سكودا فانتازيا 2013ولا اوبل استرا سيدان 2013

[mohammedrefaat]

ان شاء الله انا ناوى اشترى عربيه كمان اسبوع او اتنين و كنت محتار جدا لدرجة انى بسال اى حد عن الموضوع ده انا محتار بين عربيتين هاموت عليهم الاولى اسكودا فانتازيا 2013 و التانيه اوبل استرا سيدان 2013 و كان نفسى حد يقولى ايهم افضل لانى محتار و نفسى اعرف مين فيهم افضل ( وكيل - صيانه وسعر قطع الغيار ـ سعر اعادة البيع و سهولة البيع بعد كده - امكانيات العربيتين كتقفيل وعزل و تابلوه وثبات و استهلاك بنزين وفتيس و او حاجه عن العربيتين ) من الاخر نفسى حد يقولى اشترى كذا او اشترى كذا و ماتسيبونيش لايص لان العربيتين طالعين من عينى وانا برضو دورت لقيت ان الفانتازيا 102 حصان و العزم بتاعها اقل من الاوبل و الاوبل 115 حصان و بتوصل لـ 180 حصان فى الموتور التربو و العزم بتاعها كويس بس انا معايا حاليا اوكتافيا a4 موديل 2003 و عايز اغيرها و محتار موووووووت ياريت حد يرسينى على بر

[Land_Cruiser]

الاسترا السيدان ما شاء الله عليها شكلها و امكانياتها تحفه بس الفكره انها لسه نازله جديد فمحتاجه فتره للحكم عليها فى مقابل الفانتازيا عربيه معروفه و مش مختلفه كتير عن الموديل اللى قبلها و سمعتها كويسه فى السوق و اكيد حضرتك عارف لانك مالك لاوكتافيا. النصيحه لو حضرتك مستعجل يبقى خليك فى الفانتازيا اللى هى المضمونة و متجربه أما لو ينفع تستنى يبقى الأفضل تنتظر تعرف رأى حد من الملاك الفعليين يكون ركبها فعلا و يقدر يحكم عليها علشان بس تتأكد ان مفيهاش خوازيق و زى ما قلت مره تانيه ان الموضوع مش مرتبط قوى بالمواصفات الفنيه من وجهه نظرى لكن مرتبط اكتر باستثمار فلوسك فى عربيه تبقى قيمتها فيها

[mohammedrefaat]

الاسترا السيدان ما شاء الله عليها شكلها و امكانياتها تحفه بس الفكره انها لسه نازله جديد فمحتاجه فتره للحكم عليها فى مقابل الفانتازيا عربيه معروفه و مش مختلفه كتير عن الموديل اللى قبلها و سمعتها كويسه فى السوق و اكيد حضرتك عارف لانك مالك لاوكتافيا. النصيحه لو حضرتك مستعجل يبقى خليك فى الفانتازيا اللى هى المضمونة و متجربه أما لو ينفع تستنى يبقى الأفضل تنتظر تعرف رأى حد من الملاك الفعليين يكون ركبها فعلا و يقدر يحكم عليها علشان بس تتأكد ان مفيهاش خوازيق و زى ما قلت مره تانيه ان الموضوع مش مرتبط قوى بالمواصفات الفنيه من وجهه نظرى لكن مرتبط اكتر باستثمار فلوسك فى عربيه تبقى قيمتها فيها

هو انا معاك ياباشا فى مواضيع الخوازيق ده بس بصراحه انا مافتكرش ان فيه عربيه المانى نزلت وكان فيها خوازيق ولا انت رايك ايه ؟؟؟!!

[walidzakzok]

الاوبل سعر اعادة بيع فى الارض

[Mohyeldin1974]

بدون التعليق على الخوازيق فى الالمانى (زى الفتيس مثلا فى الجيتا والجولف)
الاسترا ليها كذا موضوع هنا فى المنتدى بص عليهم
انا رايى الشخصى انك تستنى شويه لغاية 2013 ان شاء الله لسببين
اولا الاسترا هتكون بانت فى السوق والناس كونت اراء عليها وهتبان صيانتها وقطع غيارها
وثانيا انك تقارنها بالشكل الجديد من اوكتفيا 2013 لانى اعتقد ان شكلها هيتغير شويه وتكون احدث....والله اعلم

[Astra200]

الأوكتافيا اثبتت أعتماديتها -- واعتقد من حيث الأعطال الفانتازيا تكسب
الأسترا السيدان جديدة
خد بالك من الفتيس لأنه غالبا الأيزي ترونيك الي هو auto Single clutch زي كل الفتيسات الي طالعة جديد -- بيدي قوة بس مش لذيذ في السواقة (حسب الي استعملوه )
العربيات الجديدة بتعتمد علي الينزين عالي الأوكتان -- علشان هناك في الدول المتخلفة بيقللوا الأنبعاثات الكربونية علشان حاجة اسمها البيئة (مالناش دعوة بيها - ده للدول المتخلفة بس )
اما عندنا في بلاد التقدم ما يهمناش الكلام ده -- علشان كده عايزين نغلي البنزين عالي الأوكتين علشان نرجع لتكنولوجيا ال 128 اللي هي بتستهلك بنز ين اكتر من العربيات الحديثة

الخلاصة عايز عربية أثبتت نفسها قليلة الأعطال استهلاكها حلو - ثابتة - واسعة ..... بس قديمة شوية (تكنولوجيا 2005 ) ومش فارق معاك الشكل وكل حاجة ختتغير في 2013 يبقي أوكتاقيا

عايز عربية أحدث بس أعتماديتها ممكن تكون أقل ومش فارق معاك الفتيس ممكن تروح للأسترا

[dozo]

راى لو حتجيب الاوكتافيا تجيب الفانتازيا حاليا لان الاوكتافيا الشكل الجديد غالبا حتنزل - بالخازوق -قصدى الفتيس dsg الاختراع العجيب. و سعتها حقولك استرا سيدان و انت مغمض و ربنا يوفقك فى الاختيار

[hammad2010]

بسم الله الرحمن الرحيم
اخى العزيز واضح انك محتار بين الاوكتافيا والاسترا وانا عن نفسى انصحك بالاوبل استرا للاسباب التالية:
تعالى كده نعمل مقارنة بسيطة بينهم
اولا من حيث السعر : الاوكتافيا الاوتوماتيك اول فئة 175000 وفى فئة ب 190000 والاخيرة اللى هى الهاى لاين 215000 ، غالية اوى ليه اعتقد عشان اى واحد بيحب يركب المانى وميكونش غالى طبعا ملناش دعوة بالمرسيدس وال بى ام بيلاقى الفولكس وطبعا غالى برضه على سبيل المثال الجولف الهاتشباك 205000 بالاضافة الى ارتفاع اسعار القطع غيار يعنى انا ليا صديق معاه الباسات مش عايز اقولك قطع غيار ناااااار يعنى مثلا الفانوس يعدى ال 7 الاف جنية والاكصدام 4 الاف والله اعلم بالحساسات ولا لا ، فعشان كده اللي بيجى يشترى مبيلاقيش قدامه الا الاسكودا وهى فعلا كلت الجو فى الفترة اللي فاتت عشان الاوبل اصلا كان واقع وكمان وكيله مش كويس وبنتمنى انه يتحسن ، والاوبل دلوقتى الفئة التانية منها 167000 وده فى نظرى سعر كويس جدا يبقى لما نقارن امكانيات الاتنين فى كل حاجة يبقى طبعا الاوبل افضل بمراحل منها من حيث السعر
ثانيا من حيث الموتور : طبعا الاتنين 1600سي سي والاوكتافيا 102 حصان والاوبل طبعا 115 حصان اذن الاوبل تتميز فى الحتة دى جدا
ثالثا الاسترا السيدان الجديدة نازل فيها esb ودى ميزة رائعة جدا عشان بجد الجهاز ده بينفع جدا فى المنحنيات والطرق الزلقة
رابعا: تابلوه الاوبل الجديد رائع جدا وخصوصا الفئة الثانية الكوزمو وانا فى نظرى انه افضل من الاسكودا وده فى الاخر اذواق
خامسا فى بعض الكماليات اللى بتتفوق فيها الاوبل الفئة كوزمو لو عملنا مقارنة بينها وبين الفئة اللى فى الاوكتافيا اللى ب 175000 زى ايه ( الاسترا بجنوط سبور الاسكودا مفيهاش جنوط - الكاوتش فى الاسترا 17 فى الاسكودا 15 - الاسترا فيها حساس ضوء وحساس مطر الاسكودا مفيهاش - الاسترا فيها فرش جلد الاسكودا لا - الاسترا فيها سنسور خلفى الاسكودا لا )
واخيرا انا والله جربت الاسكودا وسافرت بيها كمان اكثر من مرة بجد تقيلة جدا فى سحبها انها انا منكرش هى ثابته انما حاسس انها بتجمع ببطئ جدا وقاعدتها مش مريحة خالص ، وانا بصراحة اتفرجت عالاسترا بجد اتوهمت جدا بيها سيارة رائعة

وان شاء الله ربنا يوفقك ويدلك على الاختيار الصحيح وابقي استخير ربنا قبل الشراء

[mostafa3000]

تصدق انني في نفس حالتك معايا أوكتافيا ٢٠٠٣وكنت ومحتار بين الفنتازيا والاسترا
بس لما رحت شفت الاسترا بصراحة ما جذبتنيش ومش عارف لية حسيت ان صالونها ضيق شوية مع ان أبعادها المفروض اكبر من الفنتازيا
بس صالون الفنتازيا تحس فية بالوسع والفخامة اكبر
بصراحة بعد ما تفرجت عليها ما اقتنعتش بيها
علشان تحدد من الافضل تروح تتفرج عليها

[dede_dodo88]

هو كعربية Vs. عربية
الأسترا تمسح الأوكتافيا...
و ده ميمنعش أن الأوكتافيا كعربية في هايلة و مريحة.. لكن الأسترا تتفوق كعربية..
لكن لو دخلنا في الأعتبار التوكيل و أسعار قطع الغيار و توفرها فالأوكتافيا تكسب..
يعني كذا واحد أعرفه معاه الفانتازيا بيشكرلي جداً في التوكيل و أن أسعار قطع الغيار هايلة و أنها متوفرة جداً لأنها نفس قطع غيار الفولكس و السيات بس بسعر أقل..
هو يمكن الأسترا مفيهاش الميزة دي لأنها لسة جديدة على السوق المصري.. يعني العربية يادوبك لسة بتشق طريقها في الأنتشار..
بس كأعتمادية الأسترا عربية نادرة أو ممكن أقول منعدمة الأعطال.. يعني لحد دلوقتي العربية ثابتة كفاءة عالية جداً و مظهرلهاش أي عيوب.. فكده كده مش بتحتاج التوكيل غير في الصيانات الدورية طول ما أنت محافظ على العربية..

[mohammedrefaat]

الأوكتافيا اثبتت أعتماديتها -- واعتقد من حيث الأعطال الفانتازيا تكسب
الأسترا السيدان جديدة
خد بالك من الفتيس لأنه غالبا الأيزي ترونيك الي هو auto Single clutch زي كل الفتيسات الي طالعة جديد -- بيدي قوة بس مش لذيذ في السواقة (حسب الي استعملوه )
العربيات الجديدة بتعتمد علي الينزين عالي الأوكتان -- علشان هناك في الدول المتخلفة بيقللوا الأنبعاثات الكربونية علشان حاجة اسمها البيئة (مالناش دعوة بيها - ده للدول المتخلفة بس )
اما عندنا في بلاد التقدم ما يهمناش الكلام ده -- علشان كده عايزين نغلي البنزين عالي الأوكتين علشان نرجع لتكنولوجيا ال 128 اللي هي بتستهلك بنز ين اكتر من العربيات الحديثة

الخلاصة عايز عربية أثبتت نفسها قليلة الأعطال استهلاكها حلو - ثابتة - واسعة ..... بس قديمة شوية (تكنولوجيا 2005 ) ومش فارق معاك الشكل وكل حاجة ختتغير في 2013 يبقي أوكتاقيا

عايز عربية أحدث بس أعتماديتها ممكن تكون أقل ومش فارق معاك الفتيس ممكن تروح للأسترا

اولا انا مش فاهم : يعنى ايه الفتيس الايزى ترونيك قوى بس مش لذيذ فى السواقه
ثانيا العربيه الاسترا كلها نازله اتوماتيك ماعدا النسخه التيربو هى اللى فتيسها ايزى ترونك
انا قريت موضوع عن الفرق بين انواع الفتيس المختلفه بس مافهمتش حاجه فايريت حضرتك توضحى يعنى ايه قوى بس مش لذيذ و ثانيا فهمى هو الاحسن ولا الاوتوماتيك ولا التيبترونك اللى زى فى الاوكتافيا الفانتازيا
ثالثا انا كنت عايز اقول ان فانتازيا 2013 نزلت و فتيسها تيبترونك اما لو حضرتك بتتكلم ان فيه شكل جديد فانا دورت على النت مالقيتش ان فيه شكل جديد بس فيه نوع جديد اسمه اوكتافيا رابيدRapid و دى شكلها مختلف خالص عن الفانتازيا و بصراحه معجبنيش

[dede_dodo88]

العربيه الاسترا كلها نازله اتوماتيك ماعدا النسخه التيربو هى اللى فتيسها ايزى ترونك

الأسترا بتنزل بفتيس ستيبترونيك توماتيكي عادي جداً مفيهوش أي حركات و التربو بتنزل بنفس ذات الفتيس برضه..

هو الفتيس كويس مش وحش يعني بينقل smooth عادي و مش بينتش فمبيعملش مشاكل.. هو نقلاته بس بتبقى بدري شوية عشان يريح الموتور بمعنى أنه مبيجبش أخر كل نقلة و ده بيقلل التسارع شوية نوعاً ما..
و ده مش معناه أنها عربية بطة أو مش سريعة.. بالعكس العربية حلوة أوي فوق على سرعات.. هي بس مش قوية في الـlow-to-mid range يعني مش بتاعة Drag..

[mohammedrefaat]

الأسترا بتنزل بفتيس ستيبترونيك توماتيكي عادي جداً مفيهوش أي حركات و التربو بتنزل بنفس ذات الفتيس برضه..

هو الفتيس كويس مش وحش يعني بينقل smooth عادي و مش بينتش فمبيعملش مشاكل.. هو نقلاته بس بتبقى بدري شوية عشان يريح الموتور بمعنى أنه مبيجبش أخر كل نقلة و ده بيقلل التسارع شوية نوعاً ما..
و ده مش معناه أنها عربية بطة أو مش سريعة.. بالعكس العربية حلوة أوي فوق على سرعات.. هي بس مش قوية في الـlow-to-mid range يعني مش بتاعة drag..

و و الله كلام كويس رغم انى مفهمتش اوى الا لما شرحتلى اصلى لسه جديد فى الموضوع بتاع العربيات ده رغم انى راكب عربيه من ييجى 8 سنين بس الدنيا بتطور و انا قاعد زى خيبتها مش بفهم غير انى اسوق و خلاص بس انت رايك كده اشترى الفانتازيا ولا الاسترا السيدان لانى شايف العربيتين حلوين اوى بس انا محتار اخاف اجيب عربية و بعد ماجيبها ابقى مش راضى عنها و اتعب نفسيا و تتعبنى هى معاها

[mohammedrefaat]

ايه اللى بيحصل 200 واحد دخلو اتفروا عل الموضوع ومافيش غير 12 شاركه انا عامل منهم ييجى اربعه يخواننا بقلكم انا هاشترى ايه فلوس دى هاتتدفع ولا مش فلوس يا متعلمين يا بتوع المدارس

[Ahmed Selim]

طيب ما تزقش بس :)

بص يا باشا..........الأوكتافيا المفروض أنها هتغير شكل قريب..........دى أول حاجة تخليك تفكر أنك تبعد عنها.

باقى بنود المقارنة تقريباً متشابهة......سعر قطع غيار توكيل إلخ

الأوكتافيا تتفوق فى سعر إعادة البيع

موتور الأسترا يكسب

شكل الأسترا يكسب......و دى أزواق

أخر حاجة.........الأوكتافيا الجديدة لو نزلت بفتيس dsg هتفقد جزء كبير من قيمتها فى مصر.

القرار يرجعلك...........انت محتاج أيه من العربية ؟