حرام ولا حلال اللى بيحصل ده يا جماعه !!!!!

[ehabthefirst]

بردة؟؟

لا يلدغ الؤمن من جحر مرتين

MMamdouh

اللى يعمل الخير لوجه
الله
مايهمهوش اى عواقب

[ehabthefirst]

شفتوا اللي كانوا هيحبسوا واحد عشان خايفين يمشي ويسيبهم ؟
صحيح افرضوا كانوا ماتوا ؟
ولو اتكرر الموقف تاني هينقذهم ويعمل الخير تاني ؟ دا الغريب اوي في الموضوع
وعموما انا جاتلي فكرة دلوقتي : ممكن تلف من أقرب يوترن بعد الحادثة وتركن الناحية التانية وتنزل تعيش حياتك وتاخد معاك ناس على اد ماتقدر اوعى تروح المستشفى لوحدك لازم تاخد ناس من مكان الحادثة على أد ماتقدر تشهد معاك عشان لو عيال زي بتوع الموتوسيكل دول انا لو منك كنت استنيتة على باب المستشفى بعد مايطلع واخليه يرجع تاني يقعد له كام يوم يجبس بقى رجل ولا دراع ولا كام غرزة تحت عينة عشان يحرم يشيل حد مصيبة آل خايفين يسيبهم ويمشي كان خلفهم ونسيهم ؟

والله لو كنت شفت منظرهم لكان هان عليك اى حاجه
دول كانوا متقطعين

[Amrrr]

والله لو كنت شفت منظرهم لكان هان عليك اى حاجه
دول كانوا متقطعين

الحمد لله جت سليمة وربنا مش بيسيب مظلوم

[ahmed1981]

من أحيا نفسا فكأنما أحيا الناس جميعا
ومن أعان على قتل مسلم بشطر كلمة لقي الله يوم القيامة مكتوب على جبهته آيس من رحمة الله

أؤيد هذا الكلام حتى النخاع

[zobaaa]

طب انا بقى هحكيلكو حكايتي اللي تضحك قعلا
من ايام اعدادي كده فالكليه او بعديها بسنه انا كنت ماشي فألماظه قدام الملحق العسكري لسفارة الامارات بعربيتي وواتنين من بتوع الدليفري بتوع السوبرماركتات والدراي كلين اللي بيوصول الجات فالسبت اللي وراهم فالعجله عاوزين يعدوا الشارع الواسع ده بالعرض بالعجل والحته واسعه وانا ماشي على 60 قلت استنى الراجل يعدي هديت ل 50 على اني اكمل واقف لقيتو وقفلي قلت اعدي لقيتو بيعدي هديت شويا كمان وهوه وقف جيت اعدي اتحرك فوقت مينفعش فيه الحركه لمست طرف العجله القدماني بطرف الاكصدام من اليمين لقيتو هوا اتنطر جوا العربيه عندي واتكسر البربريز وشوية اصابات فالصاج كده وشوفت الراجل اتنطر على الارض و بيتزحلق على وشه على قزاز العربيه قلت خلاص كده مش هيتقلي يا باشمهنس طول حياتي ويبقى حلو بقى كده لو اطلع مالسجن بعد تلات سنين ولاحاجه وقفت طبعا وحتى لو مكنش حصل حاجه للبربريز كنت هقفوقبل مانزل من العربيه اتاكدت اني مش سايب لا مفاتيح ولا اي حاجه فالعربيه تتسرق عشان والواحد بيتكلم وكنت عامل حسابي على خناقه والحمد لله اللي هداني لكده ونزلت الاقي الراجل والله لواحده لقيته بيقولي اتكل على الله انت انا محصليش حاجه الحمد لله انها جت على قد كده مادام الواحد بصحته كل شيء مفيش مشاكل وربنا يعوض عليك .... دا كان كلام اللي اتخبط طبعا الواد اللي كان بيعدي معاه راح خلاه يفرد ضهره كده فالجزيره اللي فالنص وانا بدأت اطلب فالاسعاف لقيت ان امن الملحق العسكري الاماراتي طلبها لوحده وبلغ عن الحادثه فقسم النزهه عشان ييجي وهوه كان امين شرطه وتقريبا شاف الحادثه بعد ما حصلت مش وقتها المهم لقيتلك الناس اتلمت وصاحب المحل اللي بيشتغل فيه جي وهوه شخصيه حد بعتلو قالو تعالى شوف الواد اللي عندك خبطتو عربيه المهم جي يكلمني بيقولي اتقو الله اييييييييييييييه الدنيا هطييييير حد يخبط حد على 140 قلتلو 140 ايه ياراجل يا مفتري العربيه دي لو جابت 140 خدها حلال عليك مش عاوز ابوها... قالي انت معاك رخصه قلتلو اه قالي تسمح توريهالي قلتلو اوريهالك مين يا عم... انت في حاجه فدماغك ولا ابوك وانت صغير كان بيجبلك بدلة ظابط كل عيد ... انت عبيط فدماغك ولا ايه... وقعدت اديهمو شويه وقولتلو انا مش مطلع رخصتي الا لظابط...وخد دي كمان انا بس عشان الراجل الطيب اللي قاللي روح ربنا يستر طريقك ده انا مش عايز اتكلم بس معلش يعني محدش يعدي بعجله بعرض الطريق وبيزحف بيها كده وده مش مكان عبور مشاه وريني فين خطوط المشاه ثانيا العجله مركبه زيها زي العربيه عاوز يروح الناحيه التانيه من الطريق يمشي 50 متر هيلاقي يوترن ياخدو ويرجع يكمل طريقو انما يعدي وبيكحت برجل ورجل تانيه عالبدال اهو اتلخفن ومعرفش يوقفها ... المهم الراجل راح مستشفى هليوبوليس واتعملو 14 غرزه فوشو وابويا عرض عليه عملية تجميل رفض مبلغ تعويضي رفض قال مبيقبلش العوض والراجل جزاه الله كل خير مخدش حاجه مين بقه اللي ياخد؟!!! الشاويش بتاع القسم ده عشان يقفل المحضر لهف من ابويا 100 بلبل وانا عارف انها اشتغاله بس مش عارف اعمل ايه اما عرفت تاني يوم كنت هموت من الاكتئاب عالمية جنيه دولم كانو راحو للراجل اللي خد 14 غرزه حتى احسن .......... ده اللي حصلي والحمد الله انها حاجه بسيطه بس عاوز اقولكو ان انا عملت الحادثه 8 بليل خلصت المحضر الساعه 6 ونص الصبح ودا كلو يدوبك قضيه من غير قضيه فعليا امال بقى لو كان لا قدر الله عاهع حصلت ولا وفاه كان ايه اللي هيحصل ... ربنا يستر
بس عندي حكاية تاني لواحد صاحبي حصلت بعد يوم او يومين من بعد ما حادثتي حصلت ايه الفرق بيني وبينو هوه خبط طيار ديليفيري وقع فالارض وطلع صاحب المطعم اللي بيشتغلو فيه متفق مع مستشفى كل ما حد من اللي عندو يتخبط يضربولو اوراق وحاجات ب 21 يوم فايلبس كده اللي خبطه قضيه ويبقى مستعد للتفاوض على اي مبلغ عشان يطلع منها وصاحبي بعد ما خبط الواد نزل وساب العربيه فيها المفاتيح راحم خدو مفاتيح العربيه منو وقالولو فين رخصتك وبطاقتك خدوهم منو وراحو عالمستشفى اياها وضربو العاهه التمام والواد في ليلتها بات فالتخشيبه والواد حكالنا يعني ايه تخشيبه ..... انا مش عايز احكي عشان لازم هتعدي على الفاظ كده مينفعش تتقال فرمضان فانا ممكن كده فالعيد ابقى احكيلكم يعني ايه تخشيبه وبعد كل ده ابوه دفع 5 بواكي عشان ابنو يطلع منها ومتبقاش قضيه ...

همه دول حكايتين حبيت احكيهم انما انا رأيي المساعده من بعيد دا حل وسط كويس الا لو كنت محامي شاطر زي مرتضى منصور كده يعمل اللي هوا عاوزه انشالله يدوس عالميتين والصاحيين والناس كلهم هيعرف يخرج نفسو منها.

بس بصوا للموضوع ككل اغلبية الناس اللي احنا بنقول عليهم متخلفين اللي همه واقفين على الاوتوستراد على جمب و طرف الجلبيه فسنانه ومستني يجري قصاد العربيات عشان يعدي وكل ده تحت كبري المشاه دول اغلبهم عالم جهله متعلموش او تعليمهم على قدهم متبصوش لينا احنا من صغرنا بابا وماما كانو بيقولولنا بصو يمين وشمال قبل ما تعدو انما دول بقى بسطاء هيتعلمو قوانين مرور فين طب انا فاكر ان الحضانه بتاعتي فالسعوديه كان فيها زي طرق واشارات على صغير زي اللي فاغنية ليلى نظمي اشارة المرور بتقولنا انتباه دي وكنا بنتدرب عليها كل ترم مره فازاي نعدي ويجي حد يشرحلنا قوانين المرور يعني مثلا وانا عندي 5 سنين عارف ان الحاره اليمين فالاشاره لازم تبقى فاضيه عشان الناس اللي بتخش يمين مبتقفش فالاشاره وكده يعني وكان بيجيلنا دكاتره تقولنا ازاي نعمل اسعافات اوليه ..... دا فحضانه ياخونا واتكرر معايا الموضوع فابتدائي واعدادي.

ونيجي للحكومه مهي لازم تحط تشريعات تحفظ حقوق الناس هيه الغلطه فالتطبيق والاستسهال محدش عاوز يحقق ويشوف مين اللي غلطان هوه اقفش فاللي قدامك وخلاص و فنفس الوقت لو تساهلو اي حد يتخانق مع حد يقتلو بعربيتو وتبقى قتل خطظا وخلاص.

تيجي بقه لضعف نفوس الناس المخبوطه ةاهاليهم اللي بيعتبروها فرصه و دا برده من الجهل يا جماعه الناس دي اتعلمت غلط واتربت غلط وحتى الدين والعقيده والحاجات دي عندهم غلط في غلط فا هوه من جوا مش شايف انو بيعمل حاجه غلط اما بيتبلى على انسان و مش شايف حاجه غلط اما يكسر عربيه لحد خبط حد من قرايبو رغم ان قريبو ده ممكن بيعدي على كوبري واتخبط وهوه اللي غلطان بس الجهل يا جماعه وحش احمدو ربنا ان انحنا وعينا عالحياه لقينا اللي ودانا مدارس نضيفه وفضل ورانا لغاية ما دخلنا جامعات وفهمنا وبقينا اشخاص ان شاء الله ربنا مديها القدره انها تشيل البلد فالفتره القادمه وان شاء الله نخليها احسن.

والجهل مسؤوولية وزارة التعليم والداخليه اي الحكومه

معلش انا طولت عليكم بس كنت بفضفض ياخونا والموضوع جميل فعلا وكويس انو اتفتح لأنو موضوع محير وانا قلت اللي عندي ويارب اكون قدرت اوصولوا

[Terrible_DaRsH]

!!! الشاويش بتاع القسم ده عشان يقفل المحضر لهف من ابويا 100 بلبل ...

اولا يا ريت تيجى على 100 بلبل كان الواحد انقذ ما يمكن انقاذه ...
ثانيا انا ماغلطش لما قلت العيب فى الحكومه مش فينا احنا ..

[دموع الثلج]

يا عم إنت وهو ممكن ما تقفش لو كان مرمى على الطريق كلب أو قطة ، وحتى دول من جوايا ببقى نفسى أسعفهم لو أقدر

إنما بنى آدم متكوم على الأرض وحياته فى خطر ولو كان حى هيموت فى لحظات من دوسة عربية محتاج تصرف إنسانى سريع مافيش فيه أى تفكير : أركن فورا وأحاول أخده على جنب حتى لو كان دا خطر على حياتى إنى أنداس معاه مش مجرد خطر قضية ومستعد لتحمل كل التبعات مقابل اللى أعمله ومن توكل على الله كفاه

معنديش أى وجهة نظر تانية ومش عارف أتصور غير كده... تعمل إيه لو إكتشفت بعد ما مشيت إن اللى كان واقع دا كان أعز أصحابك وللا واحد من أقرب أقاربك؟

من أحيا نفسا فكأنما أحيا الناس جميعا
ومن أعان على قتل مسلم بشطر كلمة لقي الله يوم القيامة مكتوب على جبهته آيس من رحمة الله

انت انسان محترم جد ا وربنا يكرمك ويكفيك شر الطريق امين ياريت كلنا كانت ردود افعالنا كده حاجه تخلى الواحد يقول الحمد لله الدنيا لسا فيها خير

[MMamdouh]

يا عم إنت وهو ممكن ما تقفش لو كان مرمى على الطريق كلب أو قطة ، وحتى دول من جوايا ببقى نفسى أسعفهم لو أقدر

إنما بنى آدم متكوم على الأرض وحياته فى خطر ولو كان حى هيموت فى لحظات من دوسة عربية محتاج تصرف إنسانى سريع مافيش فيه أى تفكير : أركن فورا وأحاول أخده على جنب حتى لو كان دا خطر على حياتى إنى أنداس معاه مش مجرد خطر قضية ومستعد لتحمل كل التبعات مقابل اللى أعمله ومن توكل على الله كفاه

معنديش أى وجهة نظر تانية ومش عارف أتصور غير كده... تعمل إيه لو إكتشفت بعد ما مشيت إن اللى كان واقع دا كان أعز أصحابك وللا واحد من أقرب أقاربك؟

من أحيا نفسا فكأنما أحيا الناس جميعا
ومن أعان على قتل مسلم بشطر كلمة لقي الله يوم القيامة مكتوب على جبهته آيس من رحمة الله

يا دكتور انت بتقول كدة لانك دوكتور و مساعدة المصابين حاجة طبيعية بالنسبالك جدا جدا و لو لا قدر الله حد حاول يتهمك بحاجة حيبقى سهل اوى انك تثبت انك دكتور و بتحاول تساعد المصاب

لكن واحد زى حالاتى حيعمل ايه و يقول ايه؟ حقولهم كنت بساعدة يكتب الاقرار الضريبى بتاعة؟؟

MMamdouh

[MMamdouh]

اللى يعمل الخير لوجه
الله
مايهمهوش اى عواقب

good luck... make sure you have a good attorney

MMamdouh

[Sameh]

يا جماعة معظم الردود كارثة إنسانية !! يعنى تخيل نفسك إنت اللى مرمى على الأسفلت مصاب مش قادر تقف على رجلك حتى والعربيات مندفعة حواليك ماحدش عايز يقفلك ولا ياخد بإيدك ؟ إحساسك إيه ساعتها بس ؟؟؟؟؟؟؟؟؟؟؟

أنا ملاحظ إن كل اللى دخلوا فى مشاكل بسبب مساعدتهم لناس مخبوطة ، بيكونوا خبطوهم بالفعل ، صعبان عليك إنك سهرت ليلة فى القسم ومش حاسس بالطرف التانى اللى فقد حياته أو هيعيش بإعاقة ؟؟؟ حتى لو خطأه يمكن ربنا يسترها معاك فى الأزمة دى عشان عملت خير فى المصدوم

فيه أعضاء قالوا إنهم ماخبطوش حد ووقفوا يساعدوا ، وربنا سترها معاهم فى الآخر حتى وإن كانوا مروا بفترة صعبة فى الأول ، إحتسبها عند ربنا يا أخى ، ماحدش معمر فيها !!

نقطة مهمة أوى أوى بقا بعيداً عن الموضوع هو إستخدام الآية الكريمة (لا تلقوا بأيديكم إلى التهلكة) ، كالعادة نستخدمها على مزاجنا فى المناسبة اللى عايزين نبرر فيها سلبيتنا وخلاص ، وكلام ربنا منزه عن هذا ، التهلكة المقصودة هى (ترك الجهاد والإنفاق فى سبيل الله) يعنى معنى الآية لا تتركوا الجهاد والإنفاق فى سبيل الله فتهلكوا ، مافيش أى علاقة بينها وبين إستشهاد البعض بيها لتبرير عدم تقديم المساعدة ! ويمكن مراجعة أى من التفاسير للتأكد من معنى الآية

إنما لو هنستشهد ممكن أقولك كلام نبينا (من لم يهتم بأمر المسلمين فليس منهم) ، والله العظيم لو الموضوع ده حصل معايا هقف وأساعده على قد ما أقدر وبعدين النتايج على ربنا ، هى مش شطارة ، ممكن تجرى وتتشاف نمرتك وكام شاهد وتشيلها برضه ، عامل ربنا أحسن بدل الفهلوة بتاعتنا دى

[Scent7104]

لا حول ولا قوة الا بالله ... ده الغراب واري أخوه في التراب ... سبحان الله

طبعا ربنا ينتقم من اللي عمل كده و سابه و ان شاء الله هيوريهاله في أعز مالديه.

يا سادة يا أفاضل - "من يتقي الله يجعل له مخرجا" صدق الله العظيم

في أي تصرف ممكن حضراتكو تعملوه : اما انكو تقفو بالعرض مكان ما وقفتوا و توقفوا الشارع عشان تشيلوا الراجل و اكيد ماكنش حد من اللي سايقين هيقول ان انتم اللي خبطوه.

أو تتصلوا بالاسعاف من الموبايل و تبلغوا ...

او تقفوا و تشيلوه و اللي يحصل يحصل...و اكيد في كذا اثبات ان مش حضرتك اللي عملتها ...

أنا عارفة ان لو - لا قدر الله الموقف ده حصل معايا و كان معايا بابا مثلا أو أي حد كان هيقولي اوعي توقفي ... بس أنا في مرة كنت ماشية ببطء شوية و فجأة واحدة بتعدي الشارع خبطت في العربية من الجنب لدرجة أنها و الله كسرت المراية و طبعا جرحت الباب لما وقعت عليه و انا وقفت من الخضة. و لاقيتها قايمة تعيط اني خبطتها و رجليها ورمت و ذراعها أكيد اتكسر (طبعا ده كلامها) و الناس اللي ماشفوش حاجة و جايين من ورايا طبعا قعدوا يدوني في كلام اني مش باعرف اسوق و خلافه. نزلت من العربية و بهدوء قلت للست بصى اللي حصل كذا و كذا يظهر انك دوختي او ماخدتيش بالك انتي عايزة تروحي فين و انا اوصلك غير كده حضرتك اللي غلطانة و انا المفروض اللي اخد تعويض عن المرايا و الباب.
عارفين الناس بمجرد ما لاقيتني نازله من العربية و باتكلم معاها بهدوء نفس الراجل اللي كان نازل يتخانق معايا و عايز يجيب العسكري اني انا اللي خبطتها هو بنفسه قالها لا يا ست اكيد فعلا انت اللي غلطانة و خلاص المسامح كريم و طبعا العسكري اللي ولا به و لا عليه قالي ربنا يعوض عليكي واضح انها ست غلبانة!

يمكن يكون ده موقف اقل بكتير بس ده مجرد مثال .

[Dr Ahmed]

وحاجة كمان
اللى مرمى على الأرض ده معندوش وقت يستنى الإسعاف أو النجدة
أنا شفت لحظى السئ فيديو على ميتاكافى لترلة خبطت واحد سايق موتوسيكل وبعدين مشيت عليه مرتين .. مش هقول لكم الراجل حصل له إيه لأن مجرد ذكر اللى حصل متعب لأقصى درجة
فسواء لينا خبرة فى الإسعاف أو لا فأول هام نبعد البنى آدم ده عن الخطر لإنه مش هيستنى عربية الإسعاف ولا النجدة - كأنك معدى على واحد بيغرق أو مولّع أو واقع فى بلاعة وماشى عادى وجايز تفكر تتصل بالنجدة!! .. ما إحنا عارفين النجدة بتاعتنا - لو وصلت هتوصل إمتى!!! دا إذا وصلت أساسا!! فأكيد طالما حياته فى خطر شديد لازم تمد له يد العون بسرعة..

بس.. ويارب ما نتحط فى الفتنة دى ويارب ثبتنا على الصح لو قابلناها ويارب ما تحطنا مكان اللى محتاج مساعدة من البشر وإرحمنا برحمتك جميعا وسلم طريقنا كلنا

وبأحيى أخويا الفاضل سامح على التنبيه الصحيح للآية الكريمة (ولا تلقوا بأيديكم إلى التهلكة) لإنها فعلا من الآيات المظلومة بيننا فى إستخدامها دايما فى غير موضعها

[Terrible_DaRsH]

: اما انكو تقفو بالعرض مكان ما وقفتوا و توقفوا الشارع عشان تشيلوا الراجل و اكيد ماكنش حد من اللي سايقين هيقول ان انتم اللي خبطوه.
او تقفوا و تشيلوه و اللي يحصل يحصل...و اكيد في كذا اثبات ان مش حضرتك اللي عملتها ...

هو اللى ايده فى المياه زى اللى ايده فى النار !!!
نقف بالعرض كمان فى طريق اقل واحد ماشي فيه ماشي على 100 او 90 ؟؟؟!! و الاخ ممدوح حكى حكايته 100 مرة واللى حصل له!!
الله اعلم لما الرجل يفوق بعد كل ده هيقول احنا ولا مش احنا وكمان محدش هيشهد كله هيطير ويشوف طريقه محدش هيعطل نفسه علشان ييجى معانا القسم وخلافه !!!!

:نزلت من العربية و بهدوء قلت للست بصى اللي حصل كذا و كذا يظهر انك دوختي او ماخدتيش بالك انتي عايزة تروحي فين و انا اوصلك
.

لو انا شفتك فى الموقف ده هقول على طول انك خبطيها وعايزه تتفاهمى معاها علشان متروحوش القسم ... ده رد الفعل الطبيعى .

[MMamdouh]

أنا ملاحظ إن كل اللى دخلوا فى مشاكل بسبب مساعدتهم لناس مخبوطة ، بيكونوا خبطوهم بالفعل ، صعبان عليك إنك سهرت ليلة فى القسم ومش حاسس بالطرف التانى اللى فقد حياته أو هيعيش بإعاقة ؟؟؟

و انا ذنبى ايه اترمى فى الحجز و اتعرض على نيابة و اخش محكمة؟؟؟ ما اللى غلط و عمل فهلوى يتحمل نتيجة خطاءة بعيد عنى

اللى مش خايف على روحة مش من حقة يرمى بلاه عليا... طيب انا اتحبست و اترحلت على النيابة و من اول السنة و انا فى حوارات محامين و محاكم و قرف... دا غير نفسيتى و نفسية مراتى و اهلى و مش حقول العربية اللى اتبهدلت عشان واحد فهلوى

اللى عايز يعمل فهلوى يعمل بعيد عنى و اللى عايز يعمل فهلوى يتحمل نتيجة اعمالة... يتخبط... يموت ... يولع بجاز... المهم ان رجلى متجيش فى الموضوع بدون ذنب

قيس على كدة بقى اللى بيوقف يساعد و هو ملوش اصلا فى الموضوع... و يلاقى نفسة داخل فى الحوار كا متهم مع انه بيساعد و عايز يعمل الخير... و ياريت متتكلمش عن الحجز و النيابة و خلافة باستخفاف لانك ماشوفتش التجربة شكلها ايه... و ربنا ما يكتبهاش على حد فيكوا يا رب

انا مازلت عند قرارى... لو لقيت قتيل فى الشارع مش حقف خااااالص

MMamdouh

[Dr_Mido]

و انا ذنبى ايه اترمى فى الحجز و اتعرض على نيابة و اخش محكمة؟؟؟ ما اللى غلط و عمل فهلوى يتحمل نتيجة خطاءة بعيد عنى

اللى مش خايف على روحة مش من حقة يرمى بلاه عليا... طيب انا اتحبست و اترحلت على النيابة و من اول السنة و انا فى حوارات محامين و محاكم و قرف... دا غير نفسيتى و نفسية مراتى و اهلى و مش حقول العربية اللى اتبهدلت عشان واحد فهلوى

اللى عايز يعمل فهلوى يعمل بعيد عنى و اللى عايز يعمل فهلوى يتحمل نتيجة اعمالة... يتخبط... يموت ... يولع بجاز... المهم ان رجلى متجيش فى الموضوع بدون ذنب

قيس على كدة بقى اللى بيوقف يساعد و هو ملوش اصلا فى الموضوع... و يلاقى نفسة داخل فى الحوار كا متهم مع انه بيساعد و عايز يعمل الخير... و ياريت متتكلمش عن الحجز و النيابة و خلافة باستخفاف لانك ماشوفتش التجربة شكلها ايه... و ربنا ما يكتبهاش على حد فيكوا يا رب

انا مازلت عند قرارى... لو لقيت قتيل فى الشارع مش حقف خااااالص

MMamdouh

+1000000000000000000
وهى فى الاخر وجهات نظر واللى شاف مش زى اللى اتحكاله مش زى اللى قرى
كل المعت رض اما يجرب انه هيتنقل من لقب دكتور ولا مهندس ولا اى حاجه لمسجون بسبب غبا اتنين من الكائنات يبقى انا وجهه نظرى انه لا
و فى الاول والاخر وجهات نظر