سكودا فانتازيا 2013ولا اوبل استرا سيدان 2013

[mohammedrefaat]

الوكيل مش سيء زي ما بيقال , عادي , اسعار قطع الغيار معقولة جدا جدا بالنسبة لماركه محترمه ,, تيل في حدود 600 ج فانوس ب1300 و شوية ,فلاتر 150 ج ,,,يعني زي هوندا و سكودا ,,مش مبالغ فيها

لا ماعتقدش انها هاتكون ارخض فى قطع الغيار
لان العربية لسة مودبل جديد فلازم تكون قطع غيارها اغلى
دا غير ان فى عضو معاه استرا هاتش باك
اشترى الفانوس الخلفى من التوكيل ب 1350

فى ضوء الاسعار بتاع الاسترا دى ممكن تسال على اسعار الفانتازيا ..!!!
الفانوس الخلفى فانتازيا 2012 مش معدى 600 جنيه وفى الوكيل كمان

[ahmedsadek82]

الفانوس الخلفي بتاع فكترا c 2008 ب800 ج مثلا و الفانوس الخلفي للباسات ب900ج , دول اللي انا متأكد منهم ,,,ممكن الفانوس يكون اغلا شوية (بتاع استرا) عشان موديل جديد و لكن قطع الغيار الاستهلاكية واحده , اقصد ان الواحد مش بيكسر فانوس كل يوم ..انا افضل انك تروح بنفسك التوكيل منصور تسأل على القطع اللي انت قلقان منها ,,,اللي اقصده ان الفرق بينها و بين سكودا او فولكس من نفس الفئة حيكون زي الفرق بين مرسيدس و بي ام في اسعار القطع (دي اغلا في حاجة و دي اغلا في حاجة) ,,,

[lolo2884]

هات الاسترا وخلص عشان ابقى اسوقها شوية lol

[amghoneim]

عندي سؤال.. هو في مشكلة ان الاسترا تصنيع بولندي؟؟؟

[omar-saad]

عندي سؤال.. هو في مشكلة ان الاسترا تصنيع بولندي؟؟؟

لا طبعا العربية بتتصدر لدول اوروبية من نفس المصنر والعربية خاماتها وتقفيلها حلو جدا
ومافيش حاجة تعيب التقفيل دة
خالص وكمان انا شوفته بنفسى
ز ى الاسترا البرازيلى والاسبانى

[ahmedaglan]

اتوكل علي الله وهات الاسترا

[n3na3aah]

يعني انا كنت ناويه اجيب الاسترا و دلوقتي حيرتوني تاني اهم سوال عندي التوكيل سئ من جهه ايه يا ريت حد يجاوب

[mohammedrefaat]

و الله يا جماعه انا نزلت اتفرجت على الاسترا يوم الاثنين اللى فات فى توكيل منصور و بصراحه العربيه جامده كفايه اصلا اول ماتقعد على كرسى السواق كده تلاقى جسمك كله ريح ضهرك على المستن و رجليك على الكرسى و مرتاح و فى نفس الوقت لو نزلت تركب ورا هاتلاقى الكنبه ورا مريحه و المساحه بتاع الرجلين كويسه مع العلم ان طول حوالى 180 سم بالنسبه للكماليات العربيه حلوه فى كماليتها بس مافيهاش بلوتوث ولا جى بى اس ولا فى اى فئه من الفئات الثلالثة الشنطه بتاعتها حلوه و واسعه اى نعم هى مش واسعه زى الفانتازيا بس ارجع و اقلك انها واسعه وسع حلو و تشيل بس لما اتفرت على حوض الموتور جالى خيبه امل التقفيل بتاع الحوض مش حلو و البطاريه مكشوفه مالهاش غطا و جنبها بتاع كده لازق فى جنب البطاريه بين الموتور و البطاريه انا معرفتش ايه هو و نسيت اسال الراجل كمان بسالراجل قالى اوعى تلمسه الميه احسن مايحصلش خير طبعا الموتور مالوش غطا فيه كمان حاجه الكبود لما مسكته لقيته خفيف مش تقيل كده زى بتاع الفانتازيا وبعد لما سندت على الحته اللى قدام الكبود لقيتها خفيفه و كانت هاتتنى تحت ايدى ولما سالت على قطع الغيار الراجل قالى ان الفانوس الخلفى فعلا بـ 1150 جم الف و مائه و خمسون جنيه مصرى لاغير طبعا الجنوط شكلها حكايه على العربيه و خصوصا الجن الـ "17 الى فى الكوزمو و الكوزمو تيربو اما الانجوى فيها مقاس 16 كويس برضو و يقضى الغرض العربيه فعلا حكايه
كد بقى يبقى فاضلى انزل اتفرج على الفانتازيا فى الوكيل برضو اركبها و اسال على كل حاجه فيها و ان شاء الله الواحد يقرر ده طبا بعدد ما الواحد يصلى استخاره
اه بالحق كنت هانسى ... انا سالت الراجل هو ليه منصور واخد سمه زى الزفت عند الناس قاللى ياباشا منصور واخد المركز الاول فى خدمة ما بعد البيع من ..... &^%$%^$# ــ حاجه كده مش فاكر اسمها ــ السنه اللى فاتت و اللى قبلها و ناس كتير جدا قلقتنى من توكيل منصور اوبل
المهم ان شاء الله انزل اشوف الفانتازيا و ربنا يقدم اللى في الخير

[mohammedrefaat]

هات الاسترا وخلص عشان ابقى اسوقها شوية lol

عرفتك من صورة العربيه يا فقرى
انا نزلت اتفرجت على الاسترا بصراحه عربيه حكايه بس لسه انزل اتفرج على الفانتازيا بالمره و اشوفها
و ماتخافش ان جبت الفانتازيا هابقى اخليك تاخد بيها لفه و ان جبت الاسترا هاخليك تاخد بيها لفه برضو يعنى انت كده كسبان كسبان ماتخافش خير ان شاء الله

[tamerking]

متابع باهتماااااااااااااااام

[mohammedrefaat]

اصدقاء فى المنتدى احب انقلكم خبر من مدير مبيعات اسكودا فى ارتوك اوتو
انا اتصلت بيه امبارح علشان اعرف بيانات عن الفانتازيا 2013 و المفاجاه انه قاللى انه ماعندهمش فى الوكيل اى عربيات فانتازيا نهائى و ان اخر دفعه هاتنزل من العربيه دى هايبقى فى اخر شهر 12 و مافيش اى حجز قبل كده و الاستلام بعد الحجز باسبوعين و انه احتمال مايبقاش فى الشحنه دى اى فئه اليجانس و هايبقى فيه عدد قليل عربيات فئه سبورت و قاللى انه المفروض ان الفانتازيا ما كانتش هاتنزل خالص بس الوكيل طلب شحنه للسوق المصرى مخصوص و ان المصنع بعتلهم كميه قليله جدا عن المتوقع و ده كان ليه اثر عكسى على الوكيل

انا سالته عن لو فيه حاجه جديده هاتنزل الراجل صدمنى لما سالته عن الرابيد
قاللى ان الرابيد تعتبر تعديل للعربيه الa4 و انها نزلت بره بموتور 1400 cc تربو و بتشتغل على بنزين 95 فقط و انهم هايحاولو يعملولها تعديل بحيث يبقى الموتور 1600 cc و مايكونش تربو و تقبل تشتغل بنزين 92 بس هو مش متاكد من موضوع البنزين ده اذا كانوا هايقدروا ولا لأ و قاللى ان فتيسها دى اس جى DSGو لما قلتله انه وحش قاللى مافليش وكيل هايبهدل سمعته علشان فتيس اكيد هايشوفولو حل قلتتله ماهو موجود فى الجيتا و مهما بيعدلوا فيه برضو بيضرب و مالوش لزمه حاول يقنعنى ان المانيوال هاتبقى حلوه برضو مش وحشه

ساتلته برضوا عن اذا كان فيه حاجه تانى غير الرابيد قالى ان شاء الله هايبقى فيه حاجه تانى على اخر السنه هاتبقى اوكتافيا a7و لما سالته عنها او ن اى بيانات عنها الراجل مرضيش يقوللى و قاللى ماحدش لسه يعرف عنها حاجه بس هى هاتنزل على اخر السنه موديل 2014 و انها احتمال كبير تبقى بنزين 95 و هايبقى فيه محاولات علشان تبقى بنزين 92 و فى الاول و الاخر العميل معاه ضمان و سالته هى هاتبقى احسن من الفانتازيا قاللى ان مافيش اى وجه للمقارنه اساسا و انها هاتكون اجمد بكتييييييير من الفانتازيا فى الشكل و فى الامكانيات

[hdlhkhgikn]

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

[ahmedsadek82]

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

يا باشا فرق السعر و الكماليات الزياده و الشكل و رضاك الشخصي و اقتناعك بالسيارة دول يعوضوا فرق سعر اعاده البيع , يعني روح هات العربية اللي نفسك فيها من الاخر ,, و بعدين اوبل ماركة ليها شعبية في مصر عامة ,, ففرق اعادة البيع ميخليكش تتردد ,,,,و الله الكلام ده عن تجربه في ماركات اضيع بكتير من اوبل

[Mohamed Fawzy]

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

هات حاجة تعرف تبيعها اكيد وبعدين والدك نفسه بيقولك كده واهم حاجة في الدنيا رضا الوالدين
الموضوع مش محتاج تفكير طبعا طبعا هات الاسترا

[mohammedrefaat]

ايوة اعمل اية انا دلوقتى يعنى... انا مكفر سيئات الناس كلها بسبب ام الاسترا دى وهموت واجيبها اليومين دول وكل واحد يطلعلى فى البخت ويقولى هات الاوكتافايا احسن وهتعرف تبيعها وقفشت على ابويا كمان لما جية يقولى هات حاجة تعرف تبيعها وشكلى هولع فى المصريين كلهم عشان كل مكلم حد يقولى هات حاجة تعرف تبيعها... يا جدعان لية الاحباط انا عجبانى العربية واة انا عايز ارمى فلوسى فى الارض واشحت.. شعب غريب صحيح... المهم قولولى بقى اعمل اية هههههههههههه :p

الحيره قاتله و الفلوس بتقرص االاواحد و العربيتين احلى من بعض