سكودا فانتازيا 2013ولا اوبل استرا سيدان 2013

[mohammedrefaat]

متابع باهتمام لانى محتار زيك بين العربيتين دوول
بس غالباً هحسم قرارى لاسترا
بس مستنى اشوف اراء تانية
:)

انا ماحتار حيرة السنين بس هاقلك على حاجه ... انا معايا حاليا اوكتافيا a4 موديل 2003 و بصراحه العربيه وحش على الطريق بمشى بيها 200 كم/ساعه ولا بحس بيها و الحمد لله و بصراحه انا شكلى هاحسم قرار لصالح الاوكتافيا على الرغم من ارتفاع سعرها والى بعض الزملاء هنا شايفينه مبالغ فيه بس عن تجربه الاوكتافيا عربية المهام الشاقه عربية تعمل بيها 500 الف كم ولا هاتشوف منها حاجه انما الاسترا بعد 150 الف او الـ200 الف بتبدأ تلعب بقى و تصرف و ده عن تجارب شخصية فى شركة كبيره عندها اسطول عربيات اوبل و اوكتافيا و تويوتا و اللى قالى الكلام ده شخص مهم فى الشركة وعارف عن الكلام ده و قالى انه بينصحنى بالاوكتافيا و بعدين الاوكتافيا محققه انتشار واسع و وكيلها ارتوك اوتو محترم و انا اتعاملت معاه شخصيا و حسيت براحه على الرغم من اللطعه اللى اتلطعتها على الصبح ( الساعه 8 صباحا ) و الناس واثقه فى الاوكتافيا عن الاوبل اللى وكيلها سمعته طين ( و انا برضو معرفتش هو واخد السمعه الطينه دى بس الزملاء على المنتدى بيقولو كده ) و بعدين هاتعرف تبيعها بعد كده بسعر محترم بدل من الاوبل اللى هاتقد فى ارابيزك و هاتقعد تتحايل على الناس علشان يشتروها منك وده حال سوق السيارات الستعملة فى مصر
و على العموم انا هاستنى لما اجمع اراء كويسه لانى لسه ملقلق لغاية دلوقت و يمكن ربنا يهدينى و اعرف اختار صح و يمكن كلامى اللى فات ده كله هلس ولا ليه اى لازمه و انزل اشترى الاسترا علشان سعرها ارخص بكتييييييييييييييير عن الفانتازيا و نفس الامكانيات على العموم انا هاستنى لما اشوف اخرة الحيرة دى ايه و البركه فى الزملاء اللى فى المنتدى و اللى فاهمين فى العربيات اوى هم اللى هايخلونى اكون راى كويس عن العربيتين

[Mezox]

1- مع انى كنت مرجع الكرسي على الاخر والدركسيون فى اعلى درجه بس وأنا بدخل واخرج كانت رجلي بتتزنق بين الدركسيون والكرسي وعلى فكره أنا 192 سم يعني المشكله من عندي فى الاساس بس كده العربيه متناسبنيش.

يبقي اكيد أنت نسيت تتحكم في ارتفاع الكرسي , أنا طولي مترين و وزني معدي ال 150 و لما برجع الكرسي علي الآخر و أنزل لتحت العربية بتبقي واسعة لدرجة إني مش بعرف اقعد فيها

[Mezox]

رأيي ليك فانتازيا , موضوع إنها تكنولوجيا قديمة أنا بعتبره ميزة مش عيب , لإن الاوروبي دلوقتي كل يوم بيطلع بعيوب غريبة , بصراحة أنا شايف الفانتازيا آخر الاوروبي المحترم ( المقصود هنا الملائم لظروف مصر ) , لأن التوجه دلوقتي بقي للمواتير التربو و الفتيسات ال dual clutch اللي بتدي اداء خارق مفيش كلام لكن للاسف هما في اوروبا معندهمش الزحمة الرهيبة اللي عندنا فـطبعا مش واخدين في الاعتبار إن الواحد ممكن يقعد بالساعتين ماشي علي متوسط سرعة 10-20 كم/س
فبالتالي بنشوف التهيس و الاعطال اللي موجوده في ال DSG , و التأخر في ال response الموجود في ال powershift بتاعت فورد , و كمان سامع كلام شبيه عن 7gdct الموجود في mercedes A و B class

و لو نزلت بفتيس dsg و موتور tsi دي لصالح الشكل القديم لإن الطلب عليها حيزيد في المستعمل و يعلي سعرها

[AHMED REFAT]

مع كامل الاحترام والتقدير لكل الاراء اللى مكتوبة عن الاسترا واللى بترجحها عن الاوكتافيا .. الاسترا فيها esp فعلا , ويقابلها فى الاوكتافيا asr . اما باقى الكماليات من جنوط ولا حساس اضائة او مطر فكلها كماليات ترفيهية لا تؤثر بشدة فى اتخاذك القرار او فى المقارنة بينهما بخلاف الكماليات الاساسية والتى توفر عنصر الامان .
موضوع تكنولوجيا باقلها 5 سنين او اكثر ده موضوع بصراحة انا مش عارف اعلق عليه تماما طيب ما الاسترا موجودة هاتش باك بقالها اربع سنين تقريبا ولا تختلف فى تكنولجيا السيدان وستظل السيدان 3 , 4 سنين تانى معناها ان العربية تكنولجيا قديمة وباتت من العصر الجاهلى .. مش منطقى لان الاضافات اللى موجودة فى الاوكتافيا وافية جدا لعربية فى شريحتها بل ومتقدمة كمان وليست بالقديمة ... والعبرة ليست بالقياس الزمنى لوجود الموديل فى السوق او بداية ظهوره تصنيعيا , العبرة بالمقارنة بالعربيات الحديثة فى وقتها ومدى تقدمها بالنسبة لها من اضافات تعزز الامان والثبات وهكذا ولا اجد فارق الا ترفيهيا ...
تعليقى على الاسترا .. سوقيا ... سمعة الاوبل بكل صراحة وحقيقة وحشة جدا .. سمعة التوكيل ... وسمعة العربية نفسها .. بدليل انخفاض القيمة السوقية لها ومدى انتشارها وضعف مبيعاتها .. حضرتك قارن اوبل فيكترا فى التسعينات وبداية الافينات ,, والشكل الاخير .. فى الضياع ... التوكيل معاملته وحشة جدا وفى مواضيع كثيرة فى المنتدى عن مدى سوء توكيل اوبل حضرتك ممكن ترجع ليها وتراجعها ..
اسعار قطع غيار اوبل .. غالية غالية .. وكل ملاكها بيشتكوا من ارتفاع اسعار قطع غيارها
سعر اعادة البيع .. لا تعليق ..حرام عليك فلوسك .. انت مش بتلاقيها فى الارض .
صيانة العربية .. بره التوكيل كلها عك فى عك .. العربية فيها حساسات كثير ومشاكلها كثير بصراحة وشغلها مش احترافى كثير خارج التوكيل .. وفى التوكيل ربنا يقويك بقى على منصور اوبل .. واسعاره .. وعلى فكرة العربية برازيلى وليست المانى وحضرتك ممكن تتأكد من التوكيل .
تعليقى على الاوكتافيا .. البيز لاين فيها كل مواصفات الامان ولا تختلف عن الفئات الاخرى الا ترفيهيا برضه يعنى فتحة سقف وفرش جلد وحساسات ( بارك سينسور ) ورشاشات فوانيس وكلام من ده لكن الاسايات كلها لا تختلف من البيز لاين عن الهاى لاين فخلينا فى فئة اليز لايت سعرها بعد الخصم فى كل حتة موديل 2013 من 171 الى 172 الف .
عربية لا يعيبها الا بطئ تسارعها ومالكيها ومن يريدها حتى سوقيا .. الكل يتغاضى عن هذه المشكلة .. بخلاف ده لا مشاكل تقريبا ذكرت الا حالت فردية ... حظوظ بقى
سعر اعادة البيع ممتاز لثقة الناس فيها .. كماليات متوفرة داخل وخارج التوكيل وكلها اصلى ما فيش منها مضروب لحد دلوقتى واسعارها مناسبة مش رخيصة طبعا ومش غالية قوى تعجييز برضه .. توكيلها بصراحة كل الناس بتقول عليه محترم .
بالنسبة للشكل الجديد هو فعلا ها ينزل 2014 وعلى تحليل كل خبراء السيارت وفيه اكثر من مقالة ممكن تتطلع عليها سواء من المصريين ام من الاوربيين وخلافهم بيتوقعوا تغير الشكل والبقاء على المحرك والفتيس او تغيرها صف جديد من المحركات ولكن 1600 لان الاوكتافيا الرابيد نزلت 1400 تربو مع dsg .. وبكده الرابيد بتوفر البديل ده ومش ممكن الاوكتافيا العادية تنزل بنفس الموتور ونفس الفتيس .. امال هايبقى الفرق بينها وبين الرابيد ايه ..
الخلاصة انا ارى عمليا وسوقيا وماديا ..ان الاوكتافيا هى الاختيار الاصلح .. انت مش عارف بكره فيه ايه حرام تجيب الاسترا وتيجى يحصل ظروف لا قدر الله بعد سنة وتلاقى نفسك لازم تبيعا فتخسر نصف ما دفعت .. وفى الاخر الموضوع لك وربنا يوفقك الى ما فيه الخير لك

[Mohyeldin1974]

والله يا جماعه انا معايا الاسترا استيشن فى الخارج بس تعليقى الوحيد على الاوكتافيا (وان اختلف التشبيه) انها بتفكرنى بالعربيات البيجو الـ 504 و505 فى فتره التمانينات فى مصر من الاخر وحوش ملائمه للطبيعه المصريه
ممكن جدا العربيه تكون تحفه وممتازه خارج مصر ولكن مصر لها ظروفها الخاصه من طرق وسواقه وزحمه وتلوث وحراره...الخ وبالتالى التقييم لابد ان يكون مبنى على اساس الموائمه لظروف البلد واقتصاديات التشغيل

[mohammedrefaat]

مع كامل الاحترام والتقدير لكل الاراء اللى مكتوبة عن الاسترا واللى بترجحها عن الاوكتافيا .. الاسترا فيها esp فعلا , ويقابلها فى الاوكتافيا asr . اما باقى الكماليات من جنوط ولا حساس اضائة او مطر فكلها كماليات ترفيهية لا تؤثر بشدة فى اتخاذك القرار او فى المقارنة بينهما بخلاف الكماليات الاساسية والتى توفر عنصر الامان .
موضوع تكنولوجيا باقلها 5 سنين او اكثر ده موضوع بصراحة انا مش عارف اعلق عليه تماما طيب ما الاسترا موجودة هاتش باك بقالها اربع سنين تقريبا ولا تختلف فى تكنولجيا السيدان وستظل السيدان 3 , 4 سنين تانى معناها ان العربية تكنولجيا قديمة وباتت من العصر الجاهلى .. مش منطقى لان الاضافات اللى موجودة فى الاوكتافيا وافية جدا لعربية فى شريحتها بل ومتقدمة كمان وليست بالقديمة ... والعبرة ليست بالقياس الزمنى لوجود الموديل فى السوق او بداية ظهوره تصنيعيا , العبرة بالمقارنة بالعربيات الحديثة فى وقتها ومدى تقدمها بالنسبة لها من اضافات تعزز الامان والثبات وهكذا ولا اجد فارق الا ترفيهيا ...
تعليقى على الاسترا .. سوقيا ... سمعة الاوبل بكل صراحة وحقيقة وحشة جدا .. سمعة التوكيل ... وسمعة العربية نفسها .. بدليل انخفاض القيمة السوقية لها ومدى انتشارها وضعف مبيعاتها .. حضرتك قارن اوبل فيكترا فى التسعينات وبداية الافينات ,, والشكل الاخير .. فى الضياع ... التوكيل معاملته وحشة جدا وفى مواضيع كثيرة فى المنتدى عن مدى سوء توكيل اوبل حضرتك ممكن ترجع ليها وتراجعها ..
اسعار قطع غيار اوبل .. غالية غالية .. وكل ملاكها بيشتكوا من ارتفاع اسعار قطع غيارها
سعر اعادة البيع .. لا تعليق ..حرام عليك فلوسك .. انت مش بتلاقيها فى الارض .
صيانة العربية .. بره التوكيل كلها عك فى عك .. العربية فيها حساسات كثير ومشاكلها كثير بصراحة وشغلها مش احترافى كثير خارج التوكيل .. وفى التوكيل ربنا يقويك بقى على منصور اوبل .. واسعاره .. وعلى فكرة العربية برازيلى وليست المانى وحضرتك ممكن تتأكد من التوكيل .
تعليقى على الاوكتافيا .. البيز لاين فيها كل مواصفات الامان ولا تختلف عن الفئات الاخرى الا ترفيهيا برضه يعنى فتحة سقف وفرش جلد وحساسات ( بارك سينسور ) ورشاشات فوانيس وكلام من ده لكن الاسايات كلها لا تختلف من البيز لاين عن الهاى لاين فخلينا فى فئة اليز لايت سعرها بعد الخصم فى كل حتة موديل 2013 من 171 الى 172 الف .
عربية لا يعيبها الا بطئ تسارعها ومالكيها ومن يريدها حتى سوقيا .. الكل يتغاضى عن هذه المشكلة .. بخلاف ده لا مشاكل تقريبا ذكرت الا حالت فردية ... حظوظ بقى
سعر اعادة البيع ممتاز لثقة الناس فيها .. كماليات متوفرة داخل وخارج التوكيل وكلها اصلى ما فيش منها مضروب لحد دلوقتى واسعارها مناسبة مش رخيصة طبعا ومش غالية قوى تعجييز برضه .. توكيلها بصراحة كل الناس بتقول عليه محترم .
بالنسبة للشكل الجديد هو فعلا ها ينزل 2014 وعلى تحليل كل خبراء السيارت وفيه اكثر من مقالة ممكن تتطلع عليها سواء من المصريين ام من الاوربيين وخلافهم بيتوقعوا تغير الشكل والبقاء على المحرك والفتيس او تغيرها صف جديد من المحركات ولكن 1600 لان الاوكتافيا الرابيد نزلت 1400 تربو مع dsg .. وبكده الرابيد بتوفر البديل ده ومش ممكن الاوكتافيا العادية تنزل بنفس الموتور ونفس الفتيس .. امال هايبقى الفرق بينها وبين الرابيد ايه ..
الخلاصة انا ارى عمليا وسوقيا وماديا ..ان الاوكتافيا هى الاختيار الاصلح .. انت مش عارف بكره فيه ايه حرام تجيب الاسترا وتيجى يحصل ظروف لا قدر الله بعد سنة وتلاقى نفسك لازم تبيعا فتخسر نصف ما دفعت .. وفى الاخر الموضوع لك وربنا يوفقك الى ما فيه الخير لك

بامانه انت اكتر واحد رد عليا رد عملى مبنى على التكلفة و الموائمه بمعنى تانى انت رايك كيفنى لانه طمنى انى لو جبت الفانتازيا يبقى انا بحط فلوسى فى عربية كويسه و تعيش و فى نفس الوقت لو حبيت ابعها هلاقيلها زبون اما لو جبت استرا عربية حلوه بس مالهاش زبون فى مصرنا الحبيب و فى نفس الوقت منصور شيفرولية مظبطها و مظبطنا معاها
يبقى ان شاء الله انا هانزل يوم الخميس اللى اى و اتفرج عليها عن الاقصى او سمير ريان و يمكن كمان افاصل فى الفئة التانية مش الاولى بس لو لقيتها معديه لفوق هاضطر اسفا اجيب الفئة الاولى و ربنا يكرمنا ان شاء الله

[AHMED REFAT]

بامانه انت اكتر واحد رد عليا رد عملى مبنى على التكلفة و الموائمه بمعنى تانى انت رايك كيفنى لانه طمنى انى لو جبت الفانتازيا يبقى انا بحط فلوسى فى عربية كويسه و تعيش و فى نفس الوقت لو حبيت ابعها هلاقيلها زبون اما لو جبت استرا عربية حلوه بس مالهاش زبون فى مصرنا الحبيب و فى نفس الوقت منصور شيفرولية مظبطها و مظبطنا معاها
يبقى ان شاء الله انا هانزل يوم الخميس اللى اى و اتفرج عليها عن الاقصى او سمير ريان و يمكن كمان افاصل فى الفئة التانية مش الاولى بس لو لقيتها معديه لفوق هاضطر اسفا اجيب الفئة الاولى و ربنا يكرمنا ان شاء الله

على بركة الله .. بالتوفيق ان شاء الله .. وانا على يقين انك لم تندم على الاختيار .. وبرضه انا رايى خليك فى البيز لاين ووفر ال 15 الف انت اولى بيهم الدنيا بقت صعبة قوى .. وهى بتزيد حاجات بسيطة وغير مؤثرة تماما .. كماليات ترفيهية فقط .. اهم حاجة فى العربية مواصفات الامان و تعزيز الفرامل والثبات والبيز لاين بتوفر كل ده .. وربنا يوفقك الى ما فيه الخير لك ان شاء الله

[super_waves20]

انا بشكر كل الناس الى اتكلموا فى الموضوع دة بيدول على كل واحد بيحب يقول نصيحة حقيقية تسمحولى اقول رائى :
اولا :سوائل لية بتقولوا علشان لما نبيع هوه انتوا لسة اشتريتوا علشان تبيعوا (صاحب الشغل كان يملك سيارة مرسيدس ب800 الف جنية لما جة غير علشان يجيب موديل احدث باعها برخص التراب 380 الف جنية هوه مفرقش معاه علشان معاه فا انت لو مش معاك تجيب حاجة على قدك من كل حاجة
.... دى حاجة
ثانيا : على رئ المثل على قد لحافك مد رجليك يعنى عاوز تحط التحويشة الى معاك فى عربية ماشية على عجل مهش محصنة من الاخطار يبقى تجيب وخايف يبقى العملى انك تجيب حاجة متوجعكش قوى فى الفلوس يعنى هتقدر تصرف عليها وتكفيها مصريف ولا ايه؟ولا حد تانى هيصرفك
يبقى ما دام اخرك يبقى انسى بقى موضوع انهى احلى واجمل والكلام دة فلوسك تجبلك اية فى الى انت محتاجة ووبعد ما تجيب تعرف تكفيها مصريف ومتخدش من مصاريفك الشخصية .
يعنى لو الناس قالتلك فى موديل فيات 128 فيه تكنولوجيا الى انت عاوزها والثبات والعزم والتسارع وقطع الغيار والوكيل يبقى توكل على الله متحيرش نفسك
اهم حاجة تعمل الخطوة الاولى انك تفكر فى الشراء مش فى البيع .
برشحلك اوكتافيا
مع انى مش بحبها ومتحيز للاسترا فى حالت لو انا مش تفرق معايا حاجة واحدة بس
(سعر اعادت البيع)

[Gladiator2012]

انا بشكر كل الناس الى اتكلموا فى الموضوع دة بيدول على كل واحد بيحب يقول نصيحة حقيقية تسمحولى اقول رائى :
اولا :سوائل لية بتقولوا علشان لما نبيع هوه انتوا لسة اشتريتوا علشان تبيعوا (صاحب الشغل كان يملك سيارة مرسيدس ب800 الف جنية لما جة غير علشان يجيب موديل احدث باعها برخص التراب 380 الف جنية هوه مفرقش معاه علشان معاه فا انت لو مش معاك تجيب حاجة على قدك من كل حاجة
.... دى حاجة
ثانيا : على رئ المثل على قد لحافك مد رجليك يعنى عاوز تحط التحويشة الى معاك فى عربية ماشية على عجل مهش محصنة من الاخطار يبقى تجيب وخايف يبقى العملى انك تجيب حاجة متوجعكش قوى فى الفلوس يعنى هتقدر تصرف عليها وتكفيها مصريف ولا ايه؟ولا حد تانى هيصرفك
يبقى ما دام اخرك يبقى انسى بقى موضوع انهى احلى واجمل والكلام دة فلوسك تجبلك اية فى الى انت محتاجة ووبعد ما تجيب تعرف تكفيها مصريف ومتخدش من مصاريفك الشخصية .
يعنى لو الناس قالتلك فى موديل فيات 128 فيه تكنولوجيا الى انت عاوزها والثبات والعزم والتسارع وقطع الغيار والوكيل يبقى توكل على الله متحيرش نفسك
اهم حاجة تعمل الخطوة الاولى انك تفكر فى الشراء مش فى البيع .
برشحلك اوكتافيا
مع انى مش بحبها ومتحيز للاسترا فى حالت لو انا مش تفرق معايا حاجة واحدة بس
(سعر اعادت البيع)

سبب التحيز :)??

[medo2_0]

انا كنت محتار زى حضرتك وبعد البحث والتمعن نويت على الاسترا نظراً لانها ستكون معى لمدة طويله 6 او 7 سنين ان شاء الله

[mohammedrefaat]

انا كنت محتار زى حضرتك وبعد البحث والتمعن نويت على الاسترا نظراً لانها ستكون معى لمدة طويله 6 او 7 سنين ان شاء الله

بص يا باشتنا الاسترا حلوه مافيش كلام بس مع الوقت مشاكلها بتكتر و مصاريفها بتزيد يعنى انت مثلا فى ال6 او ال 7 سنين اللى انت ناوى تقعدها معاك فيهم ممكن تعمل كام كيلو على العداد و ساعتها هاتلاقى حد يشتريها منك و بكام و هاتقعد قد ايه تبيع فيها وبعدين من مظم الناس اللى معاه اوبل عموما قالى هى حلوه لغاية 200 الف كيلو بعد كده انت و حظك مع ان ابن عمى كان معاه اوبل فيكترا قالى انه معملهاش عمره غير بعد 470 الف بس ده كان باشا و صياناتها كلها وكيل و مكانش فارق معاه تصرف كام
و انا يابشا بقلك عن خبره انا معايا اوكتافيا a4 موديل 2003 و ماشيه زى الساعه بمشى بيها 200كم/ساعه و الله ماتحس بحاجه غير من عداد السرعه غير كده العربيه على الطريق ثابته زى الوتد فى الارض
و ارجع اقلك تغور اوبل علشان منصور بعد اللى سمعته عنه و عن معاملته و اسعاره الصراحه ارتوك اوتو ارحم منه و احسن منه فى المعامله و ارخص فى قطع الغيار و الصيانه و المواعيد

[mohammedrefaat]

انا بشكر كل الناس الى اتكلموا فى الموضوع دة بيدول على كل واحد بيحب يقول نصيحة حقيقية تسمحولى اقول رائى :
اولا :سوائل لية بتقولوا علشان لما نبيع هوه انتوا لسة اشتريتوا علشان تبيعوا (صاحب الشغل كان يملك سيارة مرسيدس ب800 الف جنية لما جة غير علشان يجيب موديل احدث باعها برخص التراب 380 الف جنية هوه مفرقش معاه علشان معاه فا انت لو مش معاك تجيب حاجة على قدك من كل حاجة
.... دى حاجة
ثانيا : على رئ المثل على قد لحافك مد رجليك يعنى عاوز تحط التحويشة الى معاك فى عربية ماشية على عجل مهش محصنة من الاخطار يبقى تجيب وخايف يبقى العملى انك تجيب حاجة متوجعكش قوى فى الفلوس يعنى هتقدر تصرف عليها وتكفيها مصريف ولا ايه؟ولا حد تانى هيصرفك
يبقى ما دام اخرك يبقى انسى بقى موضوع انهى احلى واجمل والكلام دة فلوسك تجبلك اية فى الى انت محتاجة ووبعد ما تجيب تعرف تكفيها مصريف ومتخدش من مصاريفك الشخصية .
يعنى لو الناس قالتلك فى موديل فيات 128 فيه تكنولوجيا الى انت عاوزها والثبات والعزم والتسارع وقطع الغيار والوكيل يبقى توكل على الله متحيرش نفسك
اهم حاجة تعمل الخطوة الاولى انك تفكر فى الشراء مش فى البيع .
برشحلك اوكتافيا
مع انى مش بحبها ومتحيز للاسترا فى حالت لو انا مش تفرق معايا حاجة واحدة بس
(سعر اعادت البيع)

سعادتك رايك على عينى و على راسى من فوق و له منى كل التقدير و الاحترام
بس مش كلنا زى صاحب الشركة بتاع سعادتك معاه فلوس مش عارف يوديها فين فابيبيع عربيه بالخسارة و يمكن هو سوقها كده او هو كان عاوز يخلص منها باى شكل لانها مش مريحاه نفسيا و ساعتها مش هاتبقى معاه الفلوس معاه الفلوس ( وده بالمناسبه بيبقى انت او انا او اى حد معاه او مش معاه )
بعد كده سعادتك انا بحط فلوس فى عربيه مش علشان هاسابق بيها انما انا هاقضى بيها مشاوير ( اروح الشغل - اجيب مراتى من عند اهلها - اخرج باليل مع اصحابى ) يعنى انا بصرف عليها علشان اوفر وقت و فلوس كنت هاصرفهم فى المواصلات مقابل كده لازم بعد كده لما ادور على البيع او التغيير يعنى على الاقل تكون القيمه اللى هاخسرها فى تمن العربيه مقاربه للقيمه اللى وفرتها على الاقل او و استفادتى طول الفتره اللى كانت معايا فيها العربيه اكتر من القيمة اللى هاخسرها
نيجى بقى لموضوع الشكل اكيد اكيد اكيد العربيه مش تمنها قليل يعنى جوال 171 - 172 الف بعد الخصم يعنى مبلغ برضو يبقى الواحد لازم يركب بيه عربيه شكلها حلو او على الاقل مرتاحلها و الناس شايفاه كويس مش لازم يكون احسن حاجه بس يكون كويس
فى الاخر انا متشكر جدا لترشيحك للاوكتافيا على الرغم من تحيزك للاسترا و ماعرفناش ليه انت متحيز او ليه انت مرشحلى الاوكتافيا على العموم انا متشكر لترشيحك الاوكتافيا للمرة التاني

[طارق _عبد السلام]

متابعكم فى الحوار الجميل وانا مش متحيز بس للفانتازيا
انا من عشاق الاوكتافيا
ومن ينتقد الفانتازيا اظن لم يقتنيها اساسا ويبنى انتقاده على اساس السمع وليس التجربه
العربيه امان وثبات وشكل حدث باستفاضه ولا حرج
وزى ماهى بتعرف تجرى اوى بردوا بتعرف تقف كويس جدا
وانا ركبت اكتر من عربيه وعن تجربه الفنتازيا الافضل على الاطلاق فى فئتها(تحيز بئى)

[medo2_0]

بص يا باشتنا الاسترا حلوه مافيش كلام بس مع الوقت مشاكلها بتكتر و مصاريفها بتزيد يعنى انت مثلا فى ال6 او ال 7 سنين اللى انت ناوى تقعدها معاك فيهم ممكن تعمل كام كيلو على العداد و ساعتها هاتلاقى حد يشتريها منك و بكام و هاتقعد قد ايه تبيع فيها وبعدين من مظم الناس اللى معاه اوبل عموما قالى هى حلوه لغاية 200 الف كيلو بعد كده انت و حظك مع ان ابن عمى كان معاه اوبل فيكترا قالى انه معملهاش عمره غير بعد 470 الف بس ده كان باشا و صياناتها كلها وكيل و مكانش فارق معاه تصرف كام
و انا يابشا بقلك عن خبره انا معايا اوكتافيا a4 موديل 2003 و ماشيه زى الساعه بمشى بيها 200كم/ساعه و الله ماتحس بحاجه غير من عداد السرعه غير كده العربيه على الطريق ثابته زى الوتد فى الارض
و ارجع اقلك تغور اوبل علشان منصور بعد اللى سمعته عنه و عن معاملته و اسعاره الصراحه ارتوك اوتو ارحم منه و احسن منه فى المعامله و ارخص فى قطع الغيار و الصيانه و المواعيد

بص ياباشا موضوع الـ200 الف ده مش منطقى وغير صحيح لان انا ابن عمى وعمى مع كل منهم حتى الان واحد اوبل كورسا 2005 والاخر اوبل فيكترا 2008 والاولى ماشيه 209 الف كيلوا والتانيه ماشيه 293 الف كيلوا ولاحظ ان الفيكترا اللى هي موديل احدث ماشيه اكتر عشان هو بتاع سفر ديماً ولكن مش ده موضوعنا نيجي بقى على موضوع ان العربيه شغاله زى الفل معاهم وكلمتهم سألتهم قبل ماأرد عليك عشان اعرف فيه حاجه مش باينه فى العربيه وتعتبر مشكله وكده وجاوبونى بالنفى...
نقطة اعادة البيع وان انا هدوخ على ما الاقى حد يشتريها اعتقد ان النقطه دى كانت عامل اساسى ليا عند الاختيار وكان اكتر سبب مخليني متردد ولكن فعلا الكلام ده لو انا نويت ابيع بعد سنه ولا اتنين هاحس بأنى خسرت كتير لاكن لو هتقعد معايا فتره كبير ومش هتتهان منى وانا مش من النوع اللى بيهين العربيه يبقى مفيش مشكله حتى لو خسرت مش هتبقى خساره قويه
نيجي للسكودا عشان اكون صريح معاك العربيه شكلاً وده طبعاً اذواق بس هو مش عاجبنى نهائى وعمرى مافكرت فيها لعدة اسباب هى مع صديق ليا بتاعة والده.. وركبتها اكتر من مره وهى موديل 2012 ايلجانس تقريباً كان جايبها بــ 215 او بــ 210 الف مش فاكر الصراحه بس هي فوق الــ 200 الف المهم العربيه من جوه بسم الله ما شاء الله جميلة وشيك والتكنولوجى بتاعته مش وحشه بس نيجي بقى للسحب والكلام ده العربيه تقيله جداً وعدد الاحصنه لايتناسب معاها نهائياً وغير كل ده ثباتها حلو بس مش لدرجه انها اعلى معدلات الثبات فى الفئه اللى بنتكلم عنها والسعر مبالغ فيه ل\رجه تخلى الواحد يشد فى شعره يعنى لو كانت الايلجانس هي اللى 175 الف كانت هتبقى 100 100... العربيه انا عمرى مافكرت فيها ولا هفكر اشتريها... وحتى لما نويت اغير كنت متردد بين القشقاى والكورولا والاسترا والسبورتاج.... وطبعا شلت السبورتاج والقشقاى من الحسبان عشان الاوفر برايس وعشان اخلى التجار يشبعوا بيها والكورولا لانها تفتقر العديد من الاشياء... وبالنسبه لموضوع قطع الغيار انا مش هقدر افتى فيه بس عاوز اعرف ايه اللى بيأكدلك ان السكودا ارخص فى قطع الغيار مش ممكن العكس او ممكن يكونوا متقاربين جداً ؟
واسف على المداخله

[mohammedrefaat]

بص ياباشا موضوع الـ200 الف ده مش منطقى وغير صحيح لان انا ابن عمى وعمى مع كل منهم حتى الان واحد اوبل كورسا 2005 والاخر اوبل فيكترا 2008 والاولى ماشيه 209 الف كيلوا والتانيه ماشيه 293 الف كيلوا ولاحظ ان الفيكترا اللى هي موديل احدث ماشيه اكتر عشان هو بتاع سفر ديماً ولكن مش ده موضوعنا نيجي بقى على موضوع ان العربيه شغاله زى الفل معاهم وكلمتهم سألتهم قبل ماأرد عليك عشان اعرف فيه حاجه مش باينه فى العربيه وتعتبر مشكله وكده وجاوبونى بالنفى...
نقطة اعادة البيع وان انا هدوخ على ما الاقى حد يشتريها اعتقد ان النقطه دى كانت عامل اساسى ليا عند الاختيار وكان اكتر سبب مخليني متردد ولكن فعلا الكلام ده لو انا نويت ابيع بعد سنه ولا اتنين هاحس بأنى خسرت كتير لاكن لو هتقعد معايا فتره كبير ومش هتتهان منى وانا مش من النوع اللى بيهين العربيه يبقى مفيش مشكله حتى لو خسرت مش هتبقى خساره قويه
نيجي للسكودا عشان اكون صريح معاك العربيه شكلاً وده طبعاً اذواق بس هو مش عاجبنى نهائى وعمرى مافكرت فيها لعدة اسباب هى مع صديق ليا بتاعة والده.. وركبتها اكتر من مره وهى موديل 2012 ايلجانس تقريباً كان جايبها بــ 215 او بــ 210 الف مش فاكر الصراحه بس هي فوق الــ 200 الف المهم العربيه من جوه بسم الله ما شاء الله جميلة وشيك والتكنولوجى بتاعته مش وحشه بس نيجي بقى للسحب والكلام ده العربيه تقيله جداً وعدد الاحصنه لايتناسب معاها نهائياً وغير كل ده ثباتها حلو بس مش لدرجه انها اعلى معدلات الثبات فى الفئه اللى بنتكلم عنها والسعر مبالغ فيه ل\رجه تخلى الواحد يشد فى شعره يعنى لو كانت الايلجانس هي اللى 175 الف كانت هتبقى 100 100... العربيه انا عمرى مافكرت فيها ولا هفكر اشتريها... وحتى لما نويت اغير كنت متردد بين القشقاى والكورولا والاسترا والسبورتاج.... وطبعا شلت السبورتاج والقشقاى من الحسبان عشان الاوفر برايس وعشان اخلى التجار يشبعوا بيها والكورولا لانها تفتقر العديد من الاشياء... وبالنسبه لموضوع قطع الغيار انا مش هقدر افتى فيه بس عاوز اعرف ايه اللى بيأكدلك ان السكودا ارخص فى قطع الغيار مش ممكن العكس او ممكن يكونوا متقاربين جداً ؟

واسف على المداخله

انا مش هقدر اتكلم عن اى حاجه من اللى قولتها سعادتك انا معاك ان سعرها غالي شويه و ماعرفش ليه اما بالنسبه للسحب الاوكتافيا سحبها زى الاسترا لان منصور كاتب انها بتجمع لغايه 100 كم فى 11.9 ثانيه مع انا بتجمع فى 13.5 ثانيه ثانيه منصور قايل انها 115 حصان مع انها 115 حصان عند ال6000 لفه يعنى اقصى استخدام للموتور اما بخصوص الresale فسعادتك ممكن تنزل سوق مدينة نصر و تشوف الاوبل اسعاره ايه هناك و الموديلات المعروضه ايه وسنة كام غير انى هارجع و اقول العربيه وكيلها منصور ( سمعه سيئة و ماعرفش الاسباب الصراحه) نيجى بقى لموضوع قطع الغيار ان حاليا معايا اوكتافيا a4 و انا شايف ان اسعار قطع غيارها مش غاليه و سالت على اسعار قطع غيار الفانتازيا برضو مش غاليه انا هارجع و اقلك انت عمرك ماهتجيب عربيه زى الاسترا او الفانتازيا و مش هاتامن عليها اول سنه او اول سنتين على الاقل يبقى نرجع لمعامله الوكيل السيئة