اكتر حاجه ممكن تضايقك من الاشخاص اللى بيركبوا معاك عربيتك

[amrico]

لو حد رفض يربط الحزام او لو حد رمى اي حاجة من الشباك في الشارع

[SAMEH_FOUAD]

بالنسبة لاكتر حاجة بتضايقنى رزع الباب لانى من طبعى مش بحب احرج حد وبخاف على العربية جدا ,فاناس مش عارف متعودة على العربيات القديمة ولا اية ويقفلك الباب كانة بيقولك غور ,ونفس الشخص دة ركب معايا وجى يقفل الباب روحت ماسكة قبل قبل مايقفلة وقولتلة سيبة روحت قافلة قدامة براحة جدا راح قافل وبعد كدة اتعلم وبقى يقفل الباب بالراحة
تانى حاجة بتضايقنى جدا اللى يلعب فى الكاسيت لان انا مش باجى جنب الكاسيت غير بالريموت بتاعة بس ,فواحد معايا جالة تليفون اروح الاقى ايدة رايحة عند البكرة عشان يوطى اروح ماسكهالة واقولة استنى فية ريموت ,وميقدرش يتكلم
الاكل انا مانع حد ياكل جوة العربية ,ممكن يشرب وشم بخليها يرميها بخلية يحطها فى حامل الاكواب ولما اقف ارميها فى الباسكت
السجاير بتضايق جدا من ريحتها لانى كمان مش بشرب واللى بيحب يشرب بخلية يطلع الدخان ووشة برة الشباك ,مش هو يتبسط وانا اتقرف ,
محدش يقدر يوسخ العربية دانا كنت اقتلة ,لدرجة انى بخلى اللى يركب يمسح رجلة قبل مايدخل العربية لانى عندى الدواسات موكيت يعنى هيطلع عينى لما يتنضفوا ,ومحدش بيزعل لان دة حقى,ومافيش حد فيهم هايجى ينظف معايا او هايدفعلى حق التنظيف .
عشان كدة بحاول اهرب من اى مشاوير هحس فيها اهانة للعربية

[شاهين - بنز]

أنا بتغاظ أوي لما جد ياكل حاجة ويسبها في العربية وأنا أشيل وراه
وأنا عندي الشباك الخلفي يدوي بتغاظ لما حد ينزل ورا ويسيبوا مفتوح وأنا أقفلوا وراه
وبرضه أما أكون طافي الكاسيت وحد يشغله وياسلام لو يشغله على إزاعة نجووم إف إم الخنيقة ببقى عايز أشوته
وطبعا

6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

دي من أكتر الحاجات إللي بتنرفزني جدا جدا جدا جدا جدا جدا جدا جدا جدا جدا جدا جدا

[bishoy02010]

كلها حجاجات تغيظ وتحرق الدم واكترهم اللى بيقعدوا يلعبوا فى الكاسيت

[E30power]

رزعة الباب اللى زى الشاكوش فوق الدماغ : مش عايزاقولكم ابويا بيقفل الباب ازاى
قدم الكرسى.... انتا مش قاعد فى بيتكوا بتخيلنى اشد فى شعرى

لما الى جمبى بيفرد الكرسى وينام وانا زى كلب البحر بسوق
...انما الكاسيت والازاز محدش بيقدر يهوب نحيتة اناالى بكون متحكم فيهم علشان افهمهم انى مش مجردسواق (بلطجة بقى)

[merosss]

6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

,

انا بتجنن من الموضع دة وفى حاجة كمان ابن خالتى يبقى قاعد جنبى كل شوية يشاورلى بايدة عشان اهدى شوية من غير مايكلم خالص ببقى هتجنن بجد وكل ما ادخل يمين القية بص فى المرايا الى جنبة بس مش بكلم اصل هو الى( معلمنى السواقة )
ومرة تانية واحد صاحبى طول السكة قاعد بلعب فى هواية التكيف يمين وشمال دة بقى قفشت علية بجد وكان هيزعل

[نور العمر]

هو موضوع الكاست ده بيعصبني جدا
بس بنتي هي دايما اللي تلعب فيه
هههه

محدش بيسوقها بالساااااااهل هههههههههههههههههههه

[د.محمود صلاح]

لو ركب معايا صاحبى وطلب منى توصيله لشراء شئ من مكان معين ثم انتظاره حتى يشترى طلباته والعوده به الى منزله , انا بصراحه بأحرج منه واطاوعه ومش عارف أعمل ايه فى سخافة الناس اللى بالنوعية دى

[ziours]

انا اللي بيحرق دمي ويغظني شرب السجاير في العربية
ثانيا رزعة باب العربية ودي ممكن يكون فيها زعلة

[أحمد كمال]

لو ركب معايا صاحبى وطلب منى توصيله لشراء شئ من مكان معين ثم انتظاره حتى يشترى طلباته والعوده به الى منزله , انا بصراحه بأحرج منه واطاوعه ومش عارف أعمل ايه فى سخافة الناس اللى بالنوعية دى

باكره النوعيات الباردة دي كرهي للعمى

يا سااااااااااااااااااااااااااااااتر

[maka]

السلام عليكم






انا مثلا الحاجات اللى بتنرفزنى


[CENTER]1* حد يلعب فى الكاسيت

دى عادى

2* اكون مشغل المكيف والاقى واحد فاتحلى الشباك او بيشرب سيجاره

3* طافية السجاير على الدواسات

الاتنين دول بطفى التكيف واخليه يطلع السيجارة بره

4* دى بقا بتغيظنى مووووووووووووووووووووت من اللى قاعد جانبى انه يشيل تليفونه وسجايره وحاجاته فى الكونسول او ساند ايده على الكونسول

دى عادى برضه



5* رزعة الباب اللى زى الشاكوش فوق الدماغ

دى برد بهدوء واقوله ما انت واخد على الترامكو

6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا


دى بقى الحاجة الوحيدة اللى بتشلنى وبعمل حاجة من 3 حسب المود : انفض ,

اشتم ( لوحد صاحبى ) , لو رايق اتسلى عليه واعمل عكس اللى يقوله

[abouelmaggd]

موضوع السجاير و الكاسيت مبضايقش منه ، و لو حد قاعد جنبى و عايز اقطع الشارع ، انا اللى بقلله اطلع كلك من الشباك مش دراعك بس عشان عندنا بنحترم الدراع اكتر من الاشارة و بعدين ايه يعنى لما يحط موبيله و سجايره ف الكونسول انا مش مركبه عشان اكدره يعنى :)) ، انا بقى اللى بيضايقنى و بيجننى حاجة واحدة ان اللى قاعد جنبى يفضل متنح و مبحلق للناس اللى ف العربيات اللى جنبينا و خصوصا لو بنات :)) ، يعنى بصه من تحت لتحت كده كفاية مش لازم التناحة :))))))

[kloda]

رزعة الباب

[magyver]

يااااااااااة دة اكتر حاااااااااااااجة بضدايقني مووت وانا اساسا برجع الضهر لورا
وييجي وااحد صاحبي يركب ورايا بقلة لا طبعا محدش بيركب ورايا

[digital_joe]

انا فى حاجات كتير بازعل منها هاقولكم شوية منها:


·لما واحد صاحبك يحط فى اعتباره انك السواق الخصوصى بتاعه و ملزم تروحه بيته قبل ما تروح كل مرة كانك مش بشر بيتعب من السواقة و بيتخنق من الزحمة و كأن العربية بتاعتك مصنعة من الياف ضوئية مقاومة للصدمات ولا تتاثر بالمطبات اللى ماليه منطقتهم.
·لما حد يقعد جنبك و يقرر انه يحدد الاغانى اللى هاتسمعها فى عربيتك عشان يرفع من ذوقك. و يا سلام بقى لو مالقاش الاغانى اللى نفسه فيها عندك فيمد ايده فى جيبه و معاه الحل ( سى دى او شريط او فلاشة)
·لما قرايبك (اللى عندهم عربية) يزوروكم بتاكس و يقعدوا طول الزيارة يلمحوا انهم مش عارفين هايروحو ازاى (كان عمرهم ما زارو كوكب الهرم و محتاجين تلسكوب عشان يوصفلهم طريق الرجوع لكوكبهم مدينة نصر باستعمال مكوك الفضاء فيات 76معدل)
·لما واحد صاحبك يودى عربيته تتصلح عشان يعرف يتحرك بعربيتك و يخلص كل المشاوير اللى نفسه فيها.
·لما تبقى لسه غاسل العربية و حد يشرب سجارة و يطفى فى الدواسات او ياكل و يشرب و يوقع على الفرش (على اساس ان نظام الغسل الذاتى اللى فى عربيتك هايغسل الدواسات و الفرش و ينشرهم كمان)
·لما حد يقعد جنبك و يقرر انه ينقلك خبرتة فى السواقة (حتى لو هو شخصيا ما بيعرفش يسوق) فتلاقيه طول الوقت بيصرخ و يشاورلك.....خش يمين....اكسر عليه.....ماتعديهوش..... دوس فرامل..
·لما تلاقى الناس اللى بتنزل من عربيتك بتعمل اختبار متانة لابواب العربية وهى بتقفلها عشان لو الابواب طلعت ضعيفة تلحق انت ترميها للتوكيل و تطلب ابواب ضد الصدمات و مقاومة للكسر.