لمن يمتلك سوبارو,,

[Ahmed Hassan]

يا جماعة انا عندى سوبارو امبريزا 1998 وعايز اجيبلها فوانيس اسبور حاجة كدة شبة فوانيس ال2008 ممكن حد يقولى

مفيش قدامك غير انك تجيبهم من بره. لو حد جابهملك و هو جاي هتلاقي سعرهم معقول. لوهتشتريهم من علىالنت و تشحنهم السعر هيعلى طبعا علشان تكلفه الشحن و الجمارك

[Mosso]

اللينك ده فيه شرح للـ ET Offset Value مع الشرح صوره كمان

http://www.tirerack.com/wheels/tech/techpage.jsp?techid=101

بس المشكله انا مش عارف ايه الـ ET المناسب للعربيه عندي على الجنط ال16

كل الموجود في السوق كان ET 38

[Ahmed Hassan]

اللينك ده فيه شرح للـ et offset value مع الشرح صوره كمان

http://www.tirerack.com/wheels/tech/techpage.jsp?techid=101

بس المشكله انا مش عارف ايه الـ et المناسب للعربيه عندي على الجنط ال16

كل الموجود في السوق كان et 38

عرض الجنط كام يا مصطفى؟؟ 6.5 و لا 7؟ عموما 38 et مينفعش في جميع الأحوال. شوفلي عرض الجنط كام و ان شاء الله اجيبلك الرقم الصح.

[khalid_adel]

و عايز اسأل سؤا بس كمان معلش,
هو العفشه الرياضيه تكلف كام تقريبا؟
و لو كده هيبقى في منها للسوبارو هنا في مصر؟
عشان نا لسه مجبتش المساعدين فبفكر في كذا حاجه

بالنسبة للعفشه الرياضية انا بفكر فيها من زمان وسألت عليها عند حماده غزي في بورسعيد وقالي
النوع apex
السوست حتبقى في حدود 1400 بالشحن
والمساعدين ب 3700 تقريبا بالشحن
وهو هيطلبهم من الموقع على النت وبيحسبها هو تكلفه وشحن وكده
هو قالي ممكن تركب سوست بس وهتظبط معاك بس حتوطي العربيه 4سم تقريبا (ده عيبه لانها مش ناقصه اصلا)
اما المساعدين ميركبوش لوحدهم لازم السوست كمان ( ده لاني كنت عايز اغير المساعدين بس )
بس ياريت لو حد ياكدلي المعلومه دي برضه لاني عايز اغير مساعدين بس ومش عايز اوطي العربيه
وبالنسبه لسعر المساعدين في التوكيل 3000 جنيه تقريبا
حسبتها كده لقيت اني اجيب اسبور احسن واهو فرق مش كبير وانا ناوي اعمل الموضوع ده قريب ان شاء الله

[Ahmed Hassan]

بصراحه يا جماعه العربيه مش محتاجه عفشه رياضيه من الأساس. اللي فيها كفايه و زياده. رأيي خليكو في السوست و المساعدين الأصليه. لو تمنها غالي هنا حاولوا تجيبوها من الخليج مثلا.

[khalid_adel]

اصل يا احمد الصراحه المساعدين عندي ابتدت تخف فكده فكده حغير مساعدين فقولت لما اغيرهم اجيب حاجه احسن عشان برضه تعوض استهلاك العربيه العالي اللي انا عامله لانها مبقتش زيرو يعني
بس متعرفش يا احمد لو تسألي ينفع اركب المساعدين ال ابيكس دول من غير سوست ولا لازم السوست اول حاجه زي ما اتقالي ؟؟

[Ahmed Hassan]

بصراحه معرفش يركبو لوحدهم و لا لأ.. بس الفيصل انك تعرف هل مقاسهم نفس مقاس الأصليين؟ لو كد يبقى اكيد يركبو.

[Mosso]

انا انهاده الحمدلله رحت غيرت مساعدين امامي في التوكيل
كده يبقى مش فاضللي غير الجنوط ان شاء الله
مش عارف بقه اجيبها منين
بس في حاجه,
كل المومو الي لقيته قيته صيني و كلهم بيقولولي ان كل المومو الاصلي دلوقتي صيني
بس هل ده هيبقى كويس؟؟
هو اغللى من الباقيين شويه بس هل هيكون احسن من الانواع التايواني؟

عرض الجنط كام يا مصطفى؟؟ 6.5 و لا 7؟ عموما 38 et مينفعش في جميع الأحوال. شوفلي عرض الجنط كام و ان شاء الله اجيبلك الرقم الصح.

هو الجنط يا استاذ احمد كان عرضه 6,5 و في 7,5
و كل الي في السوق 38 و 35 و الجنوط ال17 في بيوصل فيها لـ40
و كذا واحد بيقوللي الـet بيتظبط بالرينجات

[Ahmed Hassan]

انا انهاده الحمدلله رحت غيرت مساعدين امامي في التوكيل
كده يبقى مش فاضللي غير الجنوط ان شاء الله
مش عارف بقه اجيبها منين
بس في حاجه,
كل المومو الي لقيته قيته صيني و كلهم بيقولولي ان كل المومو الاصلي دلوقتي صيني
بس هل ده هيبقى كويس؟؟
هو اغللى من الباقيين شويه بس هل هيكون احسن من الانواع التايواني؟




هو الجنط يا استاذ احمد كان عرضه 6,5 و في 7,5
و كل الي في السوق 38 و 35 و الجنوط ال17 في بيوصل فيها لـ40
و كذا واحد بيقوللي الـet بيتظبط بالرينجات

الرينجات لازمتها انها بتكلى الفراغ اللي بين السره بتاعه الجنط و سره العربيه لو اللي في الجنك أكبر.. لكن ملهاش دعوه بالـ ET

لو الجنط عرضه 6.5 يبقى الـ et المناسب من 53 لـ 55
لو الجنط عرضه 7.0 يبقى من 50 لـ 53
لو الجنط عرضه 7.5 يبقى من 47 لـ 50

الارقام دي ممكن تطلع او تنزل عنها 3 درجات بدون تأثير

زي ما نصحتك قبل كده... سيبك من الجديد و شوفلط طقم جنط استيراد هيكون احسن كتييييييير

[Mosso]

شكرا يا استاذ احمد معلش تاعبك معايا,
انا بكره ان شاء الله هنزل الحرفيين ابص بصه كده على الجنوط الاستيراد و اشوف ايه نظامهم
و لو مش كده بقه هنزلك بورسعيد بقه و خلاص,
و اقوللك شوفلي صرفه و مش همشي غير لما تحللي المشكله دي ان شاء الله

[Ahmed Hassan]

انا تحت امرك و هتتحل باذن الله. أهم حاجه متعرفش حد انك بتشتري لسوبارو. قول انك بتشتري لجولف 4 أو اوكتافيا a4

انا بردو هشوفلك هنا اخبار الجنوط ايه.

[Mosso]

ان شاء الله بس هو ليه مقولش لسوبارو؟
هيغلوا عليا؟
و هو اكيد بتاع الجولف و الa4 يركب كويس

[Ahmed Hassan]

ان شاء الله بس هو ليه مقولش لسوبارو؟
هيغلوا عليا؟
و هو اكيد بتاع الجولف و الa4 يركب كويس

طبعا لو عرفو انك سوبارو هتبقى بالنسبه ليهم صيده. الجولف و الاوكتافيا يركبو كويس بإذن الله

[Mosso]

ربنا يسهل ان شاء الله
ادعيلي بس ربنا يسهل و اجيب حاجه كويسه ان شاء الله
و شكرا لتعبك معايا

[Mosso]

عايز اسأل سؤال,
هو ان شاء الله اركب مقاس الكاوتش كام؟
الكاتاوج بيقول : 205/50/16
بس انا حاسس انها هتكون رفيعه قوي و مش عارف هتستحمل مطبات مصر ولا لا

و ناس قالولي خليها 205-55-16 عشان موضوع السمك ده
فمش عارف اركب زي الي في الكاتالوج ولا اركب ال 55 عشان الجنط ميتخبطش؟؟؟
و هل هيكون فيه تاثير على قراءة العداد؟؟