أنت تسأل وإسـتـشـارى منتدى متسوبيشى يجيب

[MohabSaeed]

[QUOTE=مصراوي جدا;565679]سألت مخزن قطع الغيار وقالوا ان السير الأصلي صناعة ياباني وماركة ميتسوبيشي وممكن تجيب القديم ونشوفه على الموجود

افادك الله يا بشمهندس طارق , الف شكر على تعبك و ردك على استفسارى . انا كان يهمنى اتأكد انه يابانى مش تايلندى زى الموجود فى السوق , و حضرتك اكدتلى المعلومه ديه .
ان شاء الله حشترى الطقم من مركز قطع الغيار الى فى شارع السودان .

[ahmed_bq]

سؤال للمهندس طارق
ممكن حضرتك تقولي سعر دراع المساحات في الكريستاله بكام في التوكيل؟
وممكن برضو تقولي سعر موتور المساحات بكام بردو؟

[مصراوي جدا]

سؤال للمهندس طارق
ممكن حضرتك تقولي سعر دراع المساحات في الكريستاله بكام في التوكيل؟
وممكن برضو تقولي سعر موتور المساحات بكام بردو؟

سعر دراع المساحة للكريستالة 150 ج + 10%
سعر ريشة المساحة 66 ج + 10%
سعر موتور المساحات 1000 ج + 10%

[mohamedway]

السلام عليكم يا بشمهندس طارق
انا عربيتى لانسر موديل 2006 1600 سىسى مانوال و عندى مشكله فنيه فى الدبرياج و العربيه عامله 68000 كم . خرجت من الضمان من 8000 كم فاتت.

أولا العربيه ما فيهاش أى مشاكل فى الأداء وأنا اختبرت الدبرياج بأنى عشقت الغيار الخامس و العربيه واقفه و شديت فرامل و رفعت الrpm لغايه 6000 و رفعت رجلى من على الدبرياج مره واحده و اللى حصل انه الموتور اتكتف جامد و بطل.

ثانيا مفيش اى أصوات غير طبيعيه ناتجه عن الدوران و مفيش صوت للبليه اثناء الضغط على الدبرياج و عدم الضغط عليه أيضا.

المشكله بقه هى انى وانا بادوس على دواسه الدبرياج(حتى ولو العربيه مبطله) بأسمع صوت تزييق و طقطقه زى ما تكون سوسته دأره فى حاجه و بتريح و بأحسها فى صوره عضه خفيفه فى دواسه الدبرياج مع العلم ان دواسه الدبرياج ما زالت ناعمه تحت رجلى و الموضوع ده باحسه على خفيف و لكنه ملحوظ و الصوت ده ملحوظ جدا لو واقف فى منطقه هاديه و بيبان اكتر لو مبطل المحرك.

دلوقتى انا هقول لحضرتك الاحتمالات اللى أنا فكرت فيها يمكن تساعد فى تكوين رأى سليم:

1- شكيت أول حاجه فى ماستر الدبرياج العمومى اللى تحت رجلى انه يكون فيه حاجه عامله التزييق و الخشونه ده و لكنى لما وريتها لميكانيكى أثبتلى ان الخشونه و الصوت ده جايين من عند الديسك و الاسطوانه لما حرك الفرش بعيدا عن الماستر.

2-الصوت ده كده مش هيخرج عن 3 حاجات هى الفرش نفسه أو البليه أو الديسك نفسه وانا عن نفسى مستبعد الفرش لأنى اكتشفت ان ما فيهوش سسوسته ترد البليه عن الديسك زى العربيات اللى الدبرياج فيها بنظام الواير(وممكن تكون هى السبب) و الميكانيكى زيتلى الجزء اللى بيرتكز عليه الفرش من بره بعد ما شال كاوتشه التراب اللى على الفرش و ما حصلش تحسن و الميكانيكى قالى ان الصوت ده غالبا من سوسته الديسك نفسه خصوصا انه لاحظ بودره تيل كتيره جوه الحله بتاعه الفتيس و ممكن تكون هى اللى مخشنه حركه سوسته الديسك و على فكره العيب ده ما بيظهرش و العربيه بارده أبدا و لازم تسخن عشان تبتدى تحس بالمشكله!!!!!! بس اللى مخوفنى بقه ان الميكانيكى قالى انه فيه احتمال تكون ريشه من ريش سوسته الديسك اتكسرت و هى السبب و كان عاوز يحل الفتيس بس انا ما رضيتش لان العربيه ما اتفكش فيها حاجه قبل كده بالحجم ده و تعتبر لسه جديده و 68000 كم قليل قوى على عربيه يابانى ان يحصلها حاجه فى الدبراج (مع العلم انى باستخدم الدبرياج صح و مش بحمل رجلى عليه وانا ماشى أبدا) لأن الميكانيكى سألنى السؤال ده!!!!!!!

انا اللى مطمنى شويه ان مفيش حاجه اتكسرت ان و العربيه بارده المشكله مش موجوده نهائى و لو فيه حاجه مكسوره هتبقه ظاهره فى كل وقت و الموضوع مرتبط بمعامل احتكاك حاجتين مع بعض المعامل ده بيزيد مع زياده درجه الحراره (خصوصا لو البودره فعلا هى السبب)

المهم انا عاوز اعرف رأى المهندس عبد الجليل اذا كان العيب ده معروف أو متكرر بالنسبه له أو نادر و لو الحل مجرد نضافه للبودره اللى جوه الموضوع ده يتم ازاى من غير فك الفتيس و لو فيه احتمالات خطوره فى الموضوع أو تشخيص آخر يا ريت تقوللى.

[samehlow]

استاذنا العظيم الفاضل استاذ طارق
كل سنة وحضرتك طيب
انا عندي سيارة لانسر 2001 ونظرا لارتفاع اسعار البنزين 90و 92
ابتديت احط بنزين 80 ليها
بعد ما عرفتها انها كربرتير عادي وليس انجيكشن
فهل دة ممكن ياثر علي اي حاجة في العربية
واية هي اضرارة وشكرا

[ayman0200]

تغير الزيت والصيانة

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلهازيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان
شكرا

[gamal1b]

لدى لانسر 2006 وهناك شىء غريب لاحظته وهو عندما احرك الدريكسيون يمين او شمال والسيارة متوقفة صوت المحرك يرتفع ومؤشر الrpm يرتفع الى1.3 كذلك عند الضغط على بدال الفرامل اكثر من مرة يحدث نفس الشىء علما ان السيارة عاملة 23500 ك وانا منتظم في مواعيد الصيانة وارجو المساعدة في هذه المشكلة ولكم جزيل الشكر.

[mohamedway]

لدى لانسر 2006 وهناك شىء غريب لاحظته وهو عندما احرك الدريكسيون يمين او شمال والسيارة متوقفة صوت المحرك يرتفع ومؤشر الrpm يرتفع الى1.3 كذلك عند الضغط على بدال الفرامل اكثر من مرة يحدث نفس الشىء علما ان السيارة عاملة 23500 ك وانا منتظم في مواعيد الصيانة وارجو المساعدة في هذه المشكلة ولكم جزيل الشكر.

هذا طبيعى جدا و لو عربيتك معملتش كده يبقه فيها حاجه غلط.

[ahmedel_rayies]

أداء عربيتى سيء سيء سيء سيء إلى مالا نهاية

السلام عليكم ورحمة الله وبركاته
أولا أحب أشكركم كلكم على المجهوات الرائعة فى هذا المنتدي خاصة م/ طارق زويل.
وكل عام وأنتم بخير ويارب تكون سنة سعيد عيلنا جميعا إن شاء الله.

أنا بقى عندي مشكلة كبيرة جدا فى عربيتي لانسر 1600 أوتوماتيك موديل 2008 وهيا إن الأداء بتاعها أصبح لايطاق السحب والتسارع بتاعها يعنى مش عارف أقول إيه حتى إنى أوقات مش بقدر أشد فى الطريق أمام عربيات شاهين تخيلوا...

أنا دلوقتى عشان أبقى ماشى على 100 لازم ال RPM يبقى على 2.5 ولو عايز أشد أكتر بعد 3.5 فى ال RPM وحلنى بقى على ما العربية تجيب 140 داه على الأكثر طبعا، وكمان بقى إما بكون طالع مطلع بلاقى ال RPM بيعلى جدا والسرعة بتنزل زي ماتكون العربية بتحارب عشان تطلع ( بالظبط ببقى ماشى على 110 وال RPM على 2.5 أول ما أجي على مطلع فى الطريق العربية بتبقى على 90 وال RPM بيبقى على 3.5 ).

ياريت تنصحونى لأنى أنا روحت التوكيل فى قليوب مرتيين ومفيش أى تغيير وكمان إشتكيت موضوع السحب داه فى صيانة ال 40 ألف وقالولى إنها إتظبطت ولكن روحتلهم تانى بعد إسبوع وبردوا مفيش جديد.
على فكرة أداء العربية إتحسن سنه صغير لما بقيت أحط بنزين من بنزينات وطنية.

هل من حل فى موضوع التسارع والسحب داه؟!!!

صحيح بصراحة بحس إنى راكب عربية زيستافا إما بكون ماشى ويعدي من جنبى عربية إلنترا ولا بقدر أعمل معاه حاجه خالص على الطريق

وشكرا وكل عام وأنتم بخير

[ahmedel_rayies]

منظف دورة الوقود

السلام عليكم ورحمة الله وبركاته

م/ طارق

تحية طيبة لسيادتكم،

حبيت أن أسأل عن منظف دورة الوقود من ميتسوبيشى، فإنة غير متوفر بإستمرار وكل ما أروح أعمل صيانة أسأل عليه يقولولى خلص. روحت حتى الأن حوالى 7 مرات التوكيل فى قليوب ومش بلاقية. هل من الممكن إن الطلبيات بتاعته تزيد فى الكميات ولا أعمل إيه عشان أجيب أنا عملت 5 صيانات حتى الأن ومستخدمتوش ولا مرة بسبب عدم توفرة الدائم.

وشكرا لسيادتكم.

[ahmed_bq]

ممكن يا استاذ طارق تعرفلي عوامة البنزين بتاع الكريستاله تمنها كام في التوكيل؟

[mohamedway]

السلام عليكم ورحمة الله وبركاته

م/ طارق

تحية طيبة لسيادتكم،

حبيت أن أسأل عن منظف دورة الوقود من ميتسوبيشى، فإنة غير متوفر بإستمرار وكل ما أروح أعمل صيانة أسأل عليه يقولولى خلص. روحت حتى الأن حوالى 7 مرات التوكيل فى قليوب ومش بلاقية. هل من الممكن إن الطلبيات بتاعته تزيد فى الكميات ولا أعمل إيه عشان أجيب أنا عملت 5 صيانات حتى الأن ومستخدمتوش ولا مرة بسبب عدم توفرة الدائم.

وشكرا لسيادتكم.

أحسن انه مش موجود لأنه مش هيفيدك فى حاجه و عربيتك مش محتاجاه فى حاجه و أصلا المنظفات ده اشتغالات ولو دوره الوقود عندك فيها حاجه هتلاحظه فورا فى أداء العربيه و الحل ساعتها مش هيبقه المنظف و لكن هيكون بالفك و التركيب و عمل صيانه (بل بالعكس بيبقه فيه مواد كيماويه ممكن تعجل بتآكل اجزاء داخليه فى دوره الوقود و الرشاشات و الكلام ده حتى بيبقه مكتوب على العلبه بطريقه غير مباشره بأنه بيحذرك من كثره استخدامه بدون داعى) وأصلا مفيش داعى لاستخدامه و كفايه على دوره الوقود الفلتر العبقرى(طبعا باتريق) اللى ب450 جنيه ممكن لو مسدود أو بقاله كتير تغيره و هتدفع مالا يقل عن 500 جنيه فى التوكيل.

[ayman0200]

إستاذى الفاضل المهندس طارق السلام

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلها زيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان
شكرا

[ihab]

صباح الخير يا باشمهندس طارق و كل سعام و انت بخير
يا ترى تكلفة تغيير رولمان بلى العجل الامامى ( قطع غيار + مصنعية ) للانسر كريستالة موديل 1999 يبقى كام

[mero26]

السلام عليكم ورحمة الله وبركاته
أولا أحب أشكركم كلكم على المجهوات الرائعة فى هذا المنتدي خاصة م/ طارق زويل.
وكل عام وأنتم بخير ويارب تكون سنة سعيد عيلنا جميعا إن شاء الله.


هل من حل فى موضوع التسارع والسحب داه؟!!!

صحيح بصراحة بحس إنى راكب عربية زيستافا إما بكون ماشى ويعدي من جنبى عربية إلنترا ولا بقدر أعمل معاه حاجه خالص على الطريق

وشكرا وكل عام وأنتم بخير

باشمهندس احمد عربيتى كانت زيك لغاية ما عملت صيانة ال 40000 وغيرت زيت الجيربوكس و البوجيهات بقت كويسة اما بالنسبة للطلعات تلاقى ال rbm يعلى فهذا عشان العربية تحافظ على سرعتها وده طبيعى بس مش الطبيعى ان السرعة تقل كده فى حاجة بالنص بين الموتور و الجيربوكس غلط وجرب تثبت ال rbm على 2.1 عندى بتوصل السرعة 100 ولو rbm 3.2 توصل 135 وبالنسبه للمنظف انا جربت من امارات مصر حاجه اسمها carbmedic وده انا حسيت انه عمل تاثير بس تحطه على 20 لتر بس و تطلع مشوار طويل تمشى على 100 لمدة.باشا اللانترا عملالى عقدة نفسية دى بتمشى 180 مرتاحة يا ريس ياما شفت منها على الطريق و انا على 170 بس سقط ds وانت على 80 واحرق و بعدين اديها d ممكن بس مش اكيد تحرق الانترا فى اول السرعات تحت 100 بس

اخوك/ م/ماهر علام