اكتر حاجه ممكن تضايقك من الاشخاص اللى بيركبوا معاك عربيتك

[YaSSerwIN]

من الأخر الموضوع دة مالهوش حل متعرفشى بقا الناس بتبقا قلبها عليك
تروح رزعالك الباب رزعة محترمة علشان تبقا مطمنة من ان الباب اتقفل

والى جاى يركب معاك عايز يسمع الى على مزاجه وانت تخبط دماغك فى الحيط

وعايز ياكل ويشرب ويبقعك فى الفرش وانت ما عليك غير انت تنضف وتغيير فى الفرش الى اتبقع

يشرب فى سجاير ويخنقك ويمللاك العربية طافيه ( الله هو انت هاتحرمنى ولا ايه الخنقة دة ويفضل قاعد غصب عنه هايموت يشرب سجارة )

مافيش غير انك متركبش حد :d

[eng.octooo]

ان واحد يركب جنبى والاقى رجلية على الكونسول
وان نفسي الى يركب جنبى يرجع الكرسى ويوطى ظهرة ويحسسنى انة كرسى فوتية وانا سواق العيلة بتاعتة
ياسلام بقا لو معاة سيجارة وانا مشغل المكييف ومش راضى يطفيها
لا ولو معديين من جنب مكان زحمة او تجمع بنات او كدة ويفتح الزجاج ويعلى الكاسيت
لا ولو ركب معايا واحد غريب وفضل يفتح فى الطفاية (نفسى اعرف ليية ) ويفتح درج التابلوة ويرفع وينزل فى الزجاج
ولو سألنى العربية دى بكام
ولو مسك زراير الكاسيت وحسسنى انها زراير الة كاتبة
ولو قالى هات المفتاح اريح فى العربية شوية


يبقى يومة اسود فى كحلى فى نبيتى


اخر مرة كانت مع ابن عمى كنا بنلف من جنب مركز دروس ثانوية تقريبا والبنات طالعة من المركز ودة فتح الازاز وعلى الكاسيت على الاخر وهايبتدى يعاكس
رحت ببساطة قلتلة انزل .... ونزلتة قدام المركز
لقيت واحدة كبيرة شكلها مدرسة البنات او والدة واحدة منهم قالتى ( ياريت يابنى الناس كلها زيك كدة الواحدة تتطمن على بناتها فضلت فرحان بالكلمة دى اوىىى مش عارف لية )



ومرة تانى ركب معايا ابن صاحب والدى وكنت باوصلة فلقيتة اول ماركب بيقولى :
هيا يامحمد على كدة عربيتك دى تعملها كام

(مع العلم انها عربية والدى )
فقلتلة وبكل رخامة :
ليييية هو ابوك ناوى يشتريها منى ؟؟؟ فقالى لا
قلتلة خلاص لما تحبوا تشتروها ابقى اسألنى

ومن يومها وهوة مش بيطيقنى

[OilMan]

انا متفق معاك فى كل ده بس اكتر حاجه بتضايقنى لمل حد يكون راكب ونازل من العربيه ومش ياخد باله من الباب وخاضة لو حد راكن جنبى والمسافه ضيقه عامة انا بتفادى انى بنزلهم الاول وبعد كده اركن بس احيانا بعض الناس بتبقى المسافه كبيره وفله بس برده يفتح الباب للاخر يخبط اللى جنبى ويخبط بابى كمان وبعد ده كله يرزع الباب ولا كانه باب ميكروباص

[mahmoud_magdy]

الشماسه بتاعت الراكب
تلاقيه اول ما يركبها ينزلها ويفتح المرايا يعد يتفرج على نفسه هههههههههههههه
او مفيش شمس وينزلها برده بدون داعي
بتجنن من الحركه دي واروح قافلها ويفتحها وهكذا بقى لحد ما ازعق ههههههههههههه وساعات بيفضل قاتحها برده

[Abdm]

طبعا كل دة متفقين علية لا خلاف بس أصعب حاجة هى أنك تكون ما بدخنش وتلاقى اللى قاعد جنبك بيدخن وممكن يكون بيطفى السيجارة برة العربية لكن المشكلة أنى بتنفس بصعوبة من الدخان وبكون محرج أنى أقولة ما تدخنش علشان ميزعلش ويقولى أنت هتزلنا علشان هتوصلنا أو يفتكر أنى بقولة ما تركبش معايا تانى لآن موضوع التدخين دة مشكلة كبيرة والمدخن ما بيقدرش يقعد مثلا ساعة فى العربية لو المشوار طويل شوية من غير ما يدخن يا ترى الموضوع دة لة حل بس ما يزعلش حد

[HanyHanyHany]

كل ما قلته يزعجني...........................

[Maged_Samy]

1من غير ترتيب :
- لما حد يركب معايا ويفتح الزجاج الخلفى.
2- لما حد يقولى اضرب كلاكس او يقول اى حاجة كأنه هو اللى سايق .
3- يطفى سجائر فى الدواسة .
4- يعلى صوته وهو بيكلمنى .
5- يطلع ايده من الشباك ويشاور للعربيات لو بحاول اجى يمين .
6- يلعب فى الكاسيت .
7- يقعد ورايا وركبته تزق فى ظهر الكرسى بتاعى او يحاول يقوم ويمسك فى الكرسى بتاعى واحس ان هقع وانا سايق .
8- يرمى حاجة من الشباك او يشتم حد .

[ams]

ايه كل ده ؟!
انا مش هركب مع حد بعد كده
و لو قعد يتحايل عليا

[الغزالى]

يا عم أنا بحب الهدوء مش الرزع !! ... إنت لازم تسمع الشارع كله إحنا بنسمع إيه؟؟؟؟

و بعد كده إنت بتجرى فى حتت ملهاش لازمة تجرى ....

هههههههههههه

فى الحتة بتاعة الجرى دى انت عندك حق يوم ماكنا فى المقابلة بتاعة كارفور
بيجرى ولقى ردار ادامة وهوا كان على 100 كدة ولا حاجة
وتخيلوا انتوا بئى بس جاب 80 عند الدرار ابن الذينة وكان الفرق بنا حاجة بسيطة
حبيبى يا احمد مش هايركبهانى تانى

[الغزالى]

ان واحد يركب جنبى والاقى رجلية على الكونسول
وان نفسي الى يركب جنبى يرجع الكرسى ويوطى ظهرة ويحسسنى انة كرسى فوتية وانا سواق العيلة بتاعتة
ياسلام بقا لو معاة سيجارة وانا مشغل المكييف ومش راضى يطفيها
لا ولو معديين من جنب مكان زحمة او تجمع بنات او كدة ويفتح الزجاج ويعلى الكاسيت
لا ولو ركب معايا واحد غريب وفضل يفتح فى الطفاية (نفسى اعرف ليية ) ويفتح درج التابلوة ويرفع وينزل فى الزجاج
ولو سألنى العربية دى بكام
ولو مسك زراير الكاسيت وحسسنى انها زراير الة كاتبة
ولو قالى هات المفتاح اريح فى العربية شوية


يبقى يومة اسود فى كحلى فى نبيتى


اخر مرة كانت مع ابن عمى كنا بنلف من جنب مركز دروس ثانوية تقريبا والبنات طالعة من المركز ودة فتح الازاز وعلى الكاسيت على الاخر وهايبتدى يعاكس
رحت ببساطة قلتلة انزل .... ونزلتة قدام المركز
لقيت واحدة كبيرة شكلها مدرسة البنات او والدة واحدة منهم قالتى ( ياريت يابنى الناس كلها زيك كدة الواحدة تتطمن على بناتها فضلت فرحان بالكلمة دى اوىىى مش عارف لية )



ومرة تانى ركب معايا ابن صاحب والدى وكنت باوصلة فلقيتة اول ماركب بيقولى :
هيا يامحمد على كدة عربيتك دى تعملها كام

(مع العلم انها عربية والدى )
فقلتلة وبكل رخامة :
ليييية هو ابوك ناوى يشتريها منى ؟؟؟ فقالى لا
قلتلة خلاص لما تحبوا تشتروها ابقى اسألنى

ومن يومها وهوة مش بيطيقنى

طيب هات المفاتيح ياض انت عشان اريح شوية

[ashouhdy]

فعلا و كمان التريقة ع العربية
اية دة تى بترزع فى المطبات اية دة دى بتلعب فى الملفات هوووبا اية دة دى دريم بارك و الافلام دى ! ولا لما اكون مشغل اغنية و عجبانى و مبسوط ييجى واحد بمنتهى الرخامة و يقلبها !!!!!!!!!!!!!!!!!

[slim_shika]

قلبتو عليا المواجع , ماشي أنا هقول علي اللي فيها علشان أنا جبت اخري من الناس ديه..
1- اللي يرزع الباب (ليه ؟ هو هيطير ؟؟)
2- اللي عايز ينام جامبي وانا سايق (فوق ياض!!)
3- لو واحد مليش هزار معاه و هيبتدي يتريق على حاجة في العربية (طيب ما أنت هتديني حجة قوية علشان استلمك طول السكة وانا لساني طويل عامةً ف ليه؟؟)
4- اللي يرمي الطافية في العربية , حتى لو الدواسات وسخه (أيام ال132 ) متبقاش معفن!!
5- اللي عامل فيها ميكانيكي أو عفشاجي أو كهربائي (من سنة كنت بذاكر مع ناس اصحابي ,صاحبي قالي خد وصل فلان, أول مركب قالي العربية جايبة عافشه , قولتله: إنت نازل آخر الشارع مش هتعمل فيها فاهم, الباشا عفشاجي ولا حاجة ؟؟؟ كتم , مع العلم أنا كنت لسة مغير الطقم كله واللي كان بيخبط في المطبات كان الاستبن و الكريك في الشنطة أيام ال132)
6- اللي عايز يسمعني عربي على مزاجه (هو مين اللي راكب مع مين؟؟؟)
7- لو واحد صاحب صحبي مثلا وعايز يلف حاجة في عربيتي علشان مش هيلف في الشارع - عشم (حاضر أول ما ابقى بـاشرب زفت ابقي اساعدك!!! وآخد بعدي وأمشي من الشبهة )
8- أكتر حاجة ممكن تخليني افقد اعصابي فعلا , لو حد فكَّر نفسه برنس وبيعدل على سوقتي , يااااااااااااااااه!!!! شوف أنا ممكن أنزل بيكوه في النيل!!!
ده السواقة مليانة بلاوي , ومش هكتر علشان وقت البرنامج lol

[mohamedbook]

مبحبش اركب حد معايا
مش عارف ليه
وكمان الي يقلي امشي علي مهلك

[الغزالى]

هوا الكلام دة على اصحابكوا ولا على الناس الغربية الى بتركب معاكوا فى العربية

[nomercy22]

رزعة الباب اللى زى الشاكوش فوق الدماغ