مميزات وعيوب الماروتى بالتفصيل

[hoss_rona]

انا اسمي حسام علي فكره انا بعشق حاجه اسمها ماروتي وكنت عايز اظبطها من كل حاجه اصل بابا خبطها وبتاع فعايز ادهنها واجيب لها استيكرات واسبويلر واجيبلها الفوانيس بتاعت الماروتي الجديده بس الفلوس انت عارف بقي فأنا بعملها شويه بشويه كده علي حسب الفلوس يعني انت بقي اسمك ايه ولو عندك ايميل علي الياهوو قوله عشان نتكلم اسرع

[hoss_rona]

علي فكره يا جماعه من المتوقع ان العربيات الصغيره اللي هي السي سي بتاعها قليل تغلي عشان البنزين وعشان الترخيص وانا بصراحه من سنه 2001 من ساعه ما عرفت ان في عربيه اسمها ماروتي وهي بتغلي كانت ساعتها ب 23000 بقت دلوقتي ب 38000 فكده كده معتقدش ان الموضوع بتاع الاسعار وكده هيتحل الفتره دي فأنا من رايي تستني لحد اول السنه يناير او فبراير بالكتير 2009 و تشتري الماروتي

[noni67]

تمت الخمسين ألف كيلو

أخوانى
أحب أن أخبركم أن السيارة الماروتى المحروسة المملوكة لزوجتى قد أتمت الخمسين ألف كيلو فى غضون سنة ونصف من يوم شراءها وهى موديل 2007
لم يتم تغيير أى شىء فيها سوى بوجيهات - ابلاتين كندنسر زيت - فلتر زيت سير كاتينة - سير دينامو - فلتر هواء - فلتر بنزين
يعنى باختصار حاجات عادية جدا فى اى عربية
على فكرة ما شاء الله يعنى الاستبن لسة ما لمسش الأرض وأصلا انا مش عارف بيتفك ازاى من مكانه ورا فى الشنط
باختصار العربية دى عسولة وقوية جدا
الخمسين الف دول منهم يجى 20 مشوار مطروح و 4 الغردقة و2 الواحات ومرة وادى الحيتان و5 مرات شرم وجنوب سيناء ويجى مية مرة اسكندرية
مبروك على اللى عنده ماروتى بالعربية دى
ادعولى تفضل كده على طول
سلام

[tamercc84]

بنا يباركلك فيها و تفضل ميه ميه معاك على طول بس بالمناسبه غيرت سير كاتينه على كام كيلو و بكام

[khaled02001]

الف شكر على اهتمامك يا hoss_rona وانا فعلا مستنى شهر يناير او فبراير لو لقيت الاسعار زى ما هى مفيش بداية نزول هتوكل على الله واشتريها
اما لو لقيت الاسعار بدات تنزل هستنى شوية كمان لحد ما اشوفها هترسى على كام و اللى عندة اى اخبار عن موضوع الاسعار دة ياريت يقولة

[hoss_rona]

هاي استاذ noni انا حسام عندي ماروتي من 2001 والحمد لله طول اول السبع سنين دول مروحتش بيها عند ميكانيكي وبعد كده بدات الحاجات الخفيفه اللي هي بوجيهات فلتر موتور بس غيرت كبالن عشان كنت غيرك بقي انا جري وشد وتخميس وبلاوي غير شغل بابا اللي تقريبا بابا بياخده في ساعه ونص وكان بيرجع بيها وبخرج بيها بليل بشد وبخمس بيها والشغل اللي قبله كان قبل العين السخنه بشويه علما بأن انا ساكن في الزيتون و قبلهم كان المطار وكان كل الشغلانات دي بابا كان بيروحها كل يوم والحمد لله العربيه مستحمله ومفتحتش بقها بسم الله مشاء الله الماروتي دي ممتازه وانا بعشق العربيه دي وعلي راي موقع ماروتي Maruti ... Change Your Life

[tamercc84]

الا بالحق عملت ايه يا حسام مع بتاع اللادا

[hoss_rona]

يابني قبل ما نطلع كان عمال يبص علي العربيه ويضحك والله العظيم خليته بعد الشد يقولي انت عملت حاجه في العربيه عشان هتشد معايا

[tamercc84]

-عاوز اسال سؤال انا سمعت ان فيه فوانيس بشكل مختلف عن اللى بتنزل فى العربيه عاوز اعرف بكام و منين؟
-سؤال تانى ايه شغل الفيبر اللى ممكن يتعمل فى العربيه دى و لو حد عمل شغل يا ريت يفيدنا بخبرته؟
-سؤال تالت يالنسبه للجنوط انا عاوز اركب جنط 13السؤال هنا هل فيه جنط 13 ماركه ولا كله صينى و لو صينى هل هيستحمل معايا البهدله بتاعه الشغل و طرق الارياف اللى باروحها واللى بيطلع فيها المطب من حيث لا تحتسب

[hoss_rona]

في فوانيس جديده للماروتي انا شفتها جامده بس مش عارف الفوانيس دي نزلت مصر ولا لا ولو عايز تشوفها خش علي موقع www.maruti800.com

[tamercc84]

صور الماروتى الموجوده على موقع الشركه دى اللى بتنزل فى الهند اللى بتبقى مكيفه و شكلها احلى و مزوده بغغاز كمان
السؤال هنا الفوانيس دى موجوده فين فى مصر

[hoss_rona]

لا معرفش بس في واحد في شارع دمشق بتاع ماروتي بس ممكن تسال عنده

[tamercc84]

يا ريت يا جماعه عنده افاده ميبخلش علينا بيها

[tamercc84]

يا ريت يا جماعه اى حد عنده افاده ميبخلش علينا بيها

[hossamlotfy]

انا معايا العربية بقالها 8 شهور والله اكبر بسافر بيها اسكندية والمنوفية والمنيا ومعايا ناس والله كويسة جدا وبتعمل 386 كم فى الصفيحة وبقفل الأمبير على الطريق بس كل مشكلتها الرعشة واظن انها مش مشكلة اقوى وكمان سيارة لذيذة جدا وعلى فكرة انا كنت راكبها وانا قرفان علشان كان عندى عربية كبيرة وعملت بيها الحادثة وبعد مابعتها مكنش معايا اجيب حاجة كبيرة تانى بس والله بقيت مقتنع بالماروتى جدا جدا جدا عربية تنفع الأجواء المصرية وخفيفة وسريعة وكل حاجة فيها رخيصة والله المستعان .