اكتر حاجه ممكن تضايقك من الاشخاص اللى بيركبوا معاك عربيتك

[N.a.j.d]

الصراحه اكتر حاجه بضايق منها سواء كان ابويا ولا اخويه ولا صاحبي ولا حد غريب من
1 يا عم براحه
يا عم حاسب دا ولا دي
الكلام وانا سايق زي كلام فاااااارغ ملوش لازمه
السجاااير
يوسخلي العربيه
الحاجات اللى هيا مالهاش لازمه
دي بضايق منهااااا
او حد يقولي هااات اسوق عنك شويه ويقعد يري طول الطريق

[omar-saad]

والله الموضوع كلة يضايق وخصوصا السجاير والاكل
وياسلام بقى لما اغسل العربية وصاحبى ينزل الازاز ببقى هاتعبط منة
فكرتونى بحكاية اول ماجبت الكورولا انتو عارفين ان مراياتها شفط
ف واحد من الناس استغرب الحكاية دى اوى وقاعد يكتشف فيها لمدة نص ساعة واعد يفتح ويقفل فى المراية وانا مادرتش اتكلم معاة عشان راجل كبير والى انو عايز يشترى واحدة زيها
فا ماتكلمتش معاة مع انى كنت هاولع منة

[abou_ruqi]

كل اللي بيتقال بيضايقني بس في حاجة كمان

باتخنق قوي لما أجي أقطع شارع وألاقي اللي قاعد جنبي هو اللي مطلع راسه قدام وهو اللي بيبص في عربيات جاية وألا لا , واللي يغيظ إني أنا نفسي مببقاش شايف و بالتالي مش بطلع

يا سدي رجع راسك ورا خليني أشوف اللي جاي , هو أنت اللي سايق ؟؟؟

فضلت فترة أدرب مراتي عليها لحد ما بطلتها , إنما صحابي مش عارف خالص عندهم فوبيا الظاهر وألا إيه ؟

[Mohamed.Ramah]

الله يكون فى عونكم انا على كدة ححصن نفسى ومن اول يوم اشتريها باذن الله واعلمهم الادب من اول يوم واللى يزعل يزعل

[m7nsh]

ااااااااااااااااه
قلبى يا ناس
انا قريت الموضوع تعبت نفسيا ههههههه
بصراحه اللى بيدايقنى رزعععععععععععع الأبواب ,, بس مش بتحصل من صحابى ,, اصلا بيحسسو لوحدهم ع العربيه لدرجه ان كل مره لازم الباب يبقى مش مقفول كويس بابقى انا اللى اقول افتح و اقفل تانى :))
السجاير عادى لأن اللى بيشرب بيرمى ايده برا و النفس كذلك
يحط حجاته عادى برده
الأكل : بيحافظو عليها جدا برده بس اغلب الوقت بحب مناكلش فيها الا لو الدنيا زحمه و مضطرين
الخلاصه اصحابى دول ميه ميه و 90 فى الميه من اللى ركبو معايا بصراحه مشفتش منهم حركات قرعه

[A7MED_PHARMA]

أكتر حاجه تدايقيني
لو حد من معارفي أو إصحابي قالي
عاوز أسوق



.

[VTEC]

أكتر حاجه تدايقيني
لو حد من معارفي أو إصحابي قالي
عاوز أسوق
.

+1111111

انا ابن خالتى لسه ماسحلى الرفرف القدامانى فى شجره وهو بيركن عربيتى
كل ده عشان خليته يجربها

الحجات اللى بتضايق منها:

-ان حد يقعد يعلق على سواقتى ويقولى اعمل ومتعملش (ما عدا الوالد طبعاً عشان هو اللى معلمنى السواقه)

-رزعه الباب بس بتاعه العيال اللى بيغسلو العربيه فى البنزينه بجد رزعتهم غشيمه اوى

-ولو راكن جنب رصيف عالى شويه وحد حيركب جنبى لما بيفتح الباب بيحك فى الرصيف

-اما بقى موضوع السجاير ده انا معظم صحابى مبيشربوش سجاير واللى بيشرب سجاير عارف انى مبشربش سجاير فمحدش بيدخن فى العربيه

-لما اكون لسا غاسل العربيه وراكن فى الشارع والاقى حد بينفض سجاده من البلكونه

[romeo_6887]

انا مبخليش حد ياكل او يشرب سجاير في العربيه
و اللي بيعمل نفسه سويق وقاعد جنبي عشان يديني نصايح
بقوم واقف علي جنب و اقوله انزل

[ابوهاشم]

كل اللى انت قولته ده بيضايقنى
بس هى المصيبه فى الاحراج

[NoRmAl]

طبعا كل الحاجات دي تغيظ ...... و لكن أنا حاطط قواعد في العربية :
ممنوع التدخين في السيارة ....... و كمان الجين 2 مفيهاش أصلا طفاية سجاير .
ممنوع الأكل في السيارة .
ممنوع الشرب في السيارة إلا من العلب المعدنية ( الكانز ) .
ممنوع القاء اي زبالة من السيارة مهما كانت صغيرة و عندي كيس زبالة في السيارة لهذا الغرض .
أول حاجة بأطلب من اللي يركب معايا أنه يربط الحزام . ( نص الناس بتقولي ملوش لزمة !! )

موضوع الموسيقى أو الكاسيت ........ مش بيداقني قوي لأني نادرا لما بأشغل موسيقى أساسا أو أي شئ آخر أثناء القيادة و بحب أكون مركز مع الطريق .
بأقفل القفل المركزي بتاع التحكم في الزجاج علشان مش كل شوية واحد يقعد ينزل و يطلع الزجاج .

و بكدا بعمل تحكم في العربية و في الناس اللي رااكبه معايا من غير ما أحرج حد علشان أنتوا عارفين الشعب المصري ........ بيموت في العشم .

أنا مش هركب معاك على فكره :)))

[migo9898]

الكاسيت والسجاير ورزع الباب والحزام كل اللى الاخوة اتفضلو وقالو عليه

[Dr_AHMAD]

لما تكون مروح وزميل ليك واقف وسط اصحابه وينادي عليك روحني معاك ويجي يركب حاطط رجل جوة ورجل برة وماسك الباب باديه الاتنين وقاعد يكمل الحوار مع اصحابو ويدي ده مواعيد ويوصي التاني وهكذا وموقفك ومعطك مع انو واقف معاهم بقالو ساعتين واكتر وطبعا انت واقف مستني الباشا لما يخلص
في الحالة دي اروح مطفي العربية والغريب اول ما تطفي العربية يركب ويقولك ليه طفيت العربية يلا بينا ..!!!!!

[mahgary]

3+ 5+ 6 لوحد عملاه معى مش عارف هعمل فيه ايه

[RUN]

6* اللى قاعد جانبى وعامل شيخ السواقين دوس حاسب فرمل اكبس يمين شويه ,,,,,وهكذا

[رزق]

6 دي أنا مابطئهاش, إنه يقعد يقولي حاسب, هدي, اجري, ازنوء نفسك بين دول.
في العادة باقوللهم "بس بقى مالكش دعوة بطريق أنا اللي سايق فـياريت تعليقاتك تخليها لنفسك وتعد ساكت"..بحاول طبعا انتقي الفاظي مع ناس معرفهمش قوي.

الألعن بنسبلي لما يركب معايا حد ويقوللي معلش ماتشربش السيجارة دي وبكون لسة بطلعها من العلبة..بأبقى هاين عليَّ أفتح الباب و ازق سيادته.

طبعا الوالد بيضايقني في النقطتين دول بس مبقدرش اقوله حاجة..أي حد تاني بركنله على جنب واقوله انزل خد تاكسي يابني.

لما بكون لسة غاسل العربية بكون طبعا مانع أي حد ياكل فيها.

لما بتكون ابتدت تتوسخ مبتبقاش فارقة..اللي يرمي يرمي ما أنا كده كده الطافية بتقع مني ساعات وانا مركز في الطريق فحقول إيه.

موضوع الكرسي والكونسل ده مبيفرقش معايا بصراحة بس الكاسيت والتكيف اقطع دراعهم فيه.