لمن يمتلك سوبارو,,

[Ahmed Hassan]

اظن الصوت ده عادي.. انا كمان ساعات بسمعه (لو الجو هادي بس). بدل كشفت على التيل و الطنابير و حالتهم كويسه.. و بدل كفاءه الفرامل متأثرتش يبقى مفش حاجه تقلق.

[Mosso]

هما قالولي كده برضه بس المشكله انه صوت جديد و بسمعه سواء دوشه او جو هادي(بس لازم اقفل الازاز لو الجو دوشه)
بحس انه حاجه في العفشه
ربنا يسهل انا ان شاء الله هغسلها من تحت غسله كويسه كده و اجرب يمكن يكون في حاجه محشوره تطلع بالغسيل و ربنا يسهل

[Mosso]

انا عايز اسأل سؤال صغير كده,
حد جرب منظف الرشاشات الي بيتحط مع البنزين او جرب الـoctane booster ؟؟
و ايه تأثيرهم و هل ليهم اثر سلبي؟؟
يا ريت لو حد جربهم او عنده معلومات عنهم يفيدني,
و هل هما فعلا بينضفوا دورة البنزين و بيأثروا على السحب
و شكرا,,,

[legacy]

في حد معاه ليجاسي
عشان يقولي عنده مشكلة في الطنابير اللي قدام و لا ايه نظامها عشان تقريبا عندي كده باظت مش عارف من ايه

[Ahmed Hassan]

انا عايز اسأل سؤال صغير كده,
حد جرب منظف الرشاشات الي بيتحط مع البنزين او جرب الـoctane booster ؟؟
و ايه تأثيرهم و هل ليهم اثر سلبي؟؟
يا ريت لو حد جربهم او عنده معلومات عنهم يفيدني,
و هل هما فعلا بينضفوا دورة البنزين و بيأثروا على السحب
و شكرا,,,

منظف الرشاشات انا استعملته مره واحده (كصيانه) و العربيه كانت عامله حوالي 25 الف كيلو. المفروض تستعمله على فترات متباعده (هوه كان مكتوب عليه بس مش فاكر الرقم بالضبط).

الاوكتان بوستر استعملته كذا مره لما باضطر احط بنزين 92 خصوصا لو حسيت ان البنزين مش قوي... و مبحسش بفرق لما احطه.

[Mosso]

يعني تقريبا الاوكتان بوستر ملهوش فايده قوي,
طيب المنظف بتاع الرشاشات حسيت بعديه بفرق ولا عملته كاجراء وقائي بس؟
هو الي الي شفته كان في نوعين واحد كل 3 شهور و التاني كل 6 شهور
شكرا يا استاذ احمد على الافاده و معلش واجع دماغك

[Ahmed Hassan]

يعني تقريبا الاوكتان بوستر ملهوش فايده قوي,
طيب المنظف بتاع الرشاشات حسيت بعديه بفرق ولا عملته كاجراء وقائي بس؟
هو الي الي شفته كان في نوعين واحد كل 3 شهور و التاني كل 6 شهور
شكرا يا استاذ احمد على الافاده و معلش واجع دماغك

انا استعملته كاجراء وقائي بعد تفويله بنزين مش ولابد

انا اللي اعرفه انه بعدد الكيلومترات مش بالمده الزمنه... كان تقريبا كل 20 الف.. بس مش متاكد.
مفيش وجع دماغ و لا حاجه. انا تحت امرك

[Ahmed Hassan]

في حد معاه ليجاسي
عشان يقولي عنده مشكلة في الطنابير اللي قدام و لا ايه نظامها عشان تقريبا عندي كده باظت مش عارف من ايه

محدش في المنتدى لحد الآن معاه ليجاسي (على الاقل في مصر). عربيتك زي ما انت كاتب موديل 2004 بس ماشيه كام الف؟ لو عندك مشكله في الطنابير في الغالب عمرها الافتراضي انتهى لأن كدا بقالها كتير.

[legacy]

هيه 2004 بس ماشية 20000 بس عشان كان معايا عربية تانبية و بسافر كتير بره مصر

[khalid_adel]

20000 كم بس
اعتقد ده قليل اوي فعلا
طب اوصفلنا ازاي باظت وايه اللي بيحصل معاك بالظبط ؟؟
ياريت تفاصيل

[ELzanatti]

قطع غيار ارجوكم

انا عايز حد بتاع قطع غيار امبريزا 2006 لان اليوكيل ناااار. انا لسة مغير تيل ب 485 جنية و كمان انا محتاج اغير طنابر ضروري. ممكن اي حد يساعدني؟

[Ahmed Hassan]

انا عايز حد بتاع قطع غيار امبريزا 2006 لان اليوكيل ناااار. انا لسة مغير تيل ب 485 جنية و كمان انا محتاج اغير طنابر ضروري. ممكن اي حد يساعدني؟

على حد علمي مفيش بره التوكيل. ساعات بيكون فيه في الحرفيين... بس اكيد مش هايبعلك طنابير لوحدها. لو ليك حد في السعوديه او الخليج ممكن يسألك عليها هناك و يجيبها و هوه جاي... بس انا مش متأكد اذا كانت ارخص و لا لأ. كمان ممكن تسأل عند حماده غزي سعرهم كام لو جابهوملك ماركه ebc

[Mosso]

انا الصوت الي كان عندي الحمدلله راح بعد خرط الطنابير,
امبارح كنت في التوكيل و كان لازم اغير تيل فقاللي هو في ريجه خفيفه قوي في الطناير و قاللي يفضل تتخرط عشان التيل يبقى راكب على نضافه فقولتلوا ماشي,
جربتها بعد كده الحمدلله الصوت المريب ده راح
بس الي استفزني قوي ان اسعار المصنعيات زادت بشكل بشع
تنضيف فلتر تكييف ---35 جنيه
تغيير لمبة شبوره ---14 جنيه و ثمن اللمبه اصلا 20 جنيه
فك و تركيب طنابي ---49 جنيه و خرطها 50 جنيه
مستغرب انا من المصنعيه الي نفس ثمن القطعه دي

[khalid_adel]

دي فعلا المصنعيه عليت
انا فاكر عملت الخراطه ب 40 جنيه وتركيب لمبه الفوج 10 جنيه وكان تمنها 20 جنيه برضه
ومن ساعتها وانا بركبها بره كله ب 10 او 15 جنيه بالكتير :)

[Mosso]

يا جماعه معلش سؤال بس,
محدش يعرف اقدر اجيب منين جنط امبريزا 2007؟
لان عندي واحد اتكسر و محتاح واحد ضروري ,
انا سألت عايد ملقتش غير واحد مكسور و ملحوم,
يا ريت لو حد عنده اي معلومات يفيدني

شكرا,,,,