مركز نايل موتورز لدهان وتجديد السيارات

[Abdelrahman.H]

طب تقريبا التكلفة ممكن تبقى كام يا باشمهندس؟

من قال لا أدري فقد أفتى


كلم بسام و إسأله ... أو إنتظر رد كريم

[Karim_Monir]

للاسف فعلا معرفش تتكلف كام
لكنه لسه عامل شغل هوايات في اكصدامات التيدا بتاعت احمد مصطفي
ولسه بتتمعجن عندي ف يالورشة لو حابب تبص عليها قبل ما تتبطن وتشوف شغله بنفسك

[أبومعاذ]

للاسف فعلا معرفش تتكلف كام
لكنه لسه عامل شغل هوايات في اكصدامات التيدا بتاعت احمد مصطفي
ولسه بتتمعجن عندي ف يالورشة لو حابب تبص عليها قبل ما تتبطن وتشوف شغله بنفسك

هحاول أعدي أبص بصة ربنا يسهل

[mahmoudysf]

السلام عليكم
سؤال للاستاذ كريم
انا عندي البوية حالتها جيدة
لاكن اول ما اشتريتها خليت واحد عملها وش بوليش من ساعتها التراب الناعم بحس انو بيلزق في جسم العربية هل فيه حل لكدة

[Amro_ON]

كريم باشا, ازيك

حبيت اشكرك شكرا جزيلا انت و أحمد قدوره على الشغل اللي اتعمل في العربيه بتعتي. بجد جزاكم الله خيرا

و شكرا أكتر انكم استحملتو اجراءات شركة التأمين يتاعتي السخيفه اللي دوختني وراها السبع دوخات لحد معملوا المعاينات بتعتهم. انا عاجز عن الشكر. أنا بجد هريت أحمد قدوره مكالمات و راجل بصراحه عمره متأخر يرد عليا

العربيه بتعتي كان ابن حلال دخل فيه من ورا على الطريق الزراعي ظبطلي الاكصدام الخلفي و عندي خبتطين في البابين اليمين عند القايم كده و شوية سحجات كده. الحمد لله على كل شئ.

انا ان شاء الله هصور العربيه بعد مخلصت ورفعها هنا

[Karim_Monir]

استاذ محمود للاسف لاء بس ممكن تعمل تلميع ووراها طبقة حماية بتخفف التصاق التراب للبوية

استاذ عمرو انت نورتنا واله وعربيتك قرفتها حلوة ما شاء الله وخرجت شوية البوية عليها زي الفل رغم ان اللون الدهبي بتاعها متعب
لكن ما شاء الله ربنا يحفظهالك
ومستنين الصور خاصة بعد الدهان

[badrbadr]

الف مبروك والله انا تعبت مع التوكيل لان عندى مشكلة الفتيس بيعض ويرزع فى المرشدير وهذا يحدث والجو بارد يعنى فى الشتاء اما فى الصيف بيكون سلس وايضا اثناء السير فى الزحمة بيعصلج الفتيس ومش عارف انقل الى سرعة ثانية يعنى مش عارف انقل عصى الفتيس من الاول للثانى الا لما ادوس على دواسة الدبرياج مرتان ..نفسى اعرف ايه المشكلة دى وهذه العصلجة تحدث فقط فى التحرك والوقوف المستمر فى الزحمة فقط

[Karim_Monir]

للاسف معنديش حل لمشكلة الفتيس لانه غالبا عيب صناعة والتوكيل بيتجاهلك لغاية ما تخرج من الضمان

[Hany.ElBaathy]

كريم
اولا الف مبروك و ربنا يباركلك و يزيدك من رزقه الحلال

ثانيا انا عربيتى بى ام دبليو 320 2009 يعنى جديدة و مبتتكشفش غير على التوكيل :)

بس فيها شوية خرابيش و كمان خبطة صغيرة بس فى مكان غلس في الشنطة و طبعا لو راحت التوكيل هيدفعونى دم قلبى

و ان شاء الله ناوي اجى اعملها عندك بس عايزك انت الى تشوفها و تقولى اعمل ايه علشان هي اصلا سعرها بيتخسف بيه الارض زى ما انت عارف فمش ناقصة كمان تبقى مرشوشة بس الى هتشوفو انت صح هعمله

انت بتكون موجود في الورشة امتى و هل انتو شغالين في الاجازة دى؟

و الف مبروك مرة تانية

[mahmoudysf]

استاذ محمود للاسف لاء بس ممكن تعمل تلميع ووراها طبقة حماية بتخفف التصاق التراب للبوية

شكرا لردك يا استاذ كريم
وان شاء الله في اقرب فرصة اجي اعملها
بس فيه سؤال هل المقصود بالتلميع هو التلميع بالبوليش وهل طبقة الحماية هي الشمع
وهل التلميع بالصاروخ مش بياثر على طبقة البوية
وشكرا مقدما

[sabry7]

السلام عليكم بسم الله ماشاء الله انا اول مرة ادخل المنتدى النهاردة وشوفت الشغل الجميل ده افول لحضرتك انا عندى ريجاتا 84 عاملة زى المشنى بارومة فى العتب والشنطة والحوض الاقى حل ليها عندكم ومش مهم حكاية اعادة البيع دى انا باحب العربية دية ومش ناوى ابيعها ولكم جزيل الشكر

[Karim_Monir]

كريم
اولا الف مبروك و ربنا يباركلك و يزيدك من رزقه الحلال

ثانيا انا عربيتى بى ام دبليو 320 2009 يعنى جديدة و مبتتكشفش غير على التوكيل :)

بس فيها شوية خرابيش و كمان خبطة صغيرة بس فى مكان غلس في الشنطة و طبعا لو راحت التوكيل هيدفعونى دم قلبى

و ان شاء الله ناوي اجى اعملها عندك بس عايزك انت الى تشوفها و تقولى اعمل ايه علشان هي اصلا سعرها بيتخسف بيه الارض زى ما انت عارف فمش ناقصة كمان تبقى مرشوشة بس الى هتشوفو انت صح هعمله

انت بتكون موجود في الورشة امتى و هل انتو شغالين في الاجازة دى؟

و الف مبروك مرة تانية

اهلا وسهلا استاذ هاني ما تقلقش لسه عاملين اختها الكبيرة
523 موديل 2011 :-)
طلعت زي الفل والحمد لله
هابقي انزلك الصور تتطمن بنفسك وتشوف الشغل اللي اتعمل فيها
حد واتنين قافلين ونفتح التلات ان شاء الله ابقي كلمني ونرتبها سوا

[Karim_Monir]

استاذ محمود ايوة التلميع بولش وكباوند بالماكنة ويدوي وراه
والحماية بالشمع

السلام عليكم بسم الله ماشاء الله انا اول مرة ادخل المنتدى النهاردة وشوفت الشغل الجميل ده افول لحضرتك انا عندى ريجاتا 84 عاملة زى المشنى بارومة فى العتب والشنطة والحوض الاقى حل ليها عندكم ومش مهم حكاية اعادة البيع دى انا باحب العربية دية ومش ناوى ابيعها ولكم جزيل الشكر

اه طبعا ليها حل ان شاء الله
تيجي تشرفنا السمكري يبص ويقولك المقايسة وانت واقف

[prisoner]

استاذ كريم ازيك عامل ايه مكنش لية الحظ انى اقابلك كلمتك كنت كذا مرة مش موجود وانا قعدت حوالى 3 ايام مابين بسام واحمد قدورة وافتكر انت جيت اكتر من مرة وانا مكنتش موجود كل ما اجى احمد يقوللى كريم لسة ماشى واعتقد ان حضرتك شفت العربية بتتعمل عندكم انا مصطفى الانسر ميراج سيلفر ان شاء الله هارتب معاك واقابلك ان شاء الله تحياتى مصطفى محمود

[shams47]

استاذ كريم
اولا احب اهنى نفسى انى انضميت للمنتدى الجميل ده
واحب اهنيك على المشروع اللى اسمحلى اسميه خدمى لااعضاء المنتدى اللى كل واحد فيهم اتخم عند الصنايعيه للركب
وانا اولهم
احب اعرفك بنفسى انا محمد عدلى-القاهره
نوع الغربيه:نوبيرا 2007
حصل انها اتخبطت فى الرفرف اللى ورا شمال وحبيت ارد الرفرف وارش العربيه كامله نظافه بسكينز وسمعت ارقام خياليه من 1200 حتى 1800
ياترى الكلام ده ايه؟؟؟؟؟؟؟؟؟؟؟؟؟؟؟؟؟؟؟؟؟؟؟