يومياتي في تعلم السواقة

[Dr_Mido]

مش مهم متحسيش انها غريبه قوى 80% من الشعب مبيستعملش المرايات اساسا
بهزر طبعا هى مهمه بس متشغليش بلاك بيها قوى دلوقتى
ركزى اتى بس مع الدريكسيون وسيبى لرجليكى الجزء بتاع الدواسات دة وهتتحل المشكله باذن الله

[Nader]

ايوة بالظبط زي ما قال dr mido أأمن.

انا حاسس ان المدربة دي مستعجلة

شويتين علشان تطلعك دائري كدة على طول.



كان المفروض الاول تاخدك على ابعاد العربية

وبعد كدة تخليكي تتحكمي فيها كويس واخيراً

توديكي في المعترك الحقيقي وسط العربيات

في الشوارع.

[OlaOsman]

ده الدائري بأه طلع أريح فيي السواقة كتير عن جوه البلد.. كباري و ملفات و إشارات و غلاسات و غتاتات و تعليقات

النهاردة في اكتر من حد جه جنبنا كده و زعق و قال كلام ما سمعتوش.. مش عارفة ليه.. يمكن عشان انا كنت واخدة الشمال و ماشية زجزاج؟ :D

[aif]

يا علا ..... عودي نفسك من غير ما حد يقوللك كي دقيقتين ... لازم تبصي في التلات مرايات .. اليمين والشمال والصالون حتي لو ماشيه طوالي ومش ح تحودي يمين او شمال .. كده انتي ح تكوني علي علم بكل ما حولك .. عارفة ان فيه عربيات حولك ولا لأ .. عشان تعرفي تتصرفي بسرعة في اي طارئ ... ده طبعا غير انك لو ح تحودي شمال او يمين لازم تبصي في المرايات عشان تشوفي الوضع حولك يسمح بكدة ولا لأ
والموضوع مش صعب مجرد تبصي بعينك من غير حتي ما تحركي رقبتك .. لكن عشان تعملي كدة لازم تظبطي المرايات الثلاثة قبل ما تتحركي ..
لازم تعودي نفسك علي كدة لأنك ح تفضلي تعملي اللي اتعودتي عليه بعد كدة علطول
ربنا معاكي
المفروض زوجتي تبدأ بكره الصبح .. زمانها خايفة وفرحانة في نفس الوقت

[Dr_Mido]

عادى عادى اللى بيزعقلك دة مبيعرفش يسوق وغيران منك متنحطيش فى بالك احقاد حاقدين
شايفك بقىلا ماشيه زى الاسد على الطريق وراكبه عربيه 127 غار منك بقى متحطيش فى بالك زوبعه فى فنجان :d:d:d:d

[sokasoon]

انا حاسس ان المدربة دي مستعجلة

شويتين علشان تطلعك دائري كدة على طول.

كان المفروض الاول تاخدك على ابعاد العربية

وبعد كدة تخليكي تتحكمي فيها كويس واخيراً

توديكي في المعترك الحقيقي وسط العربيات

في الشوارع.

بالظبط زى ما قال نادر المدربة مستعجلة جدااا

وبعدين كل المشاوير اللى بتمشيها 5 حصص تقريبا

بتمسك معاكى الدركسيون لسه المفروض انك ماتمشيش وسط السيارات

والزحام ولا حتى الدائرى الا لما تتحكمى كويس فى العربية وماتدخليش فى الزحمة

مرة واحدة يعنى كل يوم ربع ساعة من الوقت تدخلى وسط العربيات وواحدة واحدة

لحد ماتعودى انك تمشى وسط العربيات وتبصى فى مراياتك كويس من غير ماتزنقى على حد

وتعودك تدخلى شوارع ضيقة بعد كده والعربيات رايح جاى بحيث تقدرى تعدى فى اى شارع ضيق

بدون اى قلق وبعدين تتعلمى ازاى تركنى العربية واحدة واحدة مش من مرة واحدة

انما الاستعجال ده هيكون نتيجته التوتر والقلق وعدم التحكم فى السيارة

[OlaOsman]

بالظبط زى ما قال نادر المدربة مستعجلة جدااا

وبعدين كل المشاوير اللى بتمشيها 5 حصص تقريبا

بتمسك معاكى الدركسيون لسه المفروض انك ماتمشيش وسط السيارات

والزحام ولا حتى الدائرى الا لما تتحكمى كويس فى العربية وماتدخليش فى الزحمة

مرة واحدة يعنى كل يوم ربع ساعة من الوقت تدخلى وسط العربيات وواحدة واحدة

لحد ماتعودى انك تمشى وسط العربيات وتبصى فى مراياتك كويس من غير ماتزنقى على حد

وتعودك تدخلى شوارع ضيقة بعد كده والعربيات رايح جاى بحيث تقدرى تعدى فى اى شارع ضيق

بدون اى قلق وبعدين تتعلمى ازاى تركنى العربية واحدة واحدة مش من مرة واحدة

انما الاستعجال ده هيكون نتيجته التوتر والقلق وعدم التحكم فى السيارة

طيب يعني اعمل ايه دلوقتي؟؟

[Dr_Mido]

حاوى تحددى قدراتك ايه فى السواقه تقدرى تعملى ايه واعمليه واللى انتى حاسه انه صعب عليكى تعليه بالتدريج
بدل متطلعى المحور اطلعى شارع الهرم والله مش بهرج هيعلمك معنى انك تطلعى وتقفى بالعربيه 500 مرة
ومنها اطلعى لطرق مفتوحه شويه اكتوبر مثلا ومنا تقدرى تروحى فى اى حته بلاش مجازفه يعنى فى الاول

[maki_nile]

بصى يا علا دى اول مشاركة ليا بالموضوع وانا سعيد اوى بالمشاركة دى .
انا برضه لسة متعلم السواقة بقالى زى 3شهور كده واهم حاجة اتقالتلى متخفش وحاول تظبط نفسك على الطريق فى خط مستقيم يعنى حركة الدريكسيون تبقى على القد لحد متظبطى نفسك ومتحركيش الدريكسيون حركة كبيرة عشان تعرفى تلمى العربية
وكمان متتحركيش يمين او شمال من على الطريق الا بالمرايات فحاولى تتعودى عليها
ومتخفيش وقولى لنفسك الناس دى كلها مبسقش كده من يوم ما اتولدت يعنى وثقى فى نفسك هتلاقى العملية سهلة والله وانا مشيت بالحاجات دى ودلوقتى الحمد لله مستوايا كويس وطلعت فى شوارع زحمة واشارت وحاجات كده

انا قولت اقولك على اللى انا اعرفه ارجو ان تستفيدى منه وبالتوفيق

[sokasoon]

طيب يعني اعمل ايه دلوقتي؟؟

تبتدى واحدة واحدة من جديد

كل يوم ساعتين مثلاث وبالترتيب

يعنى الاول تتعلمى فى مكان فاضى لحد ماتقدرى تمشى وتتحكمى فى العربية لوحدك وتتدربى على

الاشارات والملفات

وبعد كده تبتدى تدخلى فى الزحمة شوية شوية وتعودى نفسك على المرايات مرة مع مرة هتتعودى
عليها

وبعدين تبتدى تطلعى على طرق سريعة شوية وتتعودى تمشى وسط العربيات هتلاقى عربيات بتعدى

بسرعة من جمبك ماتقلقيش خالص المهم انك تكونى مظبطة مراياتك كويس وشايفه اللى جى من شمالك ويمينك كويس

وبعد كده تتدربى على المارشدير وانك ترجعى بظهرك لورا وتستخدمى مراياتك وانتى بترجعى او

تبصى وراكى وديه هتساعدك كتير وانتى بتتعلمى ازاى تركنى العربية

بكده مش ناقص غير الركن ولازم تتدربى كويس عليه وازاى تركنى وسط عربيتين فى مكان على قد

العربية بالظبط وده باردو هيجى مرة مع مرة

انا مش عايز اصعب عليكى الموضوع بس علشان تسوقى كويس لازم تتدربى صح وواحدة واحدة

ومتصربعيش نفسك خالص

[OlaOsman]

جزاكم الله خيرا جميعا على المساندة :)

[Ahmad Allawy]

كلام وليد بك عبد العزيز بخصوص الدبرياج انا شايفه صح جدا.. و برضه مستنيين توكيد حد من المحترفين التقال في المنتدي..
وبالمناسبة يا علا..
ما الدنيا إلا دبرياج و فرامل و بنزين و فتيس و دركسيونون كبير
المقولة دي جامدة جداااااااااااااااااااااااااااااااااااااااااا اخر حاجة.. فعلا ضحكت قوي لما قريتها اول مرة..

[i_Am_Legend]

ازيك يا استاذة علا الف مبروك العربية انا برضة جبت 127 من يومين وعلى فكرة انا ساكن فى شبرا برضة وموضوع السواقة دة حاجة هبلة بس هقولك على نصيحة عايزة تتعلمى سوقى لوحدك ومن غير حد ما يركب معاكى وابتدى من مكان فاضى وبعدين خشى فى الزحمة وبعدين الموضوع هيبقى عادى جداااااااااااااااااااااااااااااااااااااااااااااااا اااا

[Mzeid]

انا كنت زيك كدة انا كنت حاسس انى مش حعرف اسوق خالص زى الناس :) بس ابويا كان بيشجعنى و يقولى اطلع متخفش و لو خبط ولا يهمك مع انى عارف انك مش حتخبط و كلام مشجع دلوقتى الحمد لله شوماخر هههههههههههههههههههههههههههههه بهظر طبعا بس الحمد لله بسوق 100 100

يا حظك يا فهد انا والدي كنت بخليه يعلمني بالعافية و هما 6 مرات اللي سقت العربية فيهم من ضمنهم 1 لوحدي بس الحمد لله سواقتي %75 و في بعض المواقف و انا بسوق ....... على فكرة عربيتنا هي سيارة الشعب حمالة الأسية ال 128

1- مرة كنا في الساحل كان في عيد كبير و جدتي كانت بتدبح مع ناس قرايبنا في برج العرب المهم و إحنا داخلين القرية قلت لوالدي اسوق أنا كانت 2 مرة اسوق فيها المهم سقت و مشيت بالعربية و مرة و انا ماشي في شارع صغير و في عربيات على الجنبين و في ناس ماشية على الناحيتين المهم فجاة ............................... ولد صغير 4 سنين جري من والده و بيني و بينه حوالي 0.5 متر المهم أنا و لا دوست فرامل و لا رفعت بنزين .....عادي خالص :D:D:D:D:D بس الحمد لله ربنا ستر و واحد شدة للناحية الثانية بسرعة و أنا TAKE IT EASY YA 3AZEZY الحمد لله ربنا ستر .

2- المرة دي كانت المرة ال 6 اللي أسوق فيها العربية و كانت أول مرة أسوق لوحدي ( ;) سرقة يعني ) و كنت في مشوار جنب البيت بعد ما اخدتها من الميكانيكي المهم في دخلة على شكل V و أنا داخل يمين و كان في واحدة راكنة بأكسنت يمين المهم هي طلعت في دخلتي و قفلت عليا !!!!! إيه باه الغلاسة دي المهم خلتني غصب عني أخدت شمالي و بعدين لقيتها هدت :( تقريباَ فهمت فعدلت و دخلت يمين تاني .

3- المرة اللي قبلها كنت راكب مع واحد بيعلمني السواقة المهم كنت ماشي بالراحة نوعاَ ما و فجاة الاقيلك نقل من ورايا عمال يزمر بيييييييييييييييييب فجأة دخل شمال علشان يفاديني و المسافة بيني و بينه كانت VERY CLOSE جداَ قمت سايب الدريكسيون و كنت هدخل بالعربية في عامود نور .

4- مرة كنا بنصيف في رأس البر ( على رغم إنه مصيف شعبي جداَ بس أنا بعشقه ) و ألحيت على والدي في يوم من الأيام إن إحنا نطلع طلعة الصبح علشان أتعلم المهم رحنا في طريق فاضييييييييي خلف البلد و سقت العربية كان طريق طوله حوالي كيلو و كان داخل على طريق تاني و مكنش فيه لفة U TURN لأنه كان عبارة عن جزيرة من الرمل في النص المهم بعد ما خلصت الكورس قالي لف من الرملة فدخلت في حتة فيها رملة كتير و العربية شبه غرزت المشكلة إن الشاسيه كان فيه شرخ فالكوبلن كان بيطلع و لما تعدي على أرض فيها رملة بتزحلق العربية بتتنفض جامد جداَ المهم آجي ادوس بنزين و ما أدراك على اللي حصل ............... زلزال بقوة 1000 ريختر .

أنا عايز أضيف حاجة صغيرة : لما والدي كان بيركب جنبي علشان يعلمني كان بيغظني جداَ يعني يبقى في مطب قدامي أعلى من جبل إفرست و الأعمى يشوفه يقولي حاسب المطب و من دة كتيررررررر .

دي بعض المواقف اللي حصلتلي و انا بسوق .
:):):):):):)

[king_de_egypt]

على فكره لو واحد جه و قالك حاسبى حاسبى تعرفى انو انا بحب اشتغل الناس اللى بتتعلم لسه دى وربنا معااااكى :d