مركز نايل موتورز لدهان وتجديد السيارات

[kamanana44]

ألف ألف مليون مبروك ياكريم بيه
ويارب تكون افتتاحية خير ان شاء الله
ومعلش هي متأخرة شويه
بس من قلبي والله
وان شاء الله هاجيلك اظبط الدنيا عندي فالعربية

[ahmedbadawy]

سؤال يا أستاذ كريم .. أنا معايا كيا سيفيا أنا لسه راشش من 6 شهور تقريباً .. بس حصل والحمد لله خبطه فى الباب اليمين من الخلف هيا مش كبيرة قوى بس ظهرت المعجون وهيا طولها تقريباً 40 سم فى 5 سم .... وبصراحه مخليالى شكل العربيه وحش .. فل ينفع نعمل دى بس ولا لازم الباب كله وعلى فكرة هيا لونها ذهبى ميتالك

[ahmedbadawy]

أسف نيت ولو ممكن تتكلف كام بالظبط علشان أعمل حسابى وانا جاى إن شاء الله

[Karim_Monir]

لازم يترش الباب كله
وما تقلقش مش غالي لو نضيف في حدود ال 250 او 300 حسب لو فيها خبطة وشغل لانه هايتسحق كله

[ahmedbadawy]

شكرا ليك كريم باشا

[HoDeSTa]

ربنـا يكرمـك

بالتوفيـق

[pegpus]

مجهود ممتاز وعرض ممتع ولكنى لى تعقيب صغير ممكن يفيد الاعضاء بالمنتدى الغالى
اولا \ المصداقيه هى مفتاح النجاح لذا نرجو اضافة التكلفه طبعا بالجنيه المصرى + نوع البويه المستخدمه ولو امكن الفتره الزمنيه التى تم فيها الاستلام والتسليم + رقم موبايل مالك السياره \ بجوار الصور التوضيحيه لهذا العمل الرائع
ثانيا \ لى ملحوظه صغيره وجدت رفرف متجلخ او يعنى متسروخ بلكامل بعد السمكره وهذا يضعف الصاج ويجعل به حفر عميقه نسبيا من اثر الحجر لاتعالجه صنفرة البويجى لانها قطعا اضعف من الصاروخ فتصبح تلك الحفر سكن للبرومه مستقبلا عفوا الصاروخ للتنظيف بعد اللحامات والقطع فقط وليس لسمكرة الصاج وتسويته على حساب تخانة الصاج وهذا للعلم فقط
ثالثا \ خريطه توضيحيه للمكان ومواعيد العمل
اتمنى التقدم الدائم وارتفاع جسر الثقه والاءرتقاء والتميز

[mostafa12eg]

مبارك إن شاء الله وهاجيلك علشان عندي شوية شغل فى العربية إن شاء الله

[Karim_Monir]

مجهود ممتاز وعرض ممتع ولكنى لى تعقيب صغير ممكن يفيد الاعضاء بالمنتدى الغالى
اولا \ المصداقيه هى مفتاح النجاح لذا نرجو اضافة التكلفه طبعا بالجنيه المصرى + نوع البويه المستخدمه ولو امكن الفتره الزمنيه التى تم فيها الاستلام والتسليم + رقم موبايل مالك السياره \ بجوار الصور التوضيحيه لهذا العمل الرائع
ثانيا \ لى ملحوظه صغيره وجدت رفرف متجلخ او يعنى متسروخ بلكامل بعد السمكره وهذا يضعف الصاج ويجعل به حفر عميقه نسبيا من اثر الحجر لاتعالجه صنفرة البويجى لانها قطعا اضعف من الصاروخ فتصبح تلك الحفر سكن للبرومه مستقبلا عفوا الصاروخ للتنظيف بعد اللحامات والقطع فقط وليس لسمكرة الصاج وتسويته على حساب تخانة الصاج وهذا للعلم فقط
ثالثا \ خريطه توضيحيه للمكان ومواعيد العمل
اتمنى التقدم الدائم وارتفاع جسر الثقه والاءرتقاء والتميز

اهلا وسهلا بحضرتك معانا
اني احط تكلفة شغل انت ماشفتش حالتة قبل الدهان وحالة الصاج اكيد مش منطقي
لاني لو كدة كان يبقي اسهل عليا اني احدد تكلفة الدهان اول ماشوف الصور
لازم تتعاين العربية واشوفها واشوف حالة الدان والصاج وتاخد شغل قد ايه
رقم موبايل صاحب العربية ده مستحيل لانها حاجة شخصية مقدرش احطها على العام وده مش من حقي
لان في اعضاء بيرفضو اني احط صور عربياتهم فما بالك اني احط ارقام موبايلاتهم

ثانيا وارد جدا ان يكون السلخ تم بعد لحام وانت مش شايف اثر اللحام او كان فيه طبقات من الدهان عالية محتاجة سلخ اللي بيحدد ده فني الدهان والسمكري وحالة كل سيارة على حدة
وطبعا مش من مصلحتي اني اسلخ عربية واعيد فيها معجون لان كترة المعجون تعيب الدهان جدا

الخريطة والوصف موجودين في اول مشاركة في الموضوع
ومواعيد العمل من 10 صباحا الى 10 مساء
تحياتي

[Karim_Monir]

مبارك إن شاء الله وهاجيلك علشان عندي شوية شغل فى العربية إن شاء الله

تنورنا ان شاء الله احنا فاتحين كل يوم ن 10 الى 10 ما عدا يوم الاحد طبعا

[mqady]

الف الف مليار مبروك ياباشا

[mahshahin]

باشا انا عربيتى 128 وكنت عايز اظبت العفشة بتاعتها وعايز اسقطها الشغل دة عندك ولا لاء

[magedadly]

الف مبروك

الف مبروك يا كريم و ربنا يكرمك يا رب و انا عايز اجيلك اعمل شوية حاجات فى العربية الاسبوع القادم انشاء الله.

[Eng.Osama.Afifi]

أنا إتعاملت مع أحمد قدورة من خلال العقيد

وصراحة زعلني جدا ... كنت برش إكصيدام وشنطة وإكصدام خلفي ... وكان الإكصدام كله فيه تسييل ... أنا طلبت إنه يترش برة العربية بس هوا أصر إنها تترش على العربية ... وإكتشفت إن الإكصدام من تحت مش مرشوش

هو كصنايعي محترم ومؤدب ... بس صنايعي برضه يعني الواحد لازم يراجع على كلامه ويتأكد من شغله

وبالمناسبة أنا كنت قابلت حضرتك يا أستاذ كريم يوميها عند العقيد وهوا قالك على الحتة ديه :) ... وكنت برش عربيتي لانسر فضي

وأرجو ان يتسع صدرك لنقدي يا أستاذ كريم ...

[zeessam]

موضوع جميل يا استاذ كريم انا عصام لسه عضو جديد وعندى عربيه ريتمو 65 وعايز اعدلها لريتمو ريجاتا يعنى اركبلها نص قدام ممكن اعرف ينفع ولا لا والتكلفه كام وجزاك الله كل خير