يومياتي في تعلم السواقة

[OlaOsman]

يا عــــــــــــلا االسواقه سهله جدا

بس ااهم يعتمد على مين الشخص اللى بيعلمك السواقه اول مره
لو حد عصبى يبقى هيرعبك ومش هيخليكى تتحكمى فى العربيه وتتعلمى بهدوء

اهم شى انك متخفيش وتانى مره هتكون اسهل من اول مره وهتلاقى الموضوع بسيط جدا بس ركزى فى موضوع الفرامل والدبرياج والبنزين

النقلات سهله جدا مش صعب
واووووعى تنسى المرايات والاشارات وانتى بتتعلمى

وربنا يوفقك يارب

لا الحمد لله اللي بتعملني مش عصبية.. ما ينفعش أصلا اللي بيعلم سواقة يبقى عصبي.. ده انا باعمل أخطااااااااااء.. تنرفززززززززز :D

مركزة ياختي في الفرامل و الدبرياج و البنزين.. هو انا حاليا حيلتي غيرهم أركز فيهم :D

جزاكي الله خيرا يا قمر على التشجيع :)

[OlaOsman]

آخد

:D:D:D:Dلاطبعا خالص
الفكرة كلها ابعدكم عن اوقات الذروة لان انا شخصيا نفسيتى بتتعب وبتوتر فى الاقات دى
:p:pخليكى فى المضمون وسوقى جوة الشقه
:)بهزر شدى حيلكم عايزين نسمع انك خدتى كاس الفوررملا 1

انا عايزة آخد كاس آخر الشارع بس.. ده كل أملي حاليا :D

[abdelaziz-waleed]

بس المدرسة اللي بتعلمني بتقول لي ان اللي بيهدي بالفرامل من غير دبرياج بيقصر عمر تيل الفرامل

على فكرة انا عرفت النهاردة معلومة متهيألي صح لدرجة كبيرة.. و هي ان الرجالة كلهم او معظمهم ما بيستعملش الدبرياج غير في النقل بس.. في حين ان الستات مش بتشيل رجلها من على الدبرياج و بيستعملوه في التهدئة مع الفرامل مهما حد حاول يقنعها بعكس كده.. و على فكرة انا سألت كذا حد من الجنسين و كانت إجاباتهم الى حد بعيد مطابقة للي انا قلته دلوقتي

انا اسف يا علاً انا خبرتي مش كبيرة بس انا مش معاكي في النقطة ديه خالص.
رد استاذ حازم هو ده بالظبط اللي انا عاوز اوصله لحضرتك.
اما بالنسبة للرجالة والستات. فالرجالة اعتقد بيكون عندهم صبر اكتر على الفرامل مع الغيار لأنها بتحتاج شغل شوية على اساس انك وانتي بتهدي لازم تنزلي بالغيار كل ما السرعة تقل لغاية ما تقربي تقفي خلاص تقومي دايسة دبرياج وممورة وواقفة بالفرامل بس علشان العربية ما تبطلشي منك
انما الستات بتحب تكبر دماغها من الفتيس خالص وتقوم دايسة دبرياج وتعتمد على الفرامل بس وده اللي بيخليكو تدخولو فينا من ورا بسهولة(اهو انتي اللي اعترفتي عليكوا) وشهد شاهد من اهلها

[aif]

تعرف؟ انا ساعات و انا سايقة بتسيطر علية أفكار من نوعية مش هاعرف.. مش هاقدر.. عمري ما هاعرف أسوق كويس.. اكيد دلوقتي هاتلبخ و ابوظ الدنيا و حاجات من دي كتير.. انما باطردها من دماغي فورا و احاول اركز في السواقة

لما الافكار دي تنط قدامك لازم تطرديها وتعاندي نفسك ... عشان تعملي كده
تروحي دايسة بنزين علي الآخر وطالعة باقصي سرعة و تعملي امريكاني صوته يصحي الاموات وتلفي شمال ويمين في نفس الوقت.... وتطلعي ايديكي الاتنين من الشباك وتشاوري لكل اللي حواليكي وتدوسي فرامل قوية جدا تخلي العربية تكلبش مكانها وتنقلي الفتيس اول وتاني وتالت ورابع ومرشدير مع بعض وتشغلي انوار العربية كلها ... كل ده وانتي فاتحة الشنطة والكبوت والاربع ابواب

بس ... وتصحي من النوم ...
كدة تبقي سواقة تمام

[SEATLOVER]

يا نهار ...الدائرى .... و مالة الخط المستقيم

[fahd_628]

لأ غلط الى قالك على حكاية الدبيراج دية

دة بالعكس الى بيفرمل و هوة دايس دبرياج بيقصر عمر التيل لأنة زى ما قال اخونا حازم بيستخدم و هوة مش دايس الفرامل حاجة اسمها ال ENGINE BREAK و دية ممكن تشوفيها ان لما تكونى ماشية مثلا على الأول و على 20 مثلا و سيبى بنزين حتلاقى العربية بتفرمل كدة جربى بقى و دوسى دبرياج على نفس السرعة حتلاقى العربية مكملة و شوفى انتى بقى بالعقل كدة مين الى بيستهلك الفرامل اكتر :) بس برضة لازم لو حتقفى تدوسى دبرياج علشان لو مادوستيش العربية حتبطل بس خلى الكلام دة بعدين دلوقتى سوقى براحتك و بعدين ابقى ظبطى الحاجات دية سهلة والله :)

و اوعى حد مثلا يزمرلك لأى سبب ان العربية بطلت منك او انك عملتى حاجة غلط تقومى مربوكة و خايفة لأ معلش سورى فى اللفظ خليكى باردة و ولا يهمك حد لأنك لو اتوترتى مش حتعرفى تتصرفى صح ( اسف مرة تانية على الكلمة بس هية دية المناسبة :)

و كمان متحاوليش تشغلى كاسيت فى الأول علشان تركزى فى السواقة و تسمعى صوت الموتور و الكلام دة

و لو ليكى اى استفسار فى السوقة احنا معاكى اهو :)

تعرف؟ انا ساعات و انا سايقة بتسيطر علية أفكار من نوعية مش هاعرف.. مش هاقدر.. عمري ما هاعرف أسوق كويس.. اكيد دلوقتي هاتلبخ و ابوظ الدنيا و حاجات من دي كتير.. انما باطردها من دماغي فورا و احاول اركز في السواقة

تماااااام كدة الله ينور هوة دة المطلوب :)

[جمال]

[quote=fahd_628;201190]لأ غلط الى قالك على حكاية الدبيراج دية

دة بالعكس الى بيفرمل و هوة دايس دبرياج بيقصر عمر التيل لأنة زى ما قال اخونا حازم بيستخدم و هوة مش دايس الفرامل حاجة اسمها ال ENGINE BREAK و دية ممكن تشوفيها ان لما تكونى ماشية مثلا على الأول و على 20 مثلا و سيبى بنزين حتلاقى العربية بتفرمل كدة جربى بقى و دوسى دبرياج على نفس السرعة حتلاقى العربية مكملة و شوفى انتى بقى بالعقل كدة مين الى بيستهلك الفرامل اكتر :)

كلام صح 100%100

[OlaOsman]

سؤال برئ.. هو ممكن حد يفشل في تعلم السواقة؟ :(

[Karim_Monir]

اكيد لاء
اللي هايفشل فيه انه يتحكم بالعربية
هو اللي انا حاسة ان المدرسة بتاعتك مستعجلة عليكي شوية
انا رايي تخليكو في حتة فاضية الاول لحد ما تتمكني من العربية
احب كمان اوللك حاجة
وانتي بتدوسة بنزين ما تخلكيش ساندة طرف رجليكي على الارض وتمدي مشط رجليكيتدوسي بيه بنزين
لاء حركي رجليكي ورا وقدام عشان تدوسي بنزين وترجع

[OlaOsman]

اكيد لاء
اللي هايفشل فيه انه يتحكم بالعربية
هو اللي انا حاسة ان المدرسة بتاعتك مستعجلة عليكي شوية
انا رايي تخليكو في حتة فاضية الاول لحد ما تتمكني من العربية
احب كمان اوللك حاجة
وانتي بتدوسة بنزين ما تخلكيش ساندة طرف رجليكي على الارض وتمدي مشط رجليكيتدوسي بيه بنزين
لاء حركي رجليكي ورا وقدام عشان تدوسي بنزين وترجع

هي آه ممكن تكون مستعجلة شوية.. او انا اللي أعصابي مضغوطة بزيادة.. احنا بالفعل بنتدرب في مكان واسع، بس بعد كده بنطلع على الدايري و بتكون هي ماسكة الدركسيون و متحكمة فيه و انا مركزة مع البدالات.. النهاردة اتعلمت الملفات و المارشدير.. دي تالت حصة على فكرة.. كتير كده و لا ايه؟

[Abonora]

هي آه ممكن تكون مستعجلة شوية.. او انا اللي أعصابي مضغوطة بزيادة.. احنا بالفعل بنتدرب في مكان واسع، بس بعد كده بنطلع على الدايري و بتكون هي ماسكة الدركسيون و متحكمة فيه و انا مركزة مع البدالات.. النهاردة اتعلمت الملفات و المارشدير.. دي تالت حصة على فكرة.. كتير كده و لا ايه؟

اكيد يا علا كتير كده عليكى فى 3 حصص
اصل السواقه مش انها تديكى من كل فيلم اغنيه
ازاى انتى لسه محتاره فى البدالات
و هى ماسكه الدركسيون
تقوم بعد كده تديكى المارشدير و الملفات
دى الطلعه بس بتاخد كذا حصه علشان العربيه متبطلش منك و لا تنط و تعودى رجلك فيها ازاى تدوسى بنزين و تشيلى دبرياج
و فى نفس الوقت تكونى متحكمه فى الدركسيون
و هى اصلا لو كانت حست انك متحكمه فى العربيه مكنتش مسكت الدركسيون
بس العيب منها مش منك
مع احترامى لها بس شكلها غبيه
علا يا ريت بلاش تطلع عالدائرى دلوقتى
الطرق السريعه دى خطر و زحمه و محدش حيصبر عليكى
و لا حيستناها حد عقبال ما تمسك الدركسيون و عمرها محتكون متحكمه كويس و هى قاعده جنبك
معرفش حاسه لو غيرتيها يبقى احسن ؛؛؛

[OlaOsman]

اكيد يا علا كتير كده عليكى فى 3 حصص
اصل السواقه مش انها تديكى من كل فيلم اغنيه
ازاى انتى لسه محتاره فى البدالات
و هى ماسكه الدركسيون
تقوم بعد كده تديكى المارشدير و الملفات
دى الطلعه بس بتاخد كذا حصه علشان العربيه متبطلش منك و لا تنط و تعودى رجلك فيها ازاى تدوسى بنزين و تشيلى دبرياج
و فى نفس الوقت تكونى متحكمه فى الدركسيون
و هى اصلا لو كانت حست انك متحكمه فى العربيه مكنتش مسكت الدركسيون
بس العيب منها مش منك
مع احترامى لها بس شكلها غبيه
علا يا ريت بلاش تطلع عالدائرى دلوقتى
الطرق السريعه دى خطر و زحمه و محدش حيصبر عليكى
و لا حيستناها حد عقبال ما تمسك الدركسيون و عمرها محتكون متحكمه كويس و هى قاعده جنبك
معرفش حاسه لو غيرتيها يبقى احسن ؛؛؛

النهاردة فعلا يا ساندي كان تو ماتش ستريس علية.. بعد ما خلصنا ماتش الملفات و المارشدير إياه طلعنا على الدايري و كنت انا اللي سايقة زي ما قتل لك.. و إذ فجأة الطريق واقف و انا في النص.. طبعا طلعت عين اللي جابوني في الطريق اللي ماشي تاتا تاتا ده لحد ما حسيت ان رجلي شضضدت من كتر التنشنة و محاولة التركيز وسط الكم الهائل ده من العربيات.. انما في أول فرصة بدلنا و هي اللي كملت سواقة.. بس بعد ما أعصابي كانت هاتنهار خلاااااااااااااااص :(

مش عارفة يا ساندي.. مش عايزة أغيرها و بعدين احس اني استعجلت.. انا باقول خليني معاها للآخر و خلاص.

[abdelaziz-waleed]

يا جماعة محدش يطلع على الدائري اليومين دول لغاية ما علا تتعلم سواقة

[fahd_628]

لأ يا علا متفقديش الأمل والله هية بس فى الأول صعبة و بعدين حتلاقيها سهلة جدا جدا والله

[Chicco]

علا شكلك ما شفتيش مشاركتي الاولانية :p
المدربة بتاعتك ديه عملة ذي المدرب بتاعي اللي خدني على كوبري إسمه كوبري المرازيق على قد ما افتكر في تالت أو رابع حصة و كنت حاسس اني بانتحر على الكوبري ده بس كله عدى على خير أهو وبقالي ١٨ سنة باسوق عقبالك :)