ادارة خدمة عملاء مودرن موتورز ترحب باى شكوى لكم

[zalpany2000]

ماركة السيارة وموديلها : Alto
سنة الصنع :2008
رقم شاسية :9001270
رقم موتور السيارة :3546943
عداد الكيلومتر :60000
تاريخ الشراء :2008
ميعاد اخر صيانة : من 5 شهور تقريبا


السلام عليكم
بأمانة ومن غير زعل انا عمري ما تخيلت ان مودرن موتورز ممكن تعمل مبادرة زي دي .. وكنت فقدت الامل اني اقدر اعمل شكوي
انا صادفت مشاكل متعدده مع التوكيل اكبر من حجم عربيتي اساسا
ومنعا للتجريح امتنعت اني احطها علي المنتدي
لكن بما ان حضاراتكم تفضلتم مشكورين بالمبادرة الجميلة دي . هاقول لحضارتكم علي المشكلات اللي لسه عندي . عندي ماكينة الزجاج الاامامي يمين عطلانة نت ما لا يقل عن9 شهور ... وسألت في التوكيل 6 مرات ويقولولي مش موجوده ... وكله متسجل عند حضارتكم
وعندي حساس فوق علبة الفرن قدام الموتور باظ في حادثة و التوكيل ما اكتشفهوش .. وضيع عليا تحميل التأمين قيمته .. كل ده مش المشكلة
المشكلة ان الحساس ده مش موجود في التوكيل ... ولحد النهارده من شهر 10 اللي فات ... لمبة ال check engine منورة

وعلشان بس ماحدش يعتقد اني راكب عربية مش عادية ومعقدة
انا عربيتي سوزوكي التو 2008
تحياتي وتقديري

[ModernMotors]

شكرا علي المجهود الرائع و كنت عايزة اسال عن تركيب تكييف للسوزوكي ماروتي و يا تري بيكون كويس و لا بيعمل حمل علي العربية ولو كويس يتكلف كام

بالتأكيد تركيب التكيف يكون حمل علي السيارة وذلك بسؤال المختصين بذلك وللأسف لا يمكن تركيبه بالتوكيل فلا يمكن تقدير التكلفة.

قسم خدمة العملاء
هبة محمود

[ModernMotors]

السلام عليكم
بأمانة ومن غير زعل انا عمري ما تخيلت ان مودرن موتورز ممكن تعمل مبادرة زي دي .. وكنت فقدت الامل اني اقدر اعمل شكوي
انا صادفت مشاكل متعدده مع التوكيل اكبر من حجم عربيتي اساسا
ومنعا للتجريح امتنعت اني احطها علي المنتدي
لكن بما ان حضاراتكم تفضلتم مشكورين بالمبادرة الجميلة دي . هاقول لحضارتكم علي المشكلات اللي لسه عندي . عندي ماكينة الزجاج الاامامي يمين عطلانة نت ما لا يقل عن9 شهور ... وسألت في التوكيل 6 مرات ويقولولي مش موجوده ... وكله متسجل عند حضارتكم
وعندي حساس فوق علبة الفرن قدام الموتور باظ في حادثة و التوكيل ما اكتشفهوش .. وضيع عليا تحميل التأمين قيمته .. كل ده مش المشكلة
المشكلة ان الحساس ده مش موجود في التوكيل ... ولحد النهارده من شهر 10 اللي فات ... لمبة ال check engine منورة

وعلشان بس ماحدش يعتقد اني راكب عربية مش عادية ومعقدة
انا عربيتي سوزوكي التو 2008
تحياتي وتقديري

أولاً : نعتذر لسياداتكم عن أي مشاكل حدثت من قبل .
ثانياً : قطع الغيار المطلوبة لسيارة سيادتكم متوافرة فبرجاء محاولة الأتصال بأرقام الحجز الخاصة بأقرب محطة خدمة لسيادتكم .
وشكراً
خدمة العملاء
هبة محمود

[zalpany2000]

الاعزاء مودرن موتورز
بناء علي رسالتكم علي الخاص
حاولت الاتصال بالرقم المرسل دوون رد !!!!!!

[gad_fcis]

د.زلبانى
انا كمان كان عندى مشكلة فى ماكنة الزجاج الشمال ورحت التوكيل مرتين وحاولو يصلحوها ومعرفوش, وقالولى لازم تتغير بس للاسف هى مش موجودة عندهم, الحمد لله ربنا رزقنى بواحد بيفهم فى الحى السابع فك المكنة ولحمها والحمد لله شغالة كويس, لو حضرتك عايز تروحله انا ممكن اوديك ليه.

انا عربيتى التو 800 cc full option
بس بصراحة الناس اللى فى التوكيل اللى فى الهايكستب محترمين بجد, انا بتعامل مع المهندس عمرو وهو فعلا انسان محترم, الكوبلن الشمال كان فيه طقطقة خفيفة والمهندس عمرو ركب العربية وسمع الصوت و غير الكوبلن تبع الضمان

[zalpany2000]

يا بشمهندس محمد
انا لسه جاي من فرع قطع الغيار بتاع الدقي
ومش لاقيين الحساس اللي بايظ
تخيل
انا عملت الحادثة في شهر 9
و استلمت العربية في شهر 11

ومن ساعتها الحساس ماجاش

[zalpany2000]

انا شايف ان الموضوع ماعدش متثبت
هو الاتفاق اتلغي ولا ايه ؟؟؟

[A.Saad]

الاتفاق لا يزال سارى
اى تعديل او الغاء سيتم اخبار الاعضاء به طبعا

[fatalerror9]

ماركة السيارة وموديلها : نيسان تيدا سيدان
سنة الصنع :2007
رقم شاسية :JN1BCAC11Z0007240
رقم موتور السيارة :243887
عداد الكيلومتر :35,000km
تاريخ الشراء :8/2007
ميعاد اخر صيانة :14 / 4 /2010

السلام عليكم،
المشكلة عندي في قطمة الدريكسيون والتي أبلغت عنها اثناء صيانة ال 30,000كم في مركز هايكستيب
، وتم الكشف عليها و ابلاغي بأنها عيب صناعة و سيتم اصلاحها تحت تغطية الضمان، و الان بعد حوالي شهر و نصف و على الرغم من الكثير من الاتصالات و الزيارات التي كنت اقوم بها للمركز الا ان العاملون به يماطلون كثيرا و قد يصل الامر بهم انهم لا يردون على اتصالاتي، و الاكيد ان مشكلتي ام زالت قائمة و لم تحل وهي تزداد سوءا.

اتمنى الحصول على رد وحل مناسب.

شكرا


د/ بركات صالح

[fatalerror9]

ماركة السيارة وموديلها : نيسان تيدا سيدان
سنة الصنع :2007
رقم شاسية :JN1BCAC11Z0007240
رقم موتور السيارة :243887
عداد الكيلومتر :35,000km
تاريخ الشراء :8/2007
ميعاد اخر صيانة :14 / 4 /2010

السلام عليكم،
المشكلة عندي في قطمة الدريكسيون والتي أبلغت عنها اثناء صيانة ال 30,000كم في مركز هايكستيب
، وتم الكشف عليها و ابلاغي بأنها عيب صناعة و سيتم اصلاحها تحت تغطية الضمان، و الان بعد حوالي شهرين او اكثر و على الرغم من الكثير من الاتصالات و الزيارات التي كنت اقوم بها للمركز الا ان العاملون به يماطلون كثيرا و قد يصل الامر بهم انهم لا يردون على اتصالاتي، و الاكيد ان مشكلتي ما زالت قائمة و لم تحل وهي تزداد سوءا.

اتمنى الحصول على رد وحل مناسب.

شكرا
د/ بركات صالح

[walidhosnykhater]

suzuki celerio 2010 silver

انا شارى العربية من المصرية شهر 5 / 2010 ولحد دلوقتى ما إستلمتش الضمان وكل ماكلم المصرية يقولولى ان الضمان مأخرها ولما كنت فى صيانة الألف وسألتهم عليه قالولى المصرية دايما بتأخر الضمان مش عارف اعمل اية وخايف يضربوا على الضمان وكدة يبقى بقالى شهرين من غير ضمان

[ModernMotors]

نعتذر عن غيابنا و عدم المشاركه و الرد عليكم خلال الفتره السابقه و ذلك بسبب عطل فى الأنترنت و سوف نتواجد معكم من اول اغسطس ان شاء الله و سوف نقوم بالرد عليكم و حل جميع المشاكل الموجوده على المنتدى , شكرا لجميع عملاء مودرن موتورز و جميع اعضاء المنتدى .

خدمه عملاء مودرن موتورز
كريم سعاده

[hyoussef]

أنا بالفعل بعت كل بيانات العربية فى رسالة على الخاص لأنى أعتقد ان مش من المفروض كل البيانات دى تذكر كدة على الملأ و لا يوجد رد منذ أكثر من أسبوع ممكن أعرف السبب و لا هو لازم يكون على عينك يا تاجر....

مع أن انا سألت سؤال بسيط عن أسعار الصيانة و ما هى القطع اللتى يتم تغييرها و ممكن لك الأجابة على الملأ لكى يستفيد الجميع و لكنى لا أحب عرض كل بيانات سيارتى بهذا الشكل حفاظا على الخصوصية...

أتمنى التفكير فى هذا الأمر و أيجاد حل

[dr.hazem]

نا معايا ماروتي 2007

ياترى لو حبيت اعمل صيانة في التوكيل
هتكلفني كام صيانة ال 20 ألف؟؟
وهل ممكن اتواجد عند العربية اثناء عملية الصيانة؟؟

تحياتي

[LORD.ADeL]

معلش يا جماعه سؤال
دلوقت مش معاياا ضمان اذا حبيت اروح اعمل تشك ع العربيه كلها
يعنى كشف فقط من غير قطع غيار ولا تركيب بس اذا كان فى نقص فى زيوت او تضبيط بسيط يتعمل موضوع دة يتكلف كام يعنى اذا كنت حابب اعمل كمان تشك دوري فقط كل شهر يتكلف كام وشكرااا