أنت تسأل وإسـتـشـارى منتدى متسوبيشى يجيب

[مصراوي جدا]

تكلفة صيانة الـ 80 ألف كالتالي :

- الصيانة ميكانيكا وكهرباء 120 ج
- زيت موبيل (1) 210 ج
- فلتر زيت 50 ج
- بوجيهات 88 ج
- فلتر هواء 160 ج
- فلتر بنزين 413 ج (يجب تغييره كل 40 ألف كيلو)
- زيت أوتوماتيك 234 ج
- سير باور 88 ج
- سير دينامو 66 ج
- سير كاتينة 198 ج
- بلية شداد 237 ج
- اويل سيلات 72 ج
------------
يضاف 10 % ض.م

[مصراوي جدا]

السلام عليكم.... انا معايا لانسر بومة 1300 سىسى مانيوال خليجى موديل 2008 .... العربية فيها شوية سمكرة بسيطة و عاوز اغير المراية الشمال .. و لأنى هعملها تبع التأمين... اتصلت ببتاع التأمين...قالى روح اعمل مقايسة تصليح و بعدين تعالى...روحت المركز بتاع عبد الخالق ثروت قالى روح احسن للمركز اللى فى طريق قليوب.... روحت المركز اللى فى طريق قليوب الكيلو 17 لقيت الراجل بيقولى هتسيب العربية و تيجى تاخدها بعد يومين او تلاتة !!!!!!!! ده كله علشان اعمل مقايسة...يعنى مش هصلح لسه... دى مجرد مقايسة مش هتاخد ربع ساعة... و بعدين الراجل اللى هناك لقيته بيقولى لما تسيب العربية و انت ماشى خد معاك الكاويتش الستبن و الولاعة و العدة و الشنطة و الكوريك و اى حاجة ممكن تتشال خدها معاك؟؟؟؟؟ علشان هتتسرق...!!!!! انا مش عارف معاملتكو وحشة كده ليه.... امال لو هصلح بقى...هاخد العربية بعد شهرين؟؟؟

للأسف يا استاذ هيثم نظرا لكثرة الحوادث ففيه قائمة انتظار طويلة في الاصلاح (السمكرة والدهان بالتحديد) ، وبخصوص الحاجات اللي في العربية المفروض فيه قسم للأمانات بتترك فيه الحاجات دي مش لازم تاخدها معاك.

عموما قول لي تحب تيجي امتى وباذن الله المقايسة متاخدش وقت

[mgk_tex]

السلام عليكم
ازيك يا بشمهندس طارق انا إن شاء الله نويت اعمل صيانه الثمانين للعربيه بتعتى ولو حضرتك تقدر تحجزلى على يوم الحد إن شاء الله على شان انا هكون فى القاهره الوقت ده (انا من اسيوط) لو حضرتك فيه نمرت تلفون نقدر نحجز منها مفيش مشاكل وشكرا يا بشمهندس على تعبك معانا

[مصراوي جدا]

تم الحجز وفي انتظار حضرتك في قليوب غدا الأحد ونرجو الحضور بدري على قدر المستطاع

[mgk_tex]

الف شكرا يا بشمهندس
وبكره الصبح إن شاء الله اوكون عندك ولو حضرتك تؤمر باى حاجه من اسيوط اجبهالك معايا

[mgk_tex]

ورقم العربيه هو 492852 ده على شان تأكيد الحجز وشكرا مره تانيه يا بشمهندس

[kareemhisham]

يا جماعة انا شوفت اعلان فى الجرنال فيه ال شارك الاوتوماتيك ب123000 فهل الكلام ده صحيح ؟؟

[مصراوي جدا]

حضرتك اتصل بيهم واسألهم بس ده مش سعر التوكيل انما انا ملاحظ فعلا في ملحق السيارات ان فيه معارض خفضت اسعارها

[walidmamdouh]

تحياتي يلبشمهندس عندي استفسار تغير زيت فتيس الاتوماتيك لانسر2008ش الاقديم 1300س س كل كام الاف

[walidmamdouh]

[مصراوي جدا]

تغيير زيت فتيس الاوتوماتيك كل 40 ألف كيلو متر

[مهندس_حسام حسين]

مهندس/طارق زويل
السلام عليكم
استلمت اليوم اللانسربومة 1600من جهاز الخدمات (بدء التسليم من اليوم و فية تسلييم لل1500 ايضا لانني كنت قرات ان فية زملاء فبي المنتدي بتستفسر عن الاستلام ووجدت ان التسليم في مخازن الجهاز وليس من قليوب للجميع)المهم اردت توصيل الكاسيت لانها بدون كاسيت وجدت الجاك واحد ومختلف عن جاكات الكاسيت اللي انا جايبة (عدد 2 جاك)فاين اجد دليل الاطراف للجاك الموجود في السيارة .
سؤال ثاني ماهي اقصي سرعة في حالة التليين؟ وشكرا جزيلا.

[nasr-eldeen]

معالي الباشا طارق بك
قمت بتركيب زجاج الباب الأمامي عندكم في التوكيل والكلام ده كان من حوالي 3أسابيع ولكن اليوم وأنا برفع الزجاج سمعت صوت إحتكاك أعتقد إنها قطعة زجاج مكسورة تحتك بالزجاج في الصعود والنزول .
وأعتقد ده نتيجة غلق وفتح الباب تحركت قطعة الزجاج الى هذا الوضع فهل لو أنا قفلت الباب أكثرمن مرة بقوة بعض الشئ لتسقيط هذه القطعة من مكانها فيها ضرر ولا الأفضل أجيب السيارة التوكيل ويتم تنظيف الباب من الداخل ؟

[ayman0200]

السلام عليكم ورحمة اللة وبركاتة

إستاذى العزيز المهندس طارق أرجو من حضرتك معرفة إستهلاك البنزين فى عربية شارك 2008 وما هى الاكسسوارات للانسر الشارك 2008 فى التوكيل وما هى الأسعار وشكرا كثيرا

[faresfors]

ازيك يا باشمهندس طارق..انا انهاردة استلمت الحمدلله لانسر شارك من جهاز الخدمات مع الباشمهندس حسام حسين وكانو قايلين ان الاستلام حيكون من قليوب ولكن فوجئنا كلنا ان الاستلام حيكون من الهايكستب وروحنا فعلا استلمنا بس فالحقيقة استغربت من حاجة وهى ان العربية نازل فيها ابانوس وانا مكنتش شوفت قبل كدة ابانوس فسيارات التوكيل خالص والسيارات الخليجى فقط هى اللى بتنزل بابانوس والسيارة طبعا نازلة بزجاج فامية فكنت عاوز اعرف من حضرتك تفسير الابانوس اللى نزل مع السيارات دة وهل كدة ممكن تكون السيارات مواصفات خليجى وليست مواصفات مصرية ولا اية الموضوع ؟ السيارة سبورت اعلى فئة وشكرا لحضرتك ولجميع الاعضاء