حرام ولا حلال اللى بيحصل ده يا جماعه !!!!!

[M.Mokhtar]

ابقى روح اخبط واحد و موتة و عيش التجربة من اولها لاخرها و انا باكد لك ان ردك حيتغير 180 درجة... اللى شاف غير اللى سمع

MMamdouh

بعد الشر طبعا
وربنا يسترها معانا كلنا
بس اللى عاش التجربه عارف هى قد ايه متعبه وقلة ادب فوق الوصف
وهتحس بقهر جامد جدا خصوصا لو انت مش اللى عامل الحادثه اصلا

ربنا ما يوقعنا فى حاجة زى كده

[Dr.SherifMansy]

انا معاك في نفس الرأي يا سامح...

لية السلبية دي يا جماعة. تخيل نفسك في هذا الموقف او اي حد يقرب لك..هل ترضون؟ انا معاكم ان الشرطة في مصر مالهاش غير اللي ادامها وعاوزة واحد يلبس القضية وخلاص...بس البني ادم اللي مرمي ككم مهمل دة ما فيش حد يسأل عنة؟؟ دة لو عربية دهست قطة او كلب في بلد اجنبي زي فرنسا او امريكا بتقوم الدنيا وما بتقعدش. هاتبقوا انتم والحكومة!!

حضرتك بتتكلم عن بلاد بتقوم الدنيا علشان حياة حيوان فعلا ، و لكن حضرتك نسيت ان البلاد دى تمن البنى آدم فيها اغلى بكتير من الحيوان و بيقوموا الكون كله علشان بنى آدم
حقوق المواطن عندهم فى بلدهم بياخدها تالت و متلت و بدون اى نقص
لو حضرتك متابع ABC News كنت سمعت ان واحدة البوليس قبض عليها فى امريكا كانت سايقة و سكرانة طينة و لما البوليس وقفها و قاومته اضطر يستعمل العصا الكهربية ، و لكن لأنه لما قبض عليها استعملها اكتر من مرة ، اعتبروا ده سوء استخدام غير مبرر للقوة ، و قدمت ضده شكوى و يتم التحقيق فيها الآن
هناك يا باشا الأشارات عليها زرار تدوسه تبقى الأشارة حمراء و العربيات تقف علشان تعدى
و هناك حضرتك تاخد مخالفة لو عديت من غير اماكن عبور المشاة
الخ الخ
تقدر حضرتك هنا تاخد حقك من حد من الباشوات لو غلط فيك
بلاش كده ، جربت سعادتك تدخل القسم (مش متهم) و لكن علشان تعمل محضر ؟؟
و بعدين بتقول لو الواحد فى مكان المصاب ده ؟؟؟
سامحنى انا ضحكت من كده لأنى مجرب
يا راجل ده انا يا ما شبعت اتصال بالإسعاف فى حالات طوارئ كتير (و احيانا ناس من اعز الناس عليك) بسبب طبيعة عملى ، و قابلنى لما حد يعبرك
ده انا احيانا كنت بابلغ النجدة عن رقم بلاغ الأسعاف و العربية (المفروض انها طلعت) اللى ماجتش علشان يجيبوها !!!
ايام زمان لما كنا بنقف فى الأستقبال و تحصل مشكلة و أهل المريض (اللى عادة بيكون حصل على لقب المرحوم) بيكسروا الدنيا فوق دماغك قبل ما تنضرب منهم ، و لما النجدة توصل ما فيش حاجة بتهمهم غير تقفيل المحضر ، اما انت و حالتك الصحية مش مهم ، عندك الطب الشرعى ، هو مالوش دعوة ، تروح الطب الشرعى ، تروح للنيابة ، ترفع قضية ، تموت حتى ، مش مهم ... المهم الورق يخلص
فطبعا اللى هايقف (او هايقفوا لو مجموعة ، لأن ممكن ساعتها يتقال ان العربيات كلها مسئولة ، واحد خبطه و الباقى كملوا و عدوا عليه ، و الشطارة فى انهم مسكوا كل المتسببين عن الحادث) هو الوحش الكاسر اللى بيدوس على الغلابة و بيشرب دمهم

[دموع الثلج]

[quote=the_terrible;421770]صح .
عندك حق فعلا .. لكن انت شايف الظروف !! وكمان الراجل اهه لسه بيروح المحكمه بسبب المشكله دى ..العيب فى الحكومه مش فينا احنا ..[/qu


جالى احباط رهيب وحسيت ان المصريين اللى معروفين بالشهامه كلهم ماتووووووا

كل الناس تقريبا رايهم واحد اجرى يا عم متدخلش نفسك فى مصيبه

انا عارفه الوضع القانونى كويس جدا وعارف كمان اقسام الشرطه دخلتها كثير وكل الحوارات شفتها كثير

الكل هيقول الحكومه اللى خلتنا نعمل كده الله يلعــــــــــــــــــن الحكومه هو لما واحد ينفذ شخص يلبسوه تهمه قال يعنى خايفين وبيحافظوا على حق المصاب بكده
طب اهوه الناس بقت بتسيب بعض تموت فى الشوارع ولا انقاذ ولا غيره حافظت على ايه الحكومه

يعنى الواحد عشان الحكومه يتعذب دنيا ويتعذب اخره كمان


عاوزين نعامل ربنــــــــا شويه ونعمل حساب لربنا ونخاف منه

اكثر ما بنعمل حساب للشرطه ونخاف منها

مش عارفه صدمت للسلبيه اللى بداخل كل انسان هى وصلت لحد ان الناس تموت واحنا نتفرج عليهم من بعيد يا خساره بقينا عبيد الشرطه

[Dr.SherifMansy]

فكرتونى بحاجة ايام زمان
طبعا مش محتاج اقول لكم ان فيه ناس متعودة ترمى نفسها قدام العربيات (و لكن مش اى عربيات) علشان ياخد تعويض و الا تتبهدل فى الأقسام و النيابة
و لكن مش محتاج اقول لكم برضه ان احيانا كانت التمثيلية بتكلف النصاب المحترف ده حياته ...
كان فيه واحد عجوز زمان قدام مستشفى الدمرداش يستنى لما يلمح عربية جاية فيها ولد و بنت و يروح رامى نفسه على الكبوت و يصوت و يلم الناس و طبعا يشيلوه على المستشفى و يساوم الولد و البنت على مبلغ نظير عدم عمل محضر ، و طبعا لأن البنت عادة نازلة من غير علم اهلها و حبيب القلب مش هايرضى لها بالشوشرة و اسمها ييجى فى المحضر فيدفع طبعا ..
لغاية اما مرة العربية اللى رمى نفسه عليها ما وقفتش و للأسف يظهر كانت اسرع من حساباته ، فنال لقب المرحوم (و الغريب ان يومها الناس اللى شالته للمستشفى مسكوهم لغاية ما ثبت انهم على رجليهم و مش راكبين عربيات !!!)
تضمن منين سعادتك ان اللى هاتقف له ده مش هايرمى بلاه عليك و يقول هوه ده اللى خبطنى و تبتدى رحلة العذاب
ربنا يستر علينا جميعا

[khpopo]

انا مرة بلغت عن حادثة... قدام عينى عربتين يخبطوا عائلتين باطفالهم سيدات واطفال ومن هول المنظر دخلت يمين من بعيد عنهم ومش مصدق الى شوفتة وكان الخطاء مشترك من العربيات والعائلة لقيت النقطة قدامى فى الشارع الى اخدتةوانا معدى وفى العربية رحت قايل للعساكر الى واقفين تقريبا وانا مهدى مقوفتش خوفا من الى ..بالى بالك عن تجربة واقعية من اكتر من 10 سنين!!!
وكمان لسة مش مجمع من المنظر ..ربنا يلطف بيهم ساعتها وتمنيت اكون مساهم فى انقاذهم بس فعلا ما باليد حيلة
فى مثل لو نفتكرة
امشى سنة وماتعديش قنا (جزء من ترعة) محدش بيعمل كدة كلة مستعجل وبرضة بنتاخر عن كل حاجة فى حياتنا ربنا يرحمنا ويسترها معانا

[Mido80]

لا الة الا الله محمد رسول الله..انا بجد تعبت من كتر الكلام المكتوب ودة اكيد كلام من واقع الحياة. اعذروني اني مش موجود في مصر وباشوف الحاجات دى. بس تعرفوا هنا في قطر بيطبقوا نظام الدية (ودة موجود في جميع دول الخليج) يعني لو عربية خبطت واحد ومات لازم يدفع لة دية قدرها 200 الف ريال قطري سواء الشخص المتسبب في الحادث غلطان او مش غلطان. تخيلوا بقي صاحبنا بتاع مسلسل رمي نفسة علي السيارات دة لو يعرف الحكاية دي ممكن يعمل اية؟؟

[MMamdouh]

لا الة الا الله محمد رسول الله..انا بجد تعبت من كتر الكلام المكتوب ودة اكيد كلام من واقع الحياة. اعذروني اني مش موجود في مصر وباشوف الحاجات دى. بس تعرفوا هنا في قطر بيطبقوا نظام الدية (ودة موجود في جميع دول الخليج) يعني لو عربية خبطت واحد ومات لازم يدفع لة دية قدرها 200 الف ريال قطري سواء الشخص المتسبب في الحادث غلطان او مش غلطان. تخيلوا بقي صاحبنا بتاع مسلسل رمي نفسة علي السيارات دة لو يعرف الحكاية دي ممكن يعمل اية؟؟

فى السعودية الدية بتبقى 100 الف ريال و بيتحدد المبلغ اللى حتدفعة من الدية حسب نسبة خطائك

يعنى لو واحد سكران و بيتطوح فى الطريق يمين و شمال و كسر اشارة ولا طلع فوق الرصيف و موت حد حيدفع ال 100 الف ريال عن كل شخص توفى

لكن لو واحد ماشى فى امان الله و واحد بهيمة رما نفسة وسط الشارع ملوش دية

لو العمليه زى ما انت بتقول كان كل الصيع اللى فى البلد سافروا قطر و رمو نفسهم فى وش العربيات... سبوبة من الاخر بدل القاعدة على القهوة بلاشغلة و لا مشغلة

فيه فرق كبير بين ان واحد سايق العربية و غلط و موت واحد بدون قصد (قتل خطاء) و بين واحد بيخاطر بحياتة و بيعدى فى نهر الطريق وسط العربيات و عربية شالتة (انتحار)

MMamdouh

[Amrrr]

من كام سنة وانا رايح من شيراتون لمدينة نصر في الدائري لقيت عربية (ثلاثة أرباع) نقل وعاملة حادثة داخلة في عربية نقل كبيرة من ورا والجريت النقل الكبيرة وشوفنا العربية النقل الصغيرة واقفة والكابينة زانقة على السواق واللي جنبة ورجل السواق كانت مبهدلة بس كان واعي !!
المهم وقفنا انا وصاحبي ونزلنا نشوف في ايه وكان وقت متأخر ومفيش حد في الشارع غير عربية تانية كيا برايد وقفت معانا وغير كدة كلة بيعدي ويمشي
طلعنا الناس ! طب وبعدين ؟ قلنا ناخدهم على المستشفى والباب بتوع العربية الكيا قالوا هنيجي وراكو عشان نشهد ولو في قلق نبقى مع بعض وفعلا رحنا المستشفى اللي في ظهر رابعة بناء عاى طلب السواق والتبارع اللي معاة وأول مادخلنا المستشفى ودخلنا غرفة كدة وبيسألونا ايه اللي حصل ؟ لسة بقول حادثة .. قاطعني وسأل حادثة عربية ؟ لسة بقول : آه لقيت الأبواب اتقفلت علينا زي مايكونوا مسكوا حرامي غسيل بيسرق هدوم العيانين !! والحمد لله لولا ان السواق فايق وقالهم سيبوهم دا كتر خيرهم هم اللي جابوني لحد هنا ومعرفشي ايه لولا كدة معرفشي ايه اللي كان هيحصل بس الممرضين كانوا بيحبسونا معرفشي الشرطة كانت هتيجي تعمل ايه بقى ؟
بعد الموقف دا بصراحة مش حقف تاني لحد ابدا وربنا يستر علينا كلنا
واللي ماشي لازم يخاف على نفسة اكتر
اعرف واحد لما نيجي نعدي شارع دايما انا بعدي جري او مشي سريع وهو حاطط ايده في جيبة وباصص الناحية التانية ولما أقوله غلط كدة يقوللي مالعربية تقف !!! بكل بساطة العربية تقف !! بتبقى وجهات نظر وانا ردي دايما علية بيكون انا لو مطرح سواق العربية دي مش هقف لأن اقل حاجة حسسني انك مستعجل وانت بتعدي دانت ماشي في شارع سريع وسط اجسام حديد وزنها بيعدي الطن وماشية على سرعات من خمسين ستين كيلو في الساعة لحد مائة مثلا يعني اللمسة بالسلامة خلاص بس تعمل ايه؟

عموما من ملاحظاتي ان الشخص اللي بيسوق وهو بيعدي الشارع غير اللي مش بيعرف يسوق(مش بيسوق اصلا)
وربنا معانا كلنا لأن ولا في نظام في المرور للعربيات ولا للمشاة ، أو محدش بيلتزم !!صح؟

[M.Mokhtar]

عموما من ملاحظاتي ان الشخص اللي بيسوق وهو بيعدي الشارع غير اللي مش بيعرف يسوق(مش بيسوق اصلا)

+1000000000000

[MMamdouh]

اعرف واحد لما نيجي نعدي شارع دايما انا بعدي جري او مشي سريع وهو حاطط ايده في جيبة وباصص الناحية التانية ولما أقوله غلط كدة يقوللي مالعربية تقف !!! بكل بساطة العربية تقف !! بتبقى وجهات نظر وانا ردي دايما علية بيكون انا لو مطرح سواق العربية دي مش هقف لأن اقل حاجة حسسني انك مستعجل وانت بتعدي دانت ماشي في شارع سريع وسط اجسام حديد وزنها بيعدي الطن وماشية على سرعات من خمسين ستين كيلو في الساعة لحد مائة مثلا يعني اللمسة بالسلامة خلاص بس تعمل ايه؟

عموما من ملاحظاتي ان الشخص اللي بيسوق وهو بيعدي الشارع غير اللي مش بيعرف يسوق(مش بيسوق اصلا)
وربنا معانا كلنا لأن ولا في نظام في المرور للعربيات ولا للمشاة ، أو محدش بيلتزم !!صح؟

طبعا كلنا عارفين ان شوارع مصر مش كلها فيها اماكن عبور مشاة ولا كبارى عبور مشاه او انفاق و خلافة... طيب الطريقة الصح ايه فى الظروف دى؟؟

انا شخصيا بعدى الشارع من الحتة الغلط لما يبقى اقرب عربية ليا مستحيل تدوسنى... بمعنى ان لو اللى سايق اقرب عربية ليا طلبت معاه يكبس بنزين على الاخر و يدوسنى عامد متعمد مش حيعرف.... بمعنى اخر انى بكون على الرصيف التانى قبل ما العربية اللى ماشية قربت منى

طبعا انس كتير حتقول "دا انت بتقف بقى نص ساعة فى كل شارع" و ارد و اقول ايوه... لانى ببقى لسا فيا الروح اقف فى كل شارع نص ساعة... ملهاش معنى اقف 5 ثوانى و يبقوا دول اخر 5 ثوانى فى حياتى... انا مش ناوى اموت فطيص

واحده صاحبه المدام كانت بتعدى بطريقة "صدرها للى يقدرها" و كنت طول عمرى اقول لمراتى متنزليش معاها من بعد ما عرفت انها بتعدى كدة و هى بتنصح مراتى انها تعمل زيها لحد ما فى يوم من الايام عربية سوزوكى ربع نقل شالتها و حصلها كسر فى الترقوة... من بعدها بقت بتعدى الشارع زى الكتاب ما بيقول... هو لازم تحصل مصيبة عشان نعمل الصح؟

انا مرة كنت ماشى عند كلية فنون تطبيقية و عايز ادخل شمال عشان اروح على ميدان الجيزة و الحتة دى فيها اشارة... دوست فرامل لقيت العربية ماشية عادى جدا ولا اكنى بفرمل و مرة واحدة كلبشت فى الارض ووقفت قبل لعربية اللى قدامى بمسافة صغيرة... اتارى الارض عليها سولار من الاتوبيسات النقل العام... يعنى لو واحد فهلوى من اياهم بتاع " ما العربيات حتقف" كان عدى قدامى كان زمانة جزء لا يتجزاء من الاسفلت

MMamdouh

[MMamdouh]

+1000000000000

1000000000000000000+

غالبا اللى بيعدوا زى البهايم دول مش فاهمين ان السواق دة معهوش عصاية سحرية يقدر يوقف العربية فى التو و اللحظة

انا اللى بيسوق اصلا بيبقى فاهم امتى العربية تبقى فى مسافه امنة منه و امتى حتدوسة وش

للاسف اللى عندهم عربيات قليل لما بيتحطوا فى الموقف دة لان معظم تنقلاتهم بالعربية و احتكاكهم بالشارع قليل فى حين ان اللى ماشيين فى الشارع دايما ميعرفوش حاجة عن العربيات غير ان فيها فرامل... و ساعات كتير بيعرفوا انها بتموت كمان

MMamdouh

[Mosso]

يا جماعه عند المكان الي صاحب الموضوع بيحكيه فيه عنده كوبري مشاه بعديه بشويه,
حرام انه يكسل يطلع الكوبري و يعرض روحه و روح الباقيين للخطر,
انا في نفس المكان تقريبا من فتره واحد نازل من اوتوبيس على الكبوت بتاع العربيه!!!! كل ده عشان مكسل يستنى لما الاوتوبيس يوصل المحطه عشان هو عايز يمشي في الشارع التاني!!!!!
المشكله ان كل الي كانوا واقفين بيبصولي على اني عيل امي جايبالي عربيه و بروش بيها و مش هاممني حد و سمعت الكلمه المشهوره جدا الي الكل بيسمعها ( ده عيل صغير مش هامّه حد معندوش مسئوليه-حسبي الله و نعم الوكيل )

[MMamdouh]

ي
المشكله ان كل الي كانوا واقفين بيبصولي على اني عيل امي جايبالي عربيه و بروش بيها و مش هاممني حد و سمعت الكلمه المشهوره جدا الي الكل بيسمعها ( ده عيل صغير مش هامّه حد معندوش مسئوليه-حسبي الله و نعم الوكيل )

this is a typical reaction of people that aren't smart enough to get a real job and have the ability to own a car... they think that every car owner either a thief or a bastard... forget about them man

MMamdouh

[Mohd_Adel_Amin]

عموما من ملاحظاتي ان الشخص اللي بيسوق وهو بيعدي الشارع غير اللي مش بيعرف يسوق(مش بيسوق اصلا)

فعلا يا باشا ... الواحد معرفش يعني ايه انك تحترم الراجل اللي سايق عربية وانتى بتعدي الشارع الا بعد ما ساق في الطريق وعرف معنى المعاناه..

[ehabthefirst]

انا بقى عندى تجربه رهيبه فالموضوع ده
و انا رايح الشغل و داخل عالشارع بتاعه لقيت موتوسيكل ماشى بسرعه جنونيه و اللى سايقه مش عارف يسيطر عليه
و لقيته دخل فى عربيه قدامى راكنه و اللى سايق طار و دخل بدماغه فالزجاج الخلفى للسياره المركونه
و كسره بدماغه و دخل جوه العربيه
واللى كان وراه طار و اتدحرج على الارض لحد اما دخل تحت السياره
المهم نزلت مع الناس و طلعناهم و جبنا فوط علشان الدم و اتصلنا بالاسعاف
المهم واحد منهم قعد يصوت و يقول حد ياخدنا عالمستشفى مش قادر اه اه اه
المهم انا تطوعت و خدتهم عالمستشفى و نزلتهم و دخلتهم الطوارىء و لقيت امين شرطه
جالى جرى و يقولى دى حادثه قولتله اه قاللى طب بطاقتك
قولتله انا ماليش دعوه انا وصلتهم بس و انا ماشى و حتى خش اسألهم
دخل سألهم ام رجع يقولى بيقول واحد فيهم ان انت اللى خابطهم؟؟؟؟؟؟؟؟؟؟؟؟؟؟؟؟
انا فوجئت و دخلت و اعدت ازعقلهم و اقول انا خبطكم ؟؟؟؟؟؟؟؟؟؟؟
المهم ما طولش عليكوا اعدت معاهم لحد ما اتجبسوا و اتخيطوا و كلمتلهم اهلهم
و قالوا فالاخر ان انا ماليش دعوه
و فعد الولد يتأسفلى و يقوللى انا قلت كده عشان انا كنت خايف لتمشى و تسبنا لوحدنا
و قعدوا الاثنين يتأسفولى هما و اهلهم
و انا مشيت و انا فى غايه الدهشه
طب افرض كانوا ماتوا؟؟؟؟؟
كان هيحصل فيا ايه؟؟؟؟؟؟؟؟؟؟؟؟؟
بس برضوا لو شفت الموقف ده تانى برضه هعمل الخير
و الباقى على الله