Tweet
الاخ wessampo بتهيالى انك تستنى لحد ما تكمل تمن الجديد احسن ليك بكتير وكمان بتهيالى ان فى نظام انك ممكن تدفع نص تمن العربيه والباقى على سنه بدون فوائد وانت ما شاء الله معاك اكتر من النص لو تقدر اسال بس خلى بالك من اى شرط فيه شئ من الربا لو يهمك الموضوع دا وعامة الماروتى بجد الناس كلها بتشكر فيها مدام مش هتمشى على سرعات عليا لان اعتقد بعد ال90 بتبقى خفيفه وانت حتى لو مسافر مش محتاج اكتر من كده الا اذا كنت ناوى تجرب قانون المرور الجديد لما يطبق المهم ربنا يكرمك وتجبها وادعيلى انا كمان بس انا لسه المشوار قدامى طويل شويه على بال ما اوصلها .
-
-
الشكر كلة لك يا استادنا وعقبال يا عم ما نجيب الماروتى زيرو كمان :):):):):)Comment
-
االلى ركب الماروتى و 128 . قاعده السواق فيها مريحه و الا 128 اوسع ؟
انا باتكلم على قاعده السواق و هوا بيسوق . مش مهم الصالون ككل .
يا ريت اللى بيسوق ماروتى هنا يقول لنا على تجربته فى السواقه . هل قعده السواق مريحه و الكرسى بتاع السواق بيتحرك للخلف زى باقى العربيات ؟ و الا ثابت ؟Comment
-
شوف يا سيدى ، ال128 قاعدتها اوسع و تحس انك راكب عربية كبيرة ، لكن الماروتى صغيرة و محندقة ، بس انعم و اريح و اسرع بكتير من ال128 ، و فرق البنزين دلقوتى برضه بقى مهم 800 سىسى بتوع الماروتى احسن بكتير من 1300 بتوع 128Comment
-
بالنسبة لسؤالك ، الكرسى ثابت و كويس ، و ممكن تريح راسك و انت سايق كمان لانه كرسى بضهر عالىComment
-
شكرا يا باشا .
انا عاجبانى جدا الماروتى .
عموما ممكن اسقط على السوق بتاع العاشر و اجرب اقعد فى واحده من المعروضين للبيع و اشوف الوضه ايه .
من الرؤيه الخارجيه للعربيه انا حسيت ان قعده السواق ممكن تكون مريحه عن ال 128 .
انا كان قصدى بثبات الكرسى مش انه ملخلخ . ههههه . انا قصدى بيرجع لوراء عشان لو طويل مثلا يكون مريح فى القعده ؟
اصل انا شفت البروتو تايب بتاع التاتا نانو على الانترنت . الكراسى الاماميه مش بتتحرك سحب حجم السواق و دايما بيقارنوها بالماروتى لان الاتنين صناعه هندى .
التاتا النانو دى لو نزلت مصر و ده غالبا مش هيكون قبل سنه او اتنين هتكسر الدنيا بالذات بعد اسعار البنزين المنيله الجديده .Comment
-
معلش سؤال تانى .
الكاوتش بتاع الماروتى ؟ تيوبليس ؟ و الا عاده ؟
و بييجى مع الزيرو فرده استبن ؟ و الا لا ؟Comment
-
اطمن الكرسى بيرجع لورا و بتبقى واسعة جداً للطوال اللى ذى حالاتنا
ومن وجهة نظرى اوسع من ال 127 كتيرComment
-
مانيوال استخدام الماروتى للى ضاع منه بس النسخه بالانجليزى و معموله للعربيه الهندى ( دركسيون شمال ) بس هيا هيا نفس العربيه .
Comment
-
رحت امبارح اتفرج على العربية السوزوكى ماروتى ووجدتها مش بطالة ولكن قلقت شوية لما عرفت انها 3 سلندر فقط!!! متهيألى ان ده بيخلى الموتور ضعيف .... لكن هل هناك 128 عالزيرو اليومين دول؟Comment
-
قالولك سعرها كام ؟ 36000 ؟ و الا 35500 ؟
شفتها فى انهى معرض ؟
قول كل اللى حصل .
بالمسبه لرأيى بالاخص بعد ما قريت المنتدى هنا . الماروتى افضل للاتى :
1- تصميم يابانى و تصنيع و تجميع هندى و بالتالى افضل من الصناعه المصريه مع احترامى للصناعه المصريه طبعا
2- العربيه صغيره جدا و تقتدر تناور بيها لو هتركنها فى حته ضيقه
3-قطع غيارها رخيصه زى 128 و 127 و بتكون هندى و معمره ( طبعا لو قدرت تميز الاصلى من المضروب ) لان معظم قطع الغيار مضروبه الايام دى
4- متهيالى دركسيون بتاعها اخف من 128 لان وزن العربيه اصلا 650 كيلو
ال 128 مناسبه لو ما عندكش مشكله فى الركنه و هيركب فيها عيله اكتر من 2
كتالوج الماروتى عندك فى اللينك نزله و شوفه و تعرف اكتر عن العربيه .
ال 128 مش ممكن تلاقيلها كتالوج و عمرى ما شفت منها فى الافلام الايطالى حتى ؟ الا الموديل القديم طبعا ابو فانوس مدور من ايام 1970 و ده اللى كان تصميم ايطالىComment
-
العربية شفتها بلون زيتى عند شركة المصرية وبيبيعوها ب36500 وشفتها امبارح عند معرض سيارات امام قسم الوايلى وعنده منها لون احمر ولون شامبين وبيبيعها ب 36000 وهو اللى قال لى انها 3سلندر ولكن سعرها الاصلى فى الجرايد هو 35500 جنيهComment
-
هيا سعرها المعلن الرسمى الى الان و بيقولو انه سعر التوكيل 36000 .
بس شفت اعلان فى الوسيط الاسبوع اللى فات 35500 و فيه تلفون ممكن ادورلك عليه لو عايز او ممكن انت تجيب الوسيط بتاع الاسبوع اللى فات و تشوفه .
الاعلان بيقول 35500 ادفع 7000 و الباقى تسهيلات . و خد بالك كلمه تسهيلات غير تقسيط لان التسهيلات تعنى نفس المبلغ بس هيتقسم على 3 الى6 شهور مثلا .
بالنسبه للمصريه . هيا موزع محترم بس ما اعرفش عندهم فصال و الا لا ؟ و لو انى اظن ان كل بتوع العربيات عندهم فصال فى الاسعار و دايما يضرب فى العالى و انت تحاول معاه و الشاطر اللى يمشى كلمته .
حسب معلوماتى اللون الشامبين ده جديد . تقريبا نزل من سنتين تلاته .
العربيه دى على فكره بتنتج فى الهند من سنه 1983 و مسمينها عربيه الشعب .
و فيه اعلى منها شويه اللى هيا الالتو ب 41900 تقريبا من غير اوبشن و 1000 سى سى و حجمها اكبرشويه . بس انا شخصيا افضل الماروتى عنها .
على فكره العربيه مش معايا اصلا بس انا بافكر اشتريها .
لو عندك وقت . انزل سوق العاشر الجمعه و اسال عليها هناك فى المستعمل و شوف الناس رايهم فيها ايه . و خد كذا واحد لان ناس كتير بتفتى و بس .
يعنى طول عمرى لقيت الناس كلها تقولك دى عربيه 800 سى سى يعنى موتسيكل ؟ بس بعد ما قريت كلام الناس هنا لقيت ناس بتسافر بيها و بتسافر مرسى مطروح . مش بنها !!!
اعمل سيرش على كلمه (ماروتى و مرسى مطروح ) فى المنتدى هتلاقى موضوع و كذا عضو عندهم العربيه شوف كلامهم عن تجربه ايه .Comment
-
الكبالن والفتيس والمارش والمساعدين بيتعبو بعد فترة اد اية علشان اقرر بس اشترى ولا لا مع لعلم انا سواقتى هتكون هادية و مفيش سفر بيهاComment
-
بالنسبه للعربيه الماروتى انا ناوى اجيب واحده زيرو بس نظام تقسيط بمقدم 10 الالف جنيه ياريت اى حد يقولى هيكون القسط كام بالظبط فى الشهر على مدار قد ايهComment
Comment