سوقت هوندا سيفيك 2010 أمبارح وكانت المفاجأة

[mody3on]

كلهم للاسف

عدا العزل لان فعلا العزل فى السيفيك مش حلو بس فى الالنترا اوحش بكتييييييير

^_^

ده بقى الكلام المنطقي ؟ عزل النترا وحش ؟ هاهاهاها

[Evo]

هاهاهاها...

الموضوع ده مكانه منتديات كلامنا

[حماده المصري]

هو العزل في عربيات هيونداي اصبح ممتاز خصوصا انها تفوقت فعلا على لكزس في العزل في هيونداي ايككوس بس دي اغلى هيونداي دي لو في مصر هتعمل 800 الاف جنيه بالميت

بالنسبه للعربيات الي حضرتك بتقارنها سيفك والنترا

السفك مسوقتهاش بس ركبتها كزا مره ثباتها ومتورها اقوى من الكوري وفتيسها كمان

النترا 2012 ثباتها مش اد كده ولو في ناس بتقول انه حلو ف هو مش زي السيفيك خالص خالص خالص

الالنترا خاماتها معقوله والسيفيك مش هلاميه اوي بس التبلوه الي مش عاجبك ف هو خرافي ووهمي

الالنترا عفشتها مش ناعمه اوي والسيفيك عفشتها ناشفه جدا جدا وده بتصريح من هوندا انها متعمده تنشيف العفشه ده لصالح الثبات وال ار لين بتاعها كمان انشف بكتيييييييييييييييير ودي تصريحات هوندا

الخلاصه ان الكوري كويس بس لسه عنده مشاكل في ثبات العربيه وفتيسها وده لانها هي اليب بتصنع الفتيس وبتكنولوجي متسوبيشي كمان

انما معظم الياباني الفتيس بتاعه من شركات متخصصه في الفتيس عمرك ما تشوف ياباني بيشتكي من الفتيس تماما

انا لسه امبارح سايق النترا 2010 بصراحه عجبتني الي حد كبير بس كانت ايجار ومتهانه والفتيس بتاعها مش بيجيب p اساسا وكانت ماشيه زي الفل انا اساسا وحشتني ايام الكوري وبفكر اقلب الصني واجيب النترا الموديل 2010

بس مينفعتش اننا نظلم الياباني ف اكيدالسيفيك انضف من النترا ومش خساره كل مليم يتدفع فيها

وللعلم يعني الشركات الكوري دول ايام التمانينات والتسعينات ولحد كمان اول الالفينات كانوا يادوب بتوع كفته

انما الياباني من من التمانينات مقارن للالماني باسلوب بشع مش متخيله انت لو سافرت برا هتلاقي شويه عربيات من تويوتا وهوندا ونيسان موديلات قديمه وخراااااافيه فعلا وتقارن باالالماني


ف مستحيل بعد السنين دي كلها الشركات الكوري هتعدي عليها وتلاقي اليابانيين عربياتهم تعبانه والكوري معدي عليهم مستحييييييل تماما

اليابانيين معاهما اصول الصناعه ولو معرفوش يطوروا بينزلوا بالمضمون بتاعهم والاستاندر بتاعم ممتاز

انما الكوريين بصراحه يكفي اختراعات العفشه بتاعتهم الي بوزت طعم العربيه الجديده

[ahmedeihab]

ده بقى الكلام المنطقي ؟ عزل النترا وحش ؟ هاهاهاها

منطقى جدااااااااااااا كمان

^_^

[Samir Elshahawy]

انما معظم الياباني الفتيس بتاعه من شركات متخصصه في الفتيس عمرك ما تشوف ياباني بيشتكي من الفتيس تماما

كلامك كله يحترم لكني مش هافوت لك الجملة اللي فوق دي
و الدليل .... الكورولا ال أم أم تي

[hany63]

رمضان كريم وكل سنة وأنتم طيبين جميعاً ... ما أتعودتش أني أطلب أسوق عربية حد من صحابي علشان ميجيش يقولي طب هات أجرب أنا كمان بصراحة خوف على عربيتي المهم أتهورت وطلبت من واحد صاحبي معاه سيفيك 2010 وعلشان هو عارف أني سائق محترف قالي أتفضل جرب المهم :





- بفتح باب السيفيك اكتشفت أن فتحت باب الألنترا أفضل وأوسع مش كتير بس أفضل بكل تأكيد .

- ركبت السيفيك ولقيت كرسي السائق ضيق لأبعد حد لدرجة أني شكيت أن يكون الكرسي طالع لقدام ... سألت صاحبي أنت كدة مطلع الكرسي قالي أنا كدة مرجعه ورا طيب ينفع أرجعه للوراء شوية قالي سنة اللي فاضلة ومحدش هيعرف يركب الكرسي اللي وراك .
- ظبطت الكرسي وعلشان أقعد كويس فعلاً نزلت أركب في الكرسي اللي خلف السائق معرفتش أدخل رجلي أصلاً مش أركب ودي كانت مفاجأة بالنسبة لي .

- تابلوة السيارة بارز للأمام بشكل غريب ومبالغ فيه وآكل حته كبيرة من المساحة .

- الخامات عادية مش حاجة فانسي زي ما كتير بيقولوا وفيها بلاستيك في التابلوة ولكنها أفضل بالتأكيد من بلاستيك الألنترا الأرخص .

- المرايات الكهرباء في السيفيك صوتها عالي أوي في الألنترا مفيش صوت أصلاً .

- عزل الألنترا أفضل من السيفيك .

- مكيف السيفيك أفضل من الألنترا خاصة في سرعة التبريد للكراسي الخلفية .

- الكنبة الخلفية ضيقة جداً في السيفيك ماتشيلش 3 أفراد .

- أستجابة دواسة البنزين في السيفيك أفضل من الألنترا .

- سحب وتسارع العربيتين حلو بصراحة .

- الشعور بالثقة أعلى أثناء المنحنيات في السيفيك عن الألنترا ومش فرق كبير أوي يمكن علشان ما أخدتش ملفات جامدة .

- زجاج أوتو داون للسائق فقط في العربيتين .

- أماكن التخزيين في الألنترا أكتر من السيفيك .

- الطارة في الألنترا أحلى وأفضل في الماسكة .

الخلاصة العربيتين دول محترمين بس الألنترا تكسب في الوسع ورا وقدام بفارق كبييييييييير بصراحة ودي صورة العربيتين بالموبايل الجالاكسي الكحيان اللي معايا

اسمح لي فيه ملاحظات كتير هارد عليها عشان معاي ٢٠١٠ سيفيك الكامله
اولا حتة وسع الباب مردود عليها ان السيفيك اوطي و حضرتك مش متعود تركبها باستمرار والدليل لما باركب الكورولا مثلا رجلي بتتخبط في اول مره في حين اني بدخل السيفيك بسهوله و وزني كبير
حتة الكرسي ضيق واسعه شويه طب ايه رءايك انه اوسع وانعم من الباسات
مش فاهم حتة صوت المرايات اللي داخله في التقييم كءان الواحد سايق بيد واليد التانيه على زرار المرايه مثلا طول الوقت
العزل غير جيد بسبب نوع الكاوتش البريدجستون تورانزا و ده معمول خشن عشان يستحمل المطبات و يثبت العربيه و نزل النوع الجديد اكستريملي سيلنت مالوش صوت وناس زمايلي ركبوه و اجمعوا انه حل المشكله
الطاره بتاعة السيفيك الفي تي اي كوم وباقي العربيات كوم كانها طاره طياره مع عرض البرابريز و العدادات الرقميه اللي حضرتك ما جبتش سيرتها و حضرتك معذور عشان انا نفسي مكنتش مقدرها في الاول
حضرتك مثلا ماجربتش تفتح الفيتك بعد ال ٤٠٠٠ لفه و تشوف الاداء عامل ازاي

بقية العناصر حضرتك قلتها بحياد انا حبيت اوضح ان فيه حاجات ما بتبانش من لفه تتاخد على الطاير
تقبل تحياتي

[hossam_elwani]

بلاش تقديس الهوندا اكتر من الازم احنا فعلا شعب بيحب يفرعن اى حاجه والسلام اى عربيه لها وعليها

[ahmad--ezzat]

بلاش تقديس الهوندا اكتر من الازم احنا فعلا شعب بيحب يفرعن اى حاجه والسلام اى عربيه لها وعليها

عندك حق

بس الهوندا هوندا

والهيوندا هيونداى


ولو خيرونى بين الاتنين اختار هوندا طبعا

اسم وموتور ونعومه حتى مع الزمن

دة ياراجل ال 92 بيحلفوا بيها لحد دلوقتى

لا الصراحه الهوندا تكسب

[hany63]

بلاش تقديس الهوندا اكتر من الازم احنا فعلا شعب بيحب يفرعن اى حاجه والسلام اى عربيه لها وعليها

ادي العيوب بتاعة الهوندا
اداء متوسط للفرامل بعد ال ١٢٠ و جيد جدا قبل ال ١٠٠
رعشه خفيفه كل الكومبريسور بتاع التكييف يشتغل و ده في درجة الحراره الخارجيه المتوسطه ٣٢ مثلا انما في الحر ولا باينه عشان محدش يقول تقديس للماركه

[minicooper20]

هو الماتش كام كام
يا جدعان ازا كان بره
قارنو الهوندا بالهيونداى
ال هى الناس الصنعت العربيات دى اصلن بيقارنوها
يبقا احنا هنا فى المنتدى مش هنقارن ليه يعنى
دحنا مجرد يوزرس
او مستهلكين
يعنى نجرى نلعب نشغل الكاست
مش احنا العملين السيستم يعنى
يبقا فيها ايه لما راجل يركب عربيه و يقارنها يعنى
من وجهة نظرى انا 5 6 سنين و مش هنعرف نقارن اليبانى بالكورى اصلن و الكورى هيحش مع الامانى بعد كده
لو
كوريا ابتدت تصرف على التكنو و تصرف على البحث العلمى و تبتكر و تفكها من شغل ال copy paset
ده
معا صاحب الموضوع فى كل عيب قالو و كل ميزه
لاكن انتا مزكرتش الهندلينج ولا الاستبيلتى و لا فرق متعه الركوب

[Samir Elshahawy]

بقية العناصر حضرتك قلتها بحياد انا حبيت اوضح ان فيه حاجات ما بتبانش من لفه تتاخد على الطاير
تقبل تحياتي

بالظبط كده
و ده للاسف اللي الناس بتحكم عليه في اي عربية من مرة أو مرتين
لكن لما بتحب تسال حد بتسال صاحب العربية اللي قضي بيها مشاوير و ساعات طويلة و كيلومترات
و لا أيه ؟

[ahmedbasto]

رأى حضرتك محايد جدا

[dede_dodo88]

هي مسألة نسبية!!,
بس صعب أوي أي عربية هيونداي أو كوري عموماً تقرب من مستوى السيفيك الشكل ده, لا تسارع و لا ثبات و لا أي حاجة.. يمكن أه ككماليات الألنترا تكسب لكن غير كده مظنش!!..

[muhamedtareq]

انا مش مصدق والله ان فعلا في موضوع بيقارن الهونداي بل هوندا ! انتو بتتكلموا فايه ؟!! مكنه v-tec عربيه موديلان التسعينات و التمنينات لسه ليها سوق لحد دلوقتي عربيه فيها ثبات فوق ال10/10 عربيه تعتبر انضف حاجه فالياباني جاييين تقرنوها بالهيونداي عجبت لك يا زمن ! و في انتظار رد استاذ سامح :)

[Ahmod]

فتحة الباب وصوت المرايا !! ؟ هو ده اللى لفت نظر حضرتك في السيفيك ؟؟

فين تقييم الماتور وفرق تسارع العربيتين سواء على السرعات المنخفضة او على السرعات العالية ؟؟

فين فرق الثبات والهاندلنج ؟؟

فين فرق قوة الفرامل ؟؟

فين تقييمك للفتيس الخمس نقلات في الهوندا ؟ ومقارنته بالفتيس الست نقلات في الالنترا ؟

فين شعورك بالنقلات وهل كانت محسوسة ولا لاء ؟ والسواقة براحة وبهدوء ؟ وفي نفس الوقت السواقة الرياضية ؟؟

احساسك ايه مع العدادات الديجيتال ؟ ومتعة القيادة بال Paddle shift ؟؟

Paddle Shift !!! ؟؟ ده انت حتى ماقلتلناش السيفك اللى جربتها VTI ولا LXI ! ؟؟

فين ... فين ... فين .... etc !!!!

ماتزعلش مني يا باشا

بس من خلال التقرير اللى حضرتك كاتبه ده

انا ك Ahmod اللى حسيته !!

ان حضرتك خدت السيفك لفة كدة في جراش مول ورجعتها لصاحبها !!!!!