مميزات وعيوب الماروتى بالتفصيل

[hoss_rona]

انا عندي ماروتي

علي فكره انا لاحظت الظلم الشديد اللي الناس بتظلمه للعربيه دي انا معايا ماروتي من 2001 وبجد انا عملت حاجات في العربيه دي مفيش عربيه تستحملها اولا بابا كان بيروح بيها المطار كل يوم لانه شغله هناك وبعديها انا ساكن في الزيتون بابا ساب المطار وبقي شغله قرب العين السخنه كان بيروح كل يوم بيها وبعديها ساب الشغل ده واشتغل في شغل بعد مدينه السلام بساعه وبيروح بيها كل يوم ده غير اللي انا بعمله فيها بصفتي شاب وعايز اعيش حياتي بجري بيها وبشد بيها مع 128 و 127 وبخمس بيها والله العظيم ما في كلمه في كلامي كدب كل ده وبسم الله مشاء الله مفتحتش بقها ولا اتكلمت كل اللي باظ فيها بوجيهات بس من ساعت من جبناها بسم الله مشاء الله وكل سنه بنسافر بيها الاسكندريه وبناخد الطريق علي طول دون توقف في النص وانا شايف انها عربيه محترمه جدا وعمليه جدا ومتستاهلش كل الكلام اللي بيتقال عليها ده انها ضعيفه وخفيفه وكل ده

[hoss_rona]

واتمني ان حد يرد عليا ويقرا كلامي

[hoss_rona]

بجد انا بعشق العربيه دي لاني مستحملاني وبقيت مجنون بحاجه اسمها ماروتي وعلي فكره هي بتعمل 380 كيلو في الصفيحه ودي معلومه انا متأكد منها 100%

[bassemali]

كل سنه وأنت طيب يأخ hoss_rona العربيه دي فعلا ممتازه ومن كلام ناس كتير بس موضوع أستهلاك البنزين ده حاول تتأكد منه أنا مش معايا الماروتي لكن كل اللي أعرفهم وعندهم العربيه دي بيشكروا فيها جدا وكل سنه وأنت طيب مره تانيه.

[hoss_rona]

اصل انا لقيت حد قال في احد المواقع انه جاب ماروتي 2008 وعمال يقول دي زباله زباله وفي الاخر قال انه عمل بيها حدثه واتقلبت بيه وكان بيقول انه خفيفه علي الارض والصاج بتاعها زباله انا استغربت اوى لانها معايا وبجري بيها وبخمس بيها وعادي ولا هي الماروتي بتاعتي غير بتاعته وانه بيعاملوه وحش في التوكيل رغم ان موضوع التوكيل ده غلط خالص بالعكس الناس هناك محترمين جدا وعلي فكره هي التانك بتاع البنزين بتاعها 26 لتر انا بسافر الاسكندريه بنص التانك بالظبط والله العظيم وكل سنه وانتوا طيبين جميعاااااااااااااااا وعيد سعيد علي كل الناس

[خالد]

اصل انا لقيت حد قال في احد المواقع انه جاب ماروتي 2008 وعمال يقول دي زباله زباله وفي الاخر قال انه عمل بيها حدثه واتقلبت بيه وكان بيقول انه خفيفه علي الارض والصاج بتاعها زباله انا استغربت اوى لانها معايا وبجري بيها وبخمس بيها وعادي ولا هي الماروتي بتاعتي غير بتاعته وانه بيعاملوه وحش في التوكيل رغم ان موضوع التوكيل ده غلط خالص بالعكس الناس هناك محترمين جدا وعلي فكره هي التانك بتاع البنزين بتاعها 26 لتر انا بسافر الاسكندريه بنص التانك بالظبط والله العظيم وكل سنه وانتوا طيبين جميعاااااااااااااااا وعيد سعيد علي كل الناس

كلامك مظبوط ياباشا والعربية ممتازة وتحفة
ماعدا التوكيل فرع الدقى فعلاً مش كويسيين خالص ومعاملتهم وحشة وعلى رأى أحد الأخوة فى المنتدى أيه يعنى لما أضحك فى وشك وأتفضل وتحت أمرك ياباشا وفى النهاية مفيش حاجة بتتعمل أو بتتعمل بس أى كلام أو يحصل خداع أو سرقة وكل سنة وأنت طيب

[m7nsh]

tamercc
خلاص ياباشا هجرب ان شاء الله حوار الكهربا ده و ياريت يظبط فعلا موضوع البزين و استهلاكه

و متشكرين ياباشا و متقلقش هدعيلك من غير ما اجرب :)

ربنا يوفقك ياصاح

[hoss_rona]

بس علي فكره من يوم ما اشتريت العربيه مقربتش ناحيه الكهربا ولا حاجه بستخدمها زي ما هي كده واستهلاك البنزين بتاعها بسم الله مشاء الله قليل اوي

[OZYDREAMS]

[align=center]العربيه يا جماعه زى الفل وانا جايبها اصلا من 5 شهور بالظبط مفيش فيها حاجه وزى الفل الا من يومين عملت حركه وحشة بس قالى المفروض تروح الضمان وتضربهم عليها بس انا قولت مشوار البطاريه طارت وهى بتهيس من يوم لما جبتها والراجل بتقولى لما العربيه تمشى هتظبط ومن يومها لغايه مالعربيه وقفت والحمد لله جبت بطارية جافه وريحت دماغى وعلى فكره ده الكلام ده من تاجر العربيات قالى البطاريات دى بتبقى من عندهم من الضمان بتبقى مركونه فى دى جت حظ ونصيبى فابقى لاى حد يجيبها جديده يتاكد من اول يوم لو لقاها بتهيس يغيرها على طول[/align]

[tamercc84]

الاخ m7nsh
ربنا يباركلك فيها و الف شكر يا باشا على الدعاء
الاخ hoss_rona
يا باشا سيبك من مشاركه واحده تكون مخالفه للى بيحصل و تخليك تتضايق دا بالعكس لازم يكون فيه اللى بيشكر واللى قرفان ودا فى اى عربيه فى الدنيا
بس واضح انك مقريتش كل المشاركات هنا فى الموضوع عشان هنا هتلاقى كل واحد حاكى تجربته بكل امانه و بنساعد بعض فى حل اى مشكله تظهرو بصراحه الناس هنا متعاونين جدا و مكتوب كل مزايا العربيه على حسب رؤيه كل واحد و بجد كلنا استفدنا
اما بالنسبه لاستحمال الماروتى احب اقولك ان عربيتى بتعمل من 100 الى 150 كيلو يوميا (دا اقل حاجه) و انا عامل بيها 21000 كيلو فى كام شهر ومبتقولش لأ
و بالنسبه للموضوع البنزين فالمتوسط لما العربيه تبقى مظبوطه من 14 الى 17 كيلو فى اللتر و دا على حسب طريقه المشى و السرعه و طبيعه الطريق و لو بتحرق هيزيد لستهلاك عن كده و موضوع الكهربا دا موجود فعلا فى عربيات كتير و دا مش عيب فى العربيه دى كلها شويه تظبيط
وبالنسبه للشد انا باشد مش مع 127 و 128 لأ العربيه دى تجيب مع عربيات اكبر زى الرينو و الشاهين و الاكسنت (احيانا) و القديم كله مع طبعا لزوم التوجيب فى الافراح من تخميس وخلافه وكمان بتقفل العداد دايما و مبتشتكيش وطالما عربيتك كويسه مقربتش للكهربا او غيرها من ساعة ماجبتها يبقى الحمد لله و حاسب من الحسد
بس فيه نقطه ان التانك 30 لتر مش 26 بس ممكن يبقى ال2001 غير ال 2008 او انت بتفول و المؤشر عند ال E بالظبط و دا بيبقى لسه فيه كام لتر فى التانك لكن لو مشيت شويه هتلاقيه نزل كمان عن ال E والعربيه ماشيه برضه و ربنا يباركلك فى عربيتك بس بلاش جرى اوى عشان بيبقى فيه مواقف رخمه شويه خصوصا ان العربيه مش ثابته اوى برضه (راجع المشاركات ).
الاخ ozydreams
فعلا فيه ناس بتقول خد العربيه مشوار لحد ما البطاريه تشحن شويه و تظبط معاك و دا كنت باشوفه على طول ايام ال504 بس فعلا خلال 3 ايام لو مظبطيتش ارميها فى وشه و يا ريت تقولى جبت الجافه دلوقتى بكام بس خلى بالك الجافه فيها عيب ان لو لاقدر الله حصل عيب فى دائره الشحن او الدينامو و البطاريه فضيت هتلاقيها باظت على طول و مبتتشحنش تانى و دا حصل مع واحد صاحبى معاه سيفيا فضلنا 3 ايام ماشيين و الدينامو بايظ و مش حاسين و كنا حاسين بس ان البطاريه ضعيفه شويه بس محطيناش فى دماغنا ساعتها و للاسف مش بس غير الدينامو لا دا جاب بطاريه كمان بس جابها جافه برضه عشان اقوى و بتفضل اكتر واحسن و ربنا يسترها معانا جميعا

[hoss_rona]

اخ tamercc84 شكرا اوى علي الكلام اللي قولته اصل انا اتضايقت عشان لقيت كلام مخالف خاااااالص للي بيحصل معايا وكمان انا مش بحب حد يتكلم كلمه وحشه عن الماروتي لاني والله بعشقها لانها شافت واستحملت مني كتير وبجد الياباني ده اثبت انه 10 علي 10 لان انا اول مره اسوق في حياتي كانت الماروتي فبدات بيها والحمد لله زي ما قلتلك شغاله ويوم الخميس المفروض اني هروح اشد مع لادا استيشن 1500 سي سي موديل 1980 وكلي ثقه اني هطلع منه ان شاء الله عشان عارف امكانيات عربيتي كويس ادعيلي بقي وكمان كان في واحد بينصح واحده كانت محتاره تشتري ايه قالها لو مشاويرك جمب البيت اشتري ماروتي اكيد ده مجربش ومركبش حتي الماروتي فانا بشوف كلام بصراحه يحرق الدم

[tamercc84]

على فكره الناس بتتغر فى شكل العربيه الصغير و بيحكموا عليها من حجمها بس متزعلش عشان زى ماقولتلك التقييم بالنظر حاجه و بالتجربه حاجه
زبعدين لادا ايه اللى موديل 80 اللى بتتكلم عليها...يا باشا انا شادد قبل مع لادا 1600 انجيكشن موديل 2007 ودا كان كده على الطريق بالصدفه و كفايه جه قالى انت عامل حاجه فى العربيه دىولا هيه نازله كده؟؟؟ بس دا على عربيتى ال2008 و معرفش عربيتك عامله ايه
بس دا بيكون ليه اوقاته و على الطريق مش جوه البلد فعشان خاطرى بجد بلاش موضوع انك تتفق مع ناس على معاد تنزلوا تشدوا و الكلام دا...احنا كلنا شباب و بنشد ونجرى بس لما تطلب و بظروفها و بتبقى عارف انت بتعمل ايه لكن تتعود انك تتفق مع ناس و كده عشان خاطرى بلاش انا ياما شفت بلاوى مع صحابى و معايا شخصيا لحد ما الواحد هدى (نسبيا) بس بعد ماشاف مواقف (زباله) فرجاء من اخوك بلاش الموشوع دا و ربنا يستر على الجميع يا رب....و السلام

[OZYDREAMS]

[align=center]معاكوا يا جماعه العربيه زى الفل وبالنسبة للدينامو انا كاشف عليه وقلولى 150/100 زى الفل يعنى والبطاريه انا جايبها بالطلب وجبت السعودى ب750 جنيه والحمد لله زى الفل و10/10 [/align]

[tamercc84]

دا شىء كويس انك تكشف باستمرار على العربيه و تتأكد على ان كل حاجه زى الفل و ربنا يجعلها على طول كده و انا كنت باقول على البطاريات الجافه بوجه عام لكن ربنا ما يجيب عيوب عندك او عند اى حد و الف شكر على الاجابه

[m7nsh]

فعشان خاطرى بجد بلاش موضوع انك تتفق مع ناس على معاد تنزلوا تشدوا و الكلام دا...احنا كلنا شباب و بنشد ونجرى بس لما تطلب و بظروفها و بتبقى عارف انت بتعمل ايه لكن تتعود انك تتفق مع ناس و كده عشان خاطرى بلاش انا ياما شفت بلاوى مع صحابى و معايا شخصيا لحد ما الواحد هدى (نسبيا) بس بعد ماشاف مواقف (زباله) فرجاء من اخوك بلاش الموشوع دا و ربنا يستر على الجميع يا رب....و السلام

+1

وربنا يكفينا جميعا شر الطريق