سوقت هوندا سيفيك 2010 أمبارح وكانت المفاجأة

[AshTurbo]

ياباشا ال rb دية مكانها مراجيح مولد النبى مش فى الشارع والله مابهزر انا عمرى ماركبت عربية بالرعب دة ولا فرامل ولا ثبات بجد , والله لدرجة ان صاحبى نفسة بيقولى هو فية اية احنا شكلنا هنعمل حادثة انهاردة ولا اية مع انة معداش سرعة 80 كم وتقولى مش عارف اية

انا مش ببالغ ولا عمرى بالغت فى حاجة لانى مش محتاج حاجة عشان اثبت ان هيونداى وحشة انا مش هستفاد حاجة والله لما اوصل لواحد معلومة غلط

تاخد حتة كنافة بالمانجه ؟

[AshTurbo]

لاء مركبتهاش ركبت اللي قبليها و لو ركبتها و عجبتني هقول رءايي بمنتهى الامانه

طيب ياباشا بالعقل كده مركبتهاش عرفت أزاي أنها مش أضيق من الألنترا ... على فكرة النقاش أمبارح بيني وبين صاحب العربية وكان معانا ناس كتير بعربيات مختلفة وكلهم ركبوا العربيتين وجربوهم وأخدت رأيهم واحد واحد وكانت مناقشة نار وفي الآخر أنا وهو أتفقنا على النقاط اللي ذكرتها .

[mody3on]

تاخد حتة كنافة بالمانجه ؟

الله نفسي فيها :))

[AshTurbo]

الله نفسي فيها :))

ياسلام صينية بحالها تجيلك ياباشا أنت تأمر بس ..... أحلى حاجة أنا باكل كنافة بالمانجه وداخل على الأجتماعي ألاقي موضوع ( الكنافة بالمانجه حرام ولا حلال ) رميت الطبق وقولت أحييه لا تطلع حرام هههههه بس الحمد لله طلعت حلال وزي الفل .

[ganash]

تاخد حتة كنافة بالمانجه ؟

اوعى تكون بـ 275 d:

[AshTurbo]

اوعى تكون بـ 275 d:

هههههههههه لا ياعم ليه يعني .

[mahmoud_afifi]

انتم كمان بتتكلموا عن الكنافه بالمانجه ؟ هههههههههههههه

[SAMEH_FOUAD]

تاخد حتة كنافة بالمانجه ؟

ربنا يخليك ياباشا الكنافة مالناش فية

[hany63]

طيب ياباشا بالعقل كده مركبتهاش عرفت أزاي أنها مش أضيق من الألنترا ... على فكرة النقاش أمبارح بيني وبين صاحب العربية وكان معانا ناس كتير بعربيات مختلفة وكلهم ركبوا العربيتين وجربوهم وأخدت رأيهم واحد واحد وكانت مناقشة نار وفي الآخر أنا وهو أتفقنا على النقاط اللي ذكرتها .

اتحداك تطلع لي مداخله جبت فيها سيرة الالنترا الجديده حضرتك اللي قارنت بصفتك من ملاكها
انا قلت ان السيفيك واسعه و مريحه من قدام و موضوع المساحه الخلفيه ناس شايفاها ضيقه انما بالنسبه لي مافيش مشكله بالنسبه للاستعمال العائلي الخاص بيا
وبعدين انا مش شايف اي عيب جوهري في تقييم سيادتك باستثناء العزل ووضحت لك السبب في اول مداخله ليا و هاكررها لسيادتك

[hany63]

اسمح لي فيه ملاحظات كتير هارد عليها عشان معاي ٢٠١٠ سيفيك الكامله
اولا حتة وسع الباب مردود عليها ان السيفيك اوطي و حضرتك مش متعود تركبها باستمرار والدليل لما باركب الكورولا مثلا رجلي بتتخبط في اول مره في حين اني بدخل السيفيك بسهوله و وزني كبير
حتة الكرسي ضيق واسعه شويه طب ايه رءايك انه اوسع وانعم من الباسات
مش فاهم حتة صوت المرايات اللي داخله في التقييم كءان الواحد سايق بيد واليد التانيه على زرار المرايه مثلا طول الوقت
العزل غير جيد بسبب نوع الكاوتش البريدجستون تورانزا و ده معمول خشن عشان يستحمل المطبات و يثبت العربيه و نزل النوع الجديد اكستريملي سيلنت مالوش صوت وناس زمايلي ركبوه و اجمعوا انه حل المشكله
الطاره بتاعة السيفيك الفي تي اي كوم وباقي العربيات كوم كانها طاره طياره مع عرض البرابريز و العدادات الرقميه اللي حضرتك ما جبتش سيرتها و حضرتك معذور عشان انا نفسي مكنتش مقدرها في الاول
حضرتك مثلا ماجربتش تفتح الفيتك بعد ال ٤٠٠٠ لفه و تشوف الاداء عامل ازاي

بقية العناصر حضرتك قلتها بحياد انا حبيت اوضح ان فيه حاجات ما بتبانش من لفه تتاخد على الطاير
تقبل تحياتي

[AshTurbo]

اتحداك تطلع لي مداخله جبت فيها سيرة الالنترا الجديده حضرتك اللي قارنت بصفتك من ملاكها
انا قلت ان السيفيك واسعه و مريحه من قدام و موضوع المساحه الخلفيه ناس شايفاها ضيقه انما بالنسبه لي مافيش مشكله بالنسبه للاستعمال العائلي الخاص بيا
وبعدين انا مش شايف اي عيب جوهري في تقييم سيادتك باستثناء العزل ووضحت لك السبب في اول مداخله ليا و هاكررها لسيادتك

يافندم أنت مجبتش سيرة الألنترا أنا اللي جبت سيرتها لأني بقارن بينها وبين السيفيك فحضرتك بتقولي أنسى أنها ضيقة وأنها مناسبة لحضرتك كلامك على راسي بس الألنترا أوسع .

[AshTurbo]

على فكرة العدادت شكلها شيك ومبهر وأنا عجباني بس بحب العدادات العادية أكتر والتابلوه بتاع السيفيك كويس بس الألنترا شكله ثوري ومتطور أكتر بطبيعة الحال موديل أحدث طبعاً .

[makmak_10]

أحب أضيف كمان :

- النظام الصوتي للألنترا أفضل بمراحل من السيفيك .
- الأضاءة الداخلية للألنترا أفضل السيفيك .
- مفيش في السيفيك اللي ركبتها أشارات في المرايات ولا فوج لايت بينما نازلة ستاندرد في الألنترا .

ياباشا انا فعلا مش مصدقك انك بتتكلم في فوجات و اشارات في المرايات..
يافندم لما الواحد بييجي يركب عربيه بيبص للتاريخ بتاعها و بمنظره وهو راكبها..
و انا اتحدي اي حد في العالم هيشوف العربيتين داخلين عليه و هيحترم انهي عربيه اكتر..
لا هيبص لتاره بقي ولا اشارات ولا كنبه ولا الكلام اللي حضرتك بتقوله ده...
انت ما اتكلمتش علي امان العربيه..الفرامل..التسارع..الاستقرار و الثبات...
سوري واضح ان حضرتك بتاخد بالشكل بس...و راكب جديد...

[abdulkhaleq]

انا شايف ان كل واحد ومعاييره
يعني ممكن انا افضل ال 28 على البي ام عشان ال 28 اصغر وممكن اصلحها عند الميكانيكي...الخ الخ

[hany63]

وبرضه حتة النظام الصوتي و الاضاءاه الداخليه و الفوجات
انا مركب dvd تعال شوف صوته
مركب ليدات في الصالون بتنور نور ابيض ولا المرسبدس ب٥٠جنيه
العربيه نازله بالفوج و الاشارات و لو مافيهاش بتركب