سوقت هوندا سيفيك 2010 أمبارح وكانت المفاجأة

[ahmedeihab]

100% :)

صح ... اهم حاجة تبقى هوندا !

بلاها هوندا علشان عملالكوا عقده

خلينا فى المتسوبيشى ولا اقولك لاء

خليكوا فى التويوتا ولا اقولك لاء لاء لاء

خليكوا فى النيسان بردو لاء لاء لاء لاء تقال عليكوا دول

مش عارف اقولك خليكوا فى ايه

^_^

[CryptonX]

بلاها هوندا علشان عملالكوا عقده

خلينا فى المتسوبيشى ولا اقولك لاء

خليكوا فى التويوتا ولا اقولك لاء لاء لاء

خليكوا فى النيسان بردو لاء لاء لاء لاء تقال عليكما دول

مش عارف اقولك خليكوا فى ايه

^_^

لا الحمد الله انا مش عبده ماركة ... انا لا بقدس ماركات ولا بستقتل علشان بلاد !

انا من سنين كنت راكب فيات علشان كانت في امكانياتي و عايز حاجة في الحجم ده لاحتياجاتي ...
وقبلها كنت بسوق كورولا ! و العربية الي اتعلمت عليها سواقة بونتياك بونفيل !
وحاليا معايا هيونداي ! وكمان 5 سنين - 6 ان شاء الله لو فكرت اغير ...
حشوف برده احتياجاتي ايه و امكانياتي ايه و اشتري ... ولا تفرق معايا بقى ... جات هوندا جات هيونداي تاني جات bmw اهلا وسهلا !

دي سلعة معمرة ! مش منهج حياة يعني بالنسبة لي :)

[SAMEH_FOUAD]

لا فعلا بس لما اركب عربية ب 70 الف جنيه موديل 90 متلحمة في بعضها و عاشر يد .. .بس لمجرد انها بتجري او لمجرد انعا تحمل علامة مصدية لماركة مشهورة ... ابقى كدة انا في الامان ..

loooooooooooooooool

لأ ياباشا انا اختلف معاك كليا

انت بتقول موديل 90 وب70 الف جنية , ماشى ومتلحمة دية بقى اللى مش ماشى لان العربيات ى مافى وحش فية بردة نظيف , دور هتلاقى كل حاجة لان الناس كلها مش زى بعض فية اللى بيحب يحافظ على حاجتة وفية اللى مش بيحب يحافظ عليها وبيهملها

ومين قالك لمجرد انها بتجرى , ياجماعة هو انتوا تفكيركوا لية واقف عند النقطة دية

معلش انا ممكن اركبك عربية موديل 1995 مش هتحس انها قديمة ابدا وعدى عليها كل دة
وهية دية الاعتمادية

حضرتك عارف ان كان تمن الهوندا سيفيك 1994 si بكام كانت ( ب 144 الف جنية ) كاملة فول اوبشن فى مقابل ان اغلى شركة يابانية كان تمنها لا يتعدى ال85 الف جنية , دة معناة اية ان الشركة مابتهزرش عاملة عربية ضعف تمن العربيات الاخرى لتثبت مدى تفوقها وقوتها فى كل شىء ( محرك وثبات واعتمادية )

انت لو بصيت كدة لشكل السيفيك 1994 شكل الالنسر والتويوتا و النيسان والهيونداى - الجولف - الاوبل ) هية دية الهوندا

الهوندا لحد دلوقتى موديل 1993-1995 لو حضرتك ركبتها قبل كدة هتلاقى الاتى ( ناااااااااااااعمة جدا - ثابتة جدا - محركها قوى - وابشن كلة شغال بكفاءة عالية ( فتحة سقف وتكييف - ووحدة تحكم كنترول فى الاربع ابواب - اربع مرايات كهرباء وفية منها ضم - انوار عدادت - اشارات - سخانات - حتى التابلوة بحالة ومسند اليد جلد بردة بحالة , جلد الفتيس بحالة ولا اتقشر ولا اى حاجة , فرش الارضية موكيت ولا اتقطع او اتهرى هية دية الهوندا ياباشا
واكتر هوندا هتلاقيها موجودة للبيع 4 يد مافيش عاشر يد ولا حاجة لية هو بيبيع موبايل

علامة الهوندا مش بتصدى لانها كروم , وماينفعش تصدى لان لحد دلوقتى ثابتة نفسها فى السوق وبضمان واعتمادية واديك شايف عربية موديل 1994 نمنها تمن موديل عربية 2007 فى السعر واقل عشرة الاف جنية عن موديلات 2010 واحيانا اغلى منهم كمان

ودة من مش فراغ على فكرة بس فعلا كل اللى بيركب العربية بيحلف بيها وبيحبها جدا

الواحد كل ماهو ماشى بيقول المعوذتين من نظرة الناس لية وكل الهيونداوية كلهم كدة جديد وقديم لانها عربيات ماسكة نفسها , تصميمها سابق عصرها والله انا اى حد بيسألنى يقولى هية عربيتك 2004 ولا 2005 , هاتلى بقى حد يقول على عربية كدة

عيب الهوندا القاتل ( ان لازم يكون اللى راكبها فاهم يعنى اية هوندا وانها مش عايزة اى عك واى واحد يصلحها ودة عيب فعلا بس انا عن نفسى امان انى اديها لواحد متخصص ولا عشرة مابيفهموش فيها

لما تبقى ماشى على 180 وتفرمل فجأءة والعربية تمسك فى خط مستقيم ولا تحدف شمال ولا يمين ولا تتهز حتى كدة امان - لما تاخد غرز على 170 و 180 مقفولة يبقى كدة امان - لما تجيب سرعات عالية وكل ماتعلى بالسرعة تلاقى العربية بتتغط لتحت كدة امان

[bassol2000]

Boo

[محمد-علام]

لا فعلا بس لما اركب عربية ب 70 الف جنيه موديل 90 متلحمة في بعضها و عاشر يد .. .بس لمجرد انها بتجري او لمجرد انعا تحمل علامة مصدية لماركة مشهورة ... ابقى كدة انا في الامان ..

Loooooooooooooooool

يا باشا العلامة المصدية اللي بتتكلم عليها دي كروم كلها.... يعني مابتصديش.... مش زي علامتكم ...هاهاها...قشرة

باقولك ايه يا كبيير ....ولا بلاش كبيير دي
بص يا بونبييه أنا مش حتكلم كتيير ....العربية اللي بتتكلم عليها بـ 70000 جنيه دي واللي إنت بتقول عليها مصدية ......أنا بقى حقارنها بـ الهيونداي كلها في نفس واحد
أنا عارف طبعا إنك بتتكلم على الهوندا من موديل 92 لحد 94 ...وده علشان نعرف نقارنها بالهيونداي على أساس إن أول تصنيع للهيونداي ابتدا تقريبا من نفس الفترة .....علشان لو عملنا مقارنة من التمانينات ...حنقول إن هيونداي معملتش غير عربية اسمها bony مبتمشيش غير بربطه كرات على توم مندي علشان تعرف تشم نفسها ....طبعا أنا مش حتكلم عن الهوندا في التمانينات علشان العربية مش محتاجة كلام عليها



تعالى بقى في التسعينات .....أول عربية نزلتها هيونداي كانت ال excel و للي كانت نزلت وكان سعرها ساعتها مش عارف 30000//40000//50000 مش عارف حاجة كده
وطبعا نزلتها علشان عااااااامة الشعب يركبوها خاصة بعد ماعرفوا إن هوندا منزلة ال civic وكانت موديل 92 بكاام بقى يا حبيبنا ...بـ 140000 جنيه ...وساعتها كان الدولار بـ 3 جنيه وبعدها نزلت civic sir بـ 160000 جنيه علشان تدلع حبايبها
وطبعا الناس لما شافوا العربية ...اتواهامو منها ...بس مش كل الناس كانوا اد سعرها ...لإن طبعا هيونداي نازلة للناس اللي على اد حالهم ""الشعبييين يعني """


فطبعا كل الناس ابتديت توحكاها في الهوندا ....فراحت واشتريت هيونداي ....على أساس إن الحرف يعني ها ...قريب من ال H ....الناس قالت معلش الحرف نايم شوية وفي الهوندا قايم على حييلوه ....بس صدقني المثل الوحيد اللي اتقلب دلوقتي ومينفعش يتعدل تاني في حالتنا دي
""""الإنصااص نامت والأوالب قاامت """""
مش عايزك تزعل مني احنا بنتكلم .....على فكرة احنا ك هونداوياه لما بنتكلم بنتكلم مع بعض ودايما منغلقين على نفسنا علشان احنا عارفين نفسنا ولما عربياتنا بتنزل الشارع بتعمل ايه ...فـا مش بنحاول إن احنا نططفل على حد ....يعني مابنخشش اقسام تانية ونشووف الناس صحابها بيتكلموا عن عربياتهم وبيقولوا ايه ....إنت فاهمني

بص يا باشا الكوري كوري ....والياباني ياباني وللي مش عاجبه

[ahmedeihab]

يا باشا العلامة المصدية اللي بتتكلم عليها دي كروم كلها.... يعني مابتصديش.... مش زي علامتكم ...هاهاها...قشرة

باقولك ايه يا كبيير ....ولا بلاش كبيير دي
بص يا بونبييه أنا مش حتكلم كتيير ....العربية اللي بتتكلم عليها بـ 70000 جنيه دي واللي إنت بتقول عليها مصدية ......أنا بقى حقارنها بـ الهيونداي كلها في نفس واحد
أنا عارف طبعا إنك بتتكلم على الهوندا من موديل 92 لحد 94 ...وده علشان نعرف نقارنها بالهيونداي على أساس إن أول تصنيع للهيونداي ابتدا تقريبا من نفس الفترة .....علشان لو عملنا مقارنة من التمانينات ...حنقول إن هيونداي معملتش غير عربية اسمها bony مبتمشيش غير بربطه كرات على توم مندي علشان تعرف تشم نفسها ....طبعا أنا مش حتكلم عن الهوندا في التمانينات علشان العربية مش محتاجة كلام عليها



تعالى بقى في التسعينات .....أول عربية نزلتها هيونداي كانت ال excel و للي كانت نزلت وكان سعرها ساعتها مش عارف 30000//40000//50000 مش عارف حاجة كده
وطبعا نزلتها علشان عااااااامة الشعب يركبوها خاصة بعد ماعرفوا إن هوندا منزلة ال civic وكانت موديل 92 بكاام بقى يا حبيبنا ...بـ 140000 جنيه ...وساعتها كان الدولار بـ 3 جنيه وبعدها نزلت civic sir بـ 160000 جنيه علشان تدلع حبايبها
وطبعا الناس لما شافوا العربية ...اتواهامو منها ...بس مش كل الناس كانوا اد سعرها ...لإن طبعا هيونداي نازلة للناس اللي على اد حالهم ""الشعبييين يعني """


فطبعا كل الناس ابتديت توحكاها في الهوندا ....فراحت واشتريت هيونداي ....على أساس إن الحرف يعني ها ...قريب من ال h ....الناس قالت معلش الحرف نايم شوية وفي الهوندا قايم على حييلوه ....بس صدقني المثل الوحيد اللي اتقلب دلوقتي ومينفعش يتعدل تاني في حالتنا دي
""""الإنصااص نامت والأوالب قاامت """""
مش عايزك تزعل مني احنا بنتكلم .....على فكرة احنا ك هونداوياه لما بنتكلم بنتكلم مع بعض ودايما منغلقين على نفسنا علشان احنا عارفين نفسنا ولما عربياتنا بتنزل الشارع بتعمل ايه ...فـا مش بنحاول إن احنا نططفل على حد ....يعني مابنخشش اقسام تانية ونشووف الناس صحابها بيتكلموا عن عربياتهم وبيقولوا ايه ....إنت فاهمني

بص يا باشا الكوري كوري ....والياباني ياباني وللي مش عاجبه

الراجل ده عمل ايه علشان يتوقف ولا كل حاجه بقت تمشى بلكوسه

^_^

تم حصولك على إنذار ووقف إسبوع لمخالفة القاعدة 8 من قوانين المنتدى

م ع 6

[AhMeD MeTwAlY]

علي فكرا يا جماعه بلاش كلام كتير مع ملاك الكوري لان دي بتقول اول عربيه زيرو بيشتريها وبيكون افاقه مقفوله علي قد الكوري دوس بنزين واجري وهووووووووووب طاخ في اول شجره وهييييييه انا طالع من العنايه المركزه كمان سنه ونص لو فكر كدا يركب حاجه ياباني محترمه اول الماني هيعرف انه كان راكب مراجيح يا عم الحاج
وكل سنه وانتو طيبين

[ahmedeihab]

علي فكرا يا جماعه بلاش كلام كتير مع ملاك الكوري لان دي بتقول اول عربيه زيرو بيشتريها وبيكون افاقه مقفوله علي قد الكوري دوس بنزين واجري وهووووووووووب طاخ في اول شجره وهييييييه انا طالع من العنايه المركزه كمان سنه ونص لو فكر كدا يركب حاجه ياباني محترمه اول الماني هيعرف انه كان راكب مراجيح يا عم الحاج
وكل سنه وانتو طيبين

بس كده

كده انت جبت النهايه

^_^

[AhMeD MeTwAlY]

بس كده

كده انت جبت النهايه

^_^

حبيبي يا بحميد شكلي هتوقف في الرد دا بس مش مشكله كله يهون عشان خاطر جابو سيرة sir

[Hosam_Optrawy]

علي فكرا يا جماعه بلاش كلام كتير مع ملاك الكوري لان دي بتقول اول عربيه زيرو بيشتريها وبيكون افاقه مقفوله علي قد الكوري دوس بنزين واجري وهووووووووووب طاخ في اول شجره وهييييييه انا طالع من العنايه المركزه كمان سنه ونص لو فكر كدا يركب حاجه ياباني محترمه اول الماني هيعرف انه كان راكب مراجيح يا عم الحاج
وكل سنه وانتو طيبين

وانت طيب ياباشا

بس اسمح لى الومك بصفه اخويه واحنا فى ايام مفترجه

اولا فكرة التصنيف مش حلوه ملاك كورى وملاك يابانى ممكن يبقى اللى راكب كورى اغنى من اللى راكب يابانى او المانى واحسن منه مركزا وتعليما واخلاقا وكل حاجه بس هو دماغه ان يركب كورى ومش معنى انه ركب كورى يبقى مابيفهمش

ثانيا نظريتك غلط لان الكورى دلوقتى مبقاش رخيص ومش كل اللى راكبين كورى كانوا بيركبوا اوتوبيسات بس ربنا فرجها عليهم واستلفوا عشان يكملوا مقدم فيرنا او لانوس بالقسط

الموضوع مش فلوس انا واحد من الناس راكب كورى عربيه تمنها دلوقتى 100 الف جنيه يعنى ممكن اركب بى ام مستعمل مش يابانى وغيره , تفتكر عملت كدا ليه عشان الاوبترا احسن من البى ام مثلا ؟؟ اكيد لأ بس كل واحد بيشترى اللى يناسبه

فبلاش تقيسها كدا ورمضان كريم

[AhMeD MeTwAlY]

وانت طيب ياباشا

بس اسمح لى الومك بصفه اخويه واحنا فى ايام مفترجه

اولا فكرة التصنيف مش حلوه ملاك كورى وملاك يابانى ممكن يبقى اللى راكب كورى اغنى من اللى راكب يابانى او المانى واحسن منه مركزا وتعليما واخلاقا وكل حاجه بس هو دماغه ان يركب كورى ومش معنى انه ركب كورى يبقى مابيفهمش

ثانيا نظريتك غلط لان الكورى دلوقتى مبقاش رخيص ومش كل اللى راكبين كورى كانوا بيركبوا اوتوبيسات بس ربنا فرجها عليهم واستلفوا عشان يكملوا مقدم فيرنا او لانوس بالقسط

الموضوع مش فلوس انا واحد من الناس راكب كورى عربيه تمنها دلوقتى 100 الف جنيه يعنى ممكن اركب بى ام مستعمل مش يابانى وغيره , تفتكر عملت كدا ليه عشان الاوبترا احسن من البى ام مثلا ؟؟ اكيد لأ بس كل واحد بيشترى اللى يناسبه

فبلاش تقيسها كدا ورمضان كريم

يا باشا دي الغالبيه العظمي من ملاك الكوري فالصفه اجمعت علي الباقيين
يعني حضرتك لو اتكلمنا بعدل ينفع الكلام الي بيتقال علي السيفيك في الموضوع اساسا
ينفع يتقال علي ماركه كبيره زي هوندا علامه مصديه!!!!
ممكن تكون حضرتك ركبت عربيات ياباني محترمه او الماني هل في وجه مقارنه في الثبات والامان بينهم وبين الكوري

[Hosam_Optrawy]

يا باشا دي الغالبيه العظمي من ملاك الكوري فالصفه اجمعت علي الباقيين
يعني حضرتك لو اتكلمنا بعدل ينفع الكلام الي بيتقال علي السيفيك في الموضوع اساسا
ينفع يتقال علي ماركه كبيره زي هوندا علامه مصديه!!!!
ممكن تكون حضرتك ركبت عربيات ياباني محترمه او الماني هل في وجه مقارنه في الثبات والامان بينهم وبين الكوري

بغض النظر عن مقارنة العربيتين و السيفيك برضه ما أنزلتش عربيه زى غيرها , ولنفرض ان كل العربيات الالمانى واليابانى احسن من كل العربيات الكورى فى كل حاجه , وحتى لو اللى بيتكلم كلامه مش صح او بيتريأ ويقول علامه مصديه , تقوم انت تجاريه فى الغلط وتغلط غلط اكبر منه ؟؟؟


يعنى هو فى الاول وفى الاخر بيتكلم عن عربيه شوية حديد سواء هو بيتكلم صح او بيفتى


انت بقى غلط فيه وفى 3/4 الشعب اللى راكب كورى

[AhMeD MeTwAlY]

بغض النظر عن مقارنة العربيتين و السيفيك برضه ما أنزلتش عربيه زى غيرها , ولنفرض ان كل العربيات الالمانى واليابانى احسن من كل العربيات الكورى فى كل حاجه , وحتى لو اللى بيتكلم كلامه مش صح او بيتريأ ويقول علامه مصديه , تقوم انت تجاريه فى الغلط وتغلط غلط اكبر منه ؟؟؟


يعنى هو فى الاول وفى الاخر بيتكلم عن عربيه شوية حديد سواء هو بيتكلم صح او بيفتى


انت بقى غلط فيه وفى 3/4 الشعب اللى راكب كورى

ما حضرتك 3/4 الشعب الي راكب كوري دا بنحاول نفهمه من الصبح ان كدا غلط مش عايز يفهم لحد لما خلي الناس تزهق

[mody3on]

ما حضرتك 3/4 الشعب الي راكب كوري دا بنحاول نفهمه من الصبح ان كدا غلط مش عايز يفهم لحد لما خلي الناس تزهق

حضرتك دول مش اطفال صغيرين مش فاهمين حاجة عشان تقولهم الصح ايه والغلط ايه

[ahmad--ezzat]

ياااااااه ايه ياخونا
كل سنه وانتم بخيييييير
الدنيا صيام

والهوندا افضل طبعا ههههههههههههههههههههههههههههههه