أنت تسأل وإسـتـشـارى منتدى متسوبيشى يجيب

[nasr-eldeen]

الباشا الكبير البشمهندس طارق
حضرتك عرفت إن سيارتي كسر الزجاج الأمامي لها في محاولة سرقة .
فقررت أن أركب لها إن شاء الله جهاز إنذار اللي هو 2واي .
أنا أعرف أنه لا يتم تركيبه بالتوكيل .
ومعاليك تنصح بأدريان وبالمناسبة أدريان قريب مني جداً ( الهرم ).
بس الإخوة الأعضاء هنا بيشكروا في محل في أكتوبر إسمه أوبشن وبيعمل تخفيضات للأعضاء ( فهل ممكن أركب عنده ولا كهربة السيارة والكمبيوتر الخاص بها معقد وبلاش أجازف وخليني مع أدريان ) .
مع وافر الشكر والإحترام لشخصكم الكريم .

[zooma448]

السلام عليكم
المهندس طارق
كل سنه وانت طيب كنت محتاج اعرف اللانسر البومة 1600 مصري اوتوماتيك بتاخد بنزين 90 ولا 92 لاني سالت في معرض مصرية في رمسيس فاجاب لوحطيت بنزين 92 هتاخد كل طاقة المحرك وبمتابعتي للمنتدي وجدت ان بنزين 90 بيخلي الصوت واطي والسحب كويس انا لسة هستلم السيارة ومش عارف احط لها اية وشكرا.
مهندس/ حسام

[abomazenelgen]

م.طارق والأعضاء المحترمين بعد التحية
رجاء الإفادة أنا معايا لانسر 1998 ونفسى أركبها سقف متحرك
هل فيه إمكانية ؟ وأين مراكز وورش التركيب فى مصر
وكام تكلفتها بالضبط ؟
على فكرة أنا من الإسماعيلية

[مصراوي جدا]

الباشا الكبير البشمهندس طارق
حضرتك عرفت إن سيارتي كسر الزجاج الأمامي لها في محاولة سرقة .
فقررت أن أركب لها إن شاء الله جهاز إنذار اللي هو 2واي .
أنا أعرف أنه لا يتم تركيبه بالتوكيل .
ومعاليك تنصح بأدريان وبالمناسبة أدريان قريب مني جداً ( الهرم ).
بس الإخوة الأعضاء هنا بيشكروا في محل في أكتوبر إسمه أوبشن وبيعمل تخفيضات للأعضاء ( فهل ممكن أركب عنده ولا كهربة السيارة والكمبيوتر الخاص بها معقد وبلاش أجازف وخليني مع أدريان ) .
مع وافر الشكر والإحترام لشخصكم الكريم .

هو التوكيل بينصح بمراكز أدريان علشان عارفين العربية كويس واتعاملوا معاها كتير ، ولو محل اوبشن بيركب علطول اجهزة انذار والفني عنده عارف العربية كويس يبقى مفيش مشاكل من التركيب عنده. ممكن حتى تسأله بالتليفون هل هم بيركبوا كتير ولا معظم شغلهم بيع فقط وهل ركبوا للانسر كتير قبل كده علشان تتطمن.

السلام عليكم
المهندس طارق
كل سنه وانت طيب كنت محتاج اعرف اللانسر البومة 1600 مصري اوتوماتيك بتاخد بنزين 90 ولا 92 لاني سالت في معرض مصرية في رمسيس فاجاب لوحطيت بنزين 92 هتاخد كل طاقة المحرك وبمتابعتي للمنتدي وجدت ان بنزين 90 بيخلي الصوت واطي والسحب كويس انا لسة هستلم السيارة ومش عارف احط لها اية وشكرا.
مهندس/ حسام

المشكلة عندنا في مصر ان البنزين مش نقي كفاية ونسبة الاوكتين الحقيقية لو اتقاست في معمل بتطلع اقل من المعلن يعني الـ 92 اللي في معظم المحطات لو اتقاس بيكون 90
وعلى ذلك بالتأكيد بنزين 92 أفضل للعربيات ذات الحقن الاليكتروني من البنزين 90 (اللي هو لو اتقاس في معمل بيطلع 87 - 88) وذلك لحساسية النظام الاليكتروني.
وبعد ارتفاع سعر البنزين الأخير واستمرار فرق السعر بين 90 و 92 كما هو 10 قروش (185 - 175 قرش)اصبحت كلمة محطات موبيل حقيقية (العشرة قروش متستاهلش)

م.طارق والأعضاء المحترمين بعد التحية
رجاء الإفادة أنا معايا لانسر 1998 ونفسى أركبها سقف متحرك
هل فيه إمكانية ؟ وأين مراكز وورش التركيب فى مصر
وكام تكلفتها بالضبط ؟
على فكرة أنا من الإسماعيلية

انا مش هاقدر افيد حضرتك لأن في التوكيل مش بيتعمل اي حاجه اضافية ومش اصلية زي كده. ممكن تبحث في منتدى الكماليات اكيد هتلاقي فيه مواضيع كتير عن الموضوع ده

[nasr-eldeen]

[QUOTE=مصراوي جدا;601882]هو التوكيل بينصح بمراكز أدريان علشان عارفين العربية كويس واتعاملوا معاها كتير ، ولو محل اوبشن بيركب علطول اجهزة انذار والفني عنده عارف العربية كويس يبقى مفيش مشاكل من التركيب عنده. ممكن حتى تسأله بالتليفون هل هم بيركبوا كتير ولا معظم شغلهم بيع فقط وهل ركبوا للانسر كتير قبل كده علشان تتطمن.

ألف شكر يا معالي الباشا بس هو الأخ الأستاذ / كريم منير ركب عنده لسيارته تيوتا كرولا 2007 واللا اللانسر تختلف كتير ، أصل أنا عمري ما هسأل صنيعي بتعرف تعمل كذا ولا لأه وهيقول الحقيقة إلا من رحم ربي .
وآسف يا معالي الباشا على وجع الدماغ اللي مسببهولك .

[ihab]

صباح الخير يا باشمهندس طارق
يا ترى تكلفة تغيير رولمان بلى العجل الامامى ( قطع غيار + مصنعية ) للانسر كريستالة موديل 1999 يبقى كام و يأخذ وقت قد ايه

[mahmoud_mpc]

السلام عليكم ورحمة الله وبركاته
ازيك يا باشمهندس طارق باشا
احب اسأل حضرتك سؤال لو تسمح
كنت عملت موضوع عن الفرق بين لانسر 1600 خليجي ولا مصري
وتفضلت سعادتك بتوضيح العديد من النقاط لكن جائتني العديد من الردود التي توضح لي ان السيراتو او الالنترا افضل ان لم يكونا بنفس المستوى بتاع اللانسر 1600 لذا انا اولى بفرق السعر خاصة ان الاخيرتين بهما اوبشن اعلى؟
سؤال تاني هل يوجد في مصر لانسر خليجي 1600 فيه فرامل Abs؟ وفين ألاقيها؟
وتفضل بقبول وافر الاحترام والتقدير

د/محمود مصطفى

[hishamkenawy]

مشكلة الكهرباء فى لانسر كريستالة

صباح الخير يا اعظم مهندس فى الدنيا
انا معايا لانسر كريستالة بيحصل فيها حاجة غريبة لما السخان يفصل وبرضو امبير الحرارة بيكون وصل للوضع المعتاد لزم العربية توطى شوية عن الحد الطبيعى وبعد شوية ترجع تعلى شوية وتبقى تمام وعلى مااجى اخلص المشوار الاقى العربية عليت شوية ولو بطلت العربية اجى ادور تدور بس تبقى واطية شوية لو دوست بنزين ترجع تعلى مش فاهم لية
واحيانا لو سبت العربية حوالى 20 دقيقة واجى ادور مش بدور من اول مرة لزم ادوس على بدال البنزينمع العلم جايب بوجيهات جديدة من التوكيل وفلترهواء وبنزين وظابط الموتور فى التوكيل ومنظف الكربايتير بالاسبراى ارجو الافادة واسف على الاطالة

[ahmed_nbe]

السلام عليكم ورحمة الله وبركاته
ممكن لو سمحت كان لى سؤال صغير منين ممكن اشترى منفاخ للعجل واشترى شبكه اللى بتتحط على السقف انا عندى لانسر بومه 2009 هل يوجد مركز لبيع هذه الأشياء واكسسوارات أخرى يتبع توكيل لانسر وما اسعارهم
سمحت لى سؤال آخر عندى فى اللانسر حصل فرق بين الاكصدام الخلفى والفوانيس هل هذا يتبع الضمان وما هى تكلفه ردها؟ وهل ممكن اعملها فى أى مكان آخر بسهوله ؟

[anassarhan]

ارجو منك يا استاذ طارق ايضاح لى موضوع البلوتوث فى اللانسر 2009 هل يوجد فعلا وهل يوجد نظام النافيجاشين ام لا لانى سمعت ان هذه الاشياء غير موجوده واذا كانت موجوده ففى اى فئه؟

[مصراوي جدا]

صباح الخير يا باشمهندس طارق
يا ترى تكلفة تغيير رولمان بلى العجل الامامى ( قطع غيار + مصنعية ) للانسر كريستالة موديل 1999 يبقى كام و يأخذ وقت قد ايه

صباح النور - معلش متأخرة
بلية العجل الواحدة في حدود 350 جنيه وتكلفة تغييرها 90 جنيه للواحدة بالاضافة الى ضريبة المبيعات 10%

السلام عليكم ورحمة الله وبركاته
ازيك يا باشمهندس طارق باشا
احب اسأل حضرتك سؤال لو تسمح
كنت عملت موضوع عن الفرق بين لانسر 1600 خليجي ولا مصري
وتفضلت سعادتك بتوضيح العديد من النقاط لكن جائتني العديد من الردود التي توضح لي ان السيراتو او الالنترا افضل ان لم يكونا بنفس المستوى بتاع اللانسر 1600 لذا انا اولى بفرق السعر خاصة ان الاخيرتين بهما اوبشن اعلى؟
سؤال تاني هل يوجد في مصر لانسر خليجي 1600 فيه فرامل Abs؟ وفين ألاقيها؟
وتفضل بقبول وافر الاحترام والتقدير

د/محمود مصطفى

بخصوص المقارنات بين العربيات انا دايما اقول اني ما اعرفش فيها وفيه قسم خاص للمقارنات في المنتدى فيه كل التفاصيل دي
بخصوص ABS في الخليجي فمش عارف فيه ولا لأ لأن ده اوبشن وممكن يكون موجود في بعضها وبعضها لأ

كذلك العربية اللي فيها ABS موجودة فين برضه مش عارف لأن الموضوع محتاج بحث في المعارض - يعني ممكن تبحث بالتليفون في كل المعارض اللي بتعرض في ملحق السيارات في اهرام الجمعة واخبار اليوم السبت

صباح الخير يا اعظم مهندس فى الدنيا
انا معايا لانسر كريستالة بيحصل فيها حاجة غريبة لما السخان يفصل وبرضو امبير الحرارة بيكون وصل للوضع المعتاد لزم العربية توطى شوية عن الحد الطبيعى وبعد شوية ترجع تعلى شوية وتبقى تمام وعلى مااجى اخلص المشوار الاقى العربية عليت شوية ولو بطلت العربية اجى ادور تدور بس تبقى واطية شوية لو دوست بنزين ترجع تعلى مش فاهم لية
واحيانا لو سبت العربية حوالى 20 دقيقة واجى ادور مش بدور من اول مرة لزم ادوس على بدال البنزينمع العلم جايب بوجيهات جديدة من التوكيل وفلترهواء وبنزين وظابط الموتور فى التوكيل ومنظف الكربايتير بالاسبراى ارجو الافادة واسف على الاطالة

شكرا يا باشا على كلامك الجميل .. العظمة لله وحده
انا سألت المهندس عبد الجليل ورد بالآتي :

المشكلة هنا تكمن في الآتي تدريجيا :
1- مراجعة ضبط المحرك على الجهاز
2- مراجعة ضبط مجموعة التشوك على البارد والساخن
3- احتمال وجود خلل في مجموعة التشوك وفي هذه الحالة لابد من تغييرها ولكنها غير متوفرة الآن بالشركة حيث أن ثمنها غالي وهي تكون ضمن الكربراتير أي يفضل شراء كربراتير جديد أفضل من شرائها جديدة لوحدها
4- تنظيف الكربراتير خارجيا بالاسبراي لا يحل المشكلة

السلام عليكم ورحمة الله وبركاته
ممكن لو سمحت كان لى سؤال صغير منين ممكن اشترى منفاخ للعجل واشترى شبكه اللى بتتحط على السقف انا عندى لانسر بومه 2009 هل يوجد مركز لبيع هذه الأشياء واكسسوارات أخرى يتبع توكيل لانسر وما اسعارهم
سمحت لى سؤال آخر عندى فى اللانسر حصل فرق بين الاكصدام الخلفى والفوانيس هل هذا يتبع الضمان وما هى تكلفه ردها؟ وهل ممكن اعملها فى أى مكان آخر بسهوله ؟

بخصوص الجزء الأول من السؤال فمنفاخ العجل وشبكة السقف غير موجودين في التوكيل ويمكن شراؤهم من محلات الاكسسوارات ، يوجد بالتوكيل بعض الاكسسوارات للانسر الشارك اما البومة فاكسسواراتها الأصلية غالية مثل لمبات الشبورة (الواحد حوالي 1600 جنيه) والسبويلر(حوالي 3000 جنيه)

بخصوص الجزء الثاني فقد فهمت ان ذلك نتيجة خبطة بسيطة او ما الى ذلك وده بيتبع التأمين وليس الضمان حيث أن الضمان هو ضمان على الأجزاء وقطع الغيارالميكانيكية والكهربية ضد عيوب الصناعة أما التأمين فهو يغطي الحوادث (كبيرة او صغيرة) وتلفيات الفوانيس والصاج (كبوت - رفرف) - عموما طالما هو مجرد فرق بين الاكصدام والفانوس فمن الممكن يكون الموضوع بسيط جدا انما لازم حد يعاينه ويحدد المطلوب عمله ايه فممكن حضرتك تعدي علينا في قليوب (المركز الرئيسي) او فرع جسر السويس والمهندس المسئول يعاين العربية ويقول ايه المطلوب والتكلفة هتكون كام

ارجو منك يا استاذ طارق ايضاح لى موضوع البلوتوث فى اللانسر 2009 هل يوجد فعلا وهل يوجد نظام النافيجاشين ام لا لانى سمعت ان هذه الاشياء غير موجوده واذا كانت موجوده ففى اى فئه؟

البلوتوث أو نظام تشغيل السيارة بدون مفتاح موجود في اللانسر الشارك سبورت أما نظام النافيجاشن فهو غير متاح في مصر وبالتالي كل العربيات بتنزل من غيره

[mgk_tex]

السام عليكم
انا يا بشمهندس عايز اعمل صيانه ال 80 انا عربيتى بومه 1600 اوتوماتك كنت عايز اعرف هتاخد كام وقت على شان انا بعيد 500 كم من القاهره على شان احدد هنزل امتى وشكرا مهندس طارق

[مصراوي جدا]

السام عليكم
انا يا بشمهندس عايز اعمل صيانه ال 80 انا عربيتى بومه 1600 اوتوماتك كنت عايز اعرف هتاخد كام وقت على شان انا بعيد 500 كم من القاهره على شان احدد هنزل امتى وشكرا مهندس طارق

هي هتاخد وقت حوالي 4 ساعات ويفضل الحضور يوم الحجز بدري من الساعة 8
شوف حضرتك تحب تيجي امتى واحجز لك ويفضل بلاش يوم سبت لأنه بيكون زحمة جدا

[haythoomatos]

السلام عليكم.... انا معايا لانسر بومة 1300 سىسى مانيوال خليجى موديل 2008 .... العربية فيها شوية سمكرة بسيطة و عاوز اغير المراية الشمال .. و لأنى هعملها تبع التأمين... اتصلت ببتاع التأمين...قالى روح اعمل مقايسة تصليح و بعدين تعالى...روحت المركز بتاع عبد الخالق ثروت قالى روح احسن للمركز اللى فى طريق قليوب.... روحت المركز اللى فى طريق قليوب الكيلو 17 لقيت الراجل بيقولى هتسيب العربية و تيجى تاخدها بعد يومين او تلاتة !!!!!!!! ده كله علشان اعمل مقايسة...يعنى مش هصلح لسه... دى مجرد مقايسة مش هتاخد ربع ساعة... و بعدين الراجل اللى هناك لقيته بيقولى لما تسيب العربية و انت ماشى خد معاك الكاويتش الستبن و الولاعة و العدة و الشنطة و الكوريك و اى حاجة ممكن تتشال خدها معاك؟؟؟؟؟ علشان هتتسرق...!!!!! انا مش عارف معاملتكو وحشة كده ليه.... امال لو هصلح بقى...هاخد العربية بعد شهرين؟؟؟

[mgk_tex]

الف شكر يا بشمهندس على الرد السريع وياريت حضرتك تقولى صيانه التمانين هتكلف كام وايه اللى هيتغير وشكرا