التقرير المنتظر لسيارات سوزوكي 2015 المرتقبة

[HEba ElsheNawy]

السلام عليكم
السويفت عربيه جامدة اوى وعاجبانى جدااا بس خايفة من موضوع انها 1200 سي سي وادائها والتكييف شغال فى حين ان عربيه زى البريليانس كروس اكبر حجما و 1500 سي سي ومتورها ميتسوبيشى وعامله نفس السعر تقريبا
اتوكل على الله واجيب اى عربية
وهل السويفت فيها
engine immobilizer anti theft system

[HEba ElsheNawy]

D . a .\ AYMAN
لا تمام انا لقيت حضرتك كاتب ان فيها نظام ضد السرقه دة وانا اللى مخدتش بالى
يبقى نرجع لموضوع المقارنه بين البريليانس الكروس والسويفت وايه الافضليه اللى سويفت تكسب بيها الكروس بلييييز

[Shiemaa]

بيتهيالي البريليانس صيني

لكن السويفت ياباني

[HEba ElsheNawy]

ايوة البريليانس صينى بس نضيف جدا

[Eng.M_Mousa]

تقرير اكثر من ممتاز وربنا يباركلك في عربيتك ويكفيك شرها

[D . a .\ AYMAN]

... انا كنت هادخل أقول لحضرتك إن فيها إيموبيلايزر ضمن نظام خاص سوزوكي تطلق عليه نظام icats ... وهو نظام معقد شوية بيفصل حاجات معينة من الموتور بطريقة معينة ... ممكن تعملي عليه سيرش على جوجل لأن أنا أصلا مش فاكره بالتفصيل ومش فاهمه كويس قوي لأني ما ركزتش وأنا أقرأ تفاصيله ... المهم إنه في الآخر إيموبيلايزر بالنسبة لي :)

بس بالنسبة للبريليانس اللى حضرتك بتقولي عليها ... للأسف أنا حتى ما اعرفش شكلها إيه لأني مش متابع أي حاجة عن العربيات الصيني

وأفضل البعد عن العربيات الصيني في المرحلة الحالية ... لأن اللى بييجي مصر من الصين هي زبالة الصين فقط لا غير وما عندهمش إلتزام بأي معايير دولية معمول بيها ... اللى الوكيل المصري هاطلبه منهم عايعملوه بغض النظر عن أي حاجة أخرى في أي منتج مش العربيات فقط ... عشان كدة أي منتج صيني ببعد عنه سواء في منتجات البيت أو غيره ومش باجيب حاجة صيني غير وأنا مضطر لأن مافيش غيرها مثلا

السويفت عربية ياباني واللى بتيجي مصر منها بتتقفل في مصنع سوزوكي في الهند بإشراف كامل من سوزوكي اليابانية ... وكمان العربية موجودة في الأسواق العالمية بقالها اكثر من خمس سنوات ... عشان كدة في بعض الثقة فيها شوية عن غيرها

[D . a .\ AYMAN]

كنت هانسى !!

ما تقلقيش من موضوع الـ 1200 سي سي ده ... لأن وزن العربية مناسب ليه جدا وعموما من تجربة قيادتها خلال اليومين دول أعتقد إنه كويس جدا كمان ... أنا لسة طبعا ما شدتش بيها بس من الإحساس كدة الواحد ساعات رجله بتدوس زيادة على البنزين من غير ما يحس وبلاقي الاستجابة كويسة جدا الحمد لله

[alaamousa]

جزاك الله خيرا....تسلم ايدك

[Shiemaa]

هو ممكن اركبلها بارك سينسور وكاميرا خلفية بعد كده ؟

وكام تقريبا

[dr_samora]

يا جماعه حد ممكن يفيدني عن افضل مكان للتقسيط و اقل فايده وهل التقسيط بيتعامل مع التوكيل ولا معارض بس وياريت افضل طرق التقسيط اللي تكون باقل فايده

[vampire103]

التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر

[dr_samora]

ا ايمن ممكن تقولنا ايه الالوان المتاحه وحضرتك اخترت لون ايه

[star mido]

مجهود رائع

[D . a .\ AYMAN]

هو ممكن اركبلها بارك سينسور وكاميرا خلفية بعد كده ؟

وكام تقريبا

ممكن يركبلها جهاز الإنذار الأصلي بتاعها لأنها أصلا بتنزل برة بجهاز إنذار .. لكن الوكيل طلبها من غيره وبيركبه هنا بـ 500 جنيه تقريبا

وممكن كمان يركبلها حساسات خلفية للركن برضه بحوالي 500 جنيه

وليها مسند يد على الكونسول اللى في النص وكنت رايح عشان أشتريه فعلا لكن لاقيت سعره 2300 جنيه ... أيوة 2300 جنيه أحسن حد يفتكر إني كاتب الرقم غلط ولا حاجة

الكلام ده كله في التوكيل معرفش الكماليات اللى ممكن تركب برة بقى هاتلاقيها كتيرة ومتنوعه

يا جماعه حد ممكن يفيدني عن افضل مكان للتقسيط و اقل فايده وهل التقسيط بيتعامل مع التوكيل ولا معارض بس وياريت افضل طرق التقسيط اللي تكون باقل فايده

بصراحة ما أعرفش

التقرير روعة يا باشا و ممتاز حاسسني اني فعلا زرت المعرض بس انا كان عندي استفسارين بخصوص الاس كروس هيا استهلاك بنزينها قد ايه و ارتفاعها عن الارض قد ايه و عفشتها ايه ظروفها خصوصا انها المفروض تخدم في ظروف شديدة شوية و الف شكر

كل اللى أعرفه عن الإس كروس كتبته ... للأسف استهلاك البنزين والكلام ده لازم حد يركبها ويجربها ويقول

ارتفاعها عن الأرض 17 سم

المفروض اللى معروضة فرش جلد ودفع رباعي وفتحة سقف ... لكن اللى هاتيجي فرش عادي ومافيش فتحة سقف ولا دفع رباعي ... جر أمامي عادي

[D . a .\ AYMAN]

ا ايمن ممكن تقولنا ايه الالوان المتاحه وحضرتك اخترت لون ايه

فيه منها أحمر وبرونزي وسيلفر وأزرق وأبيض كريمي بيقولوا عليه موكا تقريبا ... أنا كنت عايز البرونزي ... بس استلمت السيلفر لأسباب أخرى ... معرفش الأسود هاينزل ولا لأ