اكتر حاجه ممكن تضايقك من الاشخاص اللى بيركبوا معاك عربيتك

[khalid_adel]

كل اللي بتقولو عليه بالنسبالي عادي مش فارق معايا الا حاجه واحده
الرجلين والاقي ركبه في ضهري دي بقوم مرجع ايدي واخبطه في ركبته على طول واقولو لم رجلك عشان دي بتنرفزني اوي
ومره من كام يوم انا حاطط مخدع على الكرسي للرقبه لقيت اللي ورايا عمال يلعب فيه وانا سايق وفي الاخر قام فكه ليه معرفش ( هو الشعب ده غاوي يلعب في الحاجه وخلاص) وفي الاخر ركبته تاني مش مظبوطه من ساعتها وكل شويه بدعي عليه لانها بجد مرجعتش زي الاول ( الاستك اتعوج او ريح شويه لما اتفك )

[Ahmed73]

اكتر حاجة بتضايقنى موضع شيخ السواقين اللى بيعدل على فى كل حركة - ده بلاء
تانى مشكلة اللى يركب ورا ولما ييجى يعدل نفسه أو ينزل ما يرتاحش الا لما يجيب ظهر الكرسى الأمامى لمس أكتاف

[M.Osman]

رزعة الباب اكيد بيتضايق

انا بقى بتحصل معايا حاجة لذيذة اوي...
اكون راكب عربيتي و القي صحبي يقوللي لأ لأ .. متشغلش التكييف لحسن ناخد برد..!! ساعات بطنشه و ساعات مبشغلش عشانه .. و انا مخنوق

ولا الاقي واحد جايب الـفلاشة بتاعته و يقوللي انا حاطط عليها اغاني جامدة ...هههه و يروح شايل بتاعتي و مشغل اللي هو جايبها

طبعا السجاير دي ممنوع لأني اصلا غير مدخن ..

[M.Osama]

4* دى بقا بتغيظنى مووووووووووووووووووووت من اللى قاعد جانبى انه يشيل تليفونه وسجايره وحاجاته فى الكونسول او ساند ايده على الكونسول
5* رزعة الباب اللى زى الشاكوش فوق الدماغ

ولا اللي يحرقك اكتر لما ييجي نازل ويفتح الباب بغشم تلاقيه قام رازعه ف الرصيف

بيبقي هاين عليا احطو بين العربيه وبين الرصيف وافعصه

[ابو حسين]

معاك حق كل ده يضايق ويغيظ

[hkyfgvyiyu]

5* رزعة الباب اللى زى الشاكوش فوق الدماغ
6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

[tmz9111]

* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

[with_love]

عربيتي بيتلز
بيدايقني إللي يبقا مستصغرها
طب ركبت معايا ليه ههههههه
كلها مواقف وبتعدي

[Nile_Storm]

الي ينرفزني
اللي فاكر نفسه في سرير بيتهم و كل ماحد يدخل يرجع الكرسي للاخر و يلعب في ظهر الكرسي و يرجعه
و الكل بلا استثناء يعمل كده
تقولشي سواق العائله بتاعهم
حاجه تنرفز


اللعب في الكاسيت الي يمد ايده بضربه :)
رزعه الباب مقرفه جددددددددا

[EslaM_NagY]

القائمة كلها تحرق الدم

بس الى فعلا مبعرفش امسك نفسى فيها لما أجى الف من أقصى الشمال الى أقصى اليمين وطبعا مدى اشارة ألاقى البيه الى قاعد حنى راح فاتح الازاز ومطلع ايده يشاور للعربيات.

ساعتها بزعق مرتين :-
الاولى : ببقى مش شايف حاجة فى المراية اليمين عشان دراع البيه كلت المراية.


التانية (مع زعيق وردح وسعات شتيمة ) : هوووووووووووووووو انا راكب تاكسى داخل ايييييييييييدك لقطعهالك.
والى بيعمل كدة دايما اسأله سؤال ميردش عليه " لو انا قاعد لوحدى كنت حلف ازاى ؟؟؟؟؟؟ خلااااااااااص اعتبرنى فاعد لوحدى".

[ahmedhilmy]

موضوع رزعة الباب ده من اكتر الحاجات اللي بتخنقني مرتين اتنين بسكت بس المرة التالته بزعق ايه يا عم هو انا كسبتها في الشمعدان اكون غاسل العربية و الاقي حد فارد رجله علي طولها جايب اخر الدواسة و مبهدلها تراب و قرف من الشارع ناهيك بقي لو كان شتا ده انا اللي اسمي صاحب العربية قبل ما بركب بخبط رجليه في بعض انضفهم هو تلاقيه بمنتهي البلاهه نازل من العربية ابص علي الدواسة و الموكيت ابقي هولع

[blazer]

القائمة كلها تحرق الدم

بس الى فعلا مبعرفش امسك نفسى فيها لما أجى الف من أقصى الشمال الى أقصى اليمين وطبعا مدى اشارة ألاقى البيه الى قاعد حنى راح فاتح الازاز ومطلع ايده يشاور للعربيات.

ساعتها بزعق مرتين :-
الاولى : ببقى مش شايف حاجة فى المراية اليمين عشان دراع البيه كلت المراية.


التانية (مع زعيق وردح وسعات شتيمة ) : هوووووووووووووووو انا راكب تاكسى داخل ايييييييييييدك لقطعهالك.
والى بيعمل كدة دايما اسأله سؤال ميردش عليه " لو انا قاعد لوحدى كنت حلف ازاى ؟؟؟؟؟؟ خلااااااااااص اعتبرنى فاعد لوحدى".

واحد صاحبى بيعمل الحركه دى كل اما يركب جمبى
و المشكله مش هقوله متعملش كدا عشان هو بيبقى عاملها بحسن نيه و انه عاوز يساعد

[أبو إياد]

القائمة كلها تحرق الدم

بس الى فعلا مبعرفش امسك نفسى فيها لما أجى الف من أقصى الشمال الى أقصى اليمين وطبعا مدى اشارة ألاقى البيه الى قاعد حنى راح فاتح الازاز ومطلع ايده يشاور للعربيات.
".

ياساتر على ده بنى ادم بيضايقنى جدا
وفى حاجات تانيه زى اللى يبقا قاعد جانبك وماسك التليفون وبيتكلم بايده وانت مش شايف المرايا

وحاجه تانيه ارخم بقا انك تكون لسه غاسل العربيه وواحد يجى يفتح الزجاج بتغاظ جدا علشان المياه اللى بتعلم على الزجاج

[Eslam.Adly]

انا بس لما قريت الموضوع ده من اوله لاخره الذاكرة اتنشطت ودمى اتحرق من كتر الى عمال افتكرو وخصوصا خصوصا خصوصا حكاية زرع الباب وهو بسعتة بينزل كانة بيقفل باب عمارة و باب شقة ومش لاقى ليها حل.

[Terrible_DaRsH]

ههههههههههه , انا افتكرت موقف حصل من شهر تقريبا :)

كنت راكب مع صاحبي و كان لسه شاري هوندا سيفيك جديدة , فكل ما يشرب سيجارة يرميها من الشباك كذلك الاكل و الشرب و كل حاجة فى ايده يرميها من الشباك فزعقت له و قلت له ده اسمه قرف راح قالى مش مهم بس العربية متتوسخش , فكنا بناكل ساعتها فقلت له حط كله فى كيس و اركن ارميها فى الزبالة .

زعقت له علشان يركن و ركن فعلا على جمب و نزلت رميت الحاجة فى الصندوق بتاع الزبالة , الطريف بقي ان كان فى شباب واقفة لاقيتهم بيصقفوا و لا كان انا ابو تريكة و جبت جول هههه :)

الكلام ده كان فى شارع روكسي , و الشباب استغربوا جدا , بس هعملهم ايه يعنى :)