إعـــــــلان

Collapse

.

,
See more
See less

يومياتي في تعلم السواقة

Collapse
X
Collapse
 
  • Page of 7
  • Filter
  • الوقت
  • Show
Clear All
new posts
السابق 1 2 3 4 5 6 7 template التالي
  • #1

    يومياتي في تعلم السواقة

    النهاردة كان أول يوم.. مش قادرة أوصف لكوا.. احساس قمئ بالغباء و التخلف و العته المغولي

    مش قادرة أحدد اوي الفرامل من الدبرياج.. شايفة البنزين واخد الموضوع بحساسية زيادة اوي و لازم أظبط رجلي عليه.. في مشكلة جامدة في المنطقة اللي تحت رجلي دي و مضطرة اتعامل مع التلات أشياء دول بحكمة و توازن بس عشان ما أخبطش في حد و ما أخبطش حد

    حاسة ان الموضوع too complicated for me و اني عمري ما هاقدر اسوق زي البني آدمين ابدا :(

    آه.. نسيت اقول لكوا اني لسه ما اتعلمتش النقل :o

    ادعووووووووووووا لي :o
    الكلمات الدلالية (Tags): 127, 20, 40, 50, engine, font, اختبار, البنزين, السواقة, الشمس, الشنطة, اللي, اوبل, بدون, برافو, بكرة, بنزين, تاتا, تعمل, تيل, حساس, دبرياج, رخصة, سرعة, سرقة, سيارة, شيفروليه, صوت الموتور, طريقة, عربية, غيار, فتيس, فرامل, في, كاسيت, كل, كلاكس, مشكلة, مصر, مع, من, مين, نور, هي, وصف, يومياتي
  • #2
    اهم حاجة فى السواقة الجرأة و عدم الخوف

    لو الخوف تسلل اليكى, هيبقى صعب اوى تتعلمى صح, لازم تجمدى قلبك

    اما بالنسبة للدواسات و خلافه هى مسالة تعود على استخدام اكثر من حاسة و عضو فى الجسم فى وقت واحد
    [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

    Comment

    • #3
      لا متعقديش نفسك ...كل بيجي بس بالهداوه إن شاء الله .. ومين عالم يا ستي ربنا يرزوقك بأوتوماتيك دواستين بس ..
      [url=http://www.postimage.org/image.php?v=Pq2rLLOS][img]http://www.postimage.org/Pq2rLLOS.jpg[/img][/url]

      Comment

      • #4
        كلنا كنا كدة محدش مولود وم رخصته فى ايدة :D

        و الله والنقل سهل وهى تعود حتى لو تلاحظى ان السكران بيسوق لانه متعود على النقلات بقت روتين عندة انتى متخافيش من حد ولو ماشيه وحد رخم عليكى خليكى ارخم منه مرتين تلاته
        متخليش حد يخوفك ولو عمل انه بيزنق عليكى كبرى دماغك مش هيخبط عربيته ولو ماشيه بالراحه وواحد رخم بيزمر وراكى طنشى خالص ومتتربكيش علشان لو اتربكتى مش كويس خالص
        وبرضه تجنبى الشارع من الساعه 7 الصبح لحد 10
        ومعاكى من 10 او 11 لحد 1 حد اقصى قبل مالشارع بيبقى مدبحه
        وبالليل من بعد 11 خدى معاكى حد وانزلى مشى العربيه فى الشارع
        وطبعا تجنى الهرم وفيصل و ووسط البلد ال 24/7
        وتجنبى الكبارى والمفارق
        :dولو حد رخم هاتى رقمه هنا واحنا نجيبهلوك مخطوف
        مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره

        Comment

        • #5
          اول نصيحة بقولها لاي حد لسة في اول

          ايامة في السواقة بقولة انسى ان في

          تحت رجلك الدواسة اليمين بتاعة البنزين



          حاولى متستخدميهاش خالص دلوقتي

          وامشي على السلنسية يعني ارفعي رجلك

          شوية من على الدبرياج وهتلاقي العربية

          بتتحرك لوحدها، انا لما كنت بعلم اختي

          كنت بقولها اهم حاجة تعرفي توقفي العربية

          ومتخافيش من الفرامل!! مش عارف لية

          بنات حواء بيخافوا يفرملوا .... او بيفرملوا

          ويخافوا يدوسوا بنزين!!! انا عندي النوعين والحمد لله!!!



          المهم كمان متخليش العربية هي اللي تسوقك

          وتمشيكي، يعني مش هي تحدف يمين تقومي انتي

          جايبة شمال وبعدين تجيب يمين تاني علشان

          تعدلي،، لا تبتي في طارة الدركسيون كويس

          ومتحركيش ايدك وخليكي في طرق مستقيم

          بقدر الامكان لحد ما تتمكني من العربية و

          تتعودي على ابعادها كويس بعد كدة تقدري

          تنزلي في في شوارع رايقة الى حد ما

          فشوارع متوسطة، فكباري اخيراً.



          ملحوظة اخيرة اتعلمي على الاقل تجيبي التاني

          لان لو مشيتي كتير على الاول بالـ127 في

          الايام الحر دي العربية هتعملها معاكي وتسخن.


          وبالتوفيق.
          [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
          [/CENTER]


          [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
          [/RIGHT]

          Comment

          • #6
            الموضوع ممارسه مش اكتر مع شويه تركيز مع التحكم الجيد في الدريكسيون من خلال ساعتين كل يوم بس مش ورا بعضهم علشان ماتفديش التركيز و اول ماتتعلمي تتعلمي في مكان فاضي واسع علشان ماحدش يربكك بمعني ان محدش يفدك تركيزك كل شويه و السواقه ممارسه مش اكتر وشويه شويه تبدئي تدخلي مع العربيات نسيت اقول ان اهم حاجه تكوني عارف امتي تنقلي و فايده كل دواسه ايه وامتي تستعمل من ناحيه النقل لازم الرجل الشمال عي الدبرياج اللي هو اول واحد شمال ثم الغيار الاول شمال خالص لفوق والتاني في نفس اتجه لتحت العصايه في النص ده الموروهكذا

            Comment

            • #7
              شدي حيلك يا علا
              لو عاوزه مشجعين ممكن نيجي نشجعك
              ما قلتيليش بتتعلمي فين ومع مين
              [SIZE=5][COLOR=blue]يظن الناس بي خيرا وإني ... لأشقى الناس إن لم ترض عني[/COLOR][/SIZE]
              [SIZE=5][COLOR=blue]ومالي حيــلة إلا رجــائي ... وعفوك إن عفوت وحسن ظني [/COLOR][/SIZE]
              [SIZE=5][SIZE=3][COLOR=black]محاسب / احمد ابراهيم [/COLOR][/SIZE][/SIZE]

              Comment

              • #8
                ياه يا علا فكرتيني بنفسي من سنتين لما ابتديت اتعلم السواقة كنت زيك بالضبط. ولما اول مرة سوقت في الزحمة واعتمدت على نفسي 100 بالمائة كانت من المعادي للتحرير على الكورنيش طلعت من المعادي وانا عندي 27 سنة ووصلت التحرير وانا عندي 55 سنة. بس مع الوقت حواسك بتظبط نفسها وبتلاقي انك بتعملي كل حاجة تلقائي من غير ما تحسي وبتكلمي مع اللي جامبك وبتاكلي وتشربي وبتكلمي في الموبايل كل ده في وقت واحد وانتي بتسوقي
                بس استاذ نادر جابلك الخلاصة وان شاء الله ربنا يوفقك وتهري الطريق غرز لغاية ما تخلصي كل الخيط اللي في مصر
                [COLOR=blue]------------------------------------[/COLOR]
                [RIGHT][FONT=Arial (Arabic)][SIZE=5][SIZE=3][COLOR=blue]وليد عبد العزيز[/COLOR][/SIZE][/SIZE][/FONT][/RIGHT]
                [RIGHT][FONT=Comic Sans MS][COLOR=blue]Opel, 1 Team, 1 Goal, 1 Family :friends:[/COLOR][/FONT][/RIGHT]
                [RIGHT][FONT=Comic Sans MS][COLOR=#0000ff]لو لم اكن اوبلاويا لوددت ان اكون اوبلاويا[/COLOR][/FONT][/RIGHT]
                [SIGPIC][/SIGPIC]

                Comment

                • #9
                  المشاركة الأصلية كتبت بواسطة معاذ الشرباصى مشاهدة المشاركة
                  اهم حاجة فى السواقة الجرأة و عدم الخوف

                  لو الخوف تسلل اليكى, هيبقى صعب اوى تتعلمى صح, لازم تجمدى قلبك

                  اما بالنسبة للدواسات و خلافه هى مسالة تعود على استخدام اكثر من حاسة و عضو فى الجسم فى وقت واحد
                  هاكدب عليكوا يعني؟ خايفة و مرعوبة و مذعورة

                  الدواسات.. ايوه.. هي اسمها الدواسات.. أول مرة أستعمل المصطلح ده                   :)

                  Comment

                  • #10
                    المشاركة الأصلية كتبت بواسطة mohamed_88sk مشاهدة المشاركة
                    لا متعقديش نفسك ...كل بيجي بس بالهداوه إن شاء الله .. ومين عالم يا ستي ربنا يرزوقك بأوتوماتيك دواستين بس ..
                    ناوية عليها ان شاء الله بعد اما ال 127 يبان لها أصحاب :p

                    دعواتك :)

                    Comment

                    • #11
                      بصى يا عُلا انا كنت هاقولك كلام .... لقيت نادر قايلة بالتفصيل ...اقرى كلامة كويس

                      بعدين بصى ...بدام بدأت معاكى كدة ...يبقى هاتنتهى باحتراف إن شاء الله
                      هى دى بدايات المحترفين .

                      Comment

                      • #12
                        المشاركة الأصلية كتبت بواسطة Dr_Mido مشاهدة المشاركة
                        وبرضه تجنبى الشارع من الساعه 7 الصبح لحد 10
                        ومعاكى من 10 او 11 لحد 1 حد اقصى قبل مالشارع بيبقى مدبحه
                        وبالليل من بعد 11 خدى معاكى حد وانزلى مشى العربيه فى الشارع
                        وطبعا تجنى الهرم وفيصل و ووسط البلد ال 24/7
                        وتجنبى الكبارى والمفارق
                        يا نصايحك يا دكتووووووووور :D

                        ده اللي هو اتجنب السواقة في الشارع.. مش كده؟ :p

                        اما عن الربكة لما حد يزمر من ورايا.. آه باتوتر من صوت الكلاكس و ابقى عايزة أخلص منه بأي شكل.. طبعا ده لما اكون راكبة جنب حد.. امال لما اسوق بأه هاعمل ايه؟

                        Comment

                        • #13
                          المشاركة الأصلية كتبت بواسطة Nader مشاهدة المشاركة
                          اول نصيحة بقولها لاي حد لسة في اول

                          ايامة في السواقة بقولة انسى ان في

                          تحت رجلك الدواسة اليمين بتاعة البنزين



                          حاولى متستخدميهاش خالص دلوقتي

                          وامشي على السلنسية يعني ارفعي رجلك

                          شوية من على الدبرياج وهتلاقي العربية

                          بتتحرك لوحدها، انا لما كنت بعلم اختي

                          كنت بقولها اهم حاجة تعرفي توقفي العربية

                          ومتخافيش من الفرامل!! مش عارف لية

                          بنات حواء بيخافوا يفرملوا .... او بيفرملوا

                          ويخافوا يدوسوا بنزين!!! انا عندي النوعين والحمد لله!!!



                          المهم كمان متخليش العربية هي اللي تسوقك

                          وتمشيكي، يعني مش هي تحدف يمين تقومي انتي

                          جايبة شمال وبعدين تجيب يمين تاني علشان

                          تعدلي،، لا تبتي في طارة الدركسيون كويس

                          ومتحركيش ايدك وخليكي في طرق مستقيم

                          بقدر الامكان لحد ما تتمكني من العربية و

                          تتعودي على ابعادها كويس بعد كدة تقدري

                          تنزلي في في شوارع رايقة الى حد ما

                          فشوارع متوسطة، فكباري اخيراً.



                          ملحوظة اخيرة اتعلمي على الاقل تجيبي التاني

                          لان لو مشيتي كتير على الاول بالـ127 في

                          الايام الحر دي العربية هتعملها معاكي وتسخن.


                          وبالتوفيق.
                          شكرا يا نادر على الشرح و الإيضاح.. قرأت كلامك كله بإمعان و تركيز.. و الرك ع التنفيذ :o

                          Comment

                          • #14
                            المشاركة الأصلية كتبت بواسطة mohamed sedek مشاهدة المشاركة
                            الموضوع ممارسه مش اكتر مع شويه تركيز مع التحكم الجيد في الدريكسيون من خلال ساعتين كل يوم بس مش ورا بعضهم علشان ماتفديش التركيز و اول ماتتعلمي تتعلمي في مكان فاضي واسع علشان ماحدش يربكك بمعني ان محدش يفدك تركيزك كل شويه و السواقه ممارسه مش اكتر وشويه شويه تبدئي تدخلي مع العربيات نسيت اقول ان اهم حاجه تكوني عارف امتي تنقلي و فايده كل دواسه ايه وامتي تستعمل من ناحيه النقل لازم الرجل الشمال عي الدبرياج اللي هو اول واحد شمال ثم الغيار الاول شمال خالص لفوق والتاني في نفس اتجه لتحت العصايه في النص ده الموروهكذا
                            هو الدبرياج بيستعمل في النقل بس؟.. أصل انا النهاردة اتعلمت استعمله لما آجي اهدي و افرمل و كل حاجة

                            Comment

                            • #15
                              المشاركة الأصلية كتبت بواسطة aif مشاهدة المشاركة
                              شدي حيلك يا علا
                              لو عاوزه مشجعين ممكن نيجي نشجعك
                              ما قلتيليش بتتعلمي فين ومع مين
                              شكرا يا احمد على التشجيع :D

                              باتعلم مع اللي انت ادتني نمرتها و بنروح ميدان الرماية اتعلم هناك.

                              Comment

                              السابق 1 2 3 4 5 6 7 template التالي
                              Working...
                              X