يومياتي في تعلم السواقة

[OlaOsman]

يا جماعة محدش يطلع على الدائري اليومين دول لغاية ما علا تتعلم سواقة

انت قلت لي عربيتك ايه؟ فيكترا؟.. طيب لونها ايه بس عشان اركز و انا ع الدائري مش اكتر :p

[OlaOsman]

لأ يا علا متفقديش الأمل والله هية بس فى الأول صعبة و بعدين حتلاقيها سهلة جدا جدا والله

يعني فكرك يا فهد اكمل مع الست دي؟ و لا أخليها تصبر علية شوية و لا ايه؟ :(

[Dr_Mido]

:Dمحنا محدش هيطلع فوق متخافيش محدش بيحب يطلع فوق لاى سبب غير الظروف القهريه:p:p

[OlaOsman]

علا شكلك ما شفتيش مشاركتي الاولانية :p
المدربة بتاعتك ديه عملة ذي المدرب بتاعي اللي خدني على كوبري إسمه كوبري المرازيق على قد ما افتكر في تالت أو رابع حصة و كنت حاسس اني بانتحر على الكوبري ده بس كله عدى على خير أهو وبقالي ١٨ سنة باسوق عقبالك :)

مين كوبري المرازيق ده؟

يعني تفتكر يا شيكو ان طريقة التعليم بالأمر الواقع دي بتجيب نتيجة؟ و لا ممكن تكرهني في السواقة؟.. ما اخبيش عليك انا عندي حصة بكرة و مش عايزة اروحها :(

[Dr_Mido]

تالت حصه ليا كانت على الطريق الزراعى الصبح بدرى اينعم السوق اللى كان بيعلمنى كان يعتبر هو اللى ساياق بس عرفت اتعامل هى جراءة بس

واتعلمت على عربيه شيفروليه نص نقل اللى هى الكابينه اتنين
:pدبابه يعنى لاروحى ولو تعرفى تنزل من غيرها فى حدود البيت او الشارع اللى وراكو يبقى كويس

[ihab]

اهم حاجة كمان انك تتعاملى مع السيارات المحيطة بيك و تحطى فى دماغك انهم ممكن يعملوا اى حاجة غلط و تتوقعى التصرف قبل ما يعملوا
انا لما والدى كان معاى زمان و بيعلمنى قالى جملة " اعتبر ان انت الوحيد اللى بتعرف تسوق و ان كل الناس الثانية ما بتعرفش و اتصرف على هذا الاساس "
و جملة ثانية برضه " ما تخليش العربية هى اللى تسوقك ، انت اللى تسوق العربية "
بمعنى ان مش علشان العربية بتستجيب و عايزة تجرى مثلا تطاوعيها انت اللى تحددى سرعتك و اتجاهك
و ربنا معاك و يوفقك

[Karim_Monir]

استاذ وليد في الجزاير يعني ما تدوريش على اوبل قوي:D:D
لكن انا اوعدك ماطلعش الدائري بوتيتا لحد ما تخلصى تعليم:p
بس بصراحة
انصحك تامني على حياتك غي ظل وجود المدربة بتاعتك دي
ها ها ها:D:D:D:D

[aliabutaleb]

يعني فكرك يا فهد اكمل مع الست دي؟ و لا أخليها تصبر علية شوية و لا ايه؟ :(

انا رأيي تكملي معاها لغاية ما تاخدي الأساسيات
وتكملي انتي بقى مع نفسك
بس هو مفيش غير الدائري تدربوا عليه؟؟

[ramyfawzy]

الدائري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا اقول رحت شغلى متأخر 3 ساعات ليه

رامي (ابو احمد)

[matrix1987]

iهو الموضوع كدا يعنى طيب

الكل يبعد عن الدائرى اليويمن دول

علا بتتعلم السواقه

ممكن تنزل تنبيه على الدائرى علشان

الكل يوسع ربنا يوفقك وجمدى قلبك على الاخر

اوعى تخافى والمدربه بتنزلك فى الدائرى علشان تعلمك الصعب وتلاقى بعد كدا كله سهل

ويارب الدائرى ميقفش بسبب علا

[fahd_628]

حرام عليكم يا جماعة هتحبطوها كدة :)

[abdelaziz-waleed]

انت قلت لي عربيتك ايه؟ فيكترا؟.. طيب لونها ايه بس عشان اركز و انا ع الدائري مش اكتر :p

اوعى............. اللي هايرش اوبللتي بالماية هارشله عربيته بالبنزين :D:D:D
اول ما بدأت اتعلم واحد قالي انت مش هاتخبط العربية وانت بتتعلم انت هاتخبطها بعد ما تبقى محترف. عارفة ليه يا علا. علشان انتي دلوقتي في قمة تركيزك وبتحاولي تخلي بالك من كل حاجة علشان كدة ان شاء الله مش هاتخبطي العربية وده اللي بيسببلك التعب والارهاق في الأول انما بعد ما هاتتعلمي هاتصابي بحالة اللامبالاة (اسف في اللفظ) والتي تزداد بزيادة تمكنك من القيادة. ربنا يسترها معاكي ان شاء الله وماتخباطيش العربية لا اقبل ولا بعد ما تتعلمي.

بس انا اتوقع انك ممكن تغيري التوقيع بتاعك وتخليه ( بدلاً من ان نلعن السواقة .... لماذا لا ندوس بنزين) :D:D:D:D

[OlaOsman]

ماشي.. اتريقوا براحتكوا.. بس اللي انتوا ما تعرفوهش بأه ان من قواعد المنتدى انه ممنوع التريقة على الناس و هي بتتعلم السواقة

اللي عايز يتريق بأه يروح يتريق عند موضوعه.. ياللا يا بابا انت و هو هانرش مية قدام الموضوع ده.. كل واحد يروح يلعب قدام موضوعه :p

[Dr_Mido]

بس برضه مقلتليناش بقالك شويه كدة وصلتى لفين فىا لسواقه وبتتلخمى ولا بطلتى وكدة عايوزين نتطمن

[fahd_628]

اةةةةةةةةةة نسيت اقلولك على حاجة مهمة علشان ممكن تقابلى الموقف دة كتيير

انتى عارفة الشباب الروش الى بيحب ياخد غرز و الكلام دة فا لو لقيتى واحد كدة و معدى من جمبك بسرعة اوعى تحودى يمين او شمال او تتخضى خليكى زى ما انتى و لو انتى شايفاه وراكى فى المراية لو فية فرصة انك توسعيلة وسعيلة