سكودا فانتازيا 2013ولا اوبل استرا سيدان 2013

[Mohamed Fawzy]

الاوكتافيا تتفوق في في سعر اعادة البيع وانتشار واسعار قطع الغيار و التوكيل غير كده الاسترا افضل في كل شيء تكنولوجي احدث موتور اقوى شكل كماليات سعر (هي الارخص لو قارنت الفئات) وطبعا الاتنين فيهم المواصفات العالية بتاعة الالماني عامة اللي هي العزل و الفرامل و والامان والثبات وان كانت الاسترا فيها esp وطبعا ده نظام مهم جدا للثبات
في النهاية رأيي الشخصي الاسترا افضل بس ده لأني انا من هواة التكنولوجيا الاحدث وخصوصا انه فيه فرق مش أقل من 6 سنين تكنولوجي ما بين العربيتين وفي النهاية القرار ليك الاحدث المميز ولا المضمون المنتشر انت من هواة ايه؟؟

[Land_Cruiser]

هو انا معاك ياباشا فى مواضيع الخوازيق ده بس بصراحه انا مافتكرش ان فيه عربيه المانى نزلت وكان فيها خوازيق ولا انت رايك ايه ؟؟؟!!

ازاي يا باشا .طيب و الفتيس ال DSG ؟ خوازيق تشمل المشاكل اللي ممكن تواجهها لان التكنولوجيا المستخدمه متقدمه و كل حاجه لكن لا تناسبنا و بتعمل مشاكل رهيبه تخللي صاحب العربيه يبيعها بمجرد قرب انتها ء الضمان و بتمن لا يتناسب مع سعر العربيه الاصلى و لا عداد الكيلومتر و الحاله .مشاكل زى دى لا تظهر الا بالاستخدام للحكم على ملائمه العربيه للاستخدام عندنا و خاصه لو موديل جديد لسه نازل مش facelift

[mohammedrefaat]

طيب ما تزقش بس :)

بص يا باشا..........الأوكتافيا المفروض أنها هتغير شكل قريب..........دى أول حاجة تخليك تفكر أنك تبعد عنها.

باقى بنود المقارنة تقريباً متشابهة......سعر قطع غيار توكيل إلخ

الأوكتافيا تتفوق فى سعر إعادة البيع

موتور الأسترا يكسب

شكل الأسترا يكسب......و دى أزواق

أخر حاجة.........الأوكتافيا الجديدة لو نزلت بفتيس dsg هتفقد جزء كبير من قيمتها فى مصر.

القرار يرجعلك...........انت محتاج أيه من العربية ؟

بصراحه سعادتك كل اللى على المنتدى بيتكلم عن شكل جديد للفانتازيا و احتمال يكون فيها فتيس dsg مع ان موديل 2013 نزل و كان زيه زى الـ 2012 مافيس فيهم اى فرق حتى الفتيس تيبترونك هو هو مافيش فرق ولما اتصلت بالوكيل قاللى انه مافيش شكل جديد ولا اى حاجه فانا مش عارف انا بقيت فى حيره اكتر من الاول

[Hosam_Optrawy]

انا مع رأى الشباب , الاسترا طبعا

الاوكتافيا الجديده هاتنزل موديل 2014 ان شاء الله

وزى ماهو متوقع هاتكون تربو TSI مع DSG زى اختها الجيتا الجديده وطبعا هاتاخد مصير اختها وهاتخلل جنبها , غير ان شكلها مش هايبقى جديد ولا حاجه انا شفت صورها جالى احباط من ورا هى هى تقريبا متغيرتش يعنى شكل بقاله 10 سنين ميتغيرش ازاى مش فاهم , ومن ادام بقت شبه ال Rapid الجديده















دا بالنسبه للجديده

اما الموجوده حاليا لو عندك استعداد تركب موديل قديم بدون اى تجديد من 2004 ويهمك الانتشار والسوق واعادة البيع هاتها , رغم انها اغلى فى السعر واقل فى المواصفات والاوبشنز , دا ميمنعش انها عربيه ممتازه بس خلاص خدت وقتها من وجهة نظرى وناس تانيه رأيها لأ وشايفاها افضل صفقه

بالتوفيق

[Ahmed_Adham]

بتمن الاوكتافيا الهاي لاين تجيب استرا تربو 180 حصان بس أهم حاجه تجيب لجام شديد هههههههههه

[mohammedrefaat]

بتمن الاوكتافيا الهاي لاين تجيب استرا تربو 180 حصان بس أهم حاجه تجيب لجام شديد هههههههههه

يعنى حضرتك بتنصح بالاوبل استرا اكتر من الفانتازيا

[mohammedrefaat]

طيب انا ممكن افتكس افتكاسه صغيره :-
كله دلوقت بيقول ان اللاوكتافيا هاتنزل شكل جديد و مش هايبقى كويس و كمان هايبقى فيه فتيس dsg وكله بيقول برضو ان الفتيس ده تعبان
طيب مش ممكن لما يحصل كده هايخلى موديلات الاوكتافيا اللى قبل الموديل ده سعرها يغلى ( كعربيه مستعمله يعنى )
زى ماهو حاصل حاليا فى التويوتا ( قبل 2007 و بعد 2007 ) التويوتا الجمل و التويوتا الشكل الجديد
ومشكلتى برضو ان الاسترا لوحبيت ابيعها بعد 5 او 6 سنين مش هالاقى حد يشتريها منى و هاضطر ابيعها برخص التراب عكس الفانتازيا
مقابل كده تقريبا امكانيات و الاوبشن بتاع الاوبل استرا سيدان اعلى و اجمل من الفانتازيا فانا متخلبط جوى جوى يا ناس

[Gladiator2012]

متابع باهتمام لانى محتار زيك بين العربيتين دوول
بس غالباً هحسم قرارى لاسترا
بس مستنى اشوف اراء تانية
:)

[Ahmed_Adham]

يعنى حضرتك بتنصح بالاوبل استرا اكتر من الفانتازيا

الاوكتافيا 2010 مع عديلي وأنا ركبتها مرتين. مره في مشوار جوه البلد ومره في سفريه للعين السخنه والعربيه بصراحه ممتازه وعاجبني فيها ان الموتور ملوش صوت مقارنه بالكارينز اللي عندي وان الدركسيون ناعم جدا جدا. بس عيبها من وجهة نظري كان حاجتين.

1- مع انى كنت مرجع الكرسي على الاخر والدركسيون فى اعلى درجه بس وأنا بدخل واخرج كانت رجلي بتتزنق بين الدركسيون والكرسي وعلى فكره أنا 192 سم يعني المشكله من عندي فى الاساس بس كده العربيه متناسبنيش.

2- العربيه عايزه كام حصان زياده أو فتيس عزمه اشد عشان كان سحبها زي الكارينز تقريبا (اللي هوه مش ممتاز) ولو انى كنت متوقع انها تكون اسرع لأنها ب 210-215 الف مقابل 140 للكارينز ولما قريت عنها على النت لقيتها 102 حصان بس. بصراحه لو 130 حصان مثلا هتبقى حاجه تانيه خالص.


الاسترا أنا مركبتهاش لأنها لسه نازله جديد بس واضح جدا انها احدث بكتير من الاوكتافيا وعلى فكره أنا كنت بفكر فى الاسترا الهاتشباك من اربع شهور كده (مكنش فيه سيدان) عشان عايز أغير الكارينز بس عندي مشكله ان وسع الكارينز مغري جدا لواحد طوله 192 سم زي حالاتي بيقعد فيها مرتاح كانه في صالون البيت.

لو هتجيب استرا انصحك تجيب التربو عشان ده المستقبل. الاول عشان تجيب عربيه فوق ال 120 حصان كان لازم تجيب اكتر من 1600 سي سي وتدخل فى شريحه جمارك اعلى وتلاقي العربيه سعرها بقى مبالغ فيه على الفاضي لكن دلوقتي تقدر تاخد قوه جامده فى الموتور توصل 180 حصان من موتور 1600 يعني فرق السعر مدفوع مقابل الموتور القوي مش هترمي فلوسك على الارض يعني.

ولو بتفكر فى البيع. العربيه بتخسر أكبر قيمه من سعرها فى اول سنه او سنتين لكن بعد كده بتلاقي معدل انخفاض السعر السنوى أقل بكتير فمادام انت ناوي تحتفظ بيها كام سنه يبقى اتكل على الله وبعدين فرقها عن الاوكتافيا وقت البيع هيكون كام يعني؟ 10 ولا 20 الف؟ لكا تقسمهم على الخمس سنين اللي ركبت فيهم العربيه هيبقو بتاع 3-4 الاف جنيه في السنه استمتعت مقابلهم بعربيه اقوى وأحدث وكماليات أكتر.

[mohammedrefaat]

متابع باهتمام لانى محتار زيك بين العربيتين دوول
بس غالباً هحسم قرارى لاسترا
بس مستنى اشوف اراء تانية
:)

صدقنى انا ركبت الفانتازيا 2012 تحفه و انا محتار جدا جدا جدا و اخاف ارجح كفه الاسترا البسها فى الاخر و ماعرفش ابيعها بعد كده و الفانتازيا عربيه تحفه و فيها كل الاوبشن بتاع الاسترا ماعدا موضوع الاضائه ده انما فيها كل حاجه بعد كده حتى نظام esp موجود فى الفانتازيا فانا شكلى هارجح الفانتازيا حتى هى شكلها باشاواتى عن الاسترا بس انا برضو لسه محتار و عايز حد يقولى اروح اشترى ايه من غير مايحط قدامى بنود مقارنات علشان انا هاموت من الرعب لو اشتريت عربيه و ماعجبتنيش بقعد اطلع فيها القطط الفاطسه و بفضل تعبان نفسيا منها

[Gladiator2012]

صدقنى انا ركبت الفانتازيا 2012 تحفه و انا محتار جدا جدا جدا و اخاف ارجح كفه الاسترا البسها فى الاخر و ماعرفش ابيعها بعد كده و الفانتازيا عربيه تحفه و فيها كل الاوبشن بتاع الاسترا ماعدا موضوع الاضائه ده انما فيها كل حاجه بعد كده حتى نظام esp موجود فى الفانتازيا فانا شكلى هارجح الفانتازيا حتى هى شكلها باشاواتى عن الاسترا بس انا برضو لسه محتار و عايز حد يقولى اروح اشترى ايه من غير مايحط قدامى بنود مقارنات علشان انا هاموت من الرعب لو اشتريت عربيه و ماعجبتنيش بقعد اطلع فيها القطط الفاطسه و بفضل تعبان نفسيا منها

ممممم بصراحة انا مركبتهاش بس موضوع ال esp دة شاكك فيه
لو عندك المواصفات بالظبط هاتهالى

غير ان المواصفات الكويسة في العربية بسعر 190 لكن الاسترا ب 167 بس برضو اهو لسه بنفكر .

[bob12345]

انا عايز اعرف سبب ان الاسترا تمسح الاوكتافيا و انها تكنولوجيا اعلي و احدث !
ايه الموجود في الاسترا مش موجود في الاوكتافيا غير ال esp

[Ahmed Selim]

بصراحه سعادتك كل اللى على المنتدى بيتكلم عن شكل جديد للفانتازيا و احتمال يكون فيها فتيس dsg مع ان موديل 2013 نزل و كان زيه زى الـ 2012 مافيس فيهم اى فرق حتى الفتيس تيبترونك هو هو مافيش فرق ولما اتصلت بالوكيل قاللى انه مافيش شكل جديد ولا اى حاجه فانا مش عارف انا بقيت فى حيره اكتر من الاول

يا باشا الشكل الجديد قادم لا محالة.......أخره على 2014 على ما أعتقد

الفتيس مش مضمون ينزل dsg بس هو متوقع مش أكتر.

التوكيل لحد قبل الإعلان عن الشكل الجديد بيوم هيقولك مفيش شكل جديد علشان يبيع اللى عنده :)

[Mohyeldin1974]

نوع البنزين ايه فى العربيتين الاوكتافيا اعرف انها 95 وشغاله 92 واغلب الظن الاسترا نفس الموضوع

[mohammedrefaat]

ممممم بصراحة انا مركبتهاش بس موضوع ال esp دة شاكك فيه
لو عندك المواصفات بالظبط هاتهالى

غير ان المواصفات الكويسة في العربية بسعر 190 لكن الاسترا ب 167 بس برضو اهو لسه بنفكر .

انا اسف هى فعلا مافيهاش esp بس فيها حاجه تانى ماعرف هى احسن ولا لا انما هى فيها


Front axle:McPherson with lower triangular links and torsion stabiliserRear axle:Multi-element axle, with one longitudinal and three transverse links, with torsion stabilizer


مش عارف بقى ده كويس و امان ولا لسه الـ esp احسن