::: موضوع مخصص عن معارض السيارات الغير محترمة :::

[nabaster]

تصدق انى لسه واخد بالى من ان ناشيونال موتورز دول بتوع السايبا برايد , ده على فكره معروفين بعدم الامانه ومنفوخين على الفاضى من زمان اوى

كان لى سابقه تعامل معاهم و انتهت بإنى مسحت بكرامه مدير المبيعات الارض فى معرض اوتوماك اللى فات وفرجت عليه نص المعرض وعرفتهم انه ولا حاجه

معرفش هو عماد ده ولا مين بس كل اللى اعرفه انه شخص مش محترم نهائى ويومها لولا الناس والله كنت همسك فيه

عماد عبد النبي ده يا باشا الراس الكبيره مش بتاع المبيعات ولا حاجه

وفعلا هما بتاوع السايبا برايد الي فشلت فشل زريع

وسياسة الشركه كده وتعامل الموظفين مع العميل علي هذا الاساس طالما خلاص دفع

شوفهم بقي لما تكون لسا علي البر والفلوس في جيبك والله وده عن مشاهده قدام عيني كان شويه والموظف يمسح للعميل الجزمه علشان ياخد العربيه

A.Yakout

[Ahmed Nouh]

ما تحكي الموضوع كله يا معلم :e_braces[1]:

كنت فى المعرض وكانت العربيه طبعا لسه جديده فقولت ننزل عنها مقاله وكدا , المهم كان المفروض ان اداره المجله مبلغاهم اننا هنصور العربيه فى المعرض وبعدين هناخدها تست درايف بعد المعرض لما نخلص زحمه الشغل

رحت الجناح بتاعهم وفتحولى العربيه وقعدت اصور , المهم كنت متضايق اوى من التقفيل الوحش اللى فى العربيه فبقيت ادخل بالكاميرا فى المزانق علشان اصور الحاجات دى هى مش للنشر بس يعنى عادى بصورها كلها

لقيت واحد زى البتاع كدا طلعلى من تحت الارض وراح شادد باب العربيه بمنتهى التخلف بيقولى انت فيه ايه يا ابنى انت عمال تصور فى العربيه بحذافيرها ليه كدا ما تاخدلك صورتين وخلاص انزل من العربيه متصورهاش

بس بقا ربنا ما يوريك يا بشمهندس احمد حقيقى فرجت عليه المعرض كله وراح اشتكى للمكان اللى كنت شغال فيه وقتها وقالوله ولا تزعل احنا مش هننزل مقاله ولا عايزين تست درايف , وشكرا على كدا

انا مكنتش اعرف هو مين ده بس قالولى ده مدير المبيعات , بس يومها عرفت هى العربيه فشلت ليه

عماد عبد النبي ده يا باشا الراس الكبيره مش بتاع المبيعات ولا حاجه

وفعلا هما بتاوع السايبا برايد الي فشلت فشل زريع

وسياسة الشركه كده وتعامل الموظفين مع العميل علي هذا الاساس طالما خلاص دفع

شوفهم بقي لما تكون لسا علي البر والفلوس في جيبك والله وده عن مشاهده قدام عيني كان شويه والموظف يمسح للعميل الجزمه علشان ياخد العربيه

a.yakout

طيب تمام ممكن الواحد يروح يمسح الجزمه هناك كل يوم وادوخهم ورايا :) , لا هما فعلا من التجربه اللى فاتت دى مبقتش اطيق سيرتهم

[waleedrahmy]

حب اوضح بعض الأمور :

- العربية خليجي من استيراد ناشيونال موتورز

- ضمان ميتسوبيشي اليابان يغطي فقط السيارات المباعة من الوكيل اما السيارات المعاد تصديرها من الخليج فليس لها ضمان لدى الوكيل ولا تغطيها ميتسوبيشي اليابان بضمانها و هذا ما يمكن ان تقدمه ميتسوبيشي اليابان ، لكن ضمان الخليجي بيقدمه التاجر اللي بايع العربية على نفقته الخاصة

- القانون المصري هو الذي سمح لأي تاجر باستيراد سيارات من اي بلد بخلاف بلد المنشأ منعا للاحتكار وكتير من الوكلاء تضرروا من كده خاصة بعد الأزمة المالية العالمية الأخيرة انما لم يتم تغيير القانون

- العربية ياباني ومش مستعملة ولا حاجه وكمان اعتقد مفيهاش حاجه محتاجة ضمان انما تقدر تقول ملعوب فيها حاجات مكسورة وحاجات مش موجودة يعني محتاجة شوية اصلاح بسيط وترجع زيرو تاني ومشكلة المفتاح اللي حصلت دي ان المفتاح فقد الشفرة نتيجة التعرض لمجال مغناطيسي او ربما صدمة ومحتاج اعادة تشفير تاني انما كان المفروض المفتاح الاحيتاطي الداخلي الحديد يفتح والظاهر المفتاح الداخلي متبدل بمفتاح داخلي حديد لعربية تانية وده التفسير الوحيد انه مش بيفتح ده بخلاف ان العربية لها مفتاحين مش مفتاح واحد

انما من الآخر كل ما حدث ليس عيب صناعة او حتى العربية معيوبة انما زي ما قلت الظاهر في المعرض او المخزن او في الطريق اتعرضت للعب فيها شوية وكل ده يتصلح بسهولة

انا نصحت صاحب العربية في موضوعه في منتدى ميتسوبيشي اولا انه يشتكي لجهاز حماية المستهلك وثانيا انه يجيب العربية التوكيل نشوف فيها ايه ونصلحه او ناقصها ايه ونكمله علشان ترجع عروسة تاني

رد الاستاذ/ مصراوي هوالحل السليم والصح ال لازم الزميل صاحب الموضوع انه يعمله بدلا من اي شكاوي او اشكلات مش حاتعمل حاجة لانه مضي عنده شراءة العربية انها خالية من العيوب...؟؟ والعربية ليس لها ضمان وهو عارف كدة

[askanas]

لو مكانو هاخود شومة و هدخل المعرض اكسر واجري :)

[mostafa3000]

ما تسيبش حقك وروح حماية المستهلك واعمل كل مايلزم
لازم الناس دي تتتقي اللة وتخاف علي اكل عيشها ويعاملو عملائهم باحترام

[kamalrefaat]

عليلك بابلاغ جهاز حماية المستهلك وهمه هجيبولك حقك مع ارسال فاكس الى شركة لانسر الام بابلاغها بما حصل معك وهمه هيروده بسرعة علشان سمعتهم
:b4_564:

[elshorbagy]

طبعا موضوع مشاكل التوكيلات دي حاجة مقرفة في مصر مش في العربيات بس.

لكن في اتنين زمايلي عملوا حاجة عجبتني انهم لما التوكيل نفض لهم هنا وماطل راحوا باعتين للشركة الأم برة فالموضوع اتحل في وقتها تقريبا.

يعني واحد اشترى تكيف كارير والتوكيل ماطل في حل المشكلة والتاني توكيل hp رفض يغير له هارد ديسك اللابتوب بتاعه لما بعتوا للشركة الاصلية كله اتحل وبقى تمام.

ياريت يتعمل كده في موضوع السيارات بردو ولا ده صعب؟

[rafe3_dent]

ربنا يكون في عونك بجد .... وإن شاء الله حقك يرجعلك تاني

[rafe3_dent]

بس هل معنى ده اننا نبعد عن العربيات الخليجي خالص ؟؟؟؟
ياريت حد يفيدنا .. التوكيل افضل ولا العربيات الخليجي دي؟؟
ولو اشترتها خليجي ايه الحاجات اللي اتأكد منها عشان ميندحكش عليا ؟؟

لان دي حالة فردية ,, وناس كتير بتشتري عربيات خليجي ومعندهاش مشاكل زي كده

[aymamgad]

المشكلة مش فى العربية
المشكلة فى النصب

[aymamgad]

عليلك بابلاغ جهاز حماية المستهلك وهمه هجيبولك حقك مع ارسال فاكس الى شركة لانسر الام بابلاغها بما حصل معك وهمه هيروده بسرعة علشان سمعتهم
:b4_564:

ازاى ؟؟؟؟؟؟؟؟؟؟؟؟ وايه العنوان ؟؟؟؟؟؟؟؟؟؟؟؟

[Samah AbdAllah]

هو الاستغلال وصل للدرجة دى

[gomangy]

اشتريت لانسر شارك الكاملة من ناشيونال موتورز اسيوط اول الشهر و طبعا يادوب مشيت بيها حاجة بسيطة لغاية ورقها ما خلص ... وفجاة قفلت العربية بالريموت عادى خالص و نزلت اشترى حاجة ... رجعت لقيت العربية مش راضية تفتح خالص !!!
قعدت ادوس بالريموت اكتر من مرة فى كل حتة مافيش فايدة !!!
قلت خلاص افتح بالمفتاح ... وكانت الصدمة ان المفتاح مش راضى يفتح !!!!
كلمت التوكيل و كان الرد : هات سمكرى يفكلك الشبكة اللى قدام و يكشف على البطارية اكيد ضعيفة (مع انى كنت ماشى بالعربية!!)
انا كنت هاتجنن لسة شارى العربية و افك الشبكة ؟
لا و كمان سالت ايه دخل البطارية بالباب اللى مش بيفتح بمفتاحه ؟؟؟؟
وكان الرد : ؟؟؟؟ لا احد يعرف !!!
المهم انا كنت ع الطريق و ما فيش حد ... تطوع واحد كهربائى طيب ييجى معايا و لما شاف العربية جديدة صعب عليه و قال لى : لو فكيتلك الشبكة الدنيا قدام هتبوظ !!
وسالنى : مفيش مفتاح تانى ؟ وافتكرت انى سالت نفس السؤال وقالولى لا هوا واحد بس !!
المهم قدر عن طريق الرفرف يفتح الكبوت و يوصل للبطارية و لقيها سليمة خالص !!
طبعا حصلت بهدلة علشان يوصل للبطارية دا غير الحاجات اللى قعد يجربها و كنت واقف جنبه حاسس انى هاعيط من المهزلة اللى عايشها مع عربية المفروض انى جايبها جديدة و دافع فيها تحويشة عمرى ودلوقتى بقها مفتوح و بيتلعب فيها !!!
خدت تاكس ودخت على بتاع ساعات علشان اغير حجر الريموت (يمكن ؟) وقالولى الحجر سليم خالص .. مع كدة حطيت واحد جديد !
المهم جربنا كل حاجة و مفيش فايدة ... اتصلت بمهندس الشركة و كان رده انى اجيبله العربية القاهرة (طبعا كوميديا لو عرفتوا ان العربية واقفة فى طريق اسيوط - سوهاج و مش بتتحرك !!! دا غير انها اتوماتيك ما بتتزقش)
دا غير الوقت اللى ضاع و البهدلة اللى خدتها و انا دلوقتى سايب العربية على الطريق و مشيت اشوف شغلى
لو برمجة المفتاح طارت المفتاح هيفتح الكالون بتاع الباب عادي
انا قلت نفس الكلام بالحرف لبتاع التوكيل .. وكانت الردود :
-العربية دى جاية بمفتاح واحد !!!
-موضوع ان المفتاح ما بيفتحش دى غريبة و عمرها ما حصلت !!
اللي انا باقوله

فيه حاجة ملعوب فيها مش تمام
انا سألت مدير الصيانة على الموضوع ده قال لي
فيه مفتاح طوارئ حديد داخل الريموت (يتم سحبه من مكانه فيظهر مفتاح كامل عادي جدا حديد) بحيث ان المفروض يتم الفتح به في حالة ما اذا الريموت لم يعمل فأنا مستغرب جدا ان المفتاح الحديد لم يفتح الباب حيث ان فتح الباب في الحالة دي ليس له اي علاقة بالدوائر الكهربية

, شنطه العربيه مش راضية تفتح بالريموت و مافيش مكان لمفتاح !!

انا اعصابى اتحرقت .... كل يوم يقولولى هانبعت لك حد ... و العربية واقفة على الطريق
حضر احد الفنيين بعد ان قام احد العاملين بالتوكيل بالاتصال به .. و الرجل فنى تويوتا اصلا ... لما شاف العربية قال لى :
يا باشا ايه البهدلة دى !!!
طبعا صعب عليه منظرها و طبعا هوا عارف انها عربية جديدة
المهم باستخدام عتلة حديد عرف يفتح الباب ولقى كالون الباب بايظ خالص و قال بالحرف :
انا عمرى ما شفت حاجة زى كدة فى عربية جديدة فى حياتى !!!
وسالنى - كالعادة - على المفتاح التانى !! و كالعادة برضه استغرب خالص لما سمع موضوع انى استلمت واحد
و لقى الريموت بايظ خالص و قاللى تشغلها بالمفتاح و انا هاظبطلك الكالون
وطبعا انا دلوقتى كل حاجة باعملها بالمفتاح


اتصلت بالتوكيل "ناشيونال موتورز" وكان كلامهم معناه "بالذوق" = اخبط راسك فى الحيط !!
ولكن علشان يثبتوا انهم لسه بنى ادمين دلونى على ورشة فى القاهرة اعمل مفتاحو اصلح الحاجات اللى باظت على حسابى !!!!!!!!!!!!!!!!!!

الحكاية خلصت بالاتصال التالى من احد العاملين بالتوكيل :
"ياريت يا دكتور ما تتعبش نفسك لان انت اللى هتتاذى !!!"
"يعنى ايه ؟ ... انا هاعمل محضر و اكلم بتوع حماية المستهلك"
ضحكة قصيرة (زى بتاعة بتوع المافيا فى الافلام الاجنبى)
"يعنى عماد بيه بيقول ما تتعبش نفسك لان انت اللى هتتاذى"
والبقية فى حياتكم فى الامانة والصدق والاحترام و الالتزام و ...و..
واهلا بالغش و النصب و الاحتيال و البلطجة و ...و...
وابعدوا عن ناشيونال موتورز النصابين ...
وكل سنة و انتم طيبين !


____________________________________-
نرجو منك عدم تكرار الموضوع فى أقسام أخرى
حتى لا نضطر أسفين بوقف عضويتك لمخالفة قواعد المنتدى

مشــرف عام - 2

اولا ربنا يعوض عليك
ثانيا الحقيقه تتقال انا اخويا اشتري منهم نيسان صني وبصراحه كانوا في قمه الذوق وفي غايه حسن المعامله بصراحه الكلام اللي حضرتك بتقوله ده غريب بالنسبه للتعامل مع ناشيونال موتورز

[gomangy]

ازاى ؟؟؟؟؟؟؟؟؟؟؟؟ وايه العنوان ؟؟؟؟؟؟؟؟؟؟؟؟

انت اطلع علي مباحث التموين علي طوووووووووووووووووول ولو ليك حق هتخده
لاني اعرف واحد في اسيوط خد اسبرنزا من اسيوط للمبيعت علي انها 2010 وطلعت 2009واتصل بيهم وبالعربي حصل تقريبا نفس اللي حصل معاك والمهم انو راحع علي مباحث التموين بعد ما اتصل بيهم واللي حصل انهم استدعوهم وغيروا العربيه وادلوا كمان صقم دواسات وغطاء ووتر برووف وعرقات كمان كل ده عشان يرضوه
وهي كده ناس متجيش غير بالعين الحمرا

[aymamgad]

هل تكون بداية الأخبار السارة ؟؟؟؟
اتصل بى مندوب المعرض وتكلم معى بأدب شديد وقال لى أن نسخة المفتاح الثانية ستكون جاهزة بعد أسبوع !!!