لعربيتك:



على فكره... التفسير الوحيد اللي يخلي رقم الـ ET بناع الجنوط المومو في الكتالوج من 35 لـ 40 ان الجنط يكون عرضه 8 بوصه... يعني اكيد جنط 18 أو على الأقل 17

[Mosso]

لا كل المومو دول كانوا 16 و 6,5 و 7 بوصه
انا حتى ساعتها فتحت الكاتالوج مع الراجل و قعدنا ندور عليها مع بعض,
طيب استاذ احمد هو حضرتك مركبه نوعه ايه؟
و هل مأثر على العفشه ولا ايه الاخبار؟
اصل صراحه وانا بجربهم جربت واحد 17 كان هياكل العربيه و قعدت تلعب في دماغي بعدين استعذت بالله من الشيطان الرجيم
و رجعت لصوابي و بصيت على ال16 تاني
و كمان انا معلش هتعبك شويه كمان فتره كده عشان ان شاء الله ناوي على فلتر و بوجيهات و اسلاك
فان شاء الله خليك مستعد عشان شكلي هبقى متعب جدا و خصوصا اني موسوس شويه

[Mosso]

اه و بالنسبه للطبه صحيح ,
كان فيهم بتبقى فولكس محفوه على دراعات الجنط او بتكون الطبه كبيره من الي هي بتغطي على المسامير و دي طبعا صعب تغييرها
غير كده ان الجنوط اصلا بتاعت الفابريكه بتاعت الفولكس الي بتنزل مصر فباين قوي انها سواق فولكس او اوكتافيا فمش حلوين
انما الي حضرتك حاطط صورته ده مش موجود حاجات كده خالص

[Ahmed Hassan]

لو عايز جنوط جولف شبه اللي وريتهالك دي اجيبهالك من بورسعيد (بس تكون قررت تطنش موضوع الـ ET) و كلها بالكبه الصغيره... اللي بالطبه الكبيره دي شكلها مش حلو اصلا.

الجنط اللي عندي استيراد و هوه خفيف و جامد الحمد لله. هوه مش مأثر على العفشه في حاجه لحد دلوقت على الأقل... بس اكيد لازم تكون حريص في سواقتك اكتر من الطبيعي. أكيد طبعا الـ 16 عملي أكتر بس الـ 17 شكله احلى كتييييييييير.

خلص انت بس موضوع الجنط... و لما تنوي على اسلاك البوجيهات و البوجيهات قوللي و انا تحت امرك... و كمان ممكن اوريلك الحاجات التانيه اللي انا عاملها في العربيه.

بالمناسبه... عندي CD changer اصلي زياده... انت عربيتك 2006 و لا 2007؟

[Mosso]

لا انا 2007 فعندي الcd standard
و ان شاء الله اخلص امتحانات بس و افوقلها
بس هي المشكله اني محتاج الجنوط ضروري لاني كل ده ماشي بالاستبن العجيب ده,
طيب يا استاذ احمد هو الطقم يتكلف كام تقريبا استيراد؟
و هو حضرتك جايبه من بورسعيد ولا من الحرفيين؟
و لو من بورسعيد هل الفرق يستاهل اني اسافر عشانه؟

[Ahmed Hassan]

الطقم الـ 16 بتاع الجولف يعمله حوالي 2200 (ممكن يخلص 2000 حسب الظروف)
الطقم اللي عندي جاي من اليابان رأسا... بس مستعمل

[Mosso]

انا الحمدلله ركبت طقم جنوط 16 عرض 7بوصه HRS تايواني
و جبت كاوتش كومهو 205-50-16
الجنوط اتكلفوا 2450 و الكاوتش الفرده عملت 370
بعد ما ركبوا العربيه اترفعت عن الارض شويه حتى شكلها ملحوظ
بس الحمدلله الثبات زاد عن الاول شويه و تقلت حاجه بسيطه لا تذكر في التسارع
بس بحس برفه بسيطه لما اجيب 100 بعدبن بتروح لما اعدي ال120
رحت ارصص تاني (غير الترصيص الاولاني الي كان مع التركيب )
اكتشفت ان الي رصص تقريبا مبيفهمش
اكتشفت ان في كميات رصاص كتير قوي في كل عجله توصل لـ60 جم (غريبه قوي في جنوط و كاوتش جديد)
رحت لراجل كده شال الرصاص القديم و عمل حاجه غريبه
علم عند البلف و فك العجله وركب الناحيه الي كانت عند البلف الناحيه التانيه المقابله ليها!!!
ساعتها العجله اتظبطت و طلبت نسبة رصاص اقل !!!
مع العلم الكاوتش ملهوش اتجاه rotation ولا in & out
الرفه بعد الشغل ده قلت شويه بس برضه لسه موجوده
ان شاء الله هروح لواحد فاهم شويه عنده مكنه عدله اخليه يرصصهم تاني
ولا ممكن يكون في حاجه تانيه؟؟

[khalid_adel]

اولا الف مبروك على الجنوط والكاوتش الجديد
بس معقوله كاوتش 16 معليهوش روتاشن ازاي ؟؟ واللي رصص تاني مره ده مش فاهم هو عمل ايه بالظبط ؟ ولا هي جت كده بركه معاه
ياريت لو حد فهم ايه الحركه اللي عملها دي يقولنا

[Ahmed Hassan]

اولا الف مبروك على الجنوط والكاوتش الجديد
بس معقوله كاوتش 16 معليهوش روتاشن ازاي ؟؟ واللي رصص تاني مره ده مش فاهم هو عمل ايه بالظبط ؟ ولا هي جت كده بركه معاه
ياريت لو حد فهم ايه الحركه اللي عملها دي يقولنا

الكاوتش و هوه جديد بيكون عليه من الجنب نقطه صفرا و نقطه حمرا... واحده منهم (مش فاكر اي واحده) بتكون في النقطه الاكثر كثافه في الكاوتش و بالتالي بتتحط مقابله للبلف اللي هوه نظريا اتقل مكان في الجنط.

لو عايز ترصصص.. روح لبريدجستون اللي في محطه كالتكس اللي في آخر عباس العقاد

[Mosso]

اولا الف مبروك على الجنوط والكاوتش الجديد
بس معقوله كاوتش 16 معليهوش روتاشن ازاي ؟؟ واللي رصص تاني مره ده مش فاهم هو عمل ايه بالظبط ؟ ولا هي جت كده بركه معاه
ياريت لو حد فهم ايه الحركه اللي عملها دي يقولنا

الله يبارك فيك بس هو فعلا معليهوش روتيشن لان النقشه اليمين نفس الشمال symmetrical

الكاوتش و هوه جديد بيكون عليه من الجنب نقطه صفرا و نقطه حمرا... واحده منهم (مش فاكر اي واحده) بتكون في النقطه الاكثر كثافه في الكاوتش و بالتالي بتتحط مقابله للبلف اللي هوه نظريا اتقل مكان في الجنط.

لو عايز ترصصص.. روح لبريدجستون اللي في محطه كالتكس اللي في آخر عباس العقاد

هو بالظبط كده الراجل قاللي النقطه الحمرا بتكون النقطه الكبيره و دي بتكون الناحيه التانيه للبلف بس انا عندي النقطه الحمرا بس هي الي موجوده الصفرا مش موجوده
هو لما قلب العجل خلى النقطه الحمرا الناحيه التانيه من البلف
بس كده انا عندي في عجله واحده النقطه الحمرا عند البلف بس ترصيصها قليل فانا شاكك ان هي الي عامله الغربله
ان شاء الله هروح بريدجستون و ارصص هناك

[Mosso]

أستاذ احمد حسن,
انا عايز اسأل حضرتك عن البوجيهات الي حضرتك مركبهم,,
هل فرقوا مع حضرتك ولا لازم سلوك معاهم؟
و هل من بره ولا البوجيهات من هنا؟
معلش سواء كده او كده انا عايز من حضرتك التفاصيل عشان عايز اجيبهم في اسرع وقت ان شاء الله
و شكرا,,,

[Ahmed Hassan]

البوجيهات انا كنت جايبهم من هنا مش من بره... بس انا ركبتهم مع الاسلاك على طول. مظنش انهم يعملوا فرق من غير الاسلاك. بس في جميع الاحوال همه كويسيسن لأن عمرهم طويل (حوالي ١٦٠٠٠٠ كم)

[Mosso]

طيب حضرتك جبتهم منين معلش و ايه الرقم الاكتوني بتاعهم؟
و نوعهم ايه و اتكلفوا كام تقريبا؟
و معلش بالنسبه للاسلاك ايه نظامهم لو عايزهم؟