سكودا فانتازيا 2013ولا اوبل استرا سيدان 2013

[medo2_0]

والله ياباشا سواء رأيى او رأيك يحتمل الصواب او الخطأ وفى الاول وفى الاخر حضرتك اللى هتشترى وطالماً مستريح للاوكتافيا يبقى توكل على الله وربنا يباركلك فيها ويحميك من شرها :)

[dede_dodo88]

انا ماحتار حيرة السنين بس هاقلك

مفيش داعي للحيرة طالما أنت ميال للأوكتافيا و واضح جداً أنك مستريحلها.. فخلاص متحطش نفسك في حيرة كتير و تقارن بين العربيتين و خد قرارك على طول..
و طول ما أنت مستريح للعربية فهتقدر تتغاضى عن أي عيب يظهرلك فيها بعد كده.. غير لو جبت عربية أنت مكنتش ميال ليها من الأول فهتبقى مقلق من كل حاجة و هتندم على أختيارك مع أول مشكلة تقابلك في العربية..

[Gladiator2012]

اقولك تعالى نجيب استرنتزيا d:

تعبت امن التفكير يخربيت كدة d:

[Astra200]

اولا انا مش فاهم : يعنى ايه الفتيس الايزى ترونيك قوى بس مش لذيذ فى السواقه
ثانيا العربيه الاسترا كلها نازله اتوماتيك ماعدا النسخه التيربو هى اللى فتيسها ايزى ترونك
انا قريت موضوع عن الفرق بين انواع الفتيس المختلفه بس مافهمتش حاجه فايريت حضرتك توضحى يعنى ايه قوى بس مش لذيذ و ثانيا فهمى هو الاحسن ولا الاوتوماتيك ولا التيبترونك اللى زى فى الاوكتافيا الفانتازيا
ثالثا انا كنت عايز اقول ان فانتازيا 2013 نزلت و فتيسها تيبترونك اما لو حضرتك بتتكلم ان فيه شكل جديد فانا دورت على النت مالقيتش ان فيه شكل جديد بس فيه نوع جديد اسمه اوكتافيا رابيدRapid و دى شكلها مختلف خالص عن الفانتازيا و بصراحه معجبنيش

أولا اسف علي التأخير في الرد لأني لسه شايف المشاركة دلوقت

علشان ماعقدلكش الموضوع
الفتيسات الأتوماتيك الجديدة لا تستخدم الزيت في نقل الحركة ( ده غير زيت تزييت التروس ) و لكن تستخدم الكلاتش (نفس اسطوانة الدبرياج المستخدمة في المانيوال -- بس بدل ما تدوس برجلك علشان تنقل --في ميكانيزم يقوم بفصل الدبرياج علشان العربية تنقل ) ده في حالة الأسترا اسمه ايزي ترونيك
ميزة النوع ده انه بيديلك نفس قوة سحب المانيوال --- عيبه انك بتحس بالنقلة ( زي ما يكون واحد مبتديء بيسوق عربية مانيوال ( علشان كده بقول مش حلو في السواقة )
ليه بقي اخترعوا الفتيس ده ؟ علشان يزودا كفاءة العربية ويقللوا استهلاك البنزين ويقللوا الانيعاثات الكربونية اللي بيدفعوا عليها ضرايب زيادة في اوروبا

طب اوبل بس الي عملت كده ؟
لأ كل شركة عملت كده -- بيجوا عملت كده - ستروين عملت كده - فولكس عملت كده --بس فولكس علشان تلافي عيب الأحساس بالنقل عملت ال DSG الي هو بدل مايكون اسطوانة واحدة هناك اسطوانتين واحدة للنقلة للفردي والتانية للزوجي -- وده اللي سبب مشاكلها في مصر
في لسه شركات بتستخدم الأتوماتيك القديم زي بيجو اللي نازل مصر -- أوكتافيا -- وده اللي ما فيهوش مشاكل

فاللي بحاول اقولوهولك ان الايزي ترونيك هو فتيس من الجيل الأخير بس أحساسه كسائق مش حلو لأن مازال نقلة اسطوانة الدبرياج عن طريق الميكانيزم مش زي نقلة رجلك وحساسيتها

اما عن الفانتازيا فالشكل الجديد حينزل في نص 2013 وحيكون أطول ب 20 سم علشان ينافس فئة العربيات ألأعلي ( زي السوبيرب -- بيجو 508 - باسات ) وده مش حتلاقيه لأنه لسه مانزلش بس مجلة أتوكار نوهت عنه ( ممكن تدور عليه علي الموقع بتاعهم whatcar.com )


انا كان عندي الأسترا السيدان القديمة (المستوردة) و عطل فيها حساسين -- واحد كان باين قوي والتاني ما عرفوش انه بايظ الأ قرب ما كنت ببيع العربية (بعد 6 سنسن ) وكان حساس هوا وتمنه كان 2000 جنية ( وكان المفروض يتغير في الضمان ) -- الشنطة طبعا أصغر من ألفانتازيا -- شنطة الأوكتافيا أكبر شنطة علي الأطلاق ( ما فيش أكبر منها)


المختصر :

العربيتين حلوين بس :

الفانتازيا شكلها أكبر -- أعتمادية أحسن من أوبل عن تجربة - تكنولوجيا أقدم بس ممتازة فهتمشي ببنزين 92 من غير مشاكل -- اوكتافيا اللي موجوده دلوقت 2013 هي هي ال A5 2005 ماعدا الكماليات وتغيير في الشكل الخارجي -- فهي محرك MPI والفتيس التيبرونيك (الي بتنزل بره محرك تيربو TSI وفتيس DSG )
الاسترا أحدث بس قطع غيارها أغلي واعتماديتها أقل

وبرضه شوف الريفيو في اتوكار عن العربيتين ( بس مش حتلاقي السيدان فشوف الهتشباك )

وبرضه شوف البروشور بتاعها بيقول نوع الفتيس ايه ( ما تعتمدش علي البياع قوي لأنه ممكن مايعرفش ايه الفرق )

[mohammedrefaat]

أولا اسف علي التأخير في الرد لأني لسه شايف المشاركة دلوقت

علشان ماعقدلكش الموضوع
الفتيسات الأتوماتيك الجديدة لا تستخدم الزيت في نقل الحركة ( ده غير زيت تزييت التروس ) و لكن تستخدم الكلاتش (نفس اسطوانة الدبرياج المستخدمة في المانيوال -- بس بدل ما تدوس برجلك علشان تنقل --في ميكانيزم يقوم بفصل الدبرياج علشان العربية تنقل ) ده في حالة الأسترا اسمه ايزي ترونيك
ميزة النوع ده انه بيديلك نفس قوة سحب المانيوال --- عيبه انك بتحس بالنقلة ( زي ما يكون واحد مبتديء بيسوق عربية مانيوال ( علشان كده بقول مش حلو في السواقة )
ليه بقي اخترعوا الفتيس ده ؟ علشان يزودا كفاءة العربية ويقللوا استهلاك البنزين ويقللوا الانيعاثات الكربونية اللي بيدفعوا عليها ضرايب زيادة في اوروبا

طب اوبل بس الي عملت كده ؟
لأ كل شركة عملت كده -- بيجوا عملت كده - ستروين عملت كده - فولكس عملت كده --بس فولكس علشان تلافي عيب الأحساس بالنقل عملت ال DSG الي هو بدل مايكون اسطوانة واحدة هناك اسطوانتين واحدة للنقلة للفردي والتانية للزوجي -- وده اللي سبب مشاكلها في مصر
في لسه شركات بتستخدم الأتوماتيك القديم زي بيجو اللي نازل مصر -- أوكتافيا -- وده اللي ما فيهوش مشاكل

فاللي بحاول اقولوهولك ان الايزي ترونيك هو فتيس من الجيل الأخير بس أحساسه كسائق مش حلو لأن مازال نقلة اسطوانة الدبرياج عن طريق الميكانيزم مش زي نقلة رجلك وحساسيتها

اما عن الفانتازيا فالشكل الجديد حينزل في نص 2013 وحيكون أطول ب 20 سم علشان ينافس فئة العربيات ألأعلي ( زي السوبيرب -- بيجو 508 - باسات ) وده مش حتلاقيه لأنه لسه مانزلش بس مجلة أتوكار نوهت عنه ( ممكن تدور عليه علي الموقع بتاعهم whatcar.com )


انا كان عندي الأسترا السيدان القديمة (المستوردة) و عطل فيها حساسين -- واحد كان باين قوي والتاني ما عرفوش انه بايظ الأ قرب ما كنت ببيع العربية (بعد 6 سنسن ) وكان حساس هوا وتمنه كان 2000 جنية ( وكان المفروض يتغير في الضمان ) -- الشنطة طبعا أصغر من ألفانتازيا -- شنطة الأوكتافيا أكبر شنطة علي الأطلاق ( ما فيش أكبر منها)


المختصر :

العربيتين حلوين بس :

الفانتازيا شكلها أكبر -- أعتمادية أحسن من أوبل عن تجربة - تكنولوجيا أقدم بس ممتازة فهتمشي ببنزين 92 من غير مشاكل -- اوكتافيا اللي موجوده دلوقت 2013 هي هي ال A5 2005 ماعدا الكماليات وتغيير في الشكل الخارجي -- فهي محرك MPI والفتيس التيبرونيك (الي بتنزل بره محرك تيربو TSI وفتيس DSG )
الاسترا أحدث بس قطع غيارها أغلي واعتماديتها أقل

وبرضه شوف الريفيو في اتوكار عن العربيتين ( بس مش حتلاقي السيدان فشوف الهتشباك )

وبرضه شوف البروشور بتاعها بيقول نوع الفتيس ايه ( ما تعتمدش علي البياع قوي لأنه ممكن مايعرفش ايه الفرق )

تعالى يا عم gladiator شوف الاراء و التعليقات ....... اللى حاسبها صح الراجل ده
ريحنى و حسسنى ان الفانتازيا عربيه حلوه فى حاجات كتير و تخلى الواحد يتغاضى عن الاوبشن الزياده اللى فى الاسترا رغم ان esp حاجه مهمه جدا ( ولكن مش مهم هو من امتى الحاجات دى بتفرق معانا )
هو انا بصراحه ارتحت للفانتازيا
بس انت يا عم gladiator اللى كل ما الفانتازيا تخش دماغى تقوم انت مطلعهالى تانى من جوه و تخلينى محتار
ايه رايك ... انت شاكلك ميال للاسترا ... تروح تجيب الاسترا و لو عجبتك تقولى اقوم اجيب واحده زيها و لو ماعجبتكش اقوم انا اجيب الفانتازيا .؟؟!!! هاااا قولت ايه ؟؟!!

[dede_dodo88]

هو انا بصراحه ارتحت للفانتازيا

يبقى مفيش داعي للحيرة و توكل على الله و هات أسترا lol
*kidding* :)

طالما أرتحت للفانتازيا يبقى متترددش و انزل بص عليها في معرض و خلص على طول..
و أكيد هتتبسط من العربية لأنها عربية محترمة و مريحة..
في معايا أتنين في الشغل معاهم العربية و مبسوطين منها و بيشكروا جداً في التوكيل.. و أنأ شخصياً العربية عجبتني لما ركبتها و حسيت أنها مريحة و هادية..

[طارق _عبد السلام]

هجيب لحضرتك الخلاصه
امامك اختيارين اصعب من بعض
لازم تختار عربيه من الاتنين دول العربيه الاولى فانتازيا والعربيه الثانيه فانتازيا شوفت بقى الموضوع صعب ازااااااااااى :(

[Moh.Fahmy]

ربنا يكون في عون صاحب الموضوع - انا حاسس بيه اوي برضه شيء صعب جدا انك حتدفع مالا يقل عن 175 الف جنيه و محتار تجيب ايه بالظبط بس انا رأيي الشخصي و من خلال متابعتي لمشاركاتك و ردودك انك راجل عملي و خايف غلي فلوسك زيك زيي و زي مصريين كتير جدا و عايز يكون اختيارك افضل اختيار و ما تندمش عليه بعد كده
رأيي استني شوية و تابع الريفيوهات برضه و اللي انا شايف معظمها صابب في الفانتازيا من جميع الاشكال فصلي استخارة و توكل علي الله و اشتريها و خلاص مع اني كنت اتمني انك تشتري الاسترا عشان تحضرلنا تقرير وافي عنها لانها ححصلك في نفس الحيرة في خلال الست شهور الجايين بأذن الله
ربنا يوفقك للاختيار الصح اللي ما تندمش عليه ابدا

[mohmdabdo]

انا حقولك حاجه واحده بس
(ناس نزلت من مرسيدس ركبت الاوكتافيا )
طبعا الكلام دا علي المرسيدس بنفس الفلوس

[bob12345]

تعالى يا عم gladiator شوف الاراء و التعليقات ....... اللى حاسبها صح الراجل ده
ريحنى و حسسنى ان الفانتازيا عربيه حلوه فى حاجات كتير و تخلى الواحد يتغاضى عن الاوبشن الزياده اللى فى الاسترا رغم ان esp حاجه مهمه جدا ( ولكن مش مهم هو من امتى الحاجات دى بتفرق معانا )
هو انا بصراحه ارتحت للفانتازيا
بس انت يا عم gladiator اللى كل ما الفانتازيا تخش دماغى تقوم انت مطلعهالى تانى من جوه و تخلينى محتار
ايه رايك ... انت شاكلك ميال للاسترا ... تروح تجيب الاسترا و لو عجبتك تقولى اقوم اجيب واحده زيها و لو ماعجبتكش اقوم انا اجيب الفانتازيا .؟؟!!! هاااا قولت ايه ؟؟!!

ايه الاوبشن الزيادة في الاسترا غير ال Esp

[Ahmed_Adham]

ايه الاوبشن الزيادة في الاسترا غير ال esp

لو بنتكلم في الهاي لاين يبقى الاسترا فيها موتور تربو 180 حصان مقابل 102 جصان فى الفانتازيا ودي ميزه لا يمكن التغاضي عنها بس عقوبتها هتكون ان بنزين 95 اجباري في الاسترا التربو لكن اوكتافيا بتمشي 92.

[Gladiator2012]

تعالى يا عم gladiator شوف الاراء و التعليقات ....... اللى حاسبها صح الراجل ده
ريحنى و حسسنى ان الفانتازيا عربيه حلوه فى حاجات كتير و تخلى الواحد يتغاضى عن الاوبشن الزياده اللى فى الاسترا رغم ان esp حاجه مهمه جدا ( ولكن مش مهم هو من امتى الحاجات دى بتفرق معانا )
هو انا بصراحه ارتحت للفانتازيا
بس انت يا عم gladiator اللى كل ما الفانتازيا تخش دماغى تقوم انت مطلعهالى تانى من جوه و تخلينى محتار
ايه رايك ... انت شاكلك ميال للاسترا ... تروح تجيب الاسترا و لو عجبتك تقولى اقوم اجيب واحده زيها و لو ماعجبتكش اقوم انا اجيب الفانتازيا .؟؟!!! هاااا قولت ايه ؟؟!!

ياباشا انا مش بطلع الفانتازيا من دماغك انا بس بحاول انتقد الاتنين عشان اللى تشدنى بع الانتقادات اجيبها
انت لو مستريح للفانتازيا هاتها بس انا مش هاين عليا ادفع 172 الف ف عربية مفيهاش كماليات كتير حرام يعنى
مممم و موضوع الايزى ترونيك مرة واحد يقولى دة فتيس اوتوماتيك عادى و واحد يقولى ايزى ترونيك

فالنسبة ليا شكلى هجيب عربية 128 استعمال طبيب

بقولك مرة تانى لو مقتنع بالفانتازيا هاتها على البركة عشان متقولش بحيرك

بس ياريت حد ياكدلنا على موضوع الفتيس فى الاسترا

[dede_dodo88]

automatic.steptronic. 6 speed

[mohammedrefaat]

ياباشا انا مش بطلع الفانتازيا من دماغك انا بس بحاول انتقد الاتنين عشان اللى تشدنى بع الانتقادات اجيبها
انت لو مستريح للفانتازيا هاتها بس انا مش هاين عليا ادفع 172 الف ف عربية مفيهاش كماليات كتير حرام يعنى
مممم و موضوع الايزى ترونيك مرة واحد يقولى دة فتيس اوتوماتيك عادى و واحد يقولى ايزى ترونيك

فالنسبة ليا شكلى هجيب عربية 128 استعمال طبيب

بقولك مرة تانى لو مقتنع بالفانتازيا هاتها على البركة عشان متقولش بحيرك

بس ياريت حد ياكدلنا على موضوع الفتيس فى الاسترا

حابيب قااالبى
بص بقى انا هاجيبلك من الاخر بالنسبه ليا انا قررتانى اجيب عربيه هوندا سيفيك انا سمعت ان موديل 2013 رفعوه شويه عن الارض و خلوها مصفحه من تحت اظن كدهه بقى مابقاش ليك اى حجه علشان ماتشتريش العربيه
سيبك منى بقى و خلينا فيك انت بص يا سيدى الاسترا فتيسها عادى اوتوماتيك عادى زى بتاع زمان ماعدا التيربو هى اللى فتيسها ايزى ترونك و الله اعلى و اعلم بس اللى قالى كده صديق نزل اتفرج عليها و عمل تيست درايف
نيجى بقى للاوبشن الزياده اللى فى الاسترا و مش موجود فى الفانتازيا هم كام حاجه كده

1 - موضوع الـ esp و لو ان ده مش اوبشن و مفروض يبقى فى اى عربيه علشان الامان انما ارجع و اقلك العربيات معانا من ييجى عشر سنين ولا فارق معانا
2 - موضوع حساسات اتساع الاضائه
3 - محدد السرعه ( محدد السرعه و ليس مثبت السرعه )
4 - مش عارف بقى مساعد الطرق الصاعده موجود فى الفانتازيا ولا لأ انما احنا مابنطلعش جبال و احنا سايقين احنا اخرنا فى موضوع مساعده الطرق الصاعده و انت راكب المحور وتلاقيه واقف غير كده ولا بيفرق
5 - شاشه البيانات الجرافيك مش موجوده غير فى اخر فئه سواء فى الفانتازيا ولا الاسترا

اى حاجه تانيه بقى موجوده فى العربيتين حتى حساسات المطر موجوده فى العربيتين

علشان كده بقى انا اخدت اجازه من شغلى و نكشت شعرى و مسكت حلة الارز و المعلقه و واحده واحده كده بقيت اسرح و اقول الفنتازيا - الاسترا - الفانتازيا - الاسترا ....رزايه رزايه و مش عارف انا وقفت عند مين

علشان كده انت تشترى الاول و لما تشوف انهى احسن يبقى انا اشترى بعديك يعنى لو عجبتك الاسترا اجيب واحده انا كمان و اعزمك على الغدا فى جراند حيات بفرق الفلوس و لو ماعجبتكش اشترى انا الفانتازيا

او اقلك على حاجه احسن بجد من غير هزار
بكره اجازه بمناسبه راس السنه الهجريه
ايه رايك نتقابل بكره فى اى حته و نروح نتفرج على العربيتين عند اى حد و نقيمهم و احنا واقفين و نصورهم كمان و نرجع البيت نكمل حيره لو عاجبك الوضوع نتقابل بكره الصبح و نروح سوا ؟؟!! ها قولت ايه و اهو بالمره لما نتشنكل انا و انت فى عربيه نبقى متشنكلين سوا ايه رايك بقى ؟؟؟؟؟؟؟

[seso100100]

انا معايا فانتازيا اليجانس و مبسوط بيها و الحمد لله بس لو رجع الزمن حشترى ثانى فئة لان الكماليات الزيادة فى الاليجانس غير ضرورية
العربية ما شاء الله ثبات و عالية و شكل مبهر حتى بعد ما عدى عليها ٤ سنين
و اول فئة كماليتها حلوة قوى وثابتة لان عفشتها ملتى لينك فمش محتاج ال esp وسعر اعادة بيعها ممتاز خليك فى المضمون و اشترى فانتازيا عمرك ما هتندم لانك حتصرف مبلغ كبير و اتوقع لهذه العربية المحافظة على سعرها لانها من العربيات الفلته زى البيجو ٥٠٤ و الكورولا ٢٠٠٦