يومياتي في تعلم السواقة

[OlaOsman]

ياه يا علا فكرتيني بنفسي من سنتين لما ابتديت اتعلم السواقة كنت زيك بالضبط. ولما اول مرة سوقت في الزحمة واعتمدت على نفسي 100 بالمائة كانت من المعادي للتحرير على الكورنيش طلعت من المعادي وانا عندي 27 سنة ووصلت التحرير وانا عندي 55 سنة. بس مع الوقت حواسك بتظبط نفسها وبتلاقي انك بتعملي كل حاجة تلقائي من غير ما تحسي وبتكلمي مع اللي جامبك وبتاكلي وتشربي وبتكلمي في الموبايل كل ده في وقت واحد وانتي بتسوقي
بس استاذ نادر جابلك الخلاصة وان شاء الله ربنا يوفقك وتهري الطريق غرز لغاية ما تخلصي كل الخيط اللي في مصر

ياااااااااااااه.. انا حاسة اني بيني و بين اللي بتقوله ده شهور و سنين و ايام

شكرا على التشجيع :)

[OlaOsman]

بصى يا عُلا انا كنت هاقولك كلام .... لقيت نادر قايلة بالتفصيل ...اقرى كلامة كويس

بعدين بصى ...بدام بدأت معاكى كدة ...يبقى هاتنتهى باحتراف إن شاء الله
هى دى بدايات المحترفين .

احتراف مرة واحدة؟

الله يجبر بخاطرك يا رب

[abdelaziz-waleed]

هو الدبرياج بيستعمل في النقل بس؟.. أصل انا النهاردة اتعلمت استعمله لما آجي اهدي و افرمل و كل حاجة

بصي يا علا انا هاقولك على نصيحة مهمة بخصوص الدبرياج بس يا ريت لو انا غلطان حد يصلحلي علشان البنية ما تروحشي في داهية بسببي
الدبرياج تستعمليه في حالتين بس لو هاتنقلي او هاتتوقفي غير كدة عودي نفسك تشيلي رجلك من عليه خالص طول مانت سايقة علشان تحافظي على طقم الدبرياج. واثناء مانت سايقة ماتريحيش رجليكي عليه علشان ما يبوظشي.
ممكن حد يقولك وانتي بتهدي دوسي على الدبرياج ده غلط غلط غلط انتي تهدي بالفرامل لغاية ما تلاقي ان سرعتك محتاجة تنزلي غيار تقومي دايسة دبرياج ونازلة غيار وهكذا انما انك تدوسي دبرياج قبل الفرامل ده بيخلي العربية حرة وبيحمل على الفرامل انما الغيار بيخلي الموتور مكتف العربية
كفاية كدة علشان ما تفصليش شحن وانتي بتقري
ربنا معاكي يا علا والعملية ان شاء الله اسهل مما تتخيلي بس انتي جمدي قلبك على قد ما تقدري

[Abonora]

بصراحه الله يكون فى عون اللى بيتعلم السواقه الايام دى
ربنا معاكى يا قمر
حاولى تنزلى فى وقت الصبح بدرى و مكان رايق
و اعرفى الطلعه و حدود العربيه و اتحكمى فى الدريكسيون كويس
و ان شاء الله الموضوع حيكون سهل متقلقيش
و بالتوفيق ؛؛؛؛

[fahd_628]

انا كنت زيك كدة انا كنت حاسس انى مش حعرف اسوق خالص زى الناس :) بس ابويا كان بيشجعنى و يقولى اطلع متخفش و لو خبط ولا يهمك مع انى عارف انك مش حتخبط و كلام مشجع دلوقتى الحمد لله شوماخر هههههههههههههههههههههههههههههه بهظر طبعا بس الحمد لله بسوق 100 100 :)

ملحوظة : شوماخر دة واحد من اشهر سائقين السيارات فى العالم بطل فورميلا 1 و دية صورتة

[دموع الثلج]

يا عــــــــــــلا االسواقه سهله جدا

بس ااهم يعتمد على مين الشخص اللى بيعلمك السواقه اول مره
لو حد عصبى يبقى هيرعبك ومش هيخليكى تتحكمى فى العربيه وتتعلمى بهدوء

اهم شى انك متخفيش وتانى مره هتكون اسهل من اول مره وهتلاقى الموضوع بسيط جدا بس ركزى فى موضوع الفرامل والدبرياج والبنزين

النقلات سهله جدا مش صعب
واووووعى تنسى المرايات والاشارات وانتى بتتعلمى

وربنا يوفقك يارب

[Dr_Mido]

يا نصايحك يا دكتووووووووور :D

ده اللي هو اتجنب السواقة في الشارع.. مش كده؟ :p

اما عن الربكة لما حد يزمر من ورايا.. آه باتوتر من صوت الكلاكس و ابقى عايزة أخلص منه بأي شكل.. طبعا ده لما اكون راكبة جنب حد.. امال لما اسوق بأه هاعمل ايه؟

:D:D:D:Dلاطبعا خالص
الفكرة كلها ابعدكم عن اوقات الذروة لان انا شخصيا نفسيتى بتتعب وبتوتر فى الاقات دى
:p:pخليكى فى المضمون وسوقى جوة الشقه
:)بهزر شدى حيلكم عايزين نسمع انك خدتى كاس الفوررملا 1

[Noha.M]

يااااااااااه يا علا فكرتيني بالذي مضي

انا من وانا فى تانية اعدادى كنت بفضل ابص على بابايا و مامتى و كل الناس اللى بتسوق وافضل بصة على رجليهم و افضل اسال دة ايه و دة ايه و بننقل ازاى انا theoritically بسوق من تلتة اعدادى .بعدين بابايا وافق انى اتعلم باة على 16 سنة كدة انا عايزة اقولك من كتر ما كنت بحب السواقة اتعلمتها فى تلات قعدات و مشيت السواق اللى كان بيعلمنى :D قعد برضه يمشيني على الاول قمت قايلاله انجز باة انا زهقت !!!!!!!!!!! كان عاوز بقي يسوقني على التانى بتاع حصتين كمان قلتله لأ شكرااااااااا مع السلامة انت :D
من هنا بأة ابتديت اسرق العربية :D و الحمد لله ربنا كان بيسترها مع اختك :D انتى عارفة احنا ولايا برضه مكسورات الجناح

بس بجد كانت احلى فترة يا علا .. انا كنت باخدها على انها فسحة بذات الجمعة الصبح قبل الصلاة كدة و الدنيا رايقة

ربنا معاكي يا حبيبتي و متنسيش تدينا لفة و تجيبيلى بوريو من عند فرغلى :D

[Chicco]

إيه ده يا علا انتي جبتي ١٢٧ مرحليا ولا إيه :p
ألف مبروك يا باشا و بالتوفيق في تعليم السواقة
ذي ما في أخ تفضل و قال..... كلنا كنا كده و شوية شوية إتعلمنا
الصبر يا علا و إن شاء الله السريون من نصيبك :)
على فكرة أنا بقى خدت دروس مرتين
مرة في مصر وانا عندي ١٨ سنة لما ابتديت أسوق
و خدت دروس في كندا أول ما جيت من حوالي ٣ سنين عشان أطلع رخصة كندية .....طبعا كنت حشل الرجل بتاع المدرسة بالسواقة المصري :D.......و بجد اللي بيسوق في المحروسة بتنمو عنده حواس زيادة

[OlaOsman]

امبارح اللي بتعلمني السواقة طلعتني على الدائري

من غير إنذار كده و لا تنبيه، بابص لقيت نفسي في معترك الحياة و على الطريق

الله أعلم بكرة هاتعمل فية ايه

[OlaOsman]

بصي يا علا انا هاقولك على نصيحة مهمة بخصوص الدبرياج بس يا ريت لو انا غلطان حد يصلحلي علشان البنية ما تروحشي في داهية بسببي
الدبرياج تستعمليه في حالتين بس لو هاتنقلي او هاتتوقفي غير كدة عودي نفسك تشيلي رجلك من عليه خالص طول مانت سايقة علشان تحافظي على طقم الدبرياج. واثناء مانت سايقة ماتريحيش رجليكي عليه علشان ما يبوظشي.
ممكن حد يقولك وانتي بتهدي دوسي على الدبرياج ده غلط غلط غلط انتي تهدي بالفرامل لغاية ما تلاقي ان سرعتك محتاجة تنزلي غيار تقومي دايسة دبرياج ونازلة غيار وهكذا انما انك تدوسي دبرياج قبل الفرامل ده بيخلي العربية حرة وبيحمل على الفرامل انما الغيار بيخلي الموتور مكتف العربية
كفاية كدة علشان ما تفصليش شحن وانتي بتقري
ربنا معاكي يا علا والعملية ان شاء الله اسهل مما تتخيلي بس انتي جمدي قلبك على قد ما تقدري

بس المدرسة اللي بتعلمني بتقول لي ان اللي بيهدي بالفرامل من غير دبرياج بيقصر عمر تيل الفرامل

على فكرة انا عرفت النهاردة معلومة متهيألي صح لدرجة كبيرة.. و هي ان الرجالة كلهم او معظمهم ما بيستعملش الدبرياج غير في النقل بس.. في حين ان الستات مش بتشيل رجلها من على الدبرياج و بيستعملوه في التهدئة مع الفرامل مهما حد حاول يقنعها بعكس كده.. و على فكرة انا سألت كذا حد من الجنسين و كانت إجاباتهم الى حد بعيد مطابقة للي انا قلته دلوقتي

[OlaOsman]

بصراحه الله يكون فى عون اللى بيتعلم السواقه الايام دى
ربنا معاكى يا قمر
حاولى تنزلى فى وقت الصبح بدرى و مكان رايق
و اعرفى الطلعه و حدود العربيه و اتحكمى فى الدريكسيون كويس
و ان شاء الله الموضوع حيكون سهل متقلقيش
و بالتوفيق ؛؛؛؛

دعواتك يا ساندي احسن انا خايفة من اليوم اللي هامشي فيه في الشوارع في أوقات الذروة

[mohamed_88sk]

بصراحة أنا بهدي بالدبرياج والفرامل ... يعني كده بقى صح ولا غلط ؟؟؟

[hazem_khidr]

ربنا يسترها معاكي يا علا
مشيك علي الطريق تاخدي بالك كويس و تعرفي انت رايحه فين و لو ااخدتي يمينك و مشيتي محدش حيكلمك و شويه شويه حتعرفي تمشي وسط السيرك دا:).
بالنسبه لضغط الفرامل من غير دبرياج مش بتاكل التيل ولا حاجه سوري يعني اللي قالك كده مش بيفهم.
الفرامل من غير دبرياج بتزود قوه الفرمله لانك بتستعملي الفرامل و قوه كبح الموتور نفسه .
اما لما بتتكي دبرياج ف انت كده بتفصلي الحركه و بتخلي الموتور براحته .
انا عن نفسي في المواقف الجامده بدوس فرامل الاول و في الاخر خالص بدوس دبرياج .
بس علشان تعملي كده محتاجه وقت و تعود علي العربيه علشان تعرفي تعمليها لسه شويه اصبري.

[OlaOsman]

انا كنت زيك كدة انا كنت حاسس انى مش حعرف اسوق خالص زى الناس :) بس ابويا كان بيشجعنى و يقولى اطلع متخفش و لو خبط ولا يهمك مع انى عارف انك مش حتخبط و كلام مشجع دلوقتى الحمد لله شوماخر هههههههههههههههههههههههههههههه بهظر طبعا بس الحمد لله بسوق 100 100 :)

تعرف؟ انا ساعات و انا سايقة بتسيطر علية أفكار من نوعية مش هاعرف.. مش هاقدر.. عمري ما هاعرف أسوق كويس.. اكيد دلوقتي هاتلبخ و ابوظ الدنيا و حاجات من دي كتير.. انما باطردها من دماغي فورا و احاول اركز في السواقة